Nuus Archives - Page 154 of 403

Skerpioene dagvaar polisie vir Selebi-inligting

Die Skerpioene het 'n dosyn dagvaardigings teen verskeie hoë polisieoffisiere bekom, wat hulle beveel om getuienis wat nodig is om Jackie Selebi te vervolg vry te stel, het die Star Woensdag berig.

Skerpioene ondersoekbeamptes het Dinsdag begin om die dagvaardigings te bedien op beamptes wat insluit die hoof van die SAPD, Tim Williams.

Die polisie het tot 27 Januarie om die dokumente te oorhandig of te verduidelik hoekom hulle dit nie wil doen nie.

Op 2 Desember het magistraat Stanley Mkhari van Randburg die getekende dagvaardings oorhandig aan die Skerpioene se ondersoekbeampte Andrew Leask en sy span by die Midrandse polisiestasie. Die polisie is oorspronklik tot Woensdag gegee om te reageer, maar dit is verleng tot 27 Januarie.

Die Skerpioene soek getuienis wat insluit dokumente, korrespondensie, videomateriaal, saaklêers, dagboeke en hoogsgeheime verslae wat verband hou met die geskorsde nasionale polisiekommissaris.

Ander beamptes wat gedagvaar word is kommissaris Rayman Lalla en die voormalige hoof van speurdienste, Johan de Beer.

Selebi se korrupsie verhoor was geskeduleer om te begin in die Johannesburgse hof op 14 April.

Die Skerpioene het 'n dosyn dagvaardigings teen verskeie hoë polisieoffisiere bekom, wat hulle beveel om getuienis wat nodig is om Jackie Selebi te vervolg vry te stel, het die Star Woensdag berig.

Skerpioene ondersoekbeamptes het Dinsdag begin om die dagvaardigings te bedien op beamptes wat insluit die hoof van die SAPD, Tim Williams.

Die polisie het tot 27 Januarie om die dokumente te oorhandig of te verduidelik hoekom hulle dit nie wil doen nie.

Die Skerpioene soek getuienis wat insluit dokumente, korrespondensie, videomateriaal, saaklêers, dagboeke en hoogsgeheime verslae wat verband hou met die geskorsde nasionale polisiekommissaris.

Ander beamptes wat gedagvaar word is kommissaris Rayman Lalla en die voormalige hoof van speurdienste, Johan de Beer.

Selebi se korrupsie verhoor was geskeduleer om te begin in die Johannesburgse hof op 14 April.

Reivilo-inwoners versper paaie

Inwoners van Reivilo in die Noordweste se Taung-munisipaliteit het alle toegangsroetes tot Boitelo-lokasie versper uit protes teen swak dienslewering, sê die polisie.

Noordwespolisiesegsman, Kaptein Lesego Metsi, sê inwoners het die paaie met brandende buitebande, skrootmetaal en klippe versper.

“Hulle het alle roetes na die lokasie gesluit. Die polisie het daarin geslaag om die verbranding van buitebande te staak en geen skade aan eiendom is aangemeld nie. Die polisie sal voortgaan om die situasie te monitor.”

Die betogers beskuldig die Groter Taung Plaaslike Munisipaliteit daarvan dat hulle in gebreke bly om basiese dienste soos water en sanitasie te verskaf.

Meer as 30 mense is in Desember in Reivilo vir openbare geweld gearresteer nadat hulle teen swak dienslewering betoog het.

Metsi sê niemand is in verband met vandag se betoging in hegtenis geneem nie.

logo for euro

Zuma-beslissing nie algeheel te blameer vir die rand se treurmare

Terwyl die voortgaande vervolging van die ANC-president, Jacob Zuma, negatief is vir die rand, is dit slegs gedeeltelik die rede vir die geldeenheid se knieserigheid, sê RMB se geldeenheidnavorsing.

“Die Appèlhof se besluit om die NVG toe te laat om Jacob Zuma te vervolg het die mark ietwat onkant gevang en het 'n negatiewe reaksie van 'n paar sent ontketen,” sê RMB in 'n geldeenheidbywerking.

“Dat daar onafgehandelde aanklagte teen 'n president is, sal negatief wees, maar belangriker is die onverbonde ongemak oor 'n moontlike verskuiwing na links ná die verkiesing,” sê RMB.

Hulle het bygevoeg dat dit môre en oormôre na verwagting baie opvlieënd op die markte sal wees na aanleiding van internasionale data en kalendergebeure.

