Nuus Archives - Page 183 of 403

Smouse vas vir verkoop van toksiese melkprodukte

11:13:34 Vyf ongelisensieerde smouse wat besmette melkprodukte verkoop het, is in Durban se sentrale gebied vasgetrek, het die Durbanse metropolisie Vrydag gesê.

Superintendent Joyce Khuzwayo het aan Sapa gesê die vyf is by Dr. Yusuf Dadoostraat (voorheen Greystraat) en Warwicklaan gevang, waar hulle in besit was van besmette melkpoeier ter waarde van R20 000.

Dit sluit in 60 blikke Nestlé Lactogen 1 en Nido 1.

Daar is verder bevind dat al vyf buitelanders was wat sonder permitte gewerk het.

Khuzwayo het gesê dat daar geglo word dat die produkte van 'n afleweringsvragmotor en winkel gesteel was.

Die vyf sal na bewering Vrydag in die Durbanse landdroshof verskyn op verskeie aanklagte, onder andere een van besit van gesteelde goedere.

Die departement van gesondheid het twee van die babaprodukte vroeër vandeesweek onttrek, nadat daar hoë vlakke van melamien daarin gevind is.

Leon Mbangwa, woordvoerder vir die departement, het gesê Nestlé se Growing up milk for 1-year-olds en Starter Infant Formula with iron is onttrek.

Toetse op monsters het gewys dat Lactogen vlakke van 1,6 mg/kg melamien bevat en Nido 3 mg/kg melamien.

Drie bemanningslede gered n? skip deur seerowers aangeval is

10:45:05 Somaliese seerowers het Vrydag 'n Liberiese skip geskaak in die Golf van Aden, maar drie bemanningslede het ontsnap deur oorboord te spring.

Die drie is deur 'n skip van die Duitse vloot gered, het Franse bronne aan AFP gesê.

обувь для яхтинга

Ontploffings en geweervuur gehoor by Tajhotel

Onlangse brand by die Tajhotel in Moembaai

10:27:20 Twee groot ontploffings en geweervuur is gehoor uit die Tajhotel in Moembaai, waar kommandolede steeds soek na 'n gewapende man.

Die Weermagbevelvoerder, luitenantgeneraal N. Thamburaj, het gesê tenmminste een gewapende man is steeds lewendig in die gebou en het die elektrisiteitsvoorsiening na die vloer waar hy wegkruip afgesny.

Die insident het gebeur kort nadat kommandolede met toue uit helikopters afgegly het op die dak van die Moembaaihoofkwartier van 'n ultra-ortodokse Joodse groep, en tewyl gyselaars uit die luukse Oberoihotel gelei is.

Al drie die plekke is Woensdagnag deur gewapende mans aangeval. Meer as 119 mense is dood en honderde is beseer toe vermoedelik Islamitiese militante 10 plekke in Moembaai aangeval het.

free slot games

Zuma en Mbeki voor die regters

Jacob Zuma

09:58:03 Die nasionale vervolgingsgesag (NV) gaan Vrydag probeer om die 5 regters van die appèlhof in Bloemfontein te oortuig dat ANC-president Jacob Zuma aangekla moet word.

Die NV wil die beslissing wat regter Chris Nicholson op 12 September gemaak het, waarin hy gesê het dat die besluit om Zuma aan te kla onwettig was omdat hy nie kans gegun is om te reageer op die NV se klagte nie, probeer omkeer.

Zuma het een klag van afpersing, vier klagte van korrupsie, 'n klag van geldwassery en twaalf klagte van bedrog in die gesig gestaar.

Voormalige president Thabo Mbeki sal ook 45 minute kry om sy punt te argumenteer oor hoekom hy toegelaat moet word om in die stryd tussen Zuma en die NV toe te tree of toegelaat te word tot die stryd as vriend van die hof.

Mbeki wil poog om toegelaat te word om regter Nicholson se stellings van politieke inmenging teen hom as foutief te bewys. Dié stellings het volgens hom die ANC daartoe gelei om hom uit sy pos as president te verwyder.

Veiligheidsmaatreëls gaan klaarblyklik baie streng wees, en hordes joernaliste sal op die hofgeboue toesak.

Die ANC in die Vrystaat het belowe dat duisende lede buite die hof teenwoordig sal wees ter ondersteuning van Zuma.

Zuma self sal na verwagting by die hof teenwoordig wees, maar teen laat Donderdag was dit steeds nie bekend of Mbeki die verrigtinge sal bywoon nie.

хорватия

Zimbabwe smeek om hulp oor cholera

Bakterie? van vibro cholerae

09:35:49 Zimbabwe het Donderdag 'n beroep gedoen om hulp met die cholera-epidemie, en gewaarsku dat die uitbraak kan vererger met die begin van die reënseisoen, terwyl die amptelike dodetal amper 400 bereik het.

