Brittanje vereer weer eens ANC

Zanele Mbeki het saam met die sekretaris van Justisie, Jack Straw, en ander eregaste die onthulling van die borsbeeld in ‘n park in Muswell Hill bygewoon. ‘n Bronsplaat is ook voor sy huis aangebring. Die beeld is deur beeldhouer Ian Walter, wat ook verantwoordelik was vir die standbeeld van Nelson Mandela, geskep. Die yslike standbeeld van Mandela staan oorkant die Britse parlement.

Tambo is in 1993 oorlede. Straw het by die geleentheid gesê dat sy nalatenskap nie net in die skepping van ‘n "vooruitstrewende en vry Suid-Afrika" was nie, maar ook dat hy "hoop gebring het regoor die wêreld vir mense wat teen onderdrukkende diktatorskap stry". Gordon Brown het in ‘n boodskap ook hulde gebring aan Tambo se demokratiese en nie-rassige visie wat as inspirasie dien vir miljoene mense in die wêreld.

Mandela het in ‘n verklaring gesê dat sy grootste vriend en "comrade" ook ‘n "onbetwiste leier" was gedurende die land se moeilike jare. Die borsbeeld in Haringey het ook ‘n ander verwantskap met Suid-Afrika. Die skool in Wattville waar Tambo gewoon het, is aangewys as die skool in Haringey se tweelinginstelling.