Internasionale nuus – Bladsy 8

Franse swembad verbied ‘boerkini’

‘n Boerkini

'n Franse openbare swembad in 'n voorstad van Parys, Emerainville, het 'n Moslemvrou in 'n "boerkini" verbied om daar te swem.

Franse wetmakers, 32 van hulle, is tans besig om te oorweeg of die boerka, die allesbedekkende kledingstuk wat deur Moslemvroue gedra word, verbied behoort te word of nie nadat president Nicolas Sarkozy vroeër gesê het dit is "nie welkom" in sekulêre Frankryk nie.

Amptenare van die Emerainvilleswembad sê hulle het die vrou in Julie toegelaat om te swem met haar "boerkini", 'n soort swempak met lang moue en bene en 'n kopmasker.

Toe sy egter in Augustus terugkeer, is sy aangesê om die swembad te verlaat aangesien haar kledingstuk nie "higiënies" is nie. Daniel Guillaume, swembadopsigter, sê die personeel het haar herinner dat "dit by alle (openbare) baddens verbode is om met klere te swem".

Die Franse dagblad, Le Parisien, sê die vrou net bekend as Carole, is 'n wit Franse bekeerling tot Islam en dat sy vasberade is om die beslissing in die howe te laat toets.

"Dit is doodeenvoudig segregasie," het sy aan die koerant gesê. Sy het haar "boerkini" tydens 'n onlangse vakansie in Doebaai aangekoop. "Ek het gedink ek kan swem geniet sonder om myself te ontbloot."

Plaaslike burgemeester Alain Kelyor sê dit het "niks met Islam te make nie," en dit is geen Moslemswempak nie want dit bestaan nie in die heilige Koran nie.

'n Kommunistiese parlementslid, Alain Gerin, het die swembadbestuur geloof vir hulle besluit en gesê die vrou se optrede is die bewys dat daar 'n politieke agenda agter die kledingstuk skuil.

продвижение топкарго развод

VSA se man in Afghanistan koop fluks stemme

Die Britse koerant, The Times, het met verskeie ooggetuies gepraat wat bevestig het dat die Amerikaansondersteunde kandidaat in die komende verkiesing in Afghanistan, dienende president Hamid Karzai, besig is om stemme te koop in die suide van die land.

Die suide is tradisioneel die president se magsbasis. Die ongerymdhede kan daartoe lei dat die verkiesing se legitimiteit ernstige skade ly en opstande in die noorde van die land veroorsaak

Verskeie stamhoofde en plaaslike inwoners in die Helmandprovinsie het verslag gedoen van 'n sistematiese en uitgebreide proses van stemkopery.

Een stamhoof in die Marjadistrik in Helmand sê die korrupsie word deur Karzai se familie en stambondgenote georganiseer. 'n Vorige goewerneur van Helmand is glo aktief betrokke by die koop van stemme.

Die stamhoof het getuig dat hy self die stemme in ruil vir vergoeding invorder. Hy wou nie sy naam bekend maak nie. Karzai se vertrouelinge is voorheen daarvan beskuldig dat hulle ook saamwerk met Westerse amptenare in dwelmhandel.

Diegene wat nie harde kontant ontvang vir hulle stemme nie, kry selfoonkaarte in ruil daarvoor.

Alhoewel die Britse weermag in Helmand benadruk het dat 90% van die provinsie se inwoners toegang tot stemlokale sal hê, is daar geen regeringsteenwoordigheid in vyf van die dertien distrikte van Helmand nie.

Inwoners sê hulle glo almal sal stemme in ruil vir kontante gee omdat die mense so arm is.

Alex Strick van Linschoten, 'n navorser in Afghanistan, sê in Zarai, Panjwai en Maiwand, neem selfs die plaaslike polisie ook deel aan die stemkopery.

Die Onafhanklike Verkiesingsowerheid in Afghanistan sê alhoewel daar 160 000 toesighouers sal wees, is dit om veiligheidsredes nie moontlik om alle stemlokale te dek nie. Westerse waarnemers het ook bevestig dat toesighouding nie voldoende sal wees nie.

