Internasionale nuus – Bladsy 35

Obama soek streeksbondgenote om Afghanistan te stabiliseer

Clinton, die VSA se nuwe buitelandse minister

President Barack Obama lyk ingestel daarop om 'n streeksdiplomatieke strategie te volg, sowel as 'n militêre, om Afghanistan en Pakistan te verhoed om nuwe veilige hawens vir teen-Amerikaanse militante te word.

Ten spyte van sy planne om nog duisende soldate na Afghanistan te stuur om stabiliteit te probeer verseker, blyk dit dat die Obama-administrasie na die advies van kenners luister en daarvan bewus is dat 'n militêre oplossing op die lang termyn nie moontlik is nie.

Hillary Clinton, Obama se keuse vir minister van buitelandse sake, het verlede week nagelaat om 'n militêre oorwinning te noem.

Clinton, wat voor 'n senaatbevestigingsverhoor verskyn het, het in die plek daarvan gepraat van die "toepassing van 'n breë strategie in Afghanistan, wat bedreigings teen ons veiligheid verminder en die vooruitsigte op stabiliteit en vrede verhoog".

"Ons sal al die elemente in ons mag gebruik – diplomasie, ontwikkeling en verdediging – om saam met daardie mense in Afghanistan en Pakistan te werk wat Al Kaida, die Taliban en ander geweldaddige ekstremiste wil uitwis," het Clinton gesê.

Oorblyfsels van die Taliban-regering, wat in die Amerikaans geleide inval in 2001 omvergegooi is om Al Kaida-militante uit te dryf, voer nou 'n insurgensie teen die Amerikaans ondersteunde regering van die Afghaanse president Hamid Karzai.

Daar is omtrent 70 000 Amerikaanse en ander buitelandse soldate in die land wat sy aan sy veg met Afghaanse veiligheidsmagte om die Taliban te onderdruk.

Clinton het die nodigheid van breër ondersteuning erken, en het ook gesê dat sy bemoedig is deur die feit dat die nuwe Pakistanse regering verstaan dat die ekstremiste binnelande stabiliteit bedreig, en dat "dit hulle eie geveg is, en nie net ons s'n nie".

Clinton het opmerkings van generaal David Petraeus, uitgaande president Bush se bevelvoerder vir die streek, sowel as senators en ander mense beaam met haar stelling dat lande in dié gebied aan boord gebring moet word vir 'n oplossing.

'n Oplossing vereis 'n streeksbenadering… wat insluit Pakistan, Indië, die sentraal-Asiese state en selfs Sjina en Rusland, dalk selfs saam met Iran op een punt vorentoe," het Petraeus gesê.

керамические коронки

Dreunsang van ?Totsiens Bush? in gepakte Washington-metro

Washington het gerammel van opgewondenheid vanoggend terwyl tienduisende mense in moltreine ingepers het en deur die strate gespoel het ter viering van die einde van een tydvak en die begin van 'n volgende.

Barack Obama staan gereed om binne enkele ure die leisels van Amerikaanse mag by George W. Bush oor te neem, en moltreinryers wat deur treinprobleme vasgeval was in L’Enfant Plaza het begin sing.

“Totsiens Bush, totsiens Bush,” het hulle oor en oor gedreunsing.

Die bui was in ewe mate 'n uitstorting vir die land se eerste gekleurde president as wat dit 'n viering was van die Republikeinse president se uittrede na agt toenemend ongewilde jare in die Withuis.

Maar die hoë verwagtinge wat oor Obama gekoester word, het Dinsdag tesame met die uitbundigheid onder die skares gegroei.

Selfs van vanoggend seweuur af, het groepe feesvierendes probeer om saamgesnoer te bly terwyl hulle op pad was na die Nasionale Vieringsgebied.

Obama se verwagte aankoms is selfs deur omstanders vergelyk met Jesus se wederkoms.

Moltreine het hulle deure op die ongewoon vroeë tyd van vier voormiddag geopen en het aangedoen by perronne wat so volgepak was dat kondukteurs geweier het om die deure oop te maak maar deurgedruk het na die volgende stasie.

