16:46:45 Die Wêreldvoedselprogram sê gevegte in die Kongo se Noord-Kivuprovinsie het sedert Augustus 200 000 mense uit hulle huise verdryf.
Charles Vincent, die nuwe direkteur van die WVP se Geneve-kantoor, sê tussen 1,4 miljoen en 2 miljoen mense in totaal is in Noord-Kivu ontwortel.
Dié syfer sluit diegene in wat deur vroeëre gevegte in 2007 ontwortel is. Vincent sê mense in die oostelike Kongo raak al hoe meer ondervoed en beamptes berig dat sommiges aan honger dood is. Vincent het aan die media gesê die agentskap het 'n tekort van 33 000 ton voedsel vir die land en benodig $46 miljoen aan skenkings om dit te koop.
16:49:07 Die Verenigde Nasies sê meer as 12 220 mense is in Guinee-Bissau met cholera besmet en 201 is aan die siekte dood. UNICEF woordvoerder Veronique Taveau sê die uitbraak van die siekte in dié Wes Afrikaland is uiters moeilik om te beheer.
Taveau sê meer as die helfte van die gevalle kom in die hoofstad Bissau voor, maar die siekte het sedert die middel van Mei in al die provinsies versprei.
Sy sê beamptes vrees dat cholera verder kan versprei as gevolg van 'n verkiesingsveldtog wat na verwagting groot skares in onhigiëniese toestande gaan saamtrek. VN humanitêre woordvoerder, Elisabeth Byrs, sê die Verenigde Nasies bestee reeds $1 miljoen om die uitbraak van cholera te bestry.
Burgerlike beskermingsbeamptes het in persverklarings gesê die verkiesing wat Amerika se eerste swart president of eerste vroulike visepresident kan oplewer verg ‘n sterker polisieteenwoordigheid as normaalweg.
Sommige is bekommerd dat indien Obama die verkiesing verloor en daar enige sprake van vuilspel in die verkiesing is, geweld kan uitbreek in stede met groot swart bevolkings. Andere baseer die voorbereidings op internet gerugte.
Demokratiese strateë en swart kiesersadvokate sê dat hulle die nodigheid vir die voorbereidings kan insien, maar waarsku daarteen dat te veel polisie teenwoordigheid die kiesers kan intimideer.
Senator Obama, die Demokratiese presidentskanidaat se voorsprong het in die afgelope paar weke toegeneem oor John McCain, en daar is vrese dat daar geweld kan uitbreek indien hy onverwags sou verloor.
In Oakland gaan die polisie ekstra teen oproer eenhede ontplooi, tesame met ekstra polisie, en selfs polisietaakmag eenhede gaan op bystand geplaas word.
James Carville, wat as senior politiese adviseur vir Bill Clinton opgetree het, het gesê dat baie Demokrate gaan baie kwaad wees indien Obama verloor. Hy het bygevoeg dat die stemstelsel baie oorlaai gaan wees, aangesien daar groot getalle by die stembusse verwag word.
Toenemende ongelykheid in Amerikaanse stede kan moontlik lei tot wydverspreide sosiale onrus en verhoogde sterftesyfers, het ‘n nuwe VN verslag oor stedelike omgewings bevind.
Baie stede was bo die internasionaal aanvaarbare rooilyn vlak, wat gebruik word om regerings te waarsku.
Volgens die jaarlikse “Toestand van wêreldstede” verslag deur die VN se “Habitat” organisasie, is ras een van die mees belangrike dinge wat vlakke van ongelykheid bepaal in Amerika en Kanada.
In die westelike New York staat, verdien byna 40% van die Swart, Spaanse en gemengde-rasse huishoudings minder as 15000 dollar, teenoor 15% van blanke huishoudings. Die lewensverwagting van Afro-Amerikaners in die VSA is omtrent dieselfde as mense wat in Sjina en dele van Indië woon, ten spyte daarvan dat Amerika baie meer welaf is as die ander twee lande.
Ongelykhede in rykdom word gemeet op die “Gini-koëffisiënt”, ‘n internasionaal erkende metode wat normaalweg net toegepas word op die rykdom van ‘n land. Hoe hoër die syfer is, hoe meer rykdom is in die hande van ‘n kleiner groepie mense van die land.