Net 'n dag nadat die regering aangedring het dat hulle die uitbraak onder beheer het, het die adjunkminister, Edmin Muguti gesê dat hulle hulp sal verwelkom, maar weer die blaam vir die krisis op president Mugabe se kritici geplaas.

Muguti, wat op die staatstelevisie gepraat het, het gesê dat 386 mense reeds dood is aan die siekte, terwyl 9363 gevalle reeds aangemeld is. Die regering het voorheen gesê dat 281 mense dood is, hoewel die VN die syfer op 366 geplaas het.

"Met die aanvang van die reënseisoen, kan die situasie vererger," het Muguti gesê.

"Ons probleme is heel eenvoudig. Ons het hulp nodig."

Zimbabwe se reënseisoen het vroeër vandeesmaand begin en behoort aan te hou tot in Februarie.

Die minister het weer die beperkte sanksies wat deur Amerika en Brittanje ingestel is, wat onder andere 'n reisverbod en 'n batebevriesings vir Mugabe en sy binnekring insluit, vir die sterftesyfer geblameer.

"Miskien het die mense wat die situasie geskep het besluit om ons saggies dood te maak," het hy gesê.

Die ontploffing van die cholerasituasie is die mees onlangse teken van die ineenstorting van die land wat as 'n postkoloniale suksesverhaal beskryf is in die eerste twee dekades ná onafhanklikheid van Brittanje in 1980, maar wat nou gebuk gaan onder die wêreld se hoogste inflasiesyfer, wat onlangs op 231 persent geskat is.

Dié nasie se vervalle infrastruktuur het tot gevolg dat rou riool openlik in die strate afloop terwyl drinkwater nie behandel word nie.

Die siekte het na naburige Suid-Afrika versprei, waar 6 mense, insluitend 2 burgers dood is aan cholera nadat hulle oor die afgelope week van Zimabwe af teruggekeer het.

светильники Данильченео

Switserse hoof s? Singapoerbanke bied meer geheimhouding

Singapoer behoort weer onder die vergrootglas geneem te word ten opsigte van die banke daar se geheimhouding. Dit is die mening van die hoofuitvoerendebeampte van die Switserse bankiersvereniging, terwyl die Asiese stadstaat voortgaan om sy geldbestuur en private bankbedryf uit te brei.

Urs Roth het in 'n onderhoud met die Financial Times Singapoer en Switserland vergelyk. "Singapoer kry nie op die oomblik soveel aandag nie, dalk omdat dit kleiner is as Switserland. Maar ek sou reken dat dit net 'n kwessie van tyd is."

Mnr. Roth, wat in Hong Kong aan die einde van 'n toer van Asiese finansiële sentra gepraat het, het gesê dat "geheimhoudingsklousules in Singapoer waarskynlik strenger is as in Switserland."

"Singapoer is hoofsaaklik 'n Asiese sentrale punt, in 'n streek met die hoogste groeitempo. Ons sien nie op hierdie tydstip dat baie geld vanuit Europa na Singapoer toe gaan nie, maar dit mag dalk vorentoe verander."

Banke in Singapoer het tussen 10% en 15% van die bates van dié in Switserland. Maar Switserland het onlangs weer onder skoot gekom oor die geheimhouding in banke, na 'n Duitse belastingontduikingsondersoek wat betrekking het op rekeninge in die naburige Liechtenstein.

Данильченко Харьков

Taalkundige s? Amerika het op Blair gespioeneer

Die Amerikaanse regering het Tony Blair afgeluister terwyl hy die Britse eerste minister was, volgens 'n voormalige werknemer by die Nasionale Sekuriteitsagentskap (NSA).

ABC News het Maandag gesê dat die NSA gesprekke van Mnr. Blair en Ghazi al-Yawer, die eerste Irakse president na die 2003 inval, afgeluister het. Die Withuis het nie op navrae gereageer nie.

David Faulk, 'n taalkundige in Arabiese tale wat voorheen by die NSA gewerk het, het die bewerings aan ABC gemaak. Hy het verder ook beweer dat hy in 2006 by Fort Gordon in Georgia toegang gehad het tot 'n hoogsgeheime databasis genaamd "Anchory", wat persoonlike besonderhede van mnr. Blair bevat het.

Terwyl die Amerikaanse regering gewoonlik op buitelandse regerings en hulle leiers spioeneer, is dit 'n bekende feit dat Amerika en Brittanje lank reeds 'n verhouding het waarin daar meer wedersydse vertroue is. Dié onthullings kan die "spesiale verhouding" met Washington waarop Londen hom roem, ernstig skaad. Mnr. Blair was een van president George W. Bush se naaste bondgenote in die oorlog met Irak en Afghanistan.

Mnr. Faulk het ook beweer dat hy geheime verslae van die NSA gelees het oor mnr. Ghazr, insluitend slaapkamergesprektelefoonoproepe tussen 2006 en 2007. Bob Woodward, die veteraan Washington Post verslaggewer, het hierdie jaar verslag gedoen in "The war within" dat Amerika ook afgeluister het op Nouri al-Maliki, die Irakse eerste minister.

