Nuus Archives - Page 111 of 403

Zim-vlugtelinge draers van siektes

Humanitêre organisasies wat Zimbabwiese vlugtelinge in Musina help, het gewaarsku dat die sluiting van die skougronde – ‘n groot oop veld naby die grens waar 3 000 tot 4 000 Zimbabwiërs toustaan vir asiel en snags skuiling soek – die verspreiding van cholera en ander siektes kan vererger.

Verlede week het die departement van binnelandse sake in Musina die vlugtelinge verwyder van die skougronde en beveel dat alle ondersteunende aktiwiteite gestaak word.

Humanitêre organisasies sluit in MSF, die VN se hoëkommissaris vir vlugtelinge (UNHCR), Red die kinders, Musina se regsadvieskantoor en verskeie plaaslike kerke wat kos, skoon drinkwater, toegang tot gesondheidsorg en regsadvies aan Zimbabwiërs voorsien het.

Soos wat die gesondheidstelsel in Zimbabwe verder verswak, kom meer Zimbabwiërs na Suid-Afrika om mediese hulp te soek. Met hulle aankoms in Suid-Afrika gaan hulle na die vlugtelingontvangskantoor by die skougronde waar hulle vir asiel aansoek doen. Vanweë die lang toue, wag hulle dikwels vir weke en selfs maande om dokumente te kry. Met geen dokumente nie en nêrens om heen te gaan nie bly hulle op die oop velde by die skougronde.

справки купить

Zuma kos die belastingbetalers R1 miljoen per maand

BBP beskerming vir ANK-president Jacob Zuma kos die belastingbetalers byna R1 miljoen elke maand, volgens die DA.

Die R998 815 word uitgegee op statiese beskerming, nabye beskerming, oortyd, voertuie en telefoonkoste.

Die party beoog om Vrydag aan Mthethwa te skryf aangaande die situasie.

Die DA noem dit ‘n “buitengewone mors” van die belastingbetalers se geld, veral gesien in die lig dat die polisie so gereeld nie genoeg fondse het nie.

Volgens die Star van Vrydag, het Mthethwa in antwoord op ‘n ander brief gesê dat die regering R2,3 miljoen spandeer het aan regsfooie vir die geskorsde polisiehoof Jackie Selebi se korrupsiesaak.

Александр Фильчаков

Meer as 2500 polisiewapens verdwyn

Volgens die minister van veiligheid en sekuriteit Nathi Mthethwa het meer as 2 500 polisievuurwapens weggeraak tussen April verlede jaar en Februarie hierdie jaar, het die SAUK Vrydag berig.

In reaksie op ‘n vraag van die DA in die parlement Donderdag, het hy gesê sommige van die wapens is aangemeld of as verlore of as gesteel, terwyl ander nie geklassifiseer is nie.

Mthethwa het gesê die wapens sluit pistole, rewolwers, gewere en haelgewere in. Meer as 150 wapens is teen Februarie vanjaar teruggevind.

KwaZulu-Natal het die hoogste aantal gesteelde polisievuurwapens gehad. Meer as 90 is in die provinsie gesteel. Meer as 80 is gesteel uit polisiehoofkwartiere.

Tesame daarmee het meer as 100 afgetrede polisiebeamptes nog nie hulle dienswapens oor die laaste 3 jaar teruggegee nie.аппарат для мойки

220 Dorpe hou belasting terug

Omtrent 220 dorpe hou hulle munisipale belasting terug weens swak dienslewering, het die nasionale belasting betalersvereniging Donderdag (NTU) gesê.

NTU raadslid Jaap Kelder het gesê dorpe is siek en sat van slaggate, wateronderbrekings, onvoldoende rommelverwydering en oorgroeide bosse langs die pad, en het daarom besluit om hulle munisipale belastings “terug te hou” tot die dienste verbeter is.

“Dit is nie ‘n belastingboikot nie…ons hou die geld terug. Dit is baie belangrik om die onderskeid te maak.”

Die inwoners betaal die geld in ‘n trustrekening en die geld sal oorbetaal word aan die munisipaliteite wanneer die griewe uitgesorteer is,” het hy gesê.

Kelder het gesê die inisiatief, wat onderneem is deur lede van die belastingbetalersverenigings in verskeie dorpe het in 2005 begin, met inwoners wat formele dispute verklaar het met hulle munisipaliteite oor swak dienslewering.

Die munisipale belastings word in ‘n fonds in betaal wat deur die belastingbetalers vereniging bestuur word of in ‘n trustfondsrekening.

“Dit sal aangaan vir solank as wat die dienste nie gelewer word nie,” het Kelder gesê.

In sommige dorpe het inwoners begin om verskeie munisipale funksies self te verrig.