Anna Tibaijuka, hoof van die VN se Habitat, sê dit is duidelik dat sosiale spanning voortspruit uit ongelykheid.
Die verslag het bevind dat Indië meer bewys word van verskille, as gevolg van ekonomiese bevryding en globalisering, en dat die stede wat die meeste ongelykhede bevat in Suid-Afrika, Namibië en Latyns-Amerika is. Handelsvryheid het nie die nodige voordele teweeg gebring nie, het sy gesê.
Die verslag het gevind dat Beijing nou die mees klaslose stad is, net voor stede soos Jakarta in Indonesië en Dire Sawa in Etihopië.
Die verslag maak ook melding van die skynbaar onkeerbare trek van mense uit landelike gebiede na stedelike gebiede. Volgens die verslag blyk dit dat die bevolkings in stede die jaar die eerste keer die in landelike gebiede verbygesteek het, en dat die verskynsel sal voortduur.
Die dramatiese oorgang van landelike na stedelike gemeenskappe is nog nie verby nie. Verstedelikingsvlakke sal dramaties styg in die volgende 40 jaar om dalk so hoog as 70 % te styg in 2050.
President Hu Jintao, van China, het Vrydag aan Duitsland se kanselier Angela Merkel gesê dat verhoudinge tussen die twee lande goed is, het die Chinese staatstelevisie gesê, in 'n aanduiding dat die twee lande die diplomatieke krisis oor die Dalai Lama opgeklaar het.
Barack Obama, die demokratiese presidentskanidaat het vroeg op Vrydag in Hawaii aangekom om sy ouma (85) wat nie te gesond is nie te besoek, het ‘n korrespondent wat saam met hom gereis het gesê.
Obama het sy ouma, Madelyn Dunham as een van sy helde beskryf, en haar as instrumenteel beskou vir haar rol in sy grootmaak in sy outobiografiese werke, “Dreams of my father” en “Audacity of hope”.
Die spesifieke aard van haar siekte word nie beskryf nie, maar daar word wel gesê dat sy ernstig siek is.
Obama het op Donderdag die verkiesingsveldtog verlaat vir die besoek aan Hawaii, waar hy as tiener grootgeword het, hoofsaaklik by sy grootouers. Hy beplan om weer op Saterdag terug te wees.
Obama het aan BBC televisie gesê dat toe sy ma, Ann Dunham, wat in Kansas gebore is, oorlede is, het hy te laat daar aangekom.
Ons het geweet sy was siek, maar het nie besef die tyd was so min nie.
“Ek wil nie weer dieselfde fout maak nie” het Obama gesê.
'n Prominente Iranse groep het Donderdag hulle hofsaak teen die EU se besluit om hulle fondse te bevries, gewen. Die groep, bekend as die Mense se Moejahedien, sal nietemin op die Europese lys van terreurgroepe bly omdat die lys verlede jaar opgestel is.
Maryam Rajavi, die president van die Nasionale Raad van Weerstand in Iran, die politieke vleuel van die beweging, het die uitspraak verwelkom en gesê dit "bring 'n einde aan die onregverdige etiket van terrorisme".
Sy het Europese regerings daarvan beskuldig dat hulle die verbod op die groep wou behou omdat hulle nie hulle verhoudinge met Iran se huidige bewind wou benadeel nie. Die groep word as 'n potensiële weerstandbeweging in Iran gesien. Hulle het in 2001 egter alle militêre bedrywighede afgesweer.
'n Militere aanklaer in Burundi het gevra dat vier soldate wat daarvan aangekla is dat hulle 31 burgerlikes in 2006 in 'n militere basis vermoor het, die doodstraf opgelê word. Die vier, waaronder twee senior leeroffisiere, staar aanklagte in die gesig wat spruit uit die moord op burgerlikes wat daarvan verdink is dat hulle bande met die Nasionale Vryheidsmagte, die land se enigste rebellegroep, het.
Mbonimpa sê Bangirinama het met top verdagtes en verskeie burgerlikes uit die land gevlug. President Pierre Nkurunziza het herhaalde kere Bangirinama se arrestasie, weens sekuriteitsredes, teengestaan. Burundi rys na 14 jaar steeds uit 'n burgeroorlog wat 300 000 lewens geeis het en is ook in 'n verlammende politieke krisis vasgevang.
