Nuus Archives - Page 150 of 403

Obama-inswering gaan R1,5 miljard kos

Barack Obama

Dit sal Barack Obama minder as 'n minuut neem om die eed af te lê as president van Amerika en wanneer hy klaar gedans het by die inhuldigingsbal op 20 Januarie kan die prysetiket vir die insweringseremonie ongeveer R1,5 miljard beloop.

Obama se inhuldigingskomitee probeer om sowat $45 miljoen in te samel aan private fondse, wat die $42,3 miljoen sal oorskry wat president Bush in 2005 bestee het. In 1993 het Clinton $33 miljoen bestee toe die demokrate die eerste keer in 12 jaar weer na die Withuis teruggekeer het.

Soos in vorige jare dra die belastingbetaler die koste vir sekuriteit en noodmediesedienste, wat baie meer kos as die privaat befondste geleentheid.

Die federale regering het $49 miljoen begroot vir vanjaar se inhuldigingseremonie, meer as drie keer wat bestee is op Bush se eerste inhuldiging in 2001, aldus die kantoor vir bestuur en begroting.

Vroeë vanjaar het die distrik van Colombia, Virginië, Maryland en die Washington-vervoerowerheid 'n versoek gestuur aan die federale wetgewers vir meer as $75 miljoen om kostes te dek wat wissel van sekuriteit tot vervoer.

mosoblburenie топкарго развод

Klag teen Grace Mugabe oor sy joernalis in Hong Kong aanrand

Amandla! Robert en Grace Mugabe

Die vrou van die Zimbabwiese president, Robert Mugabe, was Sondag die fokus van 'n ondersoek deur die Hong Kong-polisie nadat sy na bewering 'n joernalis aangerand het gedurende 'n inkopie-uitstappie in dié stad.

Grace Mugabe, (43) word daarvan beskuldig dat sy Richard Jones, die hooffotograaf van die Hong Kong-agentskap Sinopix aangerand het ná hy foto's van haar geneem het toe sy inkopies gedoen het in Modyweg, in Tsim Sha Tsui.

Jones was daar in opdrag van die Londense Sunday Times wat gister 'n voorbladartikel geplaas het van die insident tesame met foto's van Mugabe en haar beweerde slagoffer, wat sy beserings toon.

Die vrou van die Zimbabwiese leier is deur Jones en 'n kollega agtervolg toe sy die vyfster Shangri-la-hotel verlaat het om saam met 'n vriendin en 'n lyfwag te gaan inkopies doen.

Jones het aan AFP gesê dat die president se vrou geprobeer het om sy kamera van hom af te neem voordat sy hom herhaaldelik geslaan het in die beweerde aanval Donderdagoggend.

"Hulle het my opgemerk toe ek foto's geneem het van omtrent 150 meter ver en begin om op my te skree," het Jones (43) gesê. Hy het gesê dat hy Mugabe gevolg het as deel van die opdrag van die koerant se ondersoek ná haar inkopievakansie.

"Die lyfwag het agter my aan gehardloop. EK het ook gehardloop, maar met die swaar kameratoerusting het hy my ingehaal en probeer om die kamera van my af te neem."

"Toe het ek Grace Mugabe gesien aankom na my toe. Sy het eers geprobeer om die kamera af te neem en my toe direk in die gesig geslaan. Sy het my ten minste tien keer in die gesig geslaan."

"Ek was geskok, sy was soos 'n waansinnige. Ek het gedink 'hier is die eerste dame van 'n Afrikanasie wat my in die middel van die straat in Hong Kong in die gesig slaan.' Ek kon dit nie glo nie.

Jones het die aanranding twee dae later by die polisie in Tsim Sha Tsui aangemeld, maar teen daardie tyd het Mugabe en haar gevolg reeds die hotel en Hong Kong verlaat.

Mugabe was in Hong Kong as deel van 'n Asiese vakansie wat vroeg in Januarie begin het in die Maleisiese vakansieoord Langkawi, en toe in Singapoer voortgesit is waar haar man, Robert Mugabe, volgens die Sunday Times by haar aangesluit het.