Die rand het vanoggend teen 10,13 teenoor die Amerikaanse dollar verhandel.

how to promote лобановский харьков

Wag by Mabopane-kliniek doodgeskiet

'n Vyf-en-dertigjarige sekuriteitswag is doodgeskiet en sy kollega ernstig gewond by die Mabopane-kliniek, noord van Pretoria.

Die twee wagte is by die kliniek deur drie gewapende mans aangeval. Die een wag is in die kop geskiet en is op die toneel dood. Sy kollega is in die maag geskiet.

Die gewapende mans het te voet van die toneel gevlug.

Die motief vir die aanval is nie bekend nie.

'n Hakkejag vir die moordenaars is van stapel gestuur.

free bet without Данильченко

Rice wys VSA se w?reldwye suksesse teen VIGS uit

Condoleezza Rice

Die VSA se minister van buitelandse sake, Condoleezza Rice, het gister gesê dat miljoene mense wêreldwyd hoop geput het uit die uittredende president, George W. Bush, se administrasie se program om VIGS te bestry.

“'n Siekte wat eens as 'n doodsvonnis beskou is… is nou 'n siekte waarmee Amerika mense help om saam te leef en dit te bestuur, sodat hulle deel van hulle kinders se lewe vorentoe kan wees,” het Rice aan verslaggewers gesê.

Sy het haar opmerkings gemaak tydens die vrystelling van die vyfde jaarverslag aan die Kongres van die President se Noodplan vir die Verligting van VIGS – PEPFAR – 'n oorsig van die program se eerste vyf jaar voordat Bush sy amp op die 20ste Januarie verlaat.

“Ek dink nie dat enige iets so sterk in die harte en die gedagtes van mense rondom die wêreld sal staan nie, maar ook in ons eie bewussyn, as die werk en prestasies van PEPFAR nie,” het Rice gesê.

Amerikaanse beamptes sê dat net 50 000 mense in die hele Afrika suid van die Sahara lewegewende anti-retrovirale behandeling gekry het toe die program in 2003 gebore is.

Maar, het sy bygevoeg, teen Oktober verlede jaar het PEPFAR “lewegewende anti-retrovirale behandeling ondersteun vir meer as 2,1 miljoen mans, vroue en kinders wat regoor die wêreld met MIV/VIGS leef.

PEPFAR het ook die voorkoming van moeder-tot-kind MIV-oordragdienste vir vrouens gedurende amper 16-miljoen swangerskappe ondersteun, wat 'n geskatte 237 000 babas toegelaat het om sonder MIV gebore te word,” het sy gesê.

“Ons ondersteun tans die sorg vir meer as 10,1-miljoen mense wat wêreldwyd geraak word, insluitende viermiljoen kwesbare kinders wat die hoop vir 'n blinker toekoms verteenwoordig.”

Die hoof-VSA-diplomaat het die program “die grootste onderneming deur enige nasie om 'n enkele siekte te beveg in menslike geskiedenis” genoem.

Die syfers stem ooreen met dié wat in Desember deur Bush aangekondig is.

ригонда купить

Cholera neem toe in SA

Omtrent 77 nuwe vermoedelike en bevestigde choleragevalle is vandag in Suid-Afrika gerapporteer terwyl die Tubatse-rivier in Limpopo positief getoets het vir die siekte.

Daar was 64 nuwe vermoedelike choleragevalle in Limpopo en Gauteng. 'n Totaal van 13 bevestigde choleragevalle is in die Weskaap, KwaZoeloe-Natal en die Noordweste gerapporteer.

Die hoofdirekteur van Limpopo se Watersake, Alson Matukane, sê voortdurende toetse van waterbronne in die provinsie dui aan dat dele van die Tubatse-rivier in die Steelpoortgebied met cholera besmet is.

Ander dele van die rivier het egter negatief getoets, sê hy.

“Dit blyk dat die gebiede wat positief getoets het, is waar mense plastiekhouers gebruik om water mee te dra,” sê hy.

Matukane sê hulle ondersoek steeds of die water deur mense of deur die omgewing besmet word.

Die gesondswoordvoerder vir Limpopo, Phuti Seloba, sê omtrent 48 nuwe gevalle is gerapporteer, wat die groottotaal vir nuwe besmettings in die provinsie tot 1 802 neem.