Die druk was so groot by L’Enfant Plaza dat die hekke oopgegooi is vir gratis vervoer.

free casino online no download

Ek is dronk, jy mag my nie ontslaan nie

Peru se hoogste hof het bevind dat werkers nie ontslaan mag word indien hulle dronk op hulle pos is nie. Die bevinding het baie kritiek van die regering uitgelok dat dit 'n gevaarlike president kan skep.

Die konstitusionele tribunaal het beveel dat Pablo Cayo weer in sy pos as gebou-opsigter by die munisipaliteit van Chorillos aangestel moet word. Cayo is ontslaan nadat hy dronk by die werk was.

Die ontslag was onbillik, aangesien hy in weerwil van sy dronkenskap niemand beseer het of aanstoot gegee het nie, het Fernando Calle, een van die regters gesê.

Calle het gesê dat die hof nie hulle uitspraak sal hersien nie, ten spyte van die regering se besware.

"Dit is nie 'n goeie idee om reëls in die werksplek te verslap nie," het die minister van arbeid, Jorge Villasante, gesê.

Celso Becerra, die administratiewe hoof van Chorillos, 'n voorstad van Lima, het die uitspraak sterk gekritiseer.

"Ons het al vier werknemers ontslaan omdat hulle dronk by die werk opgedaag het en twee van hulle was voortuigbestuurders," het hy gesê. "Hoe kan ons 'n dronk bestuurder toelaat om te werk as hy dalk iemand kan raakry?"

free casino games

Vrede in Gasastrook hou vir die tweede nag

'n Broos skietstilstand in Gasa het vir 'n tweede nag gehou terwyl Israel nog soldate uit die gebied onttrek het. Na verwagting sal Israel heeltemal teen Dinsdagmiddag heeltemal uit die gebied onttrek wees.

Geen vuurpyle het in Israel geland in die nag nie, en Israel het ook gsen vergeldingsaanvalle geloods nie, het 'n militêre woordvoerder gesê en bygevoeg dat die laaste vuurpyl omstreeks 17:00 Sondag na Israel afgevuur is.

"Ons gaan voort met die onttrekking," het die woordvoerder gesê en ook opgemerk dat daar nog soldate in die strook agtergebly het. Israel mag die onttrekking finaliseer teen die tyd wat die inhuldiging van Barack Obama as Amerikaanse president begin.

Die seremonie is geskeduleer om teen 17:00 Midde-Oosterse tyd te begin, maar beamptes kon nie die afsnytyd bevestig nie.

Die meeste reserwesoldate wat opgeroep is vir die veldtog in Gasa, wat daarop gemik was om die vuurpylaanvalle te staak, sou na verwagting Dinsdag van diens vrygestel word.

Die Israelse weermag het ook begin met ondersoeke na die insidente van operasie "Cast Lead", insluitend dié waarin burgerlike families dood is.

Oegandese rebelle geblameer vir aanval op Kongolese kerk

Die Oegandese weermag het Maandag gesê dat Oegandese rebelle verdink word daarvan dat hulle 'n Katolieke kerk wat vol mense was aan die brand gesteek het in die ooste van die Kongo, en dat mense in die voorval dood is.

'n Weermagwoordvoerder, kaptein Ronald Kakurungo, het gesê Oegandese soldate in die naburige Kongo het beweer dat LRA-rebelle Saterdagaand 'n kerk in die dorpie Tora aan die brand gesteek het. Die Oegandese soldate is deel van 'n multinasionale mag wat verlede Desember saamgestel is om die brutale rebellegroep te stuit.

Kakurungo het gesê dit is nie duidelik hoeveel mense dood is nie. Die VN –beheerde Radio Okapi wat in die oostelike Kongo uitsaai het ook nuus aangaande die aanval op die kerk en verdere aanvalle op burgerlike huise in die dorpie Libombi uitgesaai.

Come Mbolingana, die hoof van die Katolieke welsynsorganisasie, Caritas Congo, het gesê werknemers het met inwoners van die dorpie gepraat, wat bevestig het dat daar 'n aanval was, maar hulle het geen inligting gehad oor hoeveel mense dood en gewond is nie.

"Hulle het mense wat in die kerk gebid het verbrand," het hy gesê.