Die Zimbabwiese eerste dame, wie se land swaar op voedselhulp steun, het op 9 Januarie na Hong Kong gevlieg en met haar gevolg in 'n suite in die Shangri-la-hotel gebly, het die koerant gesê.

Die Sunday Times beweer dat Robert Mugabe 92 000 Amerikaanse dollar onttrek het by die Zimbabwiese sentrale bank aan die begin van Januarie om sy vrou se Asiese vakansie te kan betaal.

Toe die polisie gevra is oor die aanval, het 'n Hong Kong polisiewoordvoerder gesê dat die polisie 'n klag van 'n 43 jarige man ontvang het op die 17de Januarie.

Hy het die saak aangemeld by die Tsim Sha Tsui polisie stasie aangemeld dat hy in die distrik deur 'n vrou aangerand is.

Die saak is as aanranding met die doel om te beseer geklassifiseer en 'n span van die Tsim Sha Tsui polisie ondersoek dit tans.

Sover is daar geen arrestasie gemaak nie.

Daar word verstaan dat Grace Mugabe na Zimbabwe teruggekeer het na haar verblyf in Hong Kong.

Sewe dood en 56 beseer in busongeluk

Sewe mense is dood en 56 beseer nadat 'n bus gerol het op die N14 in Ventersdorp, het nooddienste Sondag gesê.

Mark Stokoe, 'n woordvoerder van Netcare 911, het gesê die bestuurder van die Putco-bus het beheer verloor op 'n draai as gevolg van swaar reën.

"Sewe mense is op die toneel dood, 12 is in 'n kritieke toestand, 23 is op die toneel behandel en 21 is lig beseer," het Stokoe gesê.

Die beseerde mense is na verskeie hospitale in die omgewing geneem.

Die oorsaak van die ongeluk is onbekend.

In nog 'n ongeluk is 5 mense Saterdag dood in 'n kop-aan-kopongeluk op die N17 naby Springs.

Stokoe het gesê al vyf die mense, insluitend die bestuurder van die Toyota Cressida, is dood ná die botsing met 'n Mercedes ML.

Die bestuurder van die Mercedes, 'n vrou en haar twee kinders wat tussen 9 en 11 jaar oud is, is net lig beseer.

Hy het gesê dit is nie duidelik watter voertuig probeer het om die ander verby te steek nie, maar dat dit waarskynlik die rede vir die ongeluk was.

Mugabe dreig om Zim-samesprekings te verlaat

Morgan Tsvangirai

President Robert Mugabe van Zimbabwe het Sondag gedreig om heeltemal te onttrek uit die magsdelingsamesprekings indien die opposisie 'n ooreenkoms weier wanneer Suid-Afrika weer gaan probeer om 'n kompromis oor die regering van nasionale eenheid te vind.

Mugabe en die opposisieleier, Morgan Tsvangirai, is gereed om Maandag te ontmoet om die ooreenkoms te probeer red. Die ooreenkoms is reeds in September onderteken.

Die Suid-Afrikaanse president, Kgalma Motlanthe, gaan saam met sy voorganger Thabo Mbeki en die Mosambiekse leier Armando Emilio Guebuza as bemiddelaars optree in die onderhandelings om die politieke skaakmat te probeer beëindig.

Sondag het dit voorgekom asof nie een van die twee partye gereed was om enige toegewings te maak nie.

"Dit is die een geleentheid waarin hulle dit óf aanvaar óf dit is verby," het Mugabe in die regeringskoerant, Sunday Mail, gesê.

"Ons het klaar onderhandel, en enige toegewings wat gemaak kon word, is reeds gemaak," het hy gesê.

Tsvangirai se MDC het aangedring dat hulle nie by die regering van nasionale eenheid sal aansluit tot al hulle bekommernisse aangespreek is nie, insluitend bewerings dat hulle ondersteuners deur agente van die staat ontvoer en gemartel word.

"Die opposisie het herhaal dat alle uitstaande sake opgelos moet word voordat 'n inklusiewe regering aangestel word," het MDC woordvoerder Nelson Chamisa aan AFP gesê.