лобановский класс

Tutu met hoogste Amerikaanse toekenning vereer

President Barack Obama het die VSA se hoogste burgerlike toekenning aan 16 "agente van verandering" oorhandig. Ontvangers van die Medal of Freedom sluit Aartsbiskop Desmond Tutu, Stephen Hawking, Moehamed Yunus van Bangladesh en voormalige Ierse president Mary Robinson in.

'n Withuisverklaring oor die keuse van Tutu, verwys na sy "onblusbare toewyding aan geregtigheid, ewige optimisme en onmiskenbare sin vir humor". Die aartsbiskop het, volgens die Withuis, "die wêreld se gewete vir dekades geroer" en "gehelp om Suid-Afrika deur 'n draaipunt in die moderne geskiedenis te lei".

Obama het Tutu vir sy "oeboentoe" geloof, 'n woord waaran die Amerikaanse president kennelik groot waarde heg.

Tutu het 'n belangrike rol gespeel om die wit minderheidsregering in Suid-Afrika tot 'n val te bring.

Die Withuis het Hawking geloof vir sy "volgehoue soeke na kennis" ten spyte van sy liggaamlike terugslae. Hy het "bygedra tot die grootste wetenskaplike ontdekkings van ons tyd".

Yunus is uitgesonder omdat hy baanbrekerswerk verrig het tov mikrofinansiering vir die wêreld se armes en Robinson vir haar morele stryd teen diskriminasie en lyding. Die Withuis het haar as 'n "kragtige voorstander van gelykheid en menseregte regoor die wêreld" beskryf.

Van die Amerikaners wat die toekenning ontvang het is Sen. Edward M. Kennedy en swart filmster Sidney Poitier. "Wat hulle deel is 'n geloof dat ons lewens is wat ons daarvan maak, dat geen rassegrense, geslag of fisieke gestremdhede die menslike gees kan terughou nie en dat die grootste toetes vir 'n mens se lewe is wat ons vir ander doen," het Obama tydens die toekenningseremonie gesê.

President Harry S. Truman het die Medal of Freedom ingestel in 1945 om burgerlikes te vereer vir uitstaande diens tydens die Tweede Wêreldoorlog.

President John F. Kennedy het die toekenning in 1963 heringestel om voortreflike diens te beloon.

прожектор 100 Фільчаков прокурор

Derde varkgriepsterfgeval in SA

Varkgriepvirusse onder die mikroskoop

Die Nasionale instituut vir oordraagbare siektes het gister die land se derde H1N1-griepgeval, wat algemeen as varkgriep bekendstaan, bevestig.

"Daar was tot dusver drie varkgriepsterftes in die land. Ek gaan nie die pasiënte se name noem nie, maar die derde geval was die man uit die Wes-Kaap wat verlede week dood is," het die NIOS se dr. Lucille Blumberg gesê.

Die land se eerste gerappporteerde H1N1-slagoffer was die 22-jarige student aan die Universiteit van Stellenbosch, Ruan Muller, waaroor vroeg verlede week berig is.

Die tweede varkgriepsterfgeval was dié van 'n 15-jaaroue tiener van Bloemfontein wat eers Saterdag bevestig is.

Meer as 1 000 infeksies is tot dusver in die land opgeteken.

tennis first

Gedwonge integrasie vir New York-voorstad

Westchester County in New York, 'n voorstad wat hoofsaaklik deur blankes bewoon word, het geswig onder druk om gedwonge rasse-integrasie te begin toepas. Die voorstad se munisipaliteit is deur 'n Anti-diskriminasiesentrum gedagvaar om gesubsidieerde behuising vir swartes en Spaanssprekende kleurlinge te verskaf.

