Vyf mans het in die Amsterdamse landdroshof verskyn op aanklagte dat hulle 'n vrou, wat hulle daarvan verdink het dat sy 'n heks was, vermoor het, het die Mpumalanga polisie gesê.
Superintendent Abie Khoabane het gesê dat omtrent teen 05:15 het die vyf mans na bewering by die 51 -arige vrou se kamer, by Redcliff net buite Amsterdam, waar sy geslaap het, ingebreek.
Daarna het hulle haar na bewering met 'n byl oor die kop gekap.
Sy is op die toneel oorlede. Die vyf mans is Sondag gearresteer.
Hulle saak is uitgestel tot 5 Desember vir borgaansoek. Die mans, wie se ouderdomme wissel van 18 tot 23, bly steeds in aanhouding, het Kgoabane gesê.
Suid-Afrika se president Kgalema Motlnthe, het Maandag gewaarsku dat die dooiepunt in Zimbabwiese politiek die reeds sukkelende land verdere probleme op die hals kan haal, nadat hy nuwe samesprekinge aangekondig het om die gesprek in dié land weer aan die gang te kry.
Motlanthe het gesê dat Zimbabwe se politieke teenstanders Dinsdag in Suid-Afrika sal ontmoet in die nuutste poging on die magsdelingsooreenkoms wat twee maande terug geteken is maar nooit geïmplementeer is nie, te red.
"Tensy die oorsaak van die afwesigheid van 'n wetlike regering nie opgelos word nie, gaan die situasie daar vererger, of dalk heeltemal ineenstort," het hy gesê.
Suid-Afrika se leier van die regerende party, Jacob Zuma, het gewaarsku dat die twee partye nou dringend 'n ooreenkoms moet bereik om die cholera-uitbraak wat reeds amper 300 mense dood gelaat het, op te los. Vier van die mense is in Suid-Afrika dood nadat hulle hierheen gekom het vir behandeling.
"Laat ons 'n manier vind om die ooreenkoms geïmplementeer te kry vir die Zimbabwiërs. Ons kan nie met die ooreenkoms saamstem sonder dat dit in werking gestel word nie. Dit is nou 'n dringende saak, aangesien mense doodgaan," het hy gesê.
Zuma het ook gesê hy gaan 'n sending van sy ANC-lede stuur om president Robert Mugabe se Zanu-PF en die MDC te oorreed om die ooreenkoms te aanvaar.
"Ons het nie hier te doen met 'n teoretiese situasie nie. Ons het hier te doen met 'n situasie wat die lewens van mense raak," het hy gesê.
Motlanthe en Zuma het gepraat nadat hulle met voormalige VN-sekretarisgeneraal Kofi Annan en voormalige Amerikaanse president Jimmy Carter vergader het. Laasgenoemde twee is visums geweier vir die humanitêre sending wat hulle vir verlede naweek beplan het.
Annan, Carter en Graça Machel, die vrou van voormalige Suid-Afrikaanse president, Nelson Mandela, het beplan om Zimbabwe te besoek om te kyk na maniere om die humanitêre krisis daar te verlig, maar hulle is deur die Mugabe regering toegang tot die land geweier.
"Die hele basisstruktuur het tot niet gegaan. Dit is alles aanduidings dat die krisis in Zimbabwe baie groter, baie erger is as wat ons ooit kon dink," het Carter gesê.
Transnet het Maandag gesê dat die nuwe hoofuitvoerendebeampte van Absa, Maria Ramos, 'n ANC nasionale uitvoerende komiteeraadsvergadering bygewoon het om president Kgalema Motlanthe in te lig omtrent haar besluit om uit te tree uit Transnet.
Woordvoerder John Dludlu het gesê sommige mense in die media het gespekuleer oor die feit dat Ramos, voorheen die groepshoof van Transnet, gesien is by nasionale uitvoerende komitee van die ANC.
Ramos en die bankgroep se voorsitter, Gill Marcus, het die ANC se NUK-vergadering bygewoon om verhoudinge tussen die party en private instansies op 'n goeie voet te hou, het die ANC Maandag gesê.
