Nuus Archives - Page 153 of 403

Zim-kleinhandelaars oorweeg herinstelling van krediet

Zimbabwe se handelaars dink weer daaraan om kredietfasiliteite in te stel nadat hulle toestemming gegee is om in buitelandse geldeenhede handel te dryf, het die staatsbeheerde Herald Woensdag berig.

Handelsektorrolspelers het aan die koerant gesê dat die ontwikkeling in reaksie was op 'n verbetering in voorraadvlakke.

"Die probleem op die oomblik is wie oorweeg behoort te word vir krediet, aangesien nie almal in buitelandse geldeenhede betaal word nie. Natuurlik sal daar 'n neiging wees om voorkeur te gee aan mense wat buitelandse geld verdien of diegenewat oor toegang tot buitelandse valuta beskik."

Indien die regering sou besluit om staatsamptenare in buitelandse geld te betaal, sal dit volgens handelaars "baie doen om die kredietfasiliteit 'n groot hupstoot te gee, aangesien hulle die groot rolspelers was in terme van die kredietfasiliteit voordat dit gestaak is."

Handelaars het aan die Herald gesê dat hulle ook oorweging sal skenk daaraan om krediet aan diegene te verskaf wat buitelandse rekeninge het en wat internasionale debietkaarte het.

Kredietfasiliteite is in Oktober 2007 gestaak vanweë die bedryfsverliese wat winkels gelei het as gevolg van prysbeheer in 'n hiperinflasie-omgewing, het die koerant gesê.

Israel keer Iranse hulpskip op pad na Gasa voor

Die Iranse staatstelevisie het gesê Israel se vloot het 'n Iranse skip wat volgelaai was met voedsel, klere en medisyne wat vir Gasa bestem was voorgekeer en gedwing om na 'n Egiptiese hawe te gaan.

Ahmad Navabi, die hoof van die humanitêre groep wat die skip borg, het Woensdag op televisie gesê dat die Israelse vloot Woensdag die vragskip net 30 kilometer van die kus van Gasa af onderskep het en beveel het om weg te draai.

Die skip, Shahed, het die Iranse hawe Bandar Abbas twee weke terug verlaat.

Navabi het gesê sy groep sal dalk moet probeer om die humanitêre hulp vir Gaza deur die Rafah-kruising by die Egiptiese grens te stuur.

topcargo развод

Toyota-bestuurders koop vrywillig eie maatskappy se motors

Toyota Motorkorporasie se bestuurders soek na nuwe Toyota-motors in 'n poging om verkope te help opstoot en om steun te wys vir die maatskappy, het 'n beampte van die maatskappy Woensdag gesê te midde van Japan se top voertuigvervaardiger se stryd teen 'n globale insinking.

Die skuif toon hoe moeilik tye vir Toyota is. Dit kom ná die skokkende onthulling dat Toyota vir die eerste keer in 70 jaar 'n bedryfsverlies gaan toon in die finansiele jaar wat eindig op 31 Maart.

Dié voorstel is verlede maand eers bekend gemaak in 'n interne omsendbrief wat versprei word aan omtrent 2 200 middelvlakbestuurders, wat 'n groep soortgelyk aan 'n klub vorm, het Toyota-woordvoeder Yuta Kaga gesê.

Niemand gaan geforseer word om 'n kar te koop nie, en dit staan hulle vry om enige model te kies wat hulle wil hê, solank as wat dit 'n Toyota is, het hy gesê.

Toyota het gegroei deur spanwerk te bevorder en werkers word aangemoedig om met idees vorendag te kom wat dinge kan verbeter en kostes kan bespaar.

Japannese maatskappye neig om 'n korporatiewe kultuur te skep wat baie naby aan familiebande is, alhoewel sulke praktyke tog mettertyd verminder.

Toyota-bestuurders het reeds 'n 10% vermindering in hulle bonusse aanvaar.

Topuitvoerendebeamptes gaan 'n vermindering in salaris aanvaar, maar die bedrag is volgens die maatskappy nog nie vasgestel nie.

топкарго отзыв

9 dood in ongeluk in Noordwes

Agt mans en 'n vrou is dood en nog agt ernstig beseer in 'n kop-aan-kopbotsing tussen twee minibustaxi's in Phokeng naby Rustenburg Dinsdagnag, het die Noordwesdepartement van vervoer gesê.

"Die ongeluk was tussen 'n taxi wat mense na die omliggende dorpies geneem het en 'n Coin-sekuriteitsvoertuig wat op pad was na Rustenburg," het woordvoerder James Moche in 'n verklaring gesê.

"Dit wil voorkom asof die bestuurder van die minibus van die sekuriteitsfirma beheer oor die voertuig verloor het in die reënerige toestande en kop aan kop gebots het met die taxi."

4 Mense in die sekuriteitsfirma se bussie is gedurende die ongeluk uit die voertuig geslinger. Drie van hulle is dood en die vierde het ernstige beserings opgedoen.

"Die voertuig het aan die brand geslaan en is totaal vernietig."

