Internasionale nuus – Bladsy 82

Galileo in sy wentelbaan

Die Europese Unie het uiteindelik hulle teenvoeter teen die Amerikaanse Globale Posisioneringstelsel of die sogenaamde GPS, die Galileo, die ruimte in gestuur.

Die eksperimentele satelliet, die Giove-B, is in sy wentelbaan geplaas deur ‘n Sojusvuurpyl wat in Kazakhstan gelanseer is oor die naweek. Toetse op ‘n hoë-presisie atomiese horlosie en ‘n driedubbelenavigasiekanaalsinjaal sal uitgevoer word.

‘n EU-transportkommisaris by die Fucinobeheersentrum in Italië het gesê die stelsel sal teen 2013 in werking tree.

Gelyksoortige projekte word in Rusland en China beplan.

Kritici het die projek al afgemaak as te duur, maar die EU sê dat dit duisende werksgeleenthede en onafhanklikheid van die VSA sal verseker.

Stadsmynbou

Moenie daardie ou selfoon sommer weggooi nie. Jy kan dit myn vir goud, silwer, koper en verskeie ander metale wat in elektronika gebruik word. Met sommige metaalpryse wat rekordvlakke bereik het, kan jy dalk ook ryk word.

Dit word stadsmynbou of urban mining genoem as ou elektroniese produkte gemyn word vir metale soos goud en iridium. Die edelmetale word dan gesmelt en verkoop.

‘n Ton erts van ‘n goudmyn lewer net 5g goud terwyl ‘n ton ou selfone 150g of meer bevat, volgens ‘n Japanese herwinningsfirma Yokohama Metal.

Dieselfde volume bevat onder meer ongeveer 100kg koper en 3kg silwer.

topcargo

Truck Nutz moet waai

Die gewraakte item

Wetgewers in die Amerikaanse deelstaat Florida het gestem om nagemaakte bultestikels wat agter aan bakkies en motors swaai, te verbied.

Republikeinse Senator Cary Baker dink dat die items aanstoot gee en het die verbod voorgestel. Motoriste sal beboet word indien hulle handelsmerke wat bekend staan as Truck Nutz vertoon.

In ‘n lewendige sessie wat met tersluikse verwysings besaai is, het Florida se wetgewers die kwessie van vryheid van uitdrukking in die keuse van motortoebehore gedebatteer.

Kritci van die verbod het die Republikeine se voorsitter vir Senaatsreëls ingesluit. Sy bakkie is opgemerk met die swaaiende item totdat sy vrou dit raakgesien en gekla het.

Pjongjang verwelkom Olimpiese fakkel

Noord-Koreane het gister die Olimpiese fakkel met ope arms verwelkom en feestelike optogte gehou om hul lojaliteit aan China te betoon. Mense het in die strate van die hoofstad Pjongjang gedans op die maat van militêre musiek en almal het plastiekblomme rondgewaai.

In teenstelling moes die hoofstad van Suid-Korea, Seoel, die vorige dag ‘n gewelddadige pro-Beijing betoging trotseer toe Chinese studente plaaslike inwoners die harnas in gejaag het.

Duisende Chinese studente is van oral oor Suid-Korea ingebus terwyl hulle Chinese vlae en baniere rondgeswaai het. Vele Suid-Koreane het die optog met uiterste misnoeë gadegeslaan.

Daar was geen veilgheidsmaatreëls nodig om die fakkel in Noord-Korea te vertoon nie. Die Noorde sluit egter enige teenstanders op of laat hulle teregstel volgens menseregtegroepe.

Die fakkel reis volgende na Viëtnam en daarna na Hong Kong.

освещение потолка на топкарго отзыв

VSA s? Suid-Afrika moet invloed op Zim gebruik

Suid-Afrika het ‘n beter verhouding met Zimbabwe as enige ander land en behoort sy invloed te gebruik, sê die Verenigde State.

‘n Segsman vir die departement van buitelandse sake, Sean McCormack, het verslaggewers toegespreek.

Hy sê Suid-Afrika moet sy hefboomkrag in die situasie gebruik om ‘n verdere verslegting in die politiese dooiepunt te voorkom.

Terselfdertyd het die MDC-leier, Morgan Tsvangirai, die Verenigde Nasies versoek om ‘n spesiale gesant na Zimbabwe aan te stel om na-verkiesingsgeweld deur die Mugabe-regering te ondersoek.