Die Golf van Aden en die ooskus van Somalië word nou gereken as dié plekke waar seerowery die meeste voorkom. Byna ‘n derde van alle aanvalle op skepe die jaar het in die gebied voorgekom, het die Internasionale Maritieme Buro (IMB) op Donderdag gesê.
Die seerowers is ‘n bedreiging vir handelsvaartuie wat op die roete beweeg tussen Asië en Europa, het die IMB gesê, en ook regerings aangemoedig om voorkomende aksie te neem teen seerowers.
Aanvalle van seerowers aan die kus van Somalië is op ‘n ongekende hoë vlak, en dit is duidelik dat die seerowers in die Golf van Aden dink dat hulle ongestraf kan voortgaan met hulle aanvalle op ander vaartuie, het Pottengal Mukundan, direkteur van die IMB gesê vanuit die organisasie se hoofkantoor in Kuala Lumpur.
Die organisasie het gesê dat ‘n totaal van 199 voorvalle van seerowery wêreldwyd plaasgevind het tussen Januarie en September, waarvan 63 gevalle aan die Somaliese ooskus en in die Golf van Aden was.
Wat nou nodig is, is sterk aksie teen die seerowers se moederskepe voordat hulle daarin slaag om ander skepe aan te val, het Mukundan gesê. Hy het ‘n beroep gedoen op regerings om aan hulle vlote opdrag te gee om die aktiwiteite van die seerowers en hulle moederskepe te ontwrig. Hy het bygevoeg dat die liggings en beskrywings van die moederskepe wel bekend is.
Nigerië is geskat as die tweede gevaarlikste plek wat seerowery betref, met 24 insidente, waarvan 20 om Lagos, die hoofstad plasgevind het. Die organisasie sê egter dat die aanvalle om Nigerië net ‘n klein persentasie van die werklike aanvalle verteenwoordig.
Indonesië was derde op die lys, met 23 aangemelde aanvalle, maar die organisasie het gesê die aanvalle is versprei, en almal, behalwe vir twee gevalle was “lae vlak” insidente, wat diefstal van waardevolle goedere en voorrade van skepe af behels het.
Wetteloosheid is vinnig besig om te versprei terwyl Somalië verval in die ergste gevegte in 20 jaar. Dit voed weer ‘n golf van seerowery wat vaartuie in die Golf van Aden, een van die belangrikste waterweë in die wêreld bedreig.
Somaliese beamptes sê die groot lospryse wat deur die skeepseienaars betaal word blaas korrupsie aan, tesame met ‘n opbloeiing in seerowery wat hulle nie tans kan wen nie.
Die verskuiwing van die fokus van die seerowers van die ooskus van Somalië na die golf van Aden plaas ‘n groot bedreiging op die handel tussen Asië en Europa.
Oostenryk is geskud nadat dit bekend geraak het dat die regse politikus wat onlangs in 'n motorongeluk oorlede is, Jörg Haider, se navolger ook sy gay minnaar was.
Petzner het intussen die leierskap van die Alliansie vir die Toekoms van Oostenryk oorgeneem. Hy het uit die kas gekom tydens 'n ontbytradio-onderhoud toe hy erg emosioneel geraak het. Hy het gesê hy wou by Haider se liggaam wees nadat hy gehoor het van sy dood en het hom na die hospitaal gehaas.
Petzner het erken dat hy 'n magnetisme van Haider ervaar het en dat hulle verhouding baie dieper as blote vriendskap was. Hy was ook beslis dat Claudia, Haider se vrou, nie gekant was teen hulle verhouding nie. Haider het twee kinders by sy vrou gehad.
Petzner se suster het egter ontken dat Claudia nie omgegee het nie. Sy het vertel dat Haider se vrou jaloers was. Kennelik is die party erg verleë oor die onthullings en het hulle inderhaas probeer om 'n herhaling van die uitsending te keer, sonder sukses.
Die gay partyleier mag homself binnekort uitgesluit sien van sy politieke groepering.
