Suider-Afrika Archives - Page 92 of 165

Sterftes in myne moet gestraf word

13:43:32 Daar is 'n menslike tol daaraan om vir goud te delf in Suid-Afrika. Terwyl die sterftesyfers minder word, is dit steeds hoog genoeg dat die parlement vandeesweek maatreëls oorweeg om uitvoerende beamptes by myne te dreig met tronkstraf vir sterftes in hulle myne.

'n Nasionale kommissie in 1995 het bevind dat 69 000 mynwerkers in Suid-Afrika tussen 1900 en 1993 dood is, en dat 25 keer soveel mense beseer is, die oorgrootte meerderheid terwyl hulle goud ontgin het. Dié syfers sluit nie diegene in wat ly aan longsiektes en doofheid as gevolg van geraas nie.

Die syfers van mynsterftes vergelyk "sleg met die meeste ander lande in die wêreld", het die kommissie bevind.

Sedert 1995 het veiligheidsmaatreëls die sterftesyfer heelwat verminder van 'n gemiddeld van 742 na 220.

Die nuwe wetgewing kan maatskappy-uitvoerendebeamptes aan tronkstraf van tot 5 jaar onderwerp, of boetes van Rm3 instel, wat administrateurs in kantore krimineel strafbaar sal hou vir ongelukke in die warm ondergrondse tonnels.

"Ons het lank gewerk vir dié strawwe," het Lesiba Seshoka, 'n woordvoerder van die Nasionale Unie van Mynwerkers gesê. Die Unie verteenwoordig die meerderheid van die land se 465 000hoofsaaklik swart mynwerkers.

Die meeste mynmaatskappye sê hulle is lankal reeds meer veiligheidsbewus en staan die nuwe beoogde maatreëls teen.

прокурор Фильчаков

294 Mense dood aan cholera, s? Amerikaanse ambassadeur

13:20:33 Die Amerikaanse ambassadeur in Harare, James McGee, het Donderdag gesê dat 294 sterftes aan cholera reeds in Zimbabwe aangemeld is, te midde van sowat 1200 gevalle van dié siekte wat aangemeld is.

"Die water- en sanitasiesituasie het handuit geruk," het McGee aan Washingtonse verslaggewers gesê in 'n satellietkonferensie.

"Daar is meer as 1200 bevestigde gevalle van cholera, en meer as 2500 onbevestigde gevalle," het McGee gesê.

Beamptes in Harare het gesê die uitbraak van cholera in Zimbabwe in die laaste maand het nou ten minste 90 lewens geëis, insluitend 3 sterftes van Zimbabwiërs wat in Suid-Afrika was.

Ten minste 37 mense het by Beitbrug gesterf. Die dorp is op die grens met Suid-Afrika, het die minister van gesondheid, Dawid Parirenyatswa, oor die nasionale radio gesê.

Drie Zimbabwiërs het in Musina in Suid-Afrika gesterf, het beamptes daar bekend gemaak.

Nog 37 dood is in Harare, terwyl 'n nuwe uitbraak in die stad Gweru nog 13 lewens geëis het, het die staatsmedia Donderdag berig.

Dokters sonder grense het Dinsdag gewaarsku dat 1,4 miljoen mense in Harare erg blootgestel is en dat gevalle van cholera so ver suid as in Durban aan die Suid-Afrikaanse suidooskus aangemeld is.

play crown депутат лобановский

SA gaan hulp aan Zim terughou

Suid-Afrika het Donderdag gesê dat hulle byna $30 miljoen se hulp aan Zimbabwe terug gaan hou totdat 'n nuwe regering daar in plek kom terwyl die land gereedmaak om 'n nuwe rondte magsdelingsamesprekinge volgende week te hou.

Die versuim om 'n regering van nasionale eenheid te vorm, beteken dat die geleentheid vir hulp verbygegaan het, het regeringswoordvoerder Themba Maseko gesê.

Suid-Afrika het verlede maand R300 miljoen (22,6 Euro) se landbouhulp aan Zimbabwe om korttermynvoedselvoorsiening te help, goedgekeur onderworpe aan sekere voorwaardes.

"Dié hulp sal nie aan Zimbabwe oorgedra word totdat 'n verteenwoordigende regering in plek is nie," het Maseko aan joernaliste gesê.

"Ons groot bekommernis is dat ons die plantseisoen gemis het" het hy bygevoeg.