Nog ses mense in die Quantum-taxi is dood. Die bestuurders van beide voertuie is onder dié wat dood is.

Die agt wat beseer is, is na die Job Tabane-hospitaal op Rustenburg geneem.

Die Noordwes-LUR vir vervoer Phenye Vilakazi het die ongeluk as grusaam beskou en sy meegevoel aan die families van die oorledenes oorgedra. Hy het ook wense vir vinnige beterskap aan die beseerdes uitgespreek.

дизайн интерьер

Fitch verlaag Anglo plc se vooruitsig

Die Fitch-graderingsagentskap het die eertydse Suid-Afrikaanse maatskappy wat tans sy hoofkantoor in Londen het, Anglo American plc, se vooruitsig van stabiel na negatief verander. Die agentskap het egter die langtermynlenerstatus en senior ongedekte lenings op enkel-"A" behou, asook die maatskappy se korttermynlenergradering van "F1".

Die senior ongedekte gradering van Anglo American Capital plc – Anglo se gewaarborgde filiaal – is ook herbevestig op "A", het Fitch Dinsdag in 'n verklaring gesê.

Die vooruitsigverandering weerspieël die moontlikheid dat Anglo se kredietsyfers gedurende 2009 buite Fitch se riglyne vir "A" mag beweeg, waaronder 'n maksimum hefboomeffek van drie keer.

Dié situasie weerspieël die maatskappy se bykomende skuldlas as gevolg van die aankoop van twee Brasiliaanse ysterertsmyne gedurende 2008.

In die loop van 2009 sal Fitch aanhou om die maatskappy se aankondigings te monitor insake maatreëls om sy kontantposisie te beskerm, asook bewegings in hulpbronpryse, teenoor bestaande beramings oor die maatskappy, het die agentskap verklaar.

Cosatu waarsku leier van KVP

Die konfederasie van vakunies, Cosatu het Dinsdag 'n waarskuwing aan die KVP leier, Terror Lekota gerig dat hy sal in wees vir 'n groot verrassing as hy aanhou om die regte van werkers te bedreig.

Zet Luzipho, KwaZulu-Natal se sekretaris vir die kongres van Suid-Afrikaanse vakunies het gesê die federasie was "ontstel deur die konstante bedreiging" deur die KVP, en veral dié wat gemaak is by 'n onlangse saamtrek.

"Sy (Lekota) se stellings is 'n ernstige bedreiging vir die hardgewonne regte van werkers in die land."

By 'n saamtrek in Umlazi, in KZN het Lekota Saterdag gesê dat swart ekonomiese bemagtiging (SEB) net 'n selektiewe klein groepie bevoordeel het en die armes sonder werk gelos het.

"SEB is nie bemagtiging nie. Bemagtiging moet daaroor gaan om te gee – begin by die armstes van die armes. 'n Kind van Umlazi moet dieselfde geleenthede hê as enige iemand anders."

Hy het gesê dat as SEB nie kinders bemagtig nie, dan is dit nie bemagtiging nie.

Lekota het gesê mense moet op grond van hulle vaardighede en kennis gehuur word, en nie op grond van hulle velkleur nie.

Zimbabwe-cholera gevalle styg terwyl dokters Mugabe wil aankla

Die dodetol in Zimbabwe se cholera-epidemie het Dinsdag toegeneem tot meer as 2000 terwyl 'n internasionale groep dokters gevra het dat president Robert Mugabe aangekla moet word vir misdade teen die mensdom.

Nuwe data van die WGO het getoon dat die wateroordraagbare siekte sedert Augustus meer as 2000 mense dood gelaat het met die hoeveelheid mense wat gediagnoseer is wat gestyg het tot amper 40 000.

Die nuwe syfers het ingekom terwyl die Amerikaans gebaseerde Dokters vir Menseregte gesê het dat Mugabe aangekla moet word vir misdade teen die mensdom vanweë menseregte skendings en die verval van die land se gesondheidsisteem.

Die aanbeveling is gemaak in 'n verdoemende 45 bladsye verslag wat gevolg het op die groep se besoek aan Zimbabwe verlede maand, waar gevind is dat die gesondheidskrisis voortgespruit het ui die ernstige menseregteskendings deur Mugabe se Zanu-PF party.

"Die Zanu-PF bewind gaan steeds voort om Zimbabwiërs se burgerlike, politieke, ekonomiese, sosiale en kulturele regte te skend," het die verslag gesê.

"Die VN veiligheidsraad behoort 'n resolusie in te stel om die krisis in Zimbabwe na die internasionale hof te verwys vir ondersoek, en behoort te begin met die proses om getuienis en dokumentêre bewyse te versamel om die klagte van misdade teen die mensdom te ondersteun," het die bygevoeg.

Die groep se span van 4 lede, wat 2 dokters insluit het meer as 90 mense ontmoet, wat insluit regeringsbeamptes, gesondheidswerkers en ander mense in hulle besoek wat gestrek het van 13 tot 20 Desember.