VN-amptenare het oproepe waarin vir kommentaar gevra is nie beantwoord nie.

'n Woordvoerder vir die rebelle, Dawid Matsanga, het die bewerings verwerp en gesê die rebelle was nie in die omgewing nie en het nie die gruweldade gepleeg nie.

Al hoe meer apartheid in Amerikaanse skole

Amerikaanse troepe van die 101ste Valskermbataljon begelei 9 swart kinders na die Sentrale Ho?rskool van Little Rock, Arkansas in 1957. Vyftig jaar later is skole nog nie ge?ntegreer nie.

Swart en Latyns-Amerikaanse studente wat in Amerikaanse skole opgevoed word, word al hoe meer gesegregeer opgevoed, het 'n verslag gelui wat verlede Woensdag bekendgemaak is. Die verslag het enige optimisme omtrent rasse-aangeleenthede wat Barack Obama se presidentskap omring, uit die weg geruim.

Swartes en Hispaniese studente word meer dikwels van wittes geskei as op enige tydstip sedert die burgerregtebewegings en baie van die skole wat hulle bywoon sukkel om voort te bestaan, het die verslag deur die Burgerregteprojek van die universiteit van Kalifornië gelui.

'n 2007-uitspraak van die Hooggeregshof aangaande vrywillige segregasie sal waarskynlik die neiging aanhelp omdat dit druk op plaaslike owerhede verminder om "desegregasie" oftewel gedwonge integrasie in skole te bevorder, het die verslag gesê, wat ook 'n beroep gedoen het op Obama om die saak aan te spreek.

Obama wat Dinsdag ingesweer gaan word, sal die land se eerste swart president wees.

"Dit sal 'n tragedie wees as die land aanvaar het vanweë Obama se verkiesing dat die rasseprobleme opgelos is, wanneer vele ongelykhede eintlik verdiep het," het Gary Orfield, die mededirekteur van die Burgerregteprojek gesê.

Orfield het gesê die neigings was die "gevolg van 'n sistematiese verslapping van die burgerregtebeleid en verwante opvoeding en gemeenskapshervorming oor dekades heen".

Deels kan groter segregasie in skole aan demografie toegeskryf word. Soos die persentasie wit studente verminder – hulle maak nou 56% op van die skoolbevolking uit, tenoor 90% in 1960 – word hulle meer geïntegreer met studente wat nie wit is nie.

Nog 'n faktor is die residensiële segregasie wat toeneem in baie dele van die land. Dit bepaal al hoe meer die rassesamestelling van die skole in die afwesigheid van beheermaatreëls deur onderwysowerhede om nie-gesegregeerde skole te skep en te kan ondersteun, het Orfield gesê.

купить гидробак

Iran se Ahmadinejad wens Hamas geluk met ‘oorwinning’

Mahmoud Ahmadinejad

Iran se president, Mahmoud Ahmadinejad het Hamas Maandag gelukgewens met sy "oorwinning" in die oorlog met Israel, het die staat se nuusagentskap IRNA gesê.

"Vandag is die begin van die oorwinning, en volharding sal die skakels van oorwinning aanmekaar heg," het Ahmadinejad aan Hamas se uitgeweke leier Khaled Meshaal in 'n telefoonoproep gesê, volgens die berig.

Islamitiese state moet volgens hom "poog om die Sionistiese bewind onder druk te plaas om heeltemal terug te trek, om die grensposte oop te maak, om die Sionistiese kriminele te vervolg, om bande te verbreek met die vals Sionistiese bewind en goedere van die land en sy ondersteuners te boikot."

Israeli-soldate het Maandag begin om te onttrek uit Gasa na hulle bloedige 22 dae lange veldtog teen Hamas in die verpletterde gebied.

Senior Hamas leier, Ismael Haniya het gesê die oorlog met Israel waarin meer as 1 300 Palestyne dood is, was 'n "groot oorwinning".

Iran is 'n stoere ondersteuner van die Islamitiese Hamas-beweging wat die Gasastrook beheer en erken nie Hamas se aartsvyand Israel nie.

topcargo отзывы

Obama lok toeriste na Keniaanse stat

Die Obama-ho?rskool in Kogelo

Die Masai Mara-reservaat en die "groot vyf", sneeubedekte berg Kenia en die strande met palmbome aan die Indiese oseaan is alles nou vergete. Die beste toeristeplek om deesdae te besoek, is "Obamaland".