Verlede maand het mnr. Faulk en nog 'n voormalige NSA werknemer nuwe insigte gewerp op die versluierde wêreld van die NSA, deur te onthul dat die agentskap gespioeneer het op verslaggewers, soldate, en nie-regeringsorganisasies, insluitend die Internasionale Rooikruis. Hulle het aan ABC gesê dat die NSA gereeld op Amerikaners gespioeneer het, deur af te luister op private gesprekke, insluitend slaapkamergesprekke en selfs telefoonseks.

Michael Hayden, die voormalige NSA direkteur, wat nou aan die hoof van die Sentrale inligtingsagentskap staan, het volgehou dat die programme nie teen die regte van gewone Amerikaners ingedruis het nie.

осушитель воздуха топкарго отзывы

Motorbom ontplof by Amerikaanse ambassade in Afghanistan

'n Selfmoordmotorbomaanvaller het Donderdag 'n Amerikaanse konvooi as teiken uitgesoek en sowat 200 meter van die Amerikaanse ambassade in Kaboel homself opgeblaas. Ten minste 4 mense is dood terwyl Amerikaanse burgerlike personeel die ambassade binnegegaan het vir 'n Dankseggingsdagwedloop.

Ten minste nog 18 is gewond in die aanval wat om 8:30 voormiddag plaasgevind het, het die openbare ministerie van gesondheid gesê.

Abdul Manan, 'n polisiebeampte, het gesê die ontploffing is deur 'n persoon in 'n Toyota Corolla veroorsaak.

Die Amerikaanse ambassade het 'n Dankseggingsdagpretloop vir 9:00 beplan. Dus was Amerikaners en ander Westerse personeel besig om die ambassadekompleks binne te gaan toe die bom afgegaan het, wat sommige deelnemers laat vlug het vir die ambassade se hekke.

tops online com

Skerpioene in wapenstransaksiesoektog

Sewe plekke is Woensdag deur die Nasionale vervolgingsgesag (NV) se direktoraat vir spesiale operasies (Skerpioene) deursoek in verband met die wapenstransaksies.

NV woordvoerder, Tlali Tlali het gesê die soektog was deel van 'n voortgaande ondersoek na bewerings van korrupsie en bedrog wat verband hou met die vegvliegtuigkontrakte van die wapenstransaksie.

Hy wou nie die plekke wat deursoek is en die name van die mense wat betrokke is, bekendmaak nie.

Hy het ook gesê dit is te vroeg om te bepaal watter klagtes gelê sal word met betrekking tot die geval.

Verdere ondersoeke sal gedoen moet word om die aantygings te bevestig, het Tlali gesê.

topcargo развод

Sluit grense met Zimbabwe, s? Botswana

Zimbabwe se bure behoort hulle grense te sluit in 'n poging om president Robert Mugabe te onttroon, het Botswana se minister vir buitelandse sake Woensdag in die sterkste oproep tot aksie tot op hede gesê.

Phanu Skelemani, minister van buitelandse sake het aan BBC Wêreldnuus gesê dat Suider-Afrika misluk het om Mugabe met mediasie te oortuig, en dat hulle nou sanksies sal moet instel.

Die leiers moet "aan Mugabe reguit sê, 'kyk, jy is nou op jou eie, ons gaan jou grense sluit, ons skakel nou af,' en ek glo nie hy sal hou nie. Indien geen brandstof die land binnekom vir 'n week nie, kan hy nie hou nie," het Skelemani gesê.

Zimbabwe se opposisieleier, Morgan Tsvangirai, het Woensdag gesê dat "geen vordering" gemaak word in die nuwe rondte samesprekinge wat Dinsdag begin het nie. Hy sê ook dat Mugabe en sy party se hardkoppigheid tot op hede die kanse dat die ooreenkoms sal werk al minder na 'n realiteit laat lyk. Zimbabwe se regering het geen onmiddellike kommentaar gelewer nie.

Tsvangirai het voorts gevra dat Mbeki onttrek as bemiddelaar.

Die Amerikaanse ambassadeur vir Zimbabwe, James McGee, het ook 'n beroep gedoen op Afrikane om met meer gesag op te tree.

"Die mees belangrike druk sal uit die streek kom," het hy by die jaarlike dinee van die Commercial Farmers Union van blanke boere gesê. Meeste van hulle is van hulle grond af gedwing deur planmatige regeringsondersteunde grondroof.

Die SAOG en die AU "behoort op te staan en die wil van die mense af te dwing" het McGee gesê.

Botswana en Zambië was sover die stemme teen Mugabe, terwyl Zimbabwe ondergaan in 'n politieke en ekonomiese krisis wat landbou, gesondheid en onderwys laat ineenstort het, en waar tekorte aan voedsel, skoon water, medisyne, elektrisiteit en brandstof die norm geword het in die land.

как сделать печку