медсправка 086 у

Blyvooruitzicht-mynwerkers gered

Al 167 mynwerkers by Blyvooruitzicht-goudmyn naby Carletonville in die Noordwes-provinsie is na die oppervlak gebring meer as 24 uur nadat hulle ondergronds vasgekeer was, het 'n woordvoerder van die myn gesê.

"Myningenieurs het daarin geslaag om die krag na die sub-skag en die hoofskag se hystoerusting te herstel by die nommer 5-skag en werknemers is na die oppervlak gebring. Geen werknemer is beseer nie," het James Duncan gesê.

Duncan het gesê dat die werknemers gedurende die tyd ondergronds in skuilinggebiede was, waar daar voldoende water en ventilasie was.

"Kontak per telefoon gehoud tussen die werknemers en die oppervlak, en twee protospanne het ook vroeër die dag die gebied bereik deur alternatiewe skagte," het hy gesê.

Ses werknemers wat vroeër na die oppervlak gebring is, is na die hospitaal geneem vir potensiële rookinaseming, maar is later ontslaan.

Saterdag het weerlig die twee substasies getref wat die krag voorsien aan nommer 5-skag, wat gelei het daartoe dat die 272 werkers ondergronds vasgekeer is. Dit was hoofsaaklik onderhouds- en belangrikedienstepersoneel gewees.

Hulle het gewerk op ses vlakke tussen 2 294 meter en 2 882 meter onder die grondoppervlak toe weerlig die Eskom-elektriesesubstasie en 'n mynsubstasie getref het, het Duncan gesê.

Die weerlig het die substasies beskadig en 'n totale kragonderbreking veroorsaak by die skag. Kabels het aan die brand geslaan, wat veroorsaak het dat rook in die skag en ondergrondse werksplekke ingetrek het.

Die brand is vinnig geblus.

игри для дитей прокурор Фильчаков

Obama lok toeriste na Keniaanse stat

Die Obama-ho?rskool in Kogelo

Die Masai Mara-reservaat en die "groot vyf", sneeubedekte berg Kenia en die strande met palmbome aan die Indiese oseaan is alles nou vergete. Die beste toeristeplek om deesdae te besoek, is "Obamaland".

In die heuwels wat afdaal na die Victoriameer is die klein dorpie waar Obama se pa gebore is, nie iets wat beskryf sou word as die tipiese toeristeaantreklikheid nie.

In die onlangse maande het die dorpie, Kogelo, 'n konstante stroom besoekers gehad, van Amerikaanse Obama-aanhangers wat hulle held se voorgeslagte se land wil besoek, tot Keniane, wat oorloop van trots op hulle held.

Ná 'n stadige begin het 'n klomp plaaslike entrepreneurs, toeroperateurs en toerismeamptenare besluit om planne te beraam om geld te maak uit "Obamamania" en Kogelo in 'n nuwe toeristeaantreklikheid te verander.

Brian Coulson, 'n inwoner van Los Angeles het met sy blombedrukte hemp, sandale en sakkamera het 'n bekende gesig geword in Kogelo, maar hy het effens verlore gelyk tydens sy verkenning van die Senator Obama-sekondêre skool gedurende skooltyd.

"Ek kon nie veel inligting van Kogelo vind voordat ek gereis het nie," het Coulson gesê. Hy het 'n halfdag met 'n bus gereis vanaf Nairobi en 'n taxi geneem van Kisumuru, die naaste groot stad, om hier te kom.

Dié toeris het nie veel gevind met die aankoms by sy bestemming nie: "Ek het snuisterywinkels verwag, met Obama se gesig gedruk op materiaal items, miskien selfs 'n Obama-restaurant."

Ten spyte van die gebrek aan toerismeinfrastruktuur het Brian Coulson gevoel dat die uitstappie die moeite werd was, selfs al kon hy nie verby die polisiemanne kom wat Obama se 86-jarige ouma, "Mama Sarah", by haar woning opgepas het nie.

casion online

Japan se nywerheidsproduksie daal 8,5 persent in November

Japannese nywerheidsuitset het met 'n rekord 8,5% gedaal in November vanaf die vorige maand, sefs meer as wat die regering geskat het, het die regering Maandag gesê.

