Nuus Archives - Page 71 of 403

Red Bull bevat glo koka?ene

Ses deelstate in Duitsland het handelaars opdrag gegee om alle verkope van Red Bull Cola-energiedrankies te staak nadat ’n toets glo bevind het dit bevat spore van kokaïen.

Die verbod geld sedert Vrydag nadat 0,4 mikrogram kokaïen per liter in toetsmonsters in Noordryn-Wesfale bespeur is.

Duitsland se federale instituut vir risiko-evaluering het vandeesweek gesê die vlakke is te laag om ’n gesondheidsgevaar in te hou.

Red Bull in Duitsland het in ’n verklaring gesê die kokablare wat gebruik word om Red Bull te geur, is onder meer deur die Amerikaanse voedsel-en-medisyne-owerheid veilig verklaar.

Red Bull het self toetse aangevra en geen kokaïen is gevind nie. Die Duitse departement van gesondheid gaan nou self ondersoek instel.

ANC beskuldig Zille van misleiding

Lynne Brown, Helen Zille se voorganger, het in ’n verklaring gesê: “Premier Zille is nou weer opsetlik misleidend.” Die ANC het Zille daarvan beskuldig dat sy besig is met kafpraatjies oor 'n grondsamesweringsteorie.

Dit kom nadat Zille Vrydag aangekondig het dat provinsiale grond, ’n dag voor die verkiesing, met duistere bybedoelings deur die ANC aan die Behuisingsontwikkelingsagentskap oorgedra is.

Die voormalige ANC-beheerde Wes-Kaapse regering het die oordrag van 1 000 ha behuisingsgrond op 21 April aan die nasionale regering onderteken. Die grond is sowat R500 miljoen werd en is groot genoeg vir byna 100 000 huise.

Die grootste gedeelte van die grond is in die Kaapse metropool in Constantia, Joostenbergvlakte, Ravensmead, Belhar, Charlesville, Plumstead, Southfield, Philippi en Kleinvlei. Die res is in Hartenbos en George.

Brown het die vraag aan Zille gestel of “sy eerder die grond vir iets anders as behuising vir die armes wou gebruik?” in reaksie op Zille se aantygings dat die ANC duistere motiewe met die oordrag gehad het.

Brown wou vervolgens weet of Zille beplan het om die grond aan ontwikkelaars te verkoop. Die oordragtransaksies kon nie in die geheim geskied het nie, volgens Brown, omdat dit in die laaste twee begrotings van die nasionale minister van behuising in die parlement geopper is.

Whitey Jacobs, voormalige LUR vir behuising, het gesê hulle het nog nooit ’n geheim gemaak van die N2-behuisingsprojek nie. Hy het gesê “Die DA wil nie . . . geïntegreerde gemeenskappe hê waar voorheen benadeelde mense toegang tot geleenthede en geriewe het nie.”

live american roulette

SAUK kanselleer weer Zapiro-uitsending

Die SAUK het vir die tweede keer 'n dokumentêre uitsending gekanselleer wat sou handel oor politieke satire.

Special Assignment is in April voor die verkiesing ook gekanselleer. Kaizer Kganyago, woordvoerder van die SAUK, het in 'n verklaring gesê oorlegpleging is nog nie afgehandel nie.

Gisteraand is die uitsending 'n uur voordat dit sou begin gekanselleer. Gab Mampone, waarnemende hoofredakteur, moet 'n finale beslissing oor die kwessie gee, het hy gesê en verskoning aangeteken by die publiek vir die ongerief.

Die uitsending sou Jonathan Shapiro, ook bekend as Zapiro, wat deur president Jacob Zuma gedagvaar word vir 'n beweerde leuenagtige spotprent waarin Zuma Jusitia verkrag, insluit. Die weergawe wat Dinsdagaand om 8:30nm sou vertoon word, is glo bygewerk.

Dit sluit tans 'n onderhoud met Zapiro in waarin hy verduidelik waarom hy die stortkop wat hy graag op Zuma se kop teken in sy spotprente, verwyder het.

Gebrandmerkte agterstewes teen MIV?

Inwoners van Swaziland is Dinsdag gevra om 'n politikus se oproep om alle Vigslyers se agterstewes te brandmerk, te debatteer. Dié voorstel het behoorlik 'n storm in die klein landjie veroorsaak.

Die koerant, The Times of Swaziland, het gevra dat mense voorstelle doen om MIV-Vigs te bestry asook hoe om spraakvryheid te bevorder nadat Timothy Myeni aan sy kollegas in die parlement gesê het dat alle Swazi's vir MIV-Vigs getoets behoort te word.

Indien mense positief toets, moet hulle agterstewes gemerk word, het die parlementslid gesê. "Ek het 'n oplossing vir die virus. Die oplossing sal kom as 'n wet gemaak word wat dit verpligtend maak om getoets te word vir MIV."