DA leier, Helen Zille het Maandag aan Absa gevra om te verduidelik waarom die ANC en Absa 'n goeie verhouding het.
"Daar is geen rede hoekom die regerende party 'n baie goeie verhouding behoort te hê met private instansies wat moet tender vir staatskontrakte nie en -dienste nie," het Zille gesê.
"Die ANC het reeds die grense tussen party en staat vervaag. Dit blyk nou dat die ANC vasberade is om die grense tussen staat, party en besigheid ook te wil vervaag."
Maandag het die ANC sekretarisgeneraal, Gwede Mantashe gesê : "gedissiplineerde kaders van die ANC gee wel kennis wanneer hulle rondbeweeg."
Dit het verwys na Ramos wat die ANC ingelig het da sy bedank het uit Transnet.
"Wat ons met die inligting maak is nie belangrik nie…" het hy gesê.
"Absa was 'n privaatinstelling wat nie aan die ANC behoort het nie" het hy gesê, maar "Maria Ramos en Gill Marcus was histories lede van die ANC, en daarom is dit belangrik vir ons om die verhoudinge op goeie voet te hou, al het ons geen beheer oor hulle nie."
15:24:55 'n Man wat met cholera onder lede opgeneem is in 'n Durbanse hospitaal, is oorlede, het die woordvoerder vir die KwaZulu-Natalse departement van gesondheid, Leon Mbangwa, Sondag gesê.
Die man, wat 'n vragmotorbestuurder is, het verlede week vanuit Zimbabwe in Suid-Afrika aangekom.
Mbangwa het Vrydag gesê dat die man in die Addington-hospitaal se isolasie-eenheid geplaas is, en dat hy op 'n stadium wakker was en baie verbeter het.
15:13:24 Kenia se eerste minister, Raila Odinga, het Sondag gevra dat AU-vredesmagte in Zimbabwe geplaas word om president Robert Mugabe weer in die bek te ruk.
"Omdat daar geen legitieme regering in Zimbabwe is nie, behoort die AU daaraan te dink om 'n vredesmag daarheen te stuur. Dit sal 'n duidelike teken aan mnr. Mugabe stuur," het hy gesê.
Odinga het by 'n persverklaring gepraat, waar hy kommentaar gelewer het op die weiering om visums aan oudpresident Carter en voormalige VN-sekretarisgeneraal Kofi Annan toe te staan.
"Soos julle almal weet, was Mugabe 'n vryheidsvegter, wat baie jare in die tronk onder die bewind van Ian Smith was, maar ek glo nie dat indien mens 'n vryheidsvegter is jy die titelakte tot 'n nasie verkry nie," het Odinga gesê.
Odinga het sy pos hoofsaaklik aan Kofi Annan te danke, wat 'n magsdelingsooreenkoms beding het as oplossing vir die chaos wat uitgebreek het nadat president Mwai Kibaki as wenner van die 2007-verkiesing verklaar is.
Lede van die Volkskongres het gesê hulle vergadering is Sondag deur ANC-ondersteuners in Alexandra onderbreek, het die SAUK berig.
"Hulle het ANC-T–hemde gedra en dit was van my voormalige kollegas, ek ken hulle almal," het Mayekiso gesê, en bygevoeg dat die polisie tussenbeide getree het sodat hulle vergadering kon voortgaan.
Vroeër het die ANC-president, Jacob Zuma, gevra dat ANC-lede nie die Volkskongres se vergaderings onderbreek nie, nadat soortgelyke insidente in ander provinsies ook plaasgevind het.
President Robert Mugabe van Zimbabwe, wat op 84 jaar steeds aan mag vashou na 28 jaar se regering, het 'n ander oud-president, Jimmy Carter, ook 84, verhoed om dié land binne te kom.
Carter het gesê dat dit vir hom 'n nuwe ervaring was, aangesien hy nog nooit 'n visum geweier is nie.
Mugabe se besluit is 'n aanduiding van die Zimbabwiese leiers se minagting vir internasionale menings, op 'n tydstip wat groeiende hongersnood, hiperinflasie en die ineenstorting van die gesondheidsisteem en onderwys die land reeds verlam het.
