Suider-Afrika Archives - Page 31 of 164

MDC eis Mugabe-binnekring se koppe

Die Zimbabwiese beweging vir demokratiese verandering (MDC) het gister die stadige pas van verandering betreur en geëis dat Gideon Gono, president van die reserwebank, en Johannes Tomana, prokureur-generaal, onmiddellik bedank.

In resolusies wat die party op sy jaarlikse konferensie aanvaar het, het die MDC ook gevra vir ’n streekberaad om verskille tussen Morgan Tsvangirai, sy leier en die premier, en pres. Robert Mugabe op te los omdat dit die eenheidsregering kniehalter.

Die MDC kritiseer al lank Mugabe se besluit om Gono as hoof van die reserwebank en Tomana as prokureur-generaal te behou.

Tsvangirai het die kwessie verlede week probeer ontlont deur te sê die Suider-Afrikaanse Ontwikkelingsgemeenskap moet oor hul toekoms besluit. Nietemin het die MDC in sy resolusies, voorgelees deur mnr. Tendai Biti, MDC-sekretaris-generaal en minister van finansies, gesê albei moet hul poste onmiddellik ontruim in die nasionale belang.

Gono word wyd gekritiseer omdat hy Zimbabwe se ekonomiese vryval en rekord-inflasie nie kon keer nie en Tomana weens politiek gedrewe vervolgings ná verlede jaar se betwiste presidentsverkiesing.

Tsvangirai het sterk teenstand in MDC-geledere gekry oor die magsdelingsooreenkoms wat hy in Februarie met Mugabe gesluit het. Die resolusie maak dit duidelik die party is ongelukkig oor wat konferensiegangers as ’n gebrek aan hervorming en voortgesette intimidasie van hul aanhangers deur pro-Mugabe-militante beskou.

Die party het gesê die regering moet iets doen aan die “stadige pas van media-hervorming, die stadige instelling van die 100 dae-plan, voortgesette ontplooiing van soldate in dorpe en die teenwoordigheid van militante en spookwerkers se name op die regering se salarisstaat”.

Tsvangirai het sy ondersteuners aan die einde van die konferensie probeer paai en gesê hy het nie van die party se oogmerke afstand gedoen nie. “Die oorgangsregering, ’n koalisieregering, is ’n stap na ’n nuwe en demokratiese Zimbabwe.”

Hy het wel sy teleurstelling oor vertragings met die instelling van die koalisie-ooreenkoms uitgespreek. “Ons is teleurgesteld oor die pas van die instelling van party van die kwessies in die omvattende politieke ooreenkoms.

“Die regering se agenda moet nie die party se agenda verwater nie. Ons moet erken kompromieë is waarskynlik, maar ons moet nie demobiliseer nie. Ons moet ons partystrukture bly versterk in voorbereiding van die verkiesing.”

Busbestuurders verdien tans meer as dokters

Privaat- sowel as staatsdokters gaan landswyd betoog teen lae besoldiging en prysregulasies. Dokters sal na die departement van gesondheid se kantore in Pretoria en Bisho in die Oos-Kaap stap, asook die stadsaal in Durban.

Hulle is ontevrede oor die vertragings in die implementering van die OSD, die okkupasiespesifieke dispensasie, wat 'n hersiende salarisstruktuur is. Hulle kla ook oor swak staatssalarisse en die aanbevelings wat aandui hoeveel privaat dokters behoort te vra.

Die Suid-Afrikaanse mediese vereniging, wat die betoging gereël het, hoop salarisse sal met ten minste 50% verhoog word met die implementering van die OSD en dat dit ook werksomstandighede sal verbeter.

Maar die departement van gesondheid het dié persentasie verwerp as arbitrêr.

Die Business Day het Vrydag berig dat busbestuurders nou meer verdien as junior dokters, nadat 'n ooreenkoms tussen Metrobus en SAMWU bereik is.