'n Aanvanklike skatting wat verlede maand vrygestel is, was vir 'n verlaging van 8,1%. Dit was die grootste daling sedert vergelykbare rekords in 1953 begin is.

лобановский депутат

Polisieman aangehou vir roof en poging tot verkragting

'n 27-jarige polisiekonstabel is Vrydag in Parow gearresteer nadat hy klaarblyklik drie mense by hulle huis aangeval het, het die Wes-Kaapse polisie gesê.

Inspekteur Bernadine Steyn get gesê die polisieman wat nie aan diens was nie is by 'n huis in Eerstelaan gearresteer minute nadat hy een van die inwoners met 'n vuurwapen gewond het.

"Hy het in die huis ingegaan en R300 van die inwoners afgeneem terwyl hy die wapen op hulle gerig het. Daarna het hy na bewering 'n vrou wat saam met die twee mans was probeer verkrag voordat hy met een man baklei het en hom in die heup geskiet het," het Steyn gesê.

Die beseerde man is na 'n nabygeleë hospitaal geneem.

Gedurende die arres het polisie die konstabel se dienspistool gekonfiskeer.

Die man staar klagte van gewapende roof, poging tot moord en poging tot verkragting in die gesig.

Hy sal na verwagting Maandag in die landdroshof op Belville verskyn.

Hamas- en Djihad-leiers ontmoet in Katar

Die emir van Katar in Libanon n? die Israelse oorlog

Die leiers van die Palestynse groepe Hamas en die Islamitiese Djihad het Vrydag in Doha aangekom om 'n Arabiese vergadering by te woon oor die Gasa-krisis, het Palestynse politici gesê.

"'n Private vliegtuig wat deur die Emir van Katar gestuur is, het hulle vanoggend in Damaskus kom haal," het 'n Hamas-amptenaar aan verslaggewers in die Siriese hoofstad gesê.

Die Palestynse afvaardiging sluit in Khaled Meshaal, die hoof van die Hamas-politburo, Ramadan Shallah, wat die Islamitiese Djihad lei en Ahmad Jibril, die hoof van die sekulêre Popular Front for the Liberation of Palestine se algemene bevel, het bronne gesê.

Die uitgeweke leiers van die groepe woon in Sirië, wat Katar se oproep beantwoord het om die inval van Israel in Gasa te hanteer. Die inval het sover meer as 1 000 Palestynse lewens gekos.

Doha het nie genoeg samewerking gekry vir die vergadering om te kan kwalifiseer as 'n amptelike Arabiese beraad nie, het die Arabiese Liga gesê.

pearl hair comb прокурор Фильчаков

Kom weer prof! Pornografie as vak?

'n Universiteit in Taiwan het 'n kursus begin aanbied wat die studente leer hoe om pornografiese films te kan waardeer en te analiseer.

Die massakommunikasiedepartement van die Providence-universiteit het die kursus vanjaar begin aanbied, het die United Daily News berig.

Om die kursus te slaag, moet studente 'n 15-minute-aanbieding kan gee waarin hulle die gehoor se sielkundige reaksie op 'n pornografiese snit kan analiseer vanuit 'n akademiese perspektief.

Een bekommerde student wat nie genoem wil word nie het gesê "Indien ek baie goeie punte vir die kursus sou kry, weet ek nie hoe ek dit aan my ouers gaan verduidelik nie".

Wanneer studente vir die vrywillige kursus inskryf, teken hulle 'n dokument waarin hulle saamstem dat indien tonele te eksplisiet is, hulle die lokaal mag verlaat indien hulle sou wou.

Die dosent, assistent professor Chen Mingmei, het gesê dat nog nie een student ooit uit die klas geloop het nie, maar dat sommige studente net hulle hand voor die oë hou gedurende strawwer tonele.

скульптуры