“Indien hulle nie diens lewer nie, doen die inwoners dit self,” het hy gesê.

Op ‘n vraag van hoe die munisipaliteite kan diens lewer as hulle nie betaal word nie, het Kelder gesê: “Hulle het die geld gehad om dit te doen, maar dit was nie gedoen nie. Werk nou eers en dan sal ons betaal.”

“Dit gaan nou al aan vir 4 jaar en eers nou begin ons ‘n reaksie kry van die regering.”

Die regering het reeds gereageer op die inwoners se griewe in die vorm van optrede deur die nasionale tesourie, het hy gesê.

Die SA Plaaslikeregeringsvereniging het Donderdag gemeenskappe aangemoedig om in vennootskappe te gaan met munisipaliteite in ‘n poging om diens te verbeter, eerder as om hulle belasting terug te hou.

‘n Woordvoeder het gesê: “Ons moedig almal aan om in vennootskappe te gaan met die munisipaliteite om dienslewering te verbeter. Alle munisipaliteite het openbarevennootskapprogramme in plek….maar om belasting te weerhou verswak die munisipaliteite net verder. Hulle het geld nodig om dienslewering vol te hou en te verbeter,” het hy gesê.

Kastrasiedebat raak warm in Europa

Of kastrasie sal help om gewelddadige seksmisdadigers te rehabiliteer het weer onder die soeklig gekom. Die Raad van Europa se anti-folteringskomitee het verlede maand sjirurgiese kastrasie “ingrypend, onomkeerbaar en skendend” genoem het, en geëis het dat die Tsjeggiese Republiek die toepassing van die prosedure op gewelddadige seksoortreders moet staak. Ander kritici het gesê dat kastrasie die gemeenskap lei op ‘n gevaarlike pad na eugenetika.

Die Tsjeggiese Republiek het toegelaat dat 94 gevangenes sjirurgies gekastreer word oor die laaste dekade. Dit is die enigste land in Europa wat die prosedure gebruik op seksmisdadigers. Tsjeggiese psigiaters wat toesig gehou het oor die behandeling – ‘n uurlange operasie wat die verwydering van die weefsel wat testosteroon vervaardig behels – hou vol dat dit die beste metode is om die seksdrange onder beheer te hou in gevaarlike misdadigers.

Sjirurgiese kastrasie is reeds eeue lank ’n metode om maatskaplike beheer uit te oefen. In antieke Sjina is eunugs vertrou om die imperiale familie te dien in die paleisgronde; in Italië is jeugdige koorlede eeue gelede gekastreer om hulle hoë sangstemme te behou.

In moderne tyd word dit ook gebruik om testikulêrekanker en sommige gevorderde gevalle van prostaatkanker te behandel.

Meer lande in Europa oorweeg nou die chemiese kastrasie van gewelddadige seksoortreders. Daar is intense debat oor wie se regte nou voorkeur geniet: die van gewelddadige seksoortreders of die van die gemeenskap, wat beskerming verwag teen sulke oortreders.

Pole gaan na verwagting die eerste land wees wat aan regters die reg sal gee om chemiese kastrasie toe te pas op ten minste sommige veroordeelde pedofiele, deur die gebruik van hormoonmiddels wat die seksaptyt sal laat afneem; die beweegrede is die onlangse arrestasie van ‘n 45-jarige Poolse man, wat twee kinders gehad het by sy jong dogter.

Spanje oorweeg chemiese kastrasie nadat ‘n veroordeelde pedofiel ‘n kind vermoor het.

Ales Butala, ‘n Sloweense menseregteprokureur wat die Raad van Europa se delegasie na die Tsjeggiese Republiek gelei het, het geargumenteer dat sjirurgiese kastrasie oneties is, omdat dit medies nie nodig is nie en ook omdat dit indruis teen die man se reg om voort te plant. Hy het ook die effektiwiteit daarvan uitgedaag, en gesê die raad se komitee het drie gevalle van die Tsjeggiese Republiek se gekastreerde seksoortreders gevind wat voortgegaan het om geweldsmisdaad te pleeg, insluitend pedofilie en poging tot moord.

депутат лобановский

SA het soveel as 40 nuwe steenkoolmyne nodig

Suid-Afrika het soveel as 40 nuwe steenkoolmyne nodig teen 2020, het Eskom Woensdag gesê.

Dit sal ‘n belegging van tot R110 miljard insluit in die steenkoolmynbedryf tussen nou en 2020 – en ‘n groot aantal mynregte sal moet toegestaan word in ‘n kort tydsbestek, het Eskom se steenkoolspesialis Johan Dempers tydens ‘n steenkoolkonferensie in Johannesburg gesê.