In die heuwels wat afdaal na die Victoriameer is die klein dorpie waar Obama se pa gebore is, nie iets wat beskryf sou word as die tipiese toeristeaantreklikheid nie.

In die onlangse maande het die dorpie, Kogelo, 'n konstante stroom besoekers gehad, van Amerikaanse Obama-aanhangers wat hulle held se voorgeslagte se land wil besoek, tot Keniane, wat oorloop van trots op hulle held.

Ná 'n stadige begin het 'n klomp plaaslike entrepreneurs, toeroperateurs en toerismeamptenare besluit om planne te beraam om geld te maak uit "Obamamania" en Kogelo in 'n nuwe toeristeaantreklikheid te verander.

Brian Coulson, 'n inwoner van Los Angeles het met sy blombedrukte hemp, sandale en sakkamera het 'n bekende gesig geword in Kogelo, maar hy het effens verlore gelyk tydens sy verkenning van die Senator Obama-sekondêre skool gedurende skooltyd.

"Ek kon nie veel inligting van Kogelo vind voordat ek gereis het nie," het Coulson gesê. Hy het 'n halfdag met 'n bus gereis vanaf Nairobi en 'n taxi geneem van Kisumuru, die naaste groot stad, om hier te kom.

Dié toeris het nie veel gevind met die aankoms by sy bestemming nie: "Ek het snuisterywinkels verwag, met Obama se gesig gedruk op materiaal items, miskien selfs 'n Obama-restaurant."

Ten spyte van die gebrek aan toerismeinfrastruktuur het Brian Coulson gevoel dat die uitstappie die moeite werd was, selfs al kon hy nie verby die polisiemanne kom wat Obama se 86-jarige ouma, "Mama Sarah", by haar woning opgepas het nie.

casion online

Hamas- en Djihad-leiers ontmoet in Katar

Die emir van Katar in Libanon n? die Israelse oorlog

Die leiers van die Palestynse groepe Hamas en die Islamitiese Djihad het Vrydag in Doha aangekom om 'n Arabiese vergadering by te woon oor die Gasa-krisis, het Palestynse politici gesê.

"'n Private vliegtuig wat deur die Emir van Katar gestuur is, het hulle vanoggend in Damaskus kom haal," het 'n Hamas-amptenaar aan verslaggewers in die Siriese hoofstad gesê.

Die Palestynse afvaardiging sluit in Khaled Meshaal, die hoof van die Hamas-politburo, Ramadan Shallah, wat die Islamitiese Djihad lei en Ahmad Jibril, die hoof van die sekulêre Popular Front for the Liberation of Palestine se algemene bevel, het bronne gesê.

Die uitgeweke leiers van die groepe woon in Sirië, wat Katar se oproep beantwoord het om die inval van Israel in Gasa te hanteer. Die inval het sover meer as 1 000 Palestynse lewens gekos.

Doha het nie genoeg samewerking gekry vir die vergadering om te kan kwalifiseer as 'n amptelike Arabiese beraad nie, het die Arabiese Liga gesê.

pearl hair comb прокурор Фильчаков

Kom weer prof! Pornografie as vak?

'n Universiteit in Taiwan het 'n kursus begin aanbied wat die studente leer hoe om pornografiese films te kan waardeer en te analiseer.

Die massakommunikasiedepartement van die Providence-universiteit het die kursus vanjaar begin aanbied, het die United Daily News berig.

Om die kursus te slaag, moet studente 'n 15-minute-aanbieding kan gee waarin hulle die gehoor se sielkundige reaksie op 'n pornografiese snit kan analiseer vanuit 'n akademiese perspektief.

Een bekommerde student wat nie genoem wil word nie het gesê "Indien ek baie goeie punte vir die kursus sou kry, weet ek nie hoe ek dit aan my ouers gaan verduidelik nie".

Wanneer studente vir die vrywillige kursus inskryf, teken hulle 'n dokument waarin hulle saamstem dat indien tonele te eksplisiet is, hulle die lokaal mag verlaat indien hulle sou wou.

