Etiket: Internasionale nuus

Militêre kenners in Brittanje bejeën dié Russiese vertoon met groot agterdog. Hulle meen dat dit nie slegs gedoen word in antwoord op die Weste se beplande uitbreiding van NAVO nie. Wat die Britte betref wil die Russe graag Georgië oorneem, NAVO-uitbreiding kanselleer en die Alliansie sien verdwyn, missielafweerstelsels wegmaak, die Oekraïene en Baltiese state oortuig dat hulle spesiale status aan Russiese minderhede moet gee en toelating verleen sien om enige militêre inkopies in die Weste te doen.

Rusland is tans besig om invloedryke groepe in die Weste te finansier soos hulle tydens die Koue Oorlog in Finland gedoen het. Een só 'n voorbeeld is die dramatiese hulppakket van 4 miljard euro wat Rusland hierdie week aan Ysland toegestaan het om hulle van bankrotskap te red. Maar die grootste behoefte, sê Edward Lucas, skrywer van The New Cold War, is 'n nuwe energiestrategie om die Russe te stuit.

Hy sê Gazprom moet aan dieselfde reëls as Microsoft onderwerp word. Nie net is Gazprom, die Russiese energiereus, 'n werktuig van die Kremlin se buitelandse beleid nie, maar is hulle bedrywig met prysvastellings en allerlei wat kompetisie inhibeer. Hy stel ook voor dat die banke strenger bepalings instel sodat dit nie moontlik is om in Oostenryk by 'n bank op te daag met 'n koffer vol note nie.

Maar hy erken dat Doebaai, Shanghai en Moembaai reeds met Londen meeding as alternatiewe finansiële sentra en dat geldwassery wat lande in staat stel om invloed te koop, makliker raak in plaas van moeiliker.

Die verslag beklemtoon die verbrokkeling van die sentrale owerheid in die land deur korrupsie en die toenemende sofistikasie van die Taliban se aanslag vanuit Pakistan. Die verslag is 'n byna volledige weergawe van 'n volwaardige sogenaamde Nasionale Intelligensie Beraming (National Intelligence Estimate of NIE) en dus 'n breedvoerige bestekopname van die toestand in Afghanistan.

'n Nasionale Intelligensie Beraming is 'n formele dokument waarin al 16 intelligensieagentskappe 'n konsensus bereik het. Alhoewel die Withuis van die inligting oor Irak bekendgemaak het, bly die meeste sulke verslae geheim. Die jongste dokument is die eerste sedert die begin van 2006 toe die Taliban sekere gebiede van Afghanistan oorgeneem het.

Vyftig persent van Afghanistan se ekonomie is afhanklik van die uitvoer van heroïen wat 'n destabiliserende uitwerking het. Die CIA sê in die verslag dat die afwaartse gly na geweld en korrupsie nie gou genoeg aangespreek is deur die VSA nie en dat die bykomende troepe wat die Bushadministrasie gestuur het, nie die gety sal kan laat draai nie. Hulle voel te veel klem is op Irak gelê en nie genoeg op Afghanistan nie.

Henry Crumpton, 'n CIA-amptenaar, skryf die probleme in Afghanistan toe aan 'n gebrek aan leierskap in die Withuis en Europa. Crumpton was aan die hoof van 'n sending na Afghanistan na 9/11 en alhoewel hy nog nie die uitgebreide verslag onder oë gehad het nie, sê hy die land se toestand gaan van sleg na slegter.

Senatore Barack Obama en John McCain het albei reeds gevra dat addisionele troepe na die land gestuur word, meer as wat die Withuis aangedui het. Obama sê hy het aan die huidige Afghaanse regering gesê hulle behoort te probeer om meer gewild te raak by hulle landgenote.

Die VSA wil nie gebruik maak van stamhoofde vir hulle strategie op die platteland nie, en dit is juis waar die Taliban tans goed ingegrawe is. Die stamstelsel kan 'n beduidende verskil maak indien dit teen die insurgente aangewend word, meen kenners.

Buite die gebou het 'n skare siedende mense deur die polisiebarrikades probeer breek. Honderde beswaarde mense het ook voor banke elders in die stad byeengekom om te eis dat wetgewers hulle moet help om hulle geld terug te kry. Die betogers sê die banke het sogenaamde "mini-staatseffekte" aan hulle verkoop sonder om die risiko uit te spel. Hulle het slagspreuke geskree en plakkate opgehou.

Wetgewers het intussen belowe dat hulle strenger gaan optree teen banke. Verskeie beleggers sê die mini-effekte, wat al belegging is wat hulle het, is aan hulle verkoop deur dit as 'n risikovrye belegging voor te stel.

Een straatverkoper het aan AFP gesê al sy spaargeld het hy daarin belê. Hy is so ontsteld dat hy nou al drie weke nie slaap sonder medikasie nie. 'n Groep het ook by die Hongkongse Monetêre Owerheid bymekaargekom om te protesteer.

Politieke partye sê hulle sal met banke gaan praat om die krisis op te los. Lehman Brothers het verlede maand bankrot gespeel.

Die Russiese president is die houer van 'n swart gordel in judo en hy het pas 'n opleidingsvideo gemaak oor dié Oosterse gevegskuns. Die video is gister in St. Petersburg, sy tuisstad, vrygestel met die titel "Kom ons leer judo met Wladimir Poetin." 'n Uitreksel daaruit is hier te siene. 