Volgens Dempers se aanbieding, behoort die land sowat 374 miljoen ton steenkool te produseer teen 2018 om aan die groeiende aanvraag te kan voldoen. Teen daardie tyd sou Suid-Afrika na verwagting 385 miljoen ton moes produseer, wat die voorsieningsbuffer tussen nasionale steenkoolaanvraag en produksie baie dun sal laat op net 3%, het Dempers in sy aanbieding gesê.

Totale Suid-Afrikaanse steenkoolaanvraag was verwag om toe te neem met meer as 40% in die volgende 10 jaar as gevolg van ‘n verhoring in uitvoer om globale aanvraag te kan voorsien, en ook die behoefte van Sasol vir sy steenkool tot brandstofaanlegte.

Dempers het gesê dat 7 nuwe mynregte toegeken is teen die einde van 2008, met nog 8 geskatte regte wat toegeken kan word in 2009.

‘n Totaal van 600 addisionele ingenieurs sal benodig word om die nuwe myne oop te maak.

“Addisionele geskoolde arbeidstekorte word voorspel oor die volgende 5 jaar,” het hy gesê.

Steenkoolvervoer infrastruktuur moet ookontwikkel word, met ‘n teiken om net 2% van die steenkool per pad te vervoer.

Dit, het Dempers gesê sal groot beleggings en samewerking vereis om ‘n sterker vervoernetwerk te skep, sterker en uitgebreide spoornetwerk en voldoende laai en aflaai fasiliteite.

“Indien ons nie gaan optree nie, of te stadig gaan optree, gaan daar verreikende gevolge wees vir die voorraad van steenkool en diekoste van elektrisiteit – die versekering van ‘n steenkool voorraad in die toekoms is ‘n nasionale probleem wat ‘n nasionale oplossing verg.”

free bonus slots Данильченко

Onwettige immigrante in VK is 80% meer as beskikbare syfer

‘n Studie van die Londense skool van Ekonomie het bevind dat daar ongeveer 725,000 buitelanders is wat onwettig in Brittanje woon.

Die syfer is 81% meer as die laaste skatting van 430,000 van die departement van binnelandse sake wat in 2005 openbaar gemaak is.

BBC se program Panorama het gisteraand beweer dat teen die huidige spoed van deportasie, dit 34 jaar sal neem en sowat 8 miljard pond kos om die agterstand op te klaar van mense wat tans onwettig in die VK is.

Die departement van binnelandse sake het sy skatting van die skaal van onwettige immigrasie verdedig, en aangedring dat die 2005 syfer “net ‘n skatting was en nie behoort gesien te word as ‘n definitiewe syfer nie.”

‘n Woordvoerder het gesê: “Geen regering was nog ooit in staat om akkurate syfers te kan toon vir die hoeveelheid mense wat onwettig in die land is nie.”

“As gevolg van die aard van die saak is dit onmoontlik om dit akkuraat te plaas, en dit is hoe die geval bly.”

Die nuus het aanleiding gegee tot versoeke dat ‘n “amnestie” gegee word aan onwettige immigrasie, wat effektief die wat in die VK is sal toelaat om daar te bly.

Boris Johnson, die burgemeester van Londen, het gesê die beste manier om die agterstand te hanteer is om te sê dat almal wat onwettig daar is toegelaat moet word om te werk en uiteindelik volle burgerskap te verwerf.

Hy het gesê: “Indien mense hier gaan wees en ons chronies misluk om hulle uit te skop, is dit moreel reg dat hulle behoort by te dra met hulle belasting tot die res van die gemeenskap.”

Mnr. Johnson is tans op ‘n weg wat hom gaan laat bots met sy Konserwatiewe party, wat die plan teenstaan.

swarovski crystal bridal

Spesialiseenhede oefen vir die W?reldbeker

Die SA polisie en die SA nasionale weermag gaan gesamentlike oefeninge hou volgende week om sekuriteitsmaatreëls te oefen vir die 2010 Wêreldbekersokkertoernooi.

“Die spesifieke oefening is gemik om ons sekuriteitsvaardighede op te skerp om ‘n veilige omgewing te skep in die gasheerstede gedurende groot gebeurtenisse, insluitend die beveiliging van die nasionale lugruim,” het woordvoerder Sally de Beer Woensdag in ‘n verklaring gesê.

Die oefening gaan plaasvind in 4 stadions en sommige vliegvelde in Gauteng en Noordwes.

Sommige van die topeenhede in die veiligheidsmagte sal deelneem in gesimuleerde scenario’s en noodplanne oefen om enige vorm van bedreiging uit die lug af te weer, het de Beer gesê.