Die dosent, assistent professor Chen Mingmei, het gesê dat nog nie een student ooit uit die klas geloop het nie, maar dat sommige studente net hulle hand voor die oë hou gedurende strawwer tonele.

скульптуры

Israelse bomme tref VN-hoofkwartier in Gaza

Israelse vegvliegtuie

Bomme van die Israelse artillerie het die VN-hoofkwartier in die Gasastrook Donderdag getref en 'n voedselpakhuis aan die brand gesteek, en ook daardeur skerp kritiek deur die besoekende VN-hoof ontlok, wat dit as "offensief" beskou het. Nog 'n Israelse bombardement het Hamas se sekuriteitshoof gedood.

Die aanval het bygedra tot 'n dodelike dag, waarin Israelse soldate teen Islamitiese militante geveg het. Verskrikte inwoners het in skuilings en onder trappe geskuil of kinders gegryp en te voet gevlug.

Ná sonsondergang het bomme naby Gasatad se Quds-hospitaal geval, waar baie families skuiling gesoek het en die gebou het aan die brand geslaan, wat personeel genoop het om honderde mense te ontruim. Volgens 'n mediese ordonnans van die hospitaal is sommige pasiënte in die straat afgestoot op trollies, met 'n paar van hulle wat wit vlae omhoog gehou het.

Dié vernietiging dra by tot wat hulpgroepe sê 'n humanitêre krisis in Gasa is wat spanning tussen Israel en die internasionale gemeenskap verhoog, selfs terwyl diplomate vooruitgang in die skietstakinggesprekke aandui.

Oorlog het Vrydag voortgegaan. Israelse vegvliegtuie het 40 teikens oral oor Gasa getref volgens militêre offisiere wat anoniem gepraat het omdat geen amptelike verklaring nog vrygestel is nie. Geen sterfgevalle is onmiddellik aangemeld nie.

Israel se minister van buitelandse sake, Tzipi Livni, het Donderdag na Washington vertrek om 'n Gasa-skietstilstand met Gondoleezza Rice te bespreek. Amerika en Egipte probeer om 'n ooreenkoms opgestel te kry wat 'n einde sal maak aan die 20 dae se hewige gevegte. лестницу в

Vliegtuig val in New York se Hudsonrivier, al 155 passasiers veilig

Amateurfoto van die vliegtuig in die Hudsonrivier

'n American Airways-vliegtuig met 155 mense aan boord het Donderdag in New York se Hudsonrivier geval, maar almal aan boord het wonderbaarlik ontsnap terwyl die yskoue water om hulle gestyg het, het Amerikaanse amptenare gesê.

Die Airbus met 150 passasiers en 5 bemanningslede het krag verloor in beide enjins tegelyk, 'n baie rare gebeurtenis net minute nadat dit opgestyg het by die LaGuardia-lughawe buite New York.

Oorspronklike verslae van die Federale Lugvaartowerheid het gereken dat die vliegtuig se enjins tot stilstand gekom het ná 'n botsing met voëls, maar dit is nog nie bevestig nie. Terrorisme as die oorsaak is uitgeskakel.

Die loods is geloof vir die heldemoed wat hy getoon het toe hy die vliegtuig veilig in die rivier net buite Manhattan neergesit het. Daar is niemand in die ongeluk dood nie.

New York se burgemeester, Michael Bloomberg, het gesê hy was "nie bewus van enige ernstige beserings nie".

Een bemanningslid het 'n sny aan haar been gehad en baie passasiers het behandeling gesoek teen die blootstelling aan die ysige temperature, het CNN berig.

In die sekondes ná die ongeluk het dosyne angsbevange passasiers op die vlerke van die vliegtuig saamgedrom in die hoop om opgelaai te word deur die bote voordat die vliegtuig gesink het.

Foto's het gewys hoe mense op die lengte van een vlerk in 'n ry gestaan het met die water wat oor hulle voete spoel terwyl hulle gered is.

Die loods is lof toegeswaai dat hy daarin geslaag het om American Airways vlug 1549 in die rivier kon laat neersweef nadat beide enjins drie minute ná die opstyg onderweg na Charlotte in Noord Carolina gaan staan het.