In terme van 'n skikkingsooreenkoms gaan die blanke gemeenskap van Westchester meer as $50 miljoen (ongeveer R400 miljoen) van sy eie geld, asook addisionele fondse, bestee om 750 huise of woonstelle te bou waarvan 630 aan swartes en Spaanssprekende kleurlinge beskikbaar gestel moet word. Die 120 ander wooneenhede sal aan ander kriteria moet voldoen sover dit koste en rassesamestelling betref.

Die woongebied, een van die rykste in die VSA, het sewe jaar om aan die eise vir laekostebehuising te voldoen.

Ron Sims, die Amerikaanse adjunksekretaris vir behuising en stedelike ontwikkeling, sê: "Dit hang saam met die president (Obama) se wens om 'n samelewing te sien wat ten volle geïntegreerd is. Tot nou toe het ons Gods water oor Gods akker laat loop. Hierdie is 'n geskiedkundige gebeurtenis, want ons gaan mense nou begin dwing om iets te doen."

Die hoof van die Anti-diskriminasiesentrum, wat in New York gebaseer is, het sy tevredenheid met die ooreenkoms uitgespreek. Volgens mnr. Craig Gurian, "is woningsapartheid die grondslag vir elke vorm van rasseverskil in Amerika, van opvoeding tot werk tot die lewering van gesondheidsorg".

'n "Federale toesighouer", mnr. James E. Johnson, is aangestel om te sorg dat Westchester County die integrasie-ooreenkoms nakom. Gegewe die feit dat 12 000 hektaar grond in die voorstad aan vereistes vir bouwerk voldoen, sal "die toesighouer geen probleme ondervind om te sorg dat Westchester se beleid om bekostigbare behuising uit die mees blanke buurte te hou, beëindig word nie," het Gurian voorts gesê.

полиграф защита

Mona Lisa kry beker in die gesig

Die Mona Lisa deur Leonardo da Vinci

‘n Russiese besoeker aan die Louvre Museum het ‘n leë gebaktekleibeker na die Mona Lisa gegooi.

‘n Woordvoerder van die museum het bevestig dat die Da Vinci-meesterstuk niks in verlede week se aanval oorgekom het nie, alhoewel die beker in stukke gebreek het.

Hy het Dinsdag gesê dat klein krake op die glas wat die portret beskerm begin vorm het, maar dit sal binnekort reggemaak word.

Die portret se veiligheidsalarm het dadelik afgegaan en die polisie het ‘n vrou weggelei terwyl ander bewonderaars voortgegaan het om die pragstuk te bekyk.

Die polisie in Parys het bevestig dat die vrou na ‘n psigiatriese inrigting geneem is, maar wou nie bekend maak wie sy is en wat die rede vir die voorval was nie.

люстры

Nog ‘n lugramp

Al 13 mense wat aan boord ‘n passasiersvliegtuig wat Dinsdag in Papoea-Nieu-Guinee vermis geraak het, is dood.

Amptenare van Papoea-Nieu-Guinee het Australië se minister van buitelandse sake, Stephen Smith, ingelig dat geen oorlewendes by die wrak van die vliegtuig gevind is nie.

Die vliegtuig is vroeg Woensdagoggend in die Kokoda-streek van Papoea-Nieu-Guinee gevind, ná dit Dinsdagoggend vermis geraak.

Daar was 11 passasiers en twee bemanningslede aan boord die vliegtuig wat vanaf die hoofstad, Port Moresby, na die afgeleë streek van Kokoda op pad was.

jackpot euro

Joodse sameswering in De Telegraaf blootgel

'n Nederlandse joernalis van De Telegraaf, een van Nederland se grootste dagblaaie, het die uitbraak van die voëlgrieppandemie, die virus H5N1, toegeskryf aan 'n internasionele sameswering om die wêreld se bevolking te verminder.

Désirée Röver, 61, het verlede week in 'n onderhoud gesê die sameswering kan teruggevoer word na 'n groep afstammelinge van die Khazare. Dié groep uit die Kaukasus is glo 1 200 jaar gelede tot Judaïsme bekeer.