Kaper in jaagtog met polisie in Mamelodi

'n 30 Jarige man is Dinsdag gearresteer nadat hy 'n voertuig gekaap het en probeer ontsnap het van die polisie in 'n jaagtog in Mamelodi, het die Gauteng polisie gesê.

Kaptein Johannes Maheso het gesê die man het 'n groen Mazda gekaap in Garsfontein vroeër die dag.

"Polisie het die voertuig sien ry in die omgewing van Mamelodi en die man probeer aankeer. Die man het in die kar weggery en die polisie het hom agtervolg."

"Polisie het na die voertuig geskiet en die man het beheer verloor en teen 'n versperring gebots," het hy gesê.

Die man sal na verwagting in die Mamelodi landdroshof verskyn op 'n aanklag van motordiefstal.

mobile deposit chase

Vatikaanspan kom in Angola aan voor pouslike besoek

'n Afvaardiging van die Vatikaan het Dinsdag in Angola aangekom ter voorbereiding van die besoek van pous Benedict XVI aan die olieryke katolieke suidelike Afrika land, het die staatsbeheerde ANGOP agentskap gesê.

Die groep, wat gelei word deur biskoppe Alberto Gasbarri en Paopo Corvini, sal 5 dae in Angola spandeer en land se kerkleiers ontmoet voor die besoek van die pous, wat geskeduleer is vir 20 Maart.

Benedict se besoek aan die voormalige Portugese kolonie sal saamval met die 500ste herdenking van die aankoms van Christenskap in Angola, en sal die 2de keer wees wat 'n pous Angola besoek sedert pous Johannes Paulus II se besoek in 1992.

"Dit is 'n voorreg vir Angolese om 'n besoek van die pous te ontvang, en dit is 'n belangrike stap, nie net vir die kerk nie, maar vir die gemeenskap, omdat ons weet 'n groot deel van die gemeenskap is Christene," het Fatima Viegas, 'n senior beampte by die ministerie van kulturele sake aan AFP gesê.

"Vir Angola, wat nie net 'n Katolieke land is nie, maar ook een wat deur dekades van oorlog gekom het, dink ek dat die geweldige sterk spiritualiteit wat die pous aan die mense sal bring baie welkom sal wees," het sy bygevoeg.

Afrika word beskou as die sleutel vir die toekoms van die Rooms Katolieke kerk, aangesien die hoeveelheid mense wat die geloof aanhang hierso baie vinnig toeneem. Tussen 60% en 70% van die mense in Angola word as katoliek geskat.

Die jongste Afrika toer sal ook Sao Tome de Principe en Kameroen insluit.

Pous Johannes Paulus II het Afrika verskeie kere in die 26 jaar as hoof van die Rooms Katolieke kerk besoek.

Benedict (81) is in 2005 as pous verkies is, het voorheen sy kommer uitgespreek oor Afrika en dit beskryf as 'n kontinent waar "Europa nie net sy geloof in Christus uitgevoer het nie, maar ook allerhande soorte slegte gewoontes, die gevoel van korrupsie, geweld."

Kongorebellefaksie gaan nie vredesooreenkoms eerbiedig

'n Splintergroep van die rebelle in die ooste van die Kongo het Dinsdag gesê hulle gaan nie hou by die vredesooreenkoms wat uitgewerk is deur rebelle wat lojaal is aan generaal Laurent Nkunda nie.

Nkunda se mense word beskuldig dat hulle die burgerlike bevolking terroriseer in die land se wettelose oostelike gebiede. Hulle mees onlangse offensief het hulle verlede jaar amper in Goma, die streekshoofstad van die gebied ingebring, wat 'n internasionale ophef veroorsaak het asook die aankoms van 'n VN onderhandelaar.

Die VN onderhandelaar het vredesamesprekings gehou met die verteenwoordigers van Nkunda se NKVM in Nairobi, Kenia.

"Alle besluite sal deur die afgesette leier Nkunda of die wat lojaal is aan hom gemaak word sal as van nul en gener waarde beskou word, en ook enige besluit wat uit Nairobi kom," het Desire Kamanzi, die woordvoerder vir die wegbreek rebellefaksie gesê.

Die status van die groep, wat verlede week gestig is is steeds nie duidelik nie.

Niemand kan met sekerheid sê hoeveel mense lojaal is aan Bosco Ntangana, die leier van die wegbreek faksie se hoof nie.

Dinsdag het Kamanazi ook gesê dat sy Toetsie rebelle groep gereed is om die weermagte van die Kongo en Rwanda te ondersteun in hulle beplande sending teen die Hoetoe rebelle wat die 1994 slagting in Rwanda uitgevoer het en toe na die ooste van die Kongo gevlug het.

Beamptes in Kishasa, die Kongo se hoofstad het geweier om te bevestig of te ontken of so operasie steeds op die lappe was. Die kommentaar het wel die verskyning van 'n hele nuwe web van alliansies laat opvlam wat weereens Rwanda, die DRK se oostelike bure in 'n streeksoorlog kan intrek.

99spravok.ru topcargo развод