Volgens die ooreenkoms kry busbestuurders met meer as drie jaar ondervinding nou R8 800 per maand terwyl junior dokters R8 000 per maand verdien na ses jaar se studie.

справка в спортивную

EU besorg oor plaasbesettings in Zim

Die Europese Unie is nog nie gereed om normale verhoudinge met Zimbabwe te hervat of hulp te gee nie, ten spyte van "positiewe verwikkelinge" in die politiek van die land.

In 'n brief wat aan John Kaputin, sekretaris-generaal van die Afrika-, Karribië- en Oseanië-blok lande het die EU aangedui dat hulle die situasie met "gespanne aandag volg in die hoop dat 'n nuwe fase van stabiliteit, respek vir menseregte en die reg asook ekonomiese ontwikkeling sal aanbreek".

Hulle het egter benadruk dat die pas waarmee die nuwe regering kan lewer aan die mense van Zimbabwe 'n groot rede tot kommer bly, binnelands sowel as vir die internasionale gemeenskap.

In die brief word die hoop uitgespreek dat die "dialoog" wat president Mugabe in Maart voorgestel het, "dit moontlik maak om 'n padkaart van wedersydse ondernemings daar te kan stel," wat "hopelik uiteindelik daartoe sal lei dat volle samewerking weer vorentoe hervat sal kan word".

Só 'n stap sal lei tot die herbeskikbaarstelling van ontwikkelingshulp wat 'n aantal jare reeds bevries is. Op die oomblik kan die EU slegs humanitêre hulp stuur aan die mense. In 2007 is 90 miljoen euro bewillig.

Die Europese Unie en die VSA handhaaf steeds 'n reisverbod op Mugabe en sy binnekring, en het ook hulle bates bevries uit protes teen die kontroversiële verkiesings en menseregteskendings deur sy regering.

"n EU-afvaardiging wat Zimbabwe Donderdag besoek het, het gesê daar is "besliste vooruitgang" deur die eenheidsregering, maar het 'n beroep gedoen op die owerhede om plaasbesettings te stuit.

Xavier Marchal, hoof van die afvaardiging, het gesê die Europese Kommissie en die EU voel dat "die regering 'n moratorium op plaasbesettings behoort aan te kondig".

"Indien daar nie eiendomsreg geld nie, is die investeringsklimaat nie reg nie. Beleggers sal nie wil kom om te belê in hierdie land nie," het Marchal aan verslaggewers gesê nadat hy adjunk-minister Arthur Mutambara ontmoet het.

Sekere Westerse lande handhaaf sanksies teen Zimbabwe en sal slegs van standpunt verander indien Mugabe sy koers verander. Landbou, mynbou en vervaardiging het totaal in duie gestort in die land.

Agt dood n? besnydenis

Agt mans is dood nadat hulle by ’n inisiasieskool in KwaMhlanga, Mpumalanga, besny is.

Vyftien besnyde mans is sedert Saterdag in die Kwa-Mhlanga-hospitaal opgeneem, het mnr. Simphiwe Kunene van die Mpumalanga-gesondheidsdepartement gesê.

Elf mense is al ontslaan, een is dood en drie is nog in die hospitaal.

Sewe mans is by die inisiasieskool dood.

“Ons raadpleeg tans die provinsiale huis van tradisionele leiers en die departement van korporatiewe regering en tradisionele sake om ’n kollektiewe ingrypingstrategie op te stel om verdere lewensverlies te verhinder,” het Kunene gesê.

Groot koue in aantog

Wydverspreide sneeuvalle word hierdie naweek in die Wes-Kaap en Noord-Kaap verwag. Die Suid-Afrikaanse Weerburo het vier waarskuwings vrygestel met 'n koue front wat die Wes-Kaap teen Vrydag sal tref.

Die waarskuwings behels ysige weerstoestande, sneeu op hoogliggende gebiede soos Sutherland en Ceres, stormsterkte winde en stormagtige seetoestande.