De Telegraaf haal haar aan waar sy beweer die afstammelinge van die groep aanbid nou 'n ander god, naamlik Lucifer of Satan, "ook bekend as Rockefeller, Rothschild, Brezinski en Kissinger".

Ronny Naftaniel, hoof van 'n anti-Semitiese waghondorganisasie Center for Information and Documentation on Israel (CIDI), sê die vrou is nie "te lekker in die kop nie". Dit is die eerste keer dat hy Röver sulke dinge hoor sê.

Hy het aan die Israelse koerant Haaretz gesê stories oor Jode wat siekte versprei, is niks nuut nie en sulke gebare van ant-Semitisme is al duisende jare oud.

CIDI gaan die moontlikheid van 'n klag teen Röver ondersoek. Anti-semitisme is in terme van Nederlandse wetgewing strafbaar.

полиграф купить цена Фильчаков

Obama se eie, duur en eensame oorlog

'n Senior Amerikaanse militêre raadgewer, James Jones, sê indien Barack Obama vir bykomende troepe na Afghanistan gevra word, gaan dit vir 'n "WTF" oomblik sorg. WTF is Pentagon-slêng vir “whisky tango foxtrot” en is die afkorting vir “What the fuck?”

Daar is reeds 21 000 ekstra troepe na Afghanistan ingestem wat die totale teenwoordigheid op 68 000 te staan bring en nog bykomende soldate gaan 'n kopseer vir die president wees omdat hy reeds sukkel met die VSA se fiskale tekort.

Maar dit gaan baie moeilik wees om die versoek vir meer soldate af te keur. Generaal McChrystal, die nuwe bevelvoerder in Afghanistan, gaan waarskynlik vir 10 000 ekstra soldate vra. Daar is selfs gerugte dat hy 20 000 of 30 000 kan versoek.

Hy geniet daarbenewens die ondersteuning van David Petraeus, hoof van die Sentrale Bevel. Militêre kenners is oor die algemeen van mening dat die verhouding tussen die bevolking en die aantal soldate nie hoog genoeg is nie. Teen die huidige tempo sal dit tussen 12 en 14 jaar neem om sukses te behaal.

Maar meer soldate beteken hoër kostes en die dodetal is besig om drasties toe te neem met die "skoonmaak, hou en bou" strategie van die VSA wat uitbeweeg en versprei na kleiner dorpies.

Die groeiende aantal sterftes kan 'n ernstige terugslag vir Obama inhou. Hy hou reeds die oorlog daar voor as een van "noodsaak" teen Al Kaida, terwyl die oorlog in Irak as een van "keuse" voorgestel word en daarom beëindig is.

Na afloop van volgende week se verkiesing in Afghanistan gaan die koalisietroepe, waaronder Brittanje, begin huiswaarts keer en Amerika met die gebakte pere laat omdat die hoogs oneffektiewe Hamid Karzai waarskynlik as leier gaan aanbly.

Dit is lankal nie meer Bush se oordeelfoute waarop Obama kan staatmaak wat Afghanistan betref nie. Dit is nou Obama se eie persoonlike oorlog en dit gaan toenemend sy eensame stryd in die wêreld word soos wat die VSA geïsoleer raak.

001-гс/у

Tifoon eis 600 in Taiwan

Tot 600 mense is die naweek hier in die dorpie Sjiao Lin in ’n modderstorting begrawe wat deur die tifoon Morakot veroorsaak is.

Morakot het daartoe gelei dat ongeveer 2 m reën oor die naweek geval het voordat dit na China toe aanbeweeg het.

Die hewige reënval het ook gepaardgegaan met winde van tot 119 km/h.

Byna 1 miljoen mense aan die China se ooskus moes hul huise verlaat en ten minste ses mense is dood. Tifoon Morakot het vroeër die Filippyne getref waartydens 22 mense dood is.

Volgens ’n Taiwanse polisiewoordvoerder is 100 mense reeds met militêre helikopters uit die modder gered, maar ongeveer 400 mense is nog vermis.