Hy sê 11 van die nuwe 48 gevalle is in die gebiede waar die Tubatse-rivier besmet is, aangemeld.

Die provinsie se cholerasterftesyfer bly op nege.

Intussen het die aantal nuwe gevalle in die ander provinsies in Suid-Afrika gestyg.

построить сауну

Plaaswerkers steeds onderdruk, s? Cosatu

Plaaswerkers in die Noordweste leef steeds in vrees dat hulle van die plase afgesit of doodgemaak of aangeval sal word, sê Cosatu.

“Die Kongres van SA Vakverbonde in die Noordweste verwerp hierdie houding van boere wat steeds glo die land behoort aan hulle,” sê die provinsiale sekretaris, Solly Phetoe.

Hy sê die afknouerige optrede word gelei deur wit boere in die Lichtenburg-, Ottosdal-, Delareyville- en Wolmaransstadgebiede.

“Dit is op rekord dat plaaswerkers 'n swart Kersfees gehad het, met geen kos, geen water, geen plek om te slaap en met hofbevele wat hulle van plase afsit waar hulle vir meer as 17 jaar tot 40 jaar gewerk het.”

Phetoe sê Cosatu doen 'n beroep op al sy lede om die arm gesinne, insluitende plaaswerkers, wat Woensdag voor die Ottosdal-landdroshof gaan betoog, te ondersteun.

Die werkers sal betoog teen 'n aansoek van die eienaar van die plaas Rietspruit om hulle van sy plaas af te sit.

Daar sal ook môre 'n betoging en sperheinings gehou word in die Lichtenburggebied deur plaaswerkers, plaasgemeenskappe en die Jong Kommunisteliga. Phetoe sê die datum sal saamval met die verskyning in die Lichtenburgse landdroshof van nog 'n Johan Nel wat na bewering die 16-jarige leerling William Oupa Ntsaku meer as drie keer in Oktober 2008 geskiet het.

“Dit is duidelik en op rekord dat die boere van die Noordweste oorlog teen die arm werkersklas verklaar het,” sê hy, ook in verwysing na die Skielik-skietvoorval deur die veroordeelde moordenaar, Johan Nel (nie dieselfde een wie se saak môre aangehoor word nie).

Phetoe sê ook dat daar Woensdag betogings gaan wees deur die Cosatu-filiaal, die Nasionale Unie van Mynwerkers, by die Simmer en Jack-myn in Buffelsfontein.

Die NUM gaan daarop aandring dat die bestuur met die unie in gesprek tree en om die “unie-afkrakery” wat deur sommige blankes gelei word, stop te sit, sê Phetoe.

“Dit [die myn] het oorlog teen die NUM-takleierskap en sy lede verklaar en weier om maniere te vind om die komende afleggings te voorkom,” sê hy. Kommentaar deur Simmer en Jack was nie geredelik beskikbaar nie.

детские игри

Passasiers gord nie in nie

Net vier uit elke tien motorpassasiers in Suid-Afrika gebruik hulle veiligheidsgordels, het 'n nuwe peiling bevind.

“Die insittende wat die waarskynlikste een is om 'n gordel te gebruik, is die bestuurder,” sê die Outomobiel Assosiasie van Suid-Afrika wat medeborg van die studie was.

Die Assosiasie se segsman, Rob Handfield-Jones, sê die uitslae van die peiling wat verlede jaar in Desember gedoen is, stem ooreen met dié van 'n soortgelyke studie wat drie maande tevore gedoen is.

Die nuutste peiling is in ses verskillende provinsies gedoen. 'n Groottotaal van 3,831 voertuie is ondersoek. Dit het minibustaxi’s en swaarvoertuie ingesluit.

Handfield-Jones sê die persentasie bestuurders wat ingord het van 64 persent in September tot 56 persent in Desember verlede jaar gedaal.

“Die totale drasyfer het van 56 tot 40 persent gedaal, terwyl die drakoers vir passasiers van 41 tot 30 persent gedaal het,” sê hy.

“Van die 628 taxi’s wat gepeil is, was net 11 persent van die bestuurders ingegord en net twee persent van hulle passasiers in die voorste of agterste sitplekke.”

Omtrent 20 persent van swaarvoertuigbestuurders en ses persent van hulle passasiers dra veiligheidsgordels.

