Associated Press berig dat 'n baie geringe vorm van vroulike besnydenis, wat gewoonlik 'n speldsteek is, dikwels op babadogtertjies in Indonesië uitgevoer word.
Die regering het in 'n mediese omsendbrief gesê dat daar geen straf sal wees vir diegene wat dit ignoreer nie, maar het nie die kennisgewing openbaar gemaak nie.
Die praktyk word deur sommige Islam-predikers as verpligtend beskou.
Die Wêreldgesondheidsorganisasie beraam dat omtrent twee miljoen meisies gevaar loop om die oefening te ondergaan.
Hy het teenoor verslaggewers in Noord-Dakota aangedui dat indien hy president sou word, hy na alles nie op die onmiddellike onttrekking van Amerikaanse magte in Irak sou aandring nie.
Obama was nog deurgaans 'n driftige teenstaander van die oorlog in Irak.
Hy het blykbaar nou sy posisie hersien en sê nadat hy bevelvoerders geraadpleeg het, is dit duidelik dat sy aanvanklike posisie nie haalbaar is nie.
Hy het aanvanklik gesê dat hy alle troepe binne sestien maande sou laat onttrek.
Die Republikeinse Party het Obama van besluiteloosheid beskuldig.
Segsman Alex Conant sê daar blyk geen vraagstuk te wees waarin Obama onwillig is om 'n ommekeer te maak nie.
Vroeër het die Verenigde State gesê hulle was vol vertroue dat die VN se Veiligheidsraad volgende week ten gunste van die sanksies sou stem.
Die Suid-Afrikaanse ambassadeur na die VN, Dumisani Kumalo, het egter gesê hy ondersteun nie die VSA se voorstel nie.
Hy sê die regering is nie van mening dat die verkiesingskrisis in Zimbabwe 'n internasionale bedreiging inhou nie.
Praag het nog 'n nuutjie: die webblad op jou selfoon! Tot dusver het webblaaie baie stadig op selfone afgelaai weens foto's en allerlei elemente wat internetbladsye groot en lomp maak.
Danksy nuwe tegnologie wat ons so pas toegepas het, "weet" die Praagwebwerf nou as mens dit vanaf 'n selfoon besoek en haal dit outomaties alle foto's en onnodige element wat die aflaai en lees stadiger maak af. Die resultaat is 'n leesbare nuus- en kommentaarblad. Sien Praag se nuus te eniger tyd op enige plek direk op jou selfoon! In 'n vergadering of lesingsaal, in die dokterswagkamer, net waar jy wil.
Dit werk natuurlik die beste op fone met groter skerms soos PDA's, maar selfs op 'n normale of klein selfoonskerm kan mens dit gemaklik lees en laai die bladsye feitlik ewe vinnig as op 'n rekenaar af.
Die Praagnuusblad bevat kort en bondige nuusberigte en langer rubriekartikels omdat die blad hom posisioneer vir die samevloeiing van tegnologie met nuus, vermaak, epos en kommunikasie wat toenemend op selfone plaasvind en nie meer op rekenaars nie.
Die ANC se Jeugliga-leier, Julius Malema, is nog 'n week gegun om sy omstrede standpunt dat die organisasie bereid is om moord te pleeg vir Jacob Zuma, terug te trek.
Malema het die opmerking gemaak tydens 'n toespraak op Jeugdag.
Die Menseregtekommissie het 'n ultimatum aan hom uitgereik om sy stelling terug te trek.
Malema het geweier om dit te doen.
'n Segsman vir die MRK, Sello Hatang, sê die ANC het aan die kommissie geskryf en gevra dat die ultimatum teruggetrek word.
Die kommissie het die aansoek van die hand gewys maar die ultimatum met 'n week verleng.
Die Wêreldbank het 'n beroep op die leiers van die G8 wat aanstaande week in Japan vergader gedoen om nuwe verbintenisse tot hulp aan te gaan ten einde hongersnood en onstabiliteit in dosyne lande te voorkom.
Die president, Robert Zoellick sê dit was 'n mensgemaakte ramp en moet deur mense herstel word.
Volgens Zoellick beloop die IMF en die Wêreldvoedselprogram se korttermynbehoeftes $10 miljard.
Die IMF het Dinsdag 'n aparte verslag vrygestel wat aantoon dat sekere ontwikkelende lande by 'n keerpunt verkeer indien voedsel- en brandstofpryse hoog bly.
Die Wêreldbank het bereken dat die BNP van 41 lande onder die huidige omstandighede met tussen 3 en 10 persent gaan daal.
Die Russiese leier Dmitri Medwedef het na 'n oproep deur die Republikeinse presidentskandidaat, John McCain, dat Rusland by die G8
verbied moet word, gesê dat Rusland nie langer deur die VSA oorheers sal word nie.
Soos wat olie-inkomste die Russiese ekonomie aangehelp het, het Rusland se rol in die wêreldekonomie verhoog.
Net 'n dekade gelede was die Russiese ekonomie in wanorde en die land was desperaat vir Westerse hulp.
Die Russiese president het net Russies gepraat hoewel hy geen tolk nodig gehad het om vrae wat in Engels gestel is te verstaan nie.
Woonstelhuur in Johannesburg en Durban styg nou teen dubbelsyferkoerse.
Die huur vir tweeslaapkamereenhede in beide stede het met 13% gestyg tydens die eerste kwartaal van 2007, volgens die jongste syfers van Rode en vennote.
Rode se woonstelhuurindeks vir Pretoria het met 12% gestyg terwyl Kaapstad laer was teen 7%. In Port Elizabeth het huur met slegs 0,1 persent toegeneem.
Die groei in Johannesburg, Durban en Pretoria word veroorsaak deur die gebrek aan beskikbare woonstelle om te huur.
Volgens die verslag is wooneenhede wat leegstaan in die meeste Suid-Afrikaanse stede nou minder as 5%.
Dis ook nou duurder om 'n woonstel in Johannesburg as in Kaapstad te huur.
Ru-oliepryse het gister in Londen tot $144 per vat gestyg nadat data vrygestel is wat 'n daling in Amerikaanse ru-olievoorrade aantoon.
Die Amerikaanse energieinligtingsadministrasie het aangekondig dat voorrade van ru-olie met twee miljoen vate tydens die laaste week van Junie gedaal het.
'n Swak dollar het ook pryse hoër gedruk omdat olie in die Amerikaanse geldeenheid gekwoteer word.
Die sekretaris-generaal van OPUL, Abdallah el-Badri, het in 'n onderhoud gesê dat die Amerikaanse owerheid moet ophou om die organisasie se lidlande te teister om meer olie te pomp.
Barack Obama is 'n duidelike gunsteling onder Spaanssprekende kiesers in die VSA.
Spaanssprekendes gaan 'n sleutelrol speel in marginale state soos Colorado, Nieu-Meksiko en Florida waar die stryd kop-aan-kop mag wees.
Voorheen het baie Latino's van Hillary Clinton gehou maar hulle het hul steun sedertdien na Obama verskuif.
Net 18% van Spaansprekende Amerikaners identifiseer hulself as Republikeine.