"Kapenaars kan totsiens sê vir sonnige weer," het Candice McKechnie, klimatoloog, aan die Burger gesê.

"Hierdie koue front gaan ysige temperature tot gevolg hê en 'n stormsterkte wind, maar nie veel swaar reën nie. Enige iets tussen 5mm en 10mm is vir die provinsie voorspel op Vrydag," het sy gesê.

ыгри для детей

Bizos in die hospitaal opgeneem

Menseregteadvokaat George Bizos is in 'n Johannesburgse hospitaal opgeneem, nadat hy siek geword het, het die Star Donderdag berig.

Sy vrou Arethe het aan die media gesê "Hy is besig om mooi beter te word." Bizos, wat 80 jaar oud is, is in Wits Universiteit se Donald Gordon Mediese Sentrum opgeneem vir toetse. Die sentrum is 'n privaat akademiese hospitaal in Parktown.

Bizos se seun Professor Damon Bizos, is werksaam by die hospitaal. Hy het aan die Star gesê hulle is nog nie seker wat met sy vader skort nie, maar hulle doen tans toetse om vas te stel.

"Op die oomblik gaan dit goed. Hy is stabiel en dit gaan goed," het hy gesê.

Bizos het destyds met die Rivoniaverhoor vir Nelson Mandela, Govan Mbeki en Walter Sisulu verdedig en daardeur bekendheid verwerf.

Alhoewel hy reeds afgetree het, is hy deur die president aangewys om op die Geregtelike Dienskommissie te dien.

online casino games no deposit required

Zimbabwi?rs keer terug

Zimbabwiërs wat gehoop het om 'n beter lewe in Suid-Afrika te kom soek, het Woensdag die middestad van Johannesburg verlaat om terug te keer huistoe. Die terugkeer van 33 vrywilligers is deur 'n onafhanklike internasionale agentskap gereël.

Die Zimbabwiërs het almal voorheen onderdak gevind by die Johannesburgse sentrale Metodistekerk waar daar tans 2 000 van hulle landgenote in moeilike omstandighede woon.

Behalwe dat gesinne beknopte kamers en gange moet deel, slaap talle Zimbabwiërs reeds buite die kerk. Die kerk voorsien ook 'n maaltyd waarvoor die inwoners moet toustaan.

Vanweë die moeilike ekonomiese omstandighede wat in Suid-Afrika heers, voel plaaslike inwoners dat hulle met Zimbabwiërs moet meeding vir werk. Dit was ook een van die aanleidende oorsake vir die golf geweld teen buitelanders verlede jaar.

Yukiko Kumashiro van die Internasionale Organisasie vir Migrasie, wat Woensdag se repatriasie gereël het, sê om huis toe te gaan is die beste opsie.

Alhoewel 'n paar Zimbabwiërs van die geleentheid gebruik gemaak het wat die IOM aan hulle gebied het, stroom daar steeds talle van hulle landgenote oor die grens nadat Suid-Afrika visumvereistes opgehef het sodat dit makliker is vir hulle om hier te werk.

игры длям девочек

MK-veterane skel Zille se junior

MK-veterane het Woensdag geweier om 'n memorandum aan 'n Wes-Kaapse LUR te oorhandig en hom as een van Helen Zille se "kêrels" beskryf.

Die nuutaangestelde LUR vir behuising Bonginkosi Madikizela is begroet met uitroepe van "voetsek" toe hy op die trappe van die provinsiale gebou verskyn het in die sentrum van Kaapstad om die dokument te kom haal.

Die voorsitter van die MK-veterane, Kebby Maphatsoe, sê hulle sal nie die memorandum aan enige junior van Zille oorhandig nie en sal by 'n later geleentheid terugkom om dit af te lewer.

Zille is in Pretoria waar sy die kabinetlekgotla bywoon.