Woordvoerder van die departement van buitelandse sake, Ronnie Mamoepa, het Dinsdag bevestig dat Suid-Afrika gasheer sal wees vir 'n volgende rondte samesprekings volgende week, onder die leiding van voormalige president Thabo Mbeki, wat die magsdelingsooreenkoms meer as twee maande terug aanmekaar gesit het.

Morgan Tsvangirai het die week Berlyn en Parys besoek om Europese regerings te vra vir hulp, aangesien voedsel in Zimbabwe vinnig skaarser word. Die opposisieparty reken dat 5,5 miljoen mense in die land teen Januarie van voedselhulp afhanklik sal wees.

Die Franse minister van buitelandse sake, Bernhard Kouchner, het ondersteuning belowe, maar nog geen nuwe beloftes oor hulp gemaak nie, aangesien toegang tot die groepe in Zimbabwe wat hulp nodig het steeds verhoed word.

воронеж техно

Johannesburgse sakegebied donker

Krag behoort weer ten volle beskikbaar te wees in die Johannesburgse sakesentrum teen Saterdag, nadat 'n brand uitgebreek het in 'n kabeltonnel vroeër die week, het 'n woordvoerder gesê.

"Ons verwag volle herstel van die krag teen Saterdagoggend" het Louis Pieterse, woordvoeder van die kragdepartement gesê.

Hy het gesê 90% van die krag is herstel en dit sal teen middag se kant aangaan.

Dele van die sakegebied en Selbie is geraak deur die onderbreking.

Sommige verkeersligte in die suidelike dele van die stad is steeds buitewerking.

"Dit is 'n reuse taak, maar ons behoort môre weer aan die gang te wees," het hy gesê.

Die brand wat vroeg Maandagoggend begin het, het dele suid van President- en Markstraat sonder krag gelaat.

Pieterse kon nie kabeldiefstal as die rede vir die brand uitsluit nie.

max damage

Carter en Annan gaan voort met besoek aan Zimbabwe

Voormalige Amerikaanse president Jimmy Carter, en medewerkers gaan voort met 'n humanitêre sending na Zimbabwe, ten spyte daarvan dat die staatsbeheerde koerant in dié Afrika land aangedui het dat hulle onwelkom is.

Die Ou Leiers, 'n groep wat deur voormalige SA president Nelson Mandela aanmekaargesit is, het verlede week planne om Zimbabwe te besoek, bekend gemaak.

Na 'n storie wat Donderdag in Zimbabwe se Heraldkoerant oor die beoogde besoek verskyn het, getiteld "Kom asseblief op 'n later datum," het die groep hulle planne herbevestig, sonder om na die koerantberig te verwys.

Die voormalige VN sekretarisgeneraal, Kofi Annan en Graca Machel, Nelson Mandela se vrou, wat ook 'n internasionale vroue en kinderregte advokaat is, gaan ook deel uitmaak van die groep wat Saterdag vir 'n tweedae besoek daar aanland.

Die Herald het 'n onbekende bron aangehaal wat Annan openlik as krities beskou teenoor president Robert Mugabe en sy administrasie.

'n Ou Leiers-woordvoerder het gesê dat die groep 'n onderhoud met president Mugabe aangevra het, maar dat daar sover geen formele reaksie was nie.

Annan het in 'n verklaring beklemtoon dat die besoek onafhanklik is van 'n streekspoging om Mugabe en sy teenstaanders sover te kry om die magsdeling ooreenkoms wat sedert September al vertraag word, te implementeer.

Die opposisie beskuldig Mugabe, wat sedert onafhanklikwording van Brittanje in 1980 aan bewind is, daarvan dat hy al hoe meer outokraties optree, en dat hy probeer om aan die belangrikste kabinetsposte vas te hou. Die dooiepunt het Zimbabwiërs in 'n posisie gelaat waar hongersnood en siekte die land teister, en waar daar byna geen regering meer bestaan nie terwyl die ekonomie in duie stort.

Terwyl die Ou Leiers se besoek slegs 'n humanitêre besoek is, "doen ons 'n beroep op Zimbabwe se politieke leiers om vinnig te beweeg om die ooreenkoms van 15 September te implementeer, veral met betrekking tot die voorsiening van humanitêre hulp en voedselvoorsiening," het Annan gesê.

Zimbabwe se hoof opposisieleier, Morgan Tsvangirai, het tydens 'n besoek aan Berlyn aan Associated Press gesê dat hy en Mugabe binne tweemaande 'n regering moet saamstel om 'n katastrofiese humanitêre krisis af te weer.

Tsvangirai het gesê hy vrees dat honger en frustrasie, tesame met die aanhoudende ineenstorting van dienste soos skole en hospitale onrus en geweld kan aanblaas indien 'n wettige regering nie vinnig intree nie.