"Voor die seksdaad, sal mense eers op die agterstewe van hul maat nagaan, voordat hulle op hul missie gaan," het die koerant hom aangehaal.

Swaziland is een van die wêreld se armste lande, met die hoogste MIV-voorkoms en wat deur 'n absolute monarg koning Mswati III regeer word.

Miyeni, wat 'n gewilde gospelgroep lei, het intussen verskoning aangeteken vir sy gedagte om agterstewes te brandmerk, maar hou voet by stuk dat almal getoets behoort te word vir MIV.

Lesers se kommentare oor die aangeleentheid sal glo volgende Dinsdag gepubliseer word.

мультики машинки Данильченко Харьков

Rand daal n? swak BNP-syfer

Die rand het met ongeveer 'n halwe persent teen die vernaamste geldeenhede gedaal ná die swak BNP-syfer wat vanmore vrygestel is. Suid-Afrika se reële bruto nasionale produk het met -6,4 persent gedaal in die eerste kwartaal vanjaar, teenoor -1,8% in die vierde kwartaal van 2008.

Hiermee verkeer die land dus vir die eerste keer in 17 jaar amptelik in resessie. Ekonome voorspel nou verdere verlaging in rentekoerse van 100 basispunte of een persent deur die Reserwebank in 'n poging om die ekonomiese inkrimping te stuit.

Die rand het van R8,25 per dollar tot R8,40 verswak, maar handelaars verwag nie verdere dalings totdat die Reserwebank sy monetêre komitee later vandeesweek sy rentekoersbesluit aankondig nie.

Veral mynbou en vervaardiging is swaar deur die globale resessie getref en het onderskeidelik met 32,8% en 22,1% afgeneem. Ook die bankwese het verlangsaam. 'n Ekonoom van Stanlib, Kevin Lings, meen dat die afname in die BNP vir die volle jaar tussen 1,5% en 2% gaan wees.

Die verswakking is oor 'n breë front sigbaar en is verlede jaar deur die oplewing in die landbousektor verdoesel, maar vandag se syfer toon duidelik dat Suid-Afrika hom nou by die res van die wêreld aangesluit het en in 'n erge resessie verkeer.

casino no

Obama voor sy eerste werklike toets

President Obama het voor sy eerste werklike toets te staan gekom teenoor 'n ontluikende kernmag, naamlik Noord-Korea. Die Withuis het gister geskarrel om 'n gekoördineerde internasionale standpunt te stel.

Die Amerikaanse president se voorgangers kon nog nie Noord-Korea se kernopbou stuit nie. Nietemin het Obama gister belowe om "op te tree" teen die "blatante oortreding van internasionale reg".

Kennelik is die Amerikaanse president bedag daarop dat hy 'n strek boodskap moet uitstuur aan Pjongjang, sterker as sy voorganger George W. Bush se reaksie op Noord-Korea se eerste kerntoets in 2006.

Maar die VSA se opsies is beperk, omdat dit deels ook sal afhang van Obama se vermoë om Rusland en China te beweeg om teen 'n ou bondgenoot uit die Koue Oorlog op te tree.

Die Clinton-administrasie se pogings om Noord-Korea te kry om hul wapenprogram te staak deur olie en kernkrag aan te bied in ruil daarvoor asook Bush se pogings om die land te laat ineenstort weens sanksies en die leiers se bates te bevries, het heeltemal misluk.

Die daaropvolgende poging van Bush om teen advies van sy eie mense 'n ooreenkoms met die Noorde aan te gaan om 'n kernreaktor af te bou, was ook nie geslaagd nie.

Alhoewel Noord-Korea verlede jaar volgens die ooreenkoms begin het om die reaktor af te bou, het hulle onlangs weer aangekondig dat hulle weer sal begin om plutonium vir wapens te vervaardig.

Ander kernmoondhede soos Iran is daarbenewens besig om die VSA se skuiwe fyn dop te hou. Terwyl Obama gistermiddag gaan gholf speel het, het sy personeel naarstiglik deur die beskikbare aanduidings van Noord-Korea se kernvermoë gesif.

Die seismiese aktiwiteit wat op 'n kerntoets dui, sal egter eers oor dae en weke toetse oplewer wat radioaktiewe partikels bewys en die grote van die ontploffing toon.

Die Amerikaanse president het 'n beroep op Japan en Suid-Korea gedoen om "konkrete stappe" te neem om Noord-Korea in te perk en het 'n "ondubbelsinnige verbintenis" tot die verdediging van albei lande belowe.

Japannese en Suid-Koreaanse amptenare het egter laat blyk dat hulle nie oor 'n aanval uit die Noorde bekommer nie maar dat die kerntegnologie op die swartmark beskikbaar sal raak.

Reaktor- en missieltegnologie is reeds aan die Midde-Ooste verkoop.