Dit was ook die president die 56ste verjaarsdag gister. Die video is deel van 'n reeks mediageleenthede wat Poetin se manlikheid benadruk, alhoewel daar geen kameras naby was om sy geveg met die sabeltandtier te verewig nie. Behalwe die getuienis van die dankbare en beangsde joernaliste, is daar geen filmmateriaal oor die insident nie. Wat die  judovideo aanbetref  het hy by die perskonferensie gesê dit is suiwer vir die doel van bemarking gemaak.

In die judovideo wys die Russiese swartgordel sy slag met onder andere Yasuhiro Yamashita, 'n voormalige wêreldkampioen. Dit sal te koop wees by alle Oosterse gevegskunsskole regdeur die land en moontlik ook as 'n reeks op TV aangebied word later.

Op die video vertel 'n swartgeklede Poetin dat die grondbeginsel van die sport is om die grootste resultaat met die minste moeite te verkry. Hy sê kompromieë en konsessies word toegelaat solank dit lei tot 'n oorwinning. Poetin is 'n ywerige voorstander van sport in Rusland en sedert hy aan bewind gekom het, het die land iets van 'n sportoplewing gehad.

"Sonder sport," het hy Dinsdag gesê, "kan 'n mens nie praat van 'n gesonde leefstyl of die gesondheid van 'n volk nie."

Britse minister van Finansies Alistair Darling gaan vandag waarskynlik aankondig dat £50 miljard van belastingbetalers se geld in die land se grootste banke ingestoot gaan word. Dit sluit Barclays, Lloyds TSB en die Royal Bank of Scotland in. Uitvoerende beamptes het aan die begin van die week met Darling ontmoet om hom te vra om vinnig te beweeg om die krisis te probeer afweer.

'n Politieke ekonoom by die London School of Economics sê daar is nie meer so 'n ding soos 'n veilige bank nie. Banke is net so veilig soos wat hulle regerings hulle kan maak. Bankaandele het skerp gedaal gister.

Bank of Scotland se aandeelprys het met 39% gedaal omdat beleggers meen dat die kapitaalinspuiting die bestaande aandeelhouding kan verminder. Daarbenewens was handelaars bekommerd oor die afgradering van Standard & Poor vir die Bank of Scotland omdat die bank sukkel om fondse in die hande te kry.

Die idee agter die Britse plan is om kapitaal te verhoog om banke 'n kussing teen verliese te gee. Kenners sê dit is te laat want die kombinasie van 'n resessie en korttermynlikiditeit is te groot om positief op 'n kapitaalinspuiting te reageer.

In Spanje, waar die tuimelende huismark die banke besonder hard tref, het eerste minister Zapatero 'n 30 miljard euro hulppakket aangekondig. Hy het belowe dat net "gesonde" bates ondersteun sal word en nie toksiese bates nie om kritiek teen sy plan af te weer. Sommige kenners is bekommerd dat banke wat opgesaal is met subprimalenings nie daarby gaan baat nie.

In Luxemburg het Europese leiers ooreengekom om bankreëls vir boekhouding te verslap om die groeiende krisis te besweer. Dit is die eerste keer dat al 27 EU-lidlande 'n gemeenskaplike pad vorentoe inslaan met die ondertekening van die ooreenkoms.

Jerome Corsi, skrywer van "The Obama Nation: Leftist Politics and the Cult of Personality," word in Nairobi aangehou, nadat die polisie hom by sy hotel in hegtenis geneem het. Carlos Maluta, die senior beampte, het aan die media gesê hulle weet nog nie wat hulle met hom wil doen nie. Hy het aan AP gesê Corsi moet 'n tydelike werkpermit hê om in Kenia sake te doen.

Obama is geweldig gewild in Kenia. Sy vader was 'n Keniaan. Corsi beweer in sy boek dat Obama gevaarlik is en dat hy radikaal is. Hy skryf dat hy deurtrek is van "swart woede". Op Obama se webwerf, FightTheSmears.com, probeer die kandidaat se veldtogbestuur die beweringe in Corsi se boek as onware gerugte afmaak.

Corsi is na Kenia uitgenooi deur 'n groep Christelike sendelinge wat bekommerd is oor die opkoms van Islam. Hy wou glo daagliks verslag doen oor sy besoek, maar deur sy aanhouding het niks daarvan gekom nie.

Obama se oom wat in Kenia woon, weet nie van die aanhouding nie

Beijing het laat weet dat hulle verskeie hoëvlakbesoeke sal kanselleer en ander militêre samewerkingsbesoeke sal opskort. 'n Segsman vir die Amerikaanse departement van Verdediging het sy spyt uitgespreek oor China se besluit om verhoudinge tussen die twee lande te verpolitiseer.

Beijing is teleurgesteld met Amerika se besluit om 'n $6,5 miljard wapenpakket aan Taiwan beskikbaar te stel. Dit sluit geleide missiele en aanvalshelikopters in. China sê die aankope meng in China se binnelandse sake in en benadeel nasionale sekuriteit.

Die VSA se Defense Security Cooperation Agency het die Kongres in kennis gestel van hulle voornemens om die gevorderde wapenstelsels aan Taiwan te verkoop. Die wetgewing wat buitelandse militêre verkope reël bepaal dat die transaksie kan voortgaan indien daar geen teenkanting binne 30 dae geregistreer word nie.