Honderde lede van die MK-veteranevereniging het na Zille se kantore gemarsjeer om te vra dat sy verskoning aanteken teenoor president Jacob Zuma nadat sy gesê het hy stel sy vroue aan risiko bloot omdat hy seks met 'n MIV-positiewe vrou gehad het.

гидроаккумулятор в Фильчаков прокурор

Zille parano?es oor haar selfoon

Tydens president Jacob Zuma se kabinetlekgotla Dinsdagoggend het Helen Zille duidelik 'n poging aangewend om vrolikheid en onbesorgdheid uit te straal. Die media het veral op Zille gefokus nadat die ANC-veterane 'n verskoning van haar geëis het en omdat sy die enigste nie-ANC premier is..

Met die reëlings wat haar selfoon betref, was die Wes-Kaapse premier egter byna paranoïes.

Kort nadat die media gevra is om te loop by die Presidensiële Gastehuis in Pretoria, is Zille uit om na haar lyfwag te gaan soek. Hy moes glo haar selfoon in bewaring hou. Die ander teenwoordiges wat die kabinetsvergadering bygewoon het, wat ministers en premiers insluit, is gevra om hulle selfone in 'n veilige kassie neffens die saal te plaas vir die duur van die vergadering.

'n Groot kennisgewing waarop "No cellphones allowed" gestaan het, was sigbaar by die deur. Die DA-leier is opgemerk waar sy druk besig was in die parkeerterrein om sms'se te stuur nadat sy die vergadering verlaat het.

Daarna het sy aan die Pretoria News in 'n grap gesê dat sy haar selfoon eintlik aan haar lyfwag wil gee. Nadat sy dit gedoen het, is die lyfwag terug motor toe.

Zille het deurentyd uitbundig gelyk, waar sy tussen Ace Magashule en minister Tokyo Sexwale gesit en korswel het. President Zuma was ook in 'n goeie bui en het die media toegelaat om 'n paar minute lank die goeie atmosfeer by die geleentheid gade te slaan voordat hulle gevra is om te loop.

ANC beskuldig Zille van misleiding

Lynne Brown, Helen Zille se voorganger, het in ’n verklaring gesê: “Premier Zille is nou weer opsetlik misleidend.” Die ANC het Zille daarvan beskuldig dat sy besig is met kafpraatjies oor 'n grondsamesweringsteorie.

Dit kom nadat Zille Vrydag aangekondig het dat provinsiale grond, ’n dag voor die verkiesing, met duistere bybedoelings deur die ANC aan die Behuisingsontwikkelingsagentskap oorgedra is.

Die voormalige ANC-beheerde Wes-Kaapse regering het die oordrag van 1 000 ha behuisingsgrond op 21 April aan die nasionale regering onderteken. Die grond is sowat R500 miljoen werd en is groot genoeg vir byna 100 000 huise.

Die grootste gedeelte van die grond is in die Kaapse metropool in Constantia, Joostenbergvlakte, Ravensmead, Belhar, Charlesville, Plumstead, Southfield, Philippi en Kleinvlei. Die res is in Hartenbos en George.

Brown het die vraag aan Zille gestel of “sy eerder die grond vir iets anders as behuising vir die armes wou gebruik?” in reaksie op Zille se aantygings dat die ANC duistere motiewe met die oordrag gehad het.

Brown wou vervolgens weet of Zille beplan het om die grond aan ontwikkelaars te verkoop. Die oordragtransaksies kon nie in die geheim geskied het nie, volgens Brown, omdat dit in die laaste twee begrotings van die nasionale minister van behuising in die parlement geopper is.

Whitey Jacobs, voormalige LUR vir behuising, het gesê hulle het nog nooit ’n geheim gemaak van die N2-behuisingsprojek nie. Hy het gesê “Die DA wil nie . . . geïntegreerde gemeenskappe hê waar voorheen benadeelde mense toegang tot geleenthede en geriewe het nie.”

live american roulette