President George W. Bush het in 'n verklaring gesê dat hy "geïnspireer is deur die heldemoed en vaardigheid van die vlugbemanning, asook die toewyding en selfloosheid van die noodreaksiespanne".

Ondersoek beamptes het laat Donderdag in New York aangekom om die wrak te ondersoek.

Vroeë aanduidings is 'n katastrofiese botsing tussen ten minste een enjin en voëls, wat wydverspreid voorkom in die vlugbane buite New York.

Obama se VN-ambassadrise gaan Mugabe konfronteer

Susan Rice

Die verkose Amerikaanse president, Barack Obama, se genomineerde kandidaat vir VN-ambassadeur, Susan Rice, het Donderdag belowe om streng met Zimbabwe om te gaan en om Amerikaanse globale leierskap te versterk, met 'n klem daarop om vredebewaringskapasiteit te versterk.

By haar senaatsinswering, het Rice belowe om die Mugabe-bewind te konfronteer en om Sjina, Rusland en die Afrikalande aan te moedig om saam met die Obama-bewind te werk om die veteraansterkman van Afrika te isoleer.

"Hulle belange stem lankal nie meer ooreen met Mugabe se bewind nie," het Rice aan die senaat se buitelandseverhoudingekomitee gesê nadat die voorsitter John Kerry haar as 'n uitstaande keuse vir die VN-pos geloof het.

Sy het geargumenteer dat "dit in ons gesamentlike belang was om 'n vreedsame oorgang te kry in Zimbabwe na 'n demokratiese regering," en het verder gesê dat Beijing en Moskou VN-pogings moet ondersteun om 'n regering te isoleer wat "duidelik nie vir dié wêreld bedoel is nie."

"Ek hoop dat ons onder die Obama-leierskap met Suider0Afrika kan saamwerk en hulle privaatverwerping in die openbare sfeer kan bekendstel… sodat Zimbabwe se leiding 'n einde kan kry," het sy gesê.

Rice, wat 'n top buitelandse beleidsadviseur was teenoor die Obamaveldtog nadat sy as assistentminister van buitelandse sake gedien het in die 1990s, het "besef dat die VN Amerikaners gereeld gefrustreer het en was terdeë bewus van hulle tekortkominge".

Doeltreffende globale diplomasie en VN-ondersteuning was nou meer as ooit tevore nodig in plekke soos Irak en Afghanistan, het sy gesê, en belowe om aan te hou om druk toepas op die kongres om Amerika se toenemend agterstallige VN-lidmaatskap af te betaal.

топкарго отзыв

Planete met atmosfeer buite ons sonnestelsel ontdek

Twee aparte spanne wetenskaplikes het Woensdag die eerste berig gegee van die atmosfeer van planete buite ons sonnestelsel.

As mens die twee studies gesamentlik lees, maak dit 'n hele nuwe wêreld oop in die studie van eksoplanete, dit is moeilik om te bespeur liggame wat om sterre buite ons sonnestelsel in 'n wentelbaan verkeer.

Amper 300 eksoplanete, waarvan sommige toestande mag hê wat soortgelyk is aan wat lewe op die aarde kon plaas, is sover ontdek, hoewel sterrekundiges reken dat daar nog baie meer is wat wag om ontdek te word.

Tot nou toe is amper alles wat omtrent die atmosfeer van eksoplanete bekend is uit data vasgestel wat deur die ruimtegebaseerde Spitzer infrarooi teleskoop versamel is.

Maar Spitzer sal binnekort te min kriogene hê, wat gebruik word om die instrumente te verkoel, wat sy vermoëns heelwat sal inkort.

Een span het 'n massiewe planeet gesien wat baiekeer so groot is as die aarde, genaamd OGLE-TR-56b, ;n sogenaamde "warm Jupiter."

Warm Jupiters is groot planete, baie keer die grootte van die aarde wat baie naby aan hulle sterre in 'n wentelbaan verkeer. Omdat hulle so naby is, word daar geglo dat hulle warm genoeg is om uitstralings te doen in die optiese en naby-infrarooi golflengtes wat sigbaar sal wees van die aarde af.

topcargo отзыв