Een van die mense wat gered is, Lin Tsjien-Sjoeng, het aan die media gesê dat hy glo byna 600 mense is nog vasgekeer.

“Die modderstorting het ’n groot deel van die dorpie, waaronder laerskole en huise, getref. ’n Groot deel van die berg het net bo-op ons geval,” het Tsjien-Sjoeng gesê.

Die dorpie was teen gisteraand nog afgesny van die buitewêreld nadat die modderstorting ook ’n brug wat toegang na die dorpie verleen het, verwoes het. Helikopters is gebruik om die dorpie te bereik.

Die dodetal vir Morakot staan tans op 14. Nog 51 mense, buiten dié in Sjiao Lin, is nog vermis.

Vier mense is ook dood in Zhejiang en een in onderskeidelik Foejian en Jiangxi. Inwoners van Zhejiang het per fiets gery om water en noedels vir inwoners te neem wat deur die ramp gestrand is.

Tifoon Etau het ook gister die westelike kus van Japan getref. Tot dusver is 12 mense dood en 12 ander nog vermis

free mobile online

Asiese bedreiging in Afrika oordryf s? Chatham House

Westerse vrese oor groeiende belangstelling uit Asië in Afrika se oliereserwes, is heeltemal oordrewe het Chatham House, 'n Britse dinkskrum, Maandag in 'n verslag gesê.

"Ten spyte van vrese wat in Westerse hoofstede uitgespreek word oor die oorname van Asië in Nigerië en Angola se oliesektore, is die werklikheid anders," het Chatham House in hulle studie bevind.

"Die vrese is uiters oordrewe," sê die dinkskrum wat in internasionale betrekkinge spesialiseer. Nigerië en Angola is Afrika se twee grootste olieprodusente.

Die teenwoordigheid van Asië is maar van onlangs en Westerse olieswaargewigte het 'n groot voorsprong bo hulle nuwe mededingers.

"Hulle domineer produksie en hou die meerderheid reserwes" in Angola asook Nigerië. Die verslag het ook lig gewerp op die groeiende kompetisie tussen China en Indië in dië twee Afrikalande en tussen rolspelers in Asië oor die algemeen.

Die Londense dinkskrum het ook die idee dat Afrika kwesbaar is vir Asiese uitbuiting, afgemaak.

"Nie Nigerië of Angola het verhoudinge met Asiese lande wat die stereotipe van swak Afrikastate pas wat wreed uitgebuit word deur grondstofhonger Asiese tiere nie," het Chatham House gesê.

double casino games

Clinton vererg haar bloedig vir student

Hillary Clinton het haarself Maandag bloedig in die openbaar vererg toe 'n student haar om haar eggenoot se mening gevra het.

By 'n openbare forum vir jongmense in Kinshasa het 'n student die mikrofoon geneem om te vra wat Bill Clinton dink van China en die Wêreldbank se betrokkenheid by die DRK. "Wat dink mnr Clinton daarvan?" het hy gevra tot die gehoor se verbasing.

Clinton het met 'n harde stem geantwoord "Wil jy weet wat my man dink?

"My man is nie die minister van buitelandse sake nie, ek is. As jy my mening wil hoor, sal ek my mening gee. Ek gaan nie my man raadpleeg nie."

Bill Clinton, Hillary se man, was president van die VSA tussen 1993 en 2001. Sy het verledejaar die benoemingstryd teen Obama om Amerika se eerste vroulike president te word, naelskraap verloor.

Bill Clinton het tot dusver probeer om uit sy vrou se kalklig te bly, maar het nietemin verlede week na Noord-Korea gereis om die vrylating van twee Amerikaanse joernaliste wat daar aangehou word, te onderhandel.

Voormalige president Clinton het nie sy vrou vergesel op haar Afrikatoer van sewe lande nie, alhoewel hy aktief bedrywig is met die bevordering van ontwikkeling van die kontinent.