Hy het geweier dat 'n humanitêre besoek deur Carter, Kofi Annan en Graca Machel voortgaan.
Mugabe het geweier dat hulle in die land per vliegtuig aankom, het hulle gesê, ten spyte van tussenbeide-treding van Suid-Afrika se huidige president, Kgalema Motlanthe en sy voorganger, Thabo Mbeki.
Mbeki is tans besig met mediasie in die magsdelingsgesprekke tussen Mugabe en Morgan Tsvangirai, die opposisieleier wat hom in die Maart verkiesings geklop het.
Carter het gesê dat Zimbabwe se ambassadeur in Washington hom meegedeel het dat hy nie 'n visum sal kry nie, nadat hy al weke terug vir een aansoek gedoen het.
Die regter en aanklaer in die Skieliksaak is onder polisiebewaking nadat hulle doodsdreigemente ontvang het.
Supt. Lesego Metsi, polisiewoordvoerder van Noordwes, sê regter Ronald Hendricks het Woensdag 50 oproepe op sy selfoon ontvang waarin hy met die dood gedreig is as hy Johann Nel lewenslank tronk toe stuur.
Adv. Sello Maema, die aanklaer, het volgens Metsi soortgelyke dreigemente ontvang.
Nel is Vrydag tot vier maal lewenslange tronkstraf gevonnis.
Die regter, die aanklaer én hul gesinne is tans onder polisiebewaking. Die saak word ondersoek .
14:28:17 Johan Nel, die Skielik-skieter, sal die res van sy lewe agter tralies deurbring. Die hooggeregshof in Mmabatho het hom Vrydag tot meer as 100 jaar tronkstraf gevonnis.
Nel het Enoch Tshepo Motshelanoka(10), Anna Moiphitlhi (31), haar driemaande-oue baba Kegitlho Eizabeth Moiphitlhi en Sivuyile Banani (35) in 'n rassegeïnspireerde voorval in die Skielik-nedersetting buite Swartruggens op 14 Januarie doodgeskiet.
Nog agt mense is gewond in die aanval en daar is op nog drie geskiet.
Nel het vier lewenslange vonnisse gekry vir die vier moorde, het die Times berig.
Hy is 'n addisionele vonnis van 68 jaar opgelê vir die 8 pogings tot moord en vier jaar elk vir die drie ander klagte.
Hy het ook vyf jaar gekry vir die besit van 'n vuurwapen en drie jaar vir die besit van ammunisie. Die klag van eiendomsbeskadiging is teruggetrek.
13:43:32 Daar is 'n menslike tol daaraan om vir goud te delf in Suid-Afrika. Terwyl die sterftesyfers minder word, is dit steeds hoog genoeg dat die parlement vandeesweek maatreëls oorweeg om uitvoerende beamptes by myne te dreig met tronkstraf vir sterftes in hulle myne.
'n Nasionale kommissie in 1995 het bevind dat 69 000 mynwerkers in Suid-Afrika tussen 1900 en 1993 dood is, en dat 25 keer soveel mense beseer is, die oorgrootte meerderheid terwyl hulle goud ontgin het. Dié syfers sluit nie diegene in wat ly aan longsiektes en doofheid as gevolg van geraas nie.
Die syfers van mynsterftes vergelyk "sleg met die meeste ander lande in die wêreld", het die kommissie bevind.
Sedert 1995 het veiligheidsmaatreëls die sterftesyfer heelwat verminder van 'n gemiddeld van 742 na 220.
Die nuwe wetgewing kan maatskappy-uitvoerendebeamptes aan tronkstraf van tot 5 jaar onderwerp, of boetes van Rm3 instel, wat administrateurs in kantore krimineel strafbaar sal hou vir ongelukke in die warm ondergrondse tonnels.
"Ons het lank gewerk vir dié strawwe," het Lesiba Seshoka, 'n woordvoerder van die Nasionale Unie van Mynwerkers gesê. Die Unie verteenwoordig die meerderheid van die land se 465 000hoofsaaklik swart mynwerkers.
Die meeste mynmaatskappye sê hulle is lankal reeds meer veiligheidsbewus en staan die nuwe beoogde maatreëls teen.