Tsvangirai het eerste gekom uit vier mense in die eerste rondte van die verkiesing in Maartmaand. Maar volgens amptelike resultate het hy nie genoeg stemme op hom verenig om 'n tweede rondte verkiesing af te weer teen Mugabe wat tweede gekom het nie.

Tsvangirai het onttrek uit die tweede rondte verkiesing wat op 27 Junie plaasgevind het vanweë aanvalle op sy ondersteuners.

Die Amerikaanse ambassadeur in Zimbabwe, het intussen op Donderdag gesê dat "Mugabe se magsgreep sterker was as wat dit 'n jaar terug was."

Ambassadeur James McGee, wat met verslaggewers by Washington gesels het in 'n videokonferensie, het gesê dat Mugabe sy mag versterk het deur 'n politieke ondersteuningsisteem wat hy volgehou het, ten spyte van die kritiese finansiële- en gesondheidstoestande wat in die land heers.

play real life Фильчаков прокурор

Brand in plakkershut laat 200 dakloos

Byna 200 mense is dakloos gelaat nadat 'n brand uitgebreek het in 'n plakkershut in die Nelson Mandela lokasie naby Houtbaai in die Kaapse skiereiland, het SABC-nuus berig.

Stad Kaapstad se rampbeheerkantoor het gesê dat sowat 50 wonings in die brand vernietig is.

Woordvoerder Craig Pillay het gesê dat rampbeheerspanne, insluitend 'n helikopter, na die gebied ontplooi is.

095у topcargo отзыв

Rugby is ‘n ‘misdadigersport’

Butana Komphela en Cedric Frolick sê hulle gaan alle stadions van rugby wegneem en niks gaan hulle keer nie.

Dié twee is onderskeidelik voorsitter en ondervoorsitter van die parlementêre portefeuljekomitee oor sport. Die stelling het gekom nadat Frolick op ’n vergadering van die komitee aan die stadsbestuurder van die eThekwini-metroraad, Mike Sutcliffe, gevra het aan wie die Absa-stadion in Durban behoort.

Sutcliffe het gesê die Absa-stadion behoort aan die metroraad. Die raad het ’n huurkontrak van 55 jaar met die KwaZulu-Natalse Rugby-unie, maar wil hê die unie moet van die Absa- na die nuwe Moses Mabhida-stadion skuif wat in 2010 gereed sal wees.

Die unie is nie te vinde vir die gedagte nie, maar Sutcliffe het gesê hy glo hulle sal uiteindelik gedwing word om te trek.

Volgens Frolick is rugby is “rassisties” en ’n “misdadigersport". Hy het die Afrikaanse media daarvan beskuldig dat hulle net oor rugby verlag doen.

Frolick sê rassistiese aanvalle tydens die Curriebeker-eindstryd in die Absa-stadion het hom laat besef dat sekere stadions vir rugby is en ander stadions vir ander sportsoorte.

Springbok is uit

Die Springbok mag nie meer op die groen-en-goud-baadjies wees nie. Daarmee word 'n hoofstuk van 'n 100 jaar in Suid-Afrikaanse rugby afgesluit.

Die embleem gaan van die bekende baadjies verdwyn. Makhenkesi Stofile, minister van sport en ontspanning, het gesê die springbok moet nie links op die trui wees nie, "hy moet weg”.

Die bok sal nie heeltemal van die nasionale rugbytrui verdwyn nie, maar van die linkerkant na die regterkant oorskuif om vir die protea plek te maak.

Stofile het gesê ’n besluit is in 1991 deur alle Suid-Afrikaanse sportfederasies geneem dat die protea die nasionale sportembleem moet wees. Daar in 1992 en 1996 uitstel aan rugby gegee oor die kwessie, moet die besluit nou deurgevoer word.

Hy het ook gesê die regering is die wettige eienaars van die embleem. Sy departement kon egter nie die nodige bewyse lewer nie.

Luke Watson, wat teen die springbok as embleem gekant is, het gesê hy is verheug oor die uitslag.

Nog klagtes teen Janet Boateng kom aan die lig

Terwyl die departement van buitelandse sake van Brittanje se ondersoek na bewerings oor Janet Boateng, die Britse ambassadeursvrou, voortduur, het twee personeellede na vore gekom en beweer dat hulle eerste amptelike klagte reeds twee jaar terug gemaak is.

Eks-polisievrou, Valerie Botha (44), het gesê dat sy ondervra is deur 'n beampte wat deur die departement van buitelandse sake van Londen af gestuur is.