Die Verenigde Nasies het nie ‘n mening gewaag oor of die Suid-Afrikaanse president enige verdere rol as ‘n bemiddelaar in die krisis kan speel nie.

Sierra Leoners bitter

Die stemming in Sierra Leone is nie feestelik nie, maar bitter. Mense vind dit al hoe moeiliker om kos op die tafel te sit terwyl die land voorberei vir sy 47ste onafhanklikheidsvieringe.

Die hoofdis vir die meeste Sierre Leoners is rys wat die afgelope twee maande verdubbel het in prys.

Hulle moet nou klaarkom met patats, broodwortel en kassava. Mense glo dat opstande onvermydelik gaan word as die regering nie spoedig optree nie.

Die regering wil plaaslike rysproduksie aanmoedig om die land se afhanklikheid van duur invoere te verminder.

Die hoë koste verbonde aan die aanhou van beeste het veroorsaak dat vleispryse ook die hoogte in geskiet het.

‘n Gewone werker het hierdie week aan die media gesê dat hy vroeg soggens sy huis verlaat om sy honger kinders te vermy.

Данильченко Харьков

Penisdiewe veroorsaak paniek in Kinshasa

Die polisie in Kinshasa, die hoofstad van die Kongo, het dertien vermeende toordokters gearresteer wat daarvan beskuldig word dat hulle mans se penisse laat krimp of verdwyn het. Die polisie moes skares tot bedaring bring wat die toordokters wou ophang.

Gerugte van penisdiefstal het verlede week begin loop in die hoofstad van die Demokratiese Republiek van die Kongo met sy agt miljoen inwoners. Radiostasies het die gerugte uitgesaai en inbellers het mense gewaarsku om versigtig te wees vir passasiers in taxi’s met goue ringe.

Slagoffers van penisdiefstal, waarvan die polisie insgelyks veertien in hegtenis geneem het, beweer dat toordokters hulle aangeraak het om hul penisse te laat krimp of verdwyn.

Die polisie het sowel toordokters as hul slagoffers in hegtenis geneem om bloedvergieting te voorkom. In soortgelyke voorvalle tien jaar gelede in Ghana is twaalf vermeende penisdiewe deur woedende skares doodgeslaan. Alain Kalala, wat selfoonlugtyd naby ‘n polisiestasie in Kinshasa verkoop, sê die gevaar is werklik. Hy het ‘n slagoffer gesien. Wat oor was, was klein, sê hy.

базальт для бани цена

Kommer met ru-olie op pad na $120

Daar heers wye internasionale kommer terwyl ru-olie nader kruip na $120 per vat. Volgens ontleders het die verswakkende Amerikaanse dollar, produksieprobleme in Nigerië en die Opul-lande se onwilligheid om meer olie te produseer tot die prysstyging bygedra.

Gisteraand het die termynkontrak vir Mei by die New York Mercantile Exchange op ‘n record van $119,37 per vat gesluit. Gedurende die dag het die prys selfs $119,90 behaal.

Die petroleumminister van Saoedi-Arabië, Ali al-Naimi, het ‘n beroep op kalmte gedoen. Volgens hom gaan die wêreld se olie nie opraak nie.

Clinton wen in Pennsilwani

Tot Hillary Clinton se verligting, het sy die nominasiestryd in die deelstaat Pennsilwanië gewen, hoofsaaklik danksy blanke kiesers en veral werkersklaskiesers. Aan die ander kant het nege uit tien swart kiesers vir Barack Obama gestem, wat aantoon dat Afro-Amerikaners bankvas agter hom staan.

Vyf-en-sestig persent van blanke vroue in die Pennsilwanië se Demokratiese Party het vir haar gestem en vyf-en-vyftig persent van blanke mans.

Hoewel Obama tans steeds ‘n kortkop voor Clinton in die nominasiestryd loop, veroorsaak hy meer verdeeldheid in die party. Vyf-en-dertig persent van Demokratiese kiesers sou ontevrede wees as hy wen, teenoor vyf-en-twintig persent wat met ‘n Clinton-wen ontevrede sou wees.

online casino bonus топкарго кидалы

Nobelpryswenner waarsku dat wateroorlo? kom

Nobelpryswenner Rajendra K Pachauri, wat die prys met Al Gore gedeel het verlede jaar, het gesê dat ryk lande hulle uitset van kweekhuisgasse behoort te verminder.

Die Indiese wetenskaplike het gewaarsku dat klimaatsverandering in Afrika ‘n gebrek aan voedsel en water kan meebring, woestynlandskappe kan skep en ongewone vloede tot gevolg kan hê.