Botswana gaan krag van Mosambiek aankoop

Botswana gaan 70% meer elektrisiteit van Mosambiek aankoop oor die volgende vier jaar om plaaslike tekorte aan te vul, het die minister van energiesake Maandag aangedui.

Luidens die ooreenkoms sal Gaberone tot en met 2013 krag van Mosambiek aankoop, die datum waarop die Morupule B kragstasie in werking gestel word.

Minister Ponatshego Kedikilwe het nie gesê hoeveel die ooreenkoms sal kos nie, maar het verklaar dat Botswana gereed is om in Mosambiek se kragprojekte te belê.

Suid-Afrika se diamantryke buurland gaan volgende jaar na verwagting kragonderbrekings trotseer omdat Suid-Afrika, die hoofkragvoorsiener, hulle kraguitvoere gaan beperk.

Kedikilwe het gesê Botswana onderhandel ook met Zimbabwe om die geslote Bulawayokragsentrale te heropen vir bykomende elektrisiteitstoevoer. Die bestaande kragnetwerk deur Zambië en Zimbabwe moet ook opgeknap word.

Mosambiek voer krag uit aan suidelike Afrika van die Cahora Bassadam, wat tans opgegradeer word.

модельки авто

Zille gaan Zuma voorspring met openingsrede

Helen Zille het haar besluit om haar openingsrede in die Wes-Kaapse wetgewer voor president Jacob Zuma se eerste nasionale beleidstoespraak te hou, verdedig. Haar woordvoerder Robert Macdonald hetgesê sy wil so gou moontlik begin werk.

"Die inhoud van die provinsiale begroting moet naggeggan word deur die komitees," het hy gesê.

Die ANC se hoofsweep in die provinsie Max Ozinsky, het aan die speaker geskryf om te vra dat Zille se toespraak na 'n later datum geskuif word. Dit word algemeen aanvaar dat die premiers ná die nasionale rede reageer op die president se riglyne vir nasionale beleidsraamwerk en gekose rigting.

Ozinsky meen dat die ander partye nie dieselfde geleentheid gegun sal word nie. Macdonald het egter aangedui dat daar niks in die grondwet is wat die premier dwing om te wag na Zuma se toespraak nie.

Die tydsberekening gaan spanning, wat reeds hoog loop, tussen die DA en ANC vererger volgens bronne in die wetgewer. Die ANC se sekretaris-generaal Gwede Mantashe het verlede week gesê die DA het die geleentheid om parlementêre portefeuljekomitees te lei, verspeel omdat hulle so "vyandig" is.

Zille het die ANC daarvan beskuldig dat hulle provinsiale grond aan die nasionale owerhede oorgedra het op die vooraand van die verkiesing.

jackpot euro Лобановский Харьков

Zimbabwe is die hongerste land in die w?reld

Zimbabwe is die hongerste land in die wêreld, het hulporganisasies Dinsdag gesê. Daarbenewens is byns 55% van kinders wat aan cholera sterf ondervoed in suidelike Afrika.

Volgens die verslag wat deur die Rooi Kruis en Rooi Sekel vrygestel is, is Zimbabwe die land wat die meeste voedselhulp behoef van enige land ter wêreld. "Die Wêreld Voedselprogram glo dat 7 miljoen mense kos nodig het, tussen 65 en 80% van die bevolking."

"Die voedselkrisis is deur verskeie faktore veroorsaak wat hiperinflasie wat groot boere ontmagtig het, insluit," lui die verslag voorts. "Zimbabwe se lande is met substandaard saad besaai, geplunder vir graanvoorraad of langs die padgrense. Dit is hoogs onwaarskynlik dat die oes van 2009 dié van 2008 sal verbysteek, die ergste in die land se geskiedenis."

барби ляльки топкарго кидалы

Noorwe? skenk miljoene aan Zimbabwe

Noorweë het Maandag gesê hulle sal $9 miljoen aan Zimbabwe skenk, maar sal dit deur derde partye doen om Robert Mugabe te pypkan. Die geld sal deur die VN, nie-regeringsorganisasies en die Wêreldbank geskenk word "aan die Zimbabwiese mense wat Morgan Tsvangirai en die nuwe koalisieregering ondersteun".

"Deur staatsinstellings te vermy, kan ons Mugabe en sy aanhangers uitsny sodat hulle nie hulle hande op die geld kry nie," het Ragnhild Simenstad aan AFP gesê. Noorweë het sedert 2000 nog geen direkte hulp aan Zimbabwe gegee nie.

Die geld sal aan gesondheids- en opleidingsprojekte geskenk word. "As die nuwe regering demonstreer dat hulle kan funksioneer, kan Zimbabwe 'n voorbeeld word van 'n land wat nie 'n bankrotstaat geword het nie," het die Noorweegse minister van ontwikkeling, Erik Solheim, in 'n verklaring gesê.

топкарго