“Die operasie word beskou as ‘n uitstekende opleidingsgeleentheid vir die sekuriteitspersoneel wat ontplooi gaan word gedurende die FIFA Konfederasiebeker in Junie vanjaar en die 2010 FIFA Wêreldbeker wat net meer as 12 maande weg is.”

Die polisie-eenhede wat aangewend gaan word sluit in die spesiale taakmag, die nasionale intredingseenheid, die nasionale lugvleuel, die honde-eenheid, bomopruiming en gyselaarsonderhandelaars, en ook komponente van grense en hawenseenhede.

Omdat die oefening gemik is daarop om die lugruim te beveilig, gaan die SA Lugmag, in noue samewerking met die lugverkeerbeheer van die departement van vervoer ‘n belangrike rol speel.

“Die departemente sal sterk ondersteun word deur die burgerlugvaartowerheid en verskeie ander elemente van die SANW en regeringskoördinasiestrukture, wat geïntegreerde inter-departementele ondersteuning sal voorsien aan die SA polisie.”

Die burgerlugvaartowerheid het reeds kennisgewings gegee aan alle lugpersoneel (NOTAM) dat vlugte beperk gaan word – maar nie verbied nie – in sekere lugruimgebiede oor Johannesburg, Pretoria (Gauteng) en Rustenburg (Noordwes).

“Met die uitsondering van geskeduleerde of staatsvlugte, moet alle ander vliegtuie wat die beperkte lugruim wil ingaan tussen 16 en 19 Maart voldoen aan bepalings.”

“Dit sluit in die aansoek om toestemming om te vlieg ten minste 24 uur voor die tyd, die indien van ‘n vlugplan, die vliegtuig moet toegerus wees met ‘n transpondeerder en onderworpe wees aan ‘n inspeksieproses.”

Enige vliegtuig wat die tydelik beperktelugruim binnegaan sonder die voorgeskrewe toestemming mag onderskep word.

De Beer het gesê daar gaan baie aktiwiteit in die lug wees in Johannesburg, Pretoria en Rustenburg, veral oor Soccer City, Ellispark, Loftus en die Koninklike Bafokeng stadions.

roulette double bet strategy

Byna 200 Transkeise kinders opgeneem vir voedselvergiftiging

‘n Leerling van ‘n skool in Centane, Transkei, is gehospitaliseer en 88 ander is Woensdag behandel en ontslaan na ‘n vermoedelike uitbraak van voedselvergiftiging, het die Oos-Kaapse departement van gesondheid gesê.

Departementele woordvoerder Sizwe Kupelo het gesê die leerlinge van Tekoberoepskool het begin kla van braking en maagkrampe nadat hulle hoender geëet het.

Hulle is na Butterworth hospitaal geneem.

Die insident het gevolg minder as 24 uur na 99 kinders van ‘n privaatskool by Dutywa hospitaal toe geneem is met dieselfde klagte.

Kupelo het gesê die departement het amptenare na beide skole gestuur om te kyk na hulle toestand van kos en water.детская ортодонтия топкарго

Hani-weduwee temper Derby-Lewis se optimisme

Die optimisme wat deur die regspan van Chris Hani se moordenaar, Clive Derby-Lewis, uitgespreek word na sy paroolaansoek was voortydig, het Chris Hani se weduwee Woensdag in ‘n verklaring gesê.

Dit volg na kommentaar aan die media deur Derby-Lewis se prokureur Marius Coertze dat die 73 jarige “vol hoop” is en “verwag om gou vrygelaat te word.”

Coertze is ook aangehaal as dat hy sou gesê het dat ‘n bottel vonkelwyn “op bystand” is.

“Ek moet dit duidelik stel dat nie ek of my regverteenwoordigers mnr. Coertze se optimisme deel nie,” het Limpho Hani gesê.

“In dieselfde verslae is Derby-Lewis aangehaal as dat hy gesê het: ‘Indien reg geskied het, gaan ek huis toe’ “

“Ons stem nie saam met Derby-Lewis se idee van reg nie. Hy het gedink dit is “reg” vir hom om my man te vermoor,” het sy gesê.

Hani se weduwee het gesê sy sal voortgaan om Derby-Lewis se parool teen te staan, en dat sy seker was dat die “oorweldigende meerderheid” van Suid-Afrikaners haar sal ondersteun daarin.

Derby-Lewis het aansoek gedoen vir parool op die basis dat hy ouer as 65 was en dat hy 15 jaar van sy lewenslange vonnis uitgedien het.

Derby-Lewis en sy medepligtige Janusz Walus is tot dood veroordeel vir die moord van die leier van die SA Kommuniste Party in 1993. Die vonnis is verminder tot lewenslange tronkstraf nadat die doodsvonnis afgeskaf is.