Klimaatsverandering in Afrika kan maklik 250 miljoen mense sonder water laat teen 2020.

Hy het gesê dat geen water beteken dat die bedreiging van konflik en kompetisie aansienlik kan toeneem vir skaars hulpbronne en al hierdie kwessies is onversoenbaar met goeie regering.

Navorsing toon dat tussen 75 miljoen en 250 miljoen mense in Afrika kan ly aan waterskaarste as gevolg van klimaatsverandering.

real money slot

Clinton sukkel

Hillary Clinton moet met 10 persentasie punte of meer wen in die Pensilwanië-uitklopverkiesing om die Demokratiese leierskap daarvan te oortuig dat sy in die resies moet bly.

Barack Obama het toegegee dat hy nie vandag se verkiesing kan wen nie, maar hy is reeds byna verseker van ‘n oorwinning oor die breër front.

Hy het gesê dat hy ‘n kop-aan-kop uitslag verwag en dat hybaie beter gaan dioen as wat mense verwag.

Albei kandidate het energiek probeer om stemme te werf oor die hele deelstaat om hulle kanse te verbeter. Die groter Philidelphia-area is die tuiste van 40% van die deelstaat se Demokratiese kiesers.

Clinton se befondsing raak al hoe meer agter Obama s’n en haar ongelooflike skuld van $10 miljoen laat vrae ontstaan oor haar vermoë om in die stryd te kan bly.

topcargo отзывы

E-pos die beste manier om vriende te maak

Volgens ‘n studie in Japan is e-pos die beste manier om vriende te maak en jou sosiale kring uit te brei. Sosiale netwerkwebwerwe soos Facebook speel ook ‘n rol om mens se kennisse en vriende uit te brei, maar e-pos bly die doeltreffendste.

Anders as ‘n sms, bevat ‘n e-pos genoeg inligting om die ys te breek tussen mense wat mekaar glad nie ken nie. Wanneer sosiale verhoudinge eers gevorm is, kan die kort, diskrete sms egter ‘n manier wees om dit lewendig te hou.

Of die Japannese studie egter van toepassing is op Suid-Afrika, is ‘n ope vraag. In Japan gebruik sewentig persent van die bevolking die internet, terwyl slegs tien persent van Suid-Afrikaners aanlyn verkeer. Wat uiteindelik tel, is ook hoe goed mense hul adresboek van kontakte bestuur.

Aanlynadvertensie vir Viagra onaanvaarbaar

Die Voedsel en Medisyne-administrasie van die VSA het gister verklaar dat ‘n video-advertensie op CNN.com vir Viagra die agentskap se reklamereëls oortree.

In ‘n aanmaning wat op 16 April uitgestuur is, sê die agentskap dat die video-advertensie nie enige risiko-inligting betreffende Viagra bevat nie. Daarom word Viagra as veiliger voorgestel as wat dit werklik is, meen die agentskap.

Tydens die 30-sekonde-video word ‘n groep mans in ‘n Nashville-ateljee getoon wat musiekinstrumente speel en ‘n liedjie getitel Viva Viagra sing. Agterna is daar ‘n stem wat mense vertel om met hul dokter oor Viagra te gesels.

Die vervaardiger, Pfizer, het intussen verklaar dat veiligheidsinligting wat in ‘n banier onderaan die video vervat is, weens ‘n tegniese fout nie vertoon is nie.

лобановский обыск

Ban Ki-moon s? Suider-Afrika sal nie ontwikkelingsdoelwitte haal nie

Die VN se sekretaris-generaal Ban Ki-moon het Maandag sy twyfel uitgespreek of Suider-Afrika hul ontwikkelingsdoelwitte om uiterste armoede teen 2015 uit te wis, sal haal.

Ondanks ‘n ekonomiese oplewing danksy hoë kommoditeitspryse, is baie lande besig om agter te raak.

Ban het ‘n VN-konferensie oor Handel en ontwikkeling in Akkra, Ghana, toegespreek waar hy gesê het dat nie ‘n enkele land die Millenium Ontwikkelingsdoelwitte sal haal teen 2015 nie.

Stygende voedselpryse is deels die probleem. Hy het gesê dat vrye handel in lanbouprodukte alle lande ter wêreld sal bevoordeel.

Die Milleniumdoelwitte vra dat uiterste armoede teen 2015 met die helfte verminder sal word.

Hy het internasionale skenkers gevra om hulle beloftes na te kom.

игры длядєвочєк