Op een tydstip, het mev. Boateng, wat alle bewerings ontken, klaarblyklik 'n meningsverskil gehad met mev. Botha.

"Sy was baie gaaf met gaste en diplomate, maar was heeltemal anders met ons en kontrakteurs" het mev. Botha gesê. Sy moes net soos die ander personeel die hoë-kommissaris se vrou as "madam" aanspreek.

Valerie Botha, mev. Boateng se voormalige sosiale sekretaresse, het gesê dat hulle altyd baie gesukkel het om spyseniers te kry, vanweë die manier waarop Boateng teenoor hulle opgetree het.

"Ek weet nie hoekom sy was soos wat sy was nie. Baie kontrakteurs het net op die einde nie opgedaag nie. Ons het baie probleme gehad om spyseniers te kry vanweë die manier waarop daar met hulle gewerk is," het sy gesê.

Mev. Botha het gesê dat haar klagtes personeel in beide die ampswonings in Kaapstad en Pretoria betrek het.

Sy het gesê dat sy deur 'n senior Britse amptenaar meegedeel is dat daar "baie min aan die saak gedoen kan word", omdat mev. Boateng nie 'n beampte in diens van die departement van buitelandse sake was nie.

Twee kokke, 'n landgoedbestuurder en verskeie ander mense, insluitend mev. Botha, het klaarblyklik padgegee as gevolg van die behandeling wat hulle gekry het.

Mev. Botha se klagtes is deur 'n huisbestuurder, Fazley Ismael beaam, wat beweer dat hy ook ervaar het hoe mev. Boateng op huishoudelike personeel geskree het en hulle verbaal afgeknou het, tesame met die vals beskuldigings van diefstal wat sy gerig het.

Hy het in 2005 by die personeel van die hoë-kommissaris aangesluit, en het gesê dat hy na 6 maande bedank het. Hy het gesê mev. Boateng se oënskynlike wantroue in die personeel was 'n konstante verleentheid.

Mnr. Ismael het gesê, "ek onthou 'n partytjie wat ons eenkeer in Kaapstad gehad het vir die opening van die parlement, met ongeveer 800 gaste. Nadat almal weg was, moes ons al die wynbottels uit die asblikke haal en tel om seker te maak dat daar nie een gesteel was nie. Niks was gesteel nie."

"Toe die Boatengs na Engeland toe gegaan het, moes ons al die kaste sluit en silwerware wegbêre, vir ingeval dit dalk gesteel sou word."

Mnr. Ismael het bygevoeg, "op die einde was daar geweldige spanning en mens het nooit presies geweet wat sy wou hê nie. Ons almal was baie ongelukkig."

"Ons moes gevra het vir penne en skryfbehoeftes omdat dit altyd toegesluit was. Dit was belaglik en vernederend."

Mnr. Boateng het in 'n verklaring gesê "My vrou se liefde vir Suid-Afrika en sy mense is welbekend, net soos haar rol in die stryd teen apartheid. Hierdie bewerings is absoluut sonder enige waarheid."

Cholera steek die grens oor

Volgens onbevestigde gerugte is soveel as 30 mense reeds in die omtrek van Musina, Limpopo, aan cholera dood. Dié siekte het nou die Zimbabwiese grens oorgesteek waar dit uitgebreek en verprei het.

Mnr. Phuti Seloba, woordvoerder van die provinsiale departement van gesondheid van Limpopo, het aan Beeld bevestig dat 19 mense oorlede is. Hulle is glo besig om toetse op die drinkwater in die gebied uit te voer om vas te stel hoe ernstig die uitbraak is.

Zimbabwiese ambulanse het cholera-pasiënte oor die grens vervoer, omdat die hospitale se krag is glo afgeskakel is in die buurland. Volgens Beeld bars Musina-hospitaal uit sy nate en siekes lê in die gange waar hulle wag vir behandeling. ’n Hospitaalbeampte het gesê hulle het opdrag ontvang om nie meer die pasiënte op te neem nie.

Die skouterrein waar die Zimbabwiese vlugtelinge bly, is van 'n stank omgewe wat volgens inwoners onuithoudbaar is. Daar geen sanitasiegeriewe of lopende water nie.

Volgens die Franse hulporganisasie, Dokters sonder gtrense, is 1,4 miljoen mense in Zimbabwe tans blootgestel aan die risiko van cholera. Die siekte is endemies op die platteland van daardie land maar weens die verval van die infrastruktuur in die stede, is die drinkwater nie meer veilig nie.