Die loodsstudie het bevind dat polisiebestuurders vier persent minder geneig is om veiligheidsgordels te dra as burgerlike bestuurders in die peiling.

remeza

Vryheidsfront Plus l? klag oor haatspraak teen blankes

Die Vryheidsfront Plus gaan vandag die twee swart polisielede van Odendaalsrus-polisiestasie, wat ‘n blanke boer ‘n “white dog” genoem het en toe gesê het “all white dogs in South Africa will be killed”, by die Menseregtekommissie aankla van haatspraak. Die minister van Veiligheid en Sekuriteit, mnr. Nathi Mthethwa, gaan ook skriftelik gevra word om konstabels Mokwena en Mafabatho, dadelik te skors.

"Hierdie optrede van die polisielede getuig van naakte rassisme en haatspraak. Optredes soos hierdie blaas rassehaat aan tussen swart en wit wat in die toekoms gaan oorkook in konflik indien nie drasties opgetree word nie”, sê mnr. Pieter Groenewald (LP), hoofwoordvoerder vir veiligheid en sekuriteit van die Vryheidsfront Plus.

“Insidente waar swart polisielede rassisties teen wittes optree en haatspraak teenoor wittes uitspreek, kom toenemend voor. Die polisie moet vertroue by die publiek wek en hulle beskerm teen misdaad. Optrede soos genoem maak die publiek wantrouig teenoor die polisie en in wese bevorder sulke optrede misdaad in die land”, het Groenewald gesê.

Die boer, mnr. Gert van Vuuren van die plaas Hilton by Odendaalsrus, het verlede week (Woensdag) amptelik die twee polisielede aangekla vir die onwettige rig van ‘n vuurwapen, crimen injuria en onwettige betreding van sy eiendom. Sy seun, Rudi, het ook ‘n klag van crimen injuria teen hulle gelê.

topcargo отзыв

Zuma verloor app?lsaak in Bloemfontein

Die Appèlhof in Bloemfontein het teen Jacob Zuma beslis deur die appèl van die nasionale direkteur van openbare vervolgings toe te staan teen 'n vorige Hooggeregshofbeslissing wat vervolging opgeskort het.

Zuma, wat tans die gunsteling is om president te word, sal daarom steeds op korrupsieklagte tereg moet staan.

Die waarnemende regterpresident, Louis Harms, het 'n snydende uitspraak teen regter Chris Nicholson gelewer waarin hy sy bevinding van politieke inmengery in die Zuma-korrupsiesaak as "foutief", "ongeoorloof" en "onbegryplik" beskryf.
"Politieke inmenging was nie die kwessie wat bepaal moes word nie. Nietemin het 'n aansienlike deel van sy uitspraak dié vraagstuk behandel. Hy het die spelreëls verander, hy het sy oog van die bal af gehaal," het Harms gesê.
Harms meen Nicholson se bevinding dat hy nie die moontlikheid van politieke inmenging by die herverhoor van Zuma kon uitsluit nie, was "onbegryplik", asook dat hy in sy uitspraak gefouteer het en dat sy bevinding "ongeoorloof" was.
"Die bevinding rondom dr Penuell Maduna, mnr. Mbeki en al die ander lede van die kabinet… was nie gegrond op enige getuienis of bewerings nie. Hulle was pleks daarvan deel van die regter se eie komplotteorie, wat nie deur mnr. Zuma gestel is nie," het Harms gesê.

Harms het 10.00 Maandag begin om sy uitspraak te lewer in die appèl wat deur die NV teen die Nicholson-uitspraak van 12 September verlede jaar aanhangig gemaak is.

Die Bloemfonteinse hof moes oor hoofsaaklik twee aspekte van die appèl beslis.

Die eerste was of Zuma daarop geregtig was om hom te verweer voordat die NV besluit het om hom weer van korrupsie en bedrog aan te kla in Desember 2007, 10 dae nadat Zuma vir Mbeki in die ANC-leierskapsresies die loef afgesteek het.

Die tweede was of Nicholson korrek was deur in sy uitspraak gedurende September 2008 te impliseer dat daar politieke inmenging deur Mbeki was in die besluit om Zuma aan te kla.

Die topleierskap van die ANC het die uitspraak gebruik om Mbeki as president te skors, waardeur Zuma-Mbeki-verdeeldheid in die regerende party blootgestel is en wat uiteindelik tot die geboorte van 'n skeuringsparty gelei het.

прожектор 100 депутат лобановский