Hillary Clinton het vroueregte een van die hoofprioriteite van haar besoek gemaak. Sy sal Dinsdag na Goma reis om die slagoffers van stygende seksuele geweld in die DRK te ontmoet.

Clinton het gesê sy sal president Laurent Kabila onder druk plaas om die lede van sy weermag wat vir massaverkragtings verantwoordelik is, aan die pen te laat ry.

"Ons is nou in die 21ste eeu. Dit is nie meer aanvaarbaar dat daar geweld teen vroue tuis of in die gemeenskap is nie," het sy aan die studenbte gesê.

"Mense moet daarteen saamstaan. Ek hoop daar sal 'n gekoördineerde poging wees om geregtigheid vir vroue wat gewelddadig aangerand word, te eis en seker gemaak word dat die aanvallers gestraf word."

free casino online no download

Man blameer kat vir pornografie

Volgens die webwerf, The Register, blameer 'n man van Florida sy kat vir die aflaai van duisende foto's met kinderpornografie.

Keith Griffin van Jensen Beach staan tereg op 10 klagtes van kinderpornografie nadat speurders die beelde op sy tuisrekenaar gevind het. Hy meen egter dat die kat op sy rekenaar se sleutelbord geklim het terwyl hy vir 'n oomblik die vertrek verlaat het. Hy was besig om musiek van die internet af te laai toe hy agtergekom het dat sy rekenaar "vreemde dinge" doen. Die kat klim glo gereeld op die sleutelbord.

Hy is op borgtog van $250 000.00 vrygelaat.

для бассейна Александр Фильчаков

‘VSA kan oor twee jaar misluk in Afghanistan’

David Kilcullen, 'n teeninsurgensiekenner, wat as een van generaal Stanley McChrystal se topadviseurs oor Afghanistan dien, is uiters krities oor die hantering van die oorlog.

Hy het Donderdag by die U.S. Institute of Peace kritiek gelewer oor die manier waarop die VSA die oorlog benader.

In 'n verslag wat opgestel is om die stand van die VSA en NAVO se betrokkenheid te ontleed, sê Kilcullen dit kan oor twee jaar duidelik raak of die VSA gaan misluk of nie.

"Ons gaan twee jaar veg en 'n suksesvolle oorgawe sien, of ons gaan twee jaar veg en dan verloor en huiswaarts keer," het hy gesê.

Die oorsig van Kilcullen kan tot verdere druk op Obama lei om nog troepe na Afghanistan te stuur, bykomend tot die groter aantal soldate, 21 000, waartoe reeds hierdie jaar ingestem is. Daar is tans 68 000 Amerikaanse soldate in Afghanistan.

Die Pentagon het reeds, soos die verslag aan die hand doen, weggedoen met die burokrasie en 'n nuwe, uiters veilige oorlogskamer opgerig waar 'n multidissiplinêre benadering geld.

Kilcullen sê die VSA het goeie redes om in Afghanistan te wees, maar om globale terrorisme te stuit is nie een van hulle nie. Die vernaamste rede om te bly is omdat die VSA belowe het om die mense daar te beskerm, om die toekoms van NAVO te verseker en om te verhoed dat Pakistan uiteindelik 'n kernmoondheid word.

Die adviseur het nagelaat om te noem dat die VSA tans presies Brittanje se koloniale strategie wat meer as 'n eeu oud is, in Afghanistan volg. Daarvolgens word die bedreiging steeds in Afghanistan as 'n globale een voorgestel en die gevaar van die Taliban oordryf.

Winston Churchill was die man wat destyds verantwoordelik was vir hierdie benadering. Dat die Taliban hoegenaamd nie met Al Kaida verbind kan word nie, het ook nie die VSA tot dusver gekeer om die stryd buite sy grense voor te stel as sou dit wêreldvrede bedreig nie.

Die Taliban volg, volgens Kilcullen, 'n klassieke insurgensiestrategie waar die swakker mag toeslaan en dan onttrek om direkte konfrontasie te vermy. Dit put die energie en reserwes van die VSA op die lang duur uit.

для бани