Nuus oor die wêreld buite Suider-Afrika
Brittanje het Rusland gister gevra om nie 'n nuwe Koue Oorlog te begin nie.
David Miliband het Moskou daarvan beskuldig dat hy die kaart van Europa wil herrangskik.
Miliband het in Kiew gepraat, die hoofstad van die Oekraïene, 'n Russiese buurland wat net soos Georgië by Navo wil aansluit.
Die Russiese president het gister die Weste gekonfronteer deur die wegbreek-Georgiese provinsies van Suid-Ossetië en Abkasië te erken.
Die kapers van 'n Soedanese passasiersvliegtuig met meer as 100 mense aan boord beweer dat hulle aan 'n Darfoer-rebellegroep behoort.
Libiese amptenare sê die kapers wil almal Parys toe vlieg.
Die Sun Air Boeing 737 is gekaap kort nadat dit Dinsdag opgestyg het van Nyala onderweg na die hoofstad Kartoem. Nyala is die grootste stad in Darfoer.
Die vliegtuig het by die Libiese owerheid toestemming gekry om by die Koefra-militêre lughawe in die suidooste van die land weens 'n tekort aan brandstof te gaan land.
Europa word 'n grys kontinent. Die bevolking van die huidige lande van die Europese Unie sal teen 2060 vir byna 'n derde uit mense bo 65 jaar bestaan. Tans is een sesde 65-plussers. Dit word verklaar in 'n prognose van die Europese statistiekburo Eurostat.
Volgens 'n berig hieroor deur Radio Nederland Wereldomroep kom hierdie neiging omdat mense steeds langer leef, en die aantal geboortes afneem. In 2015 sal daar minder geboortes as sterfgevalle wees.
Eurostat vermoed dat die bevolking eers nog 'n bietjie sal toeneem deur immigrasie. Maar ook die aantal immigrante sal na verwagting ná 2035 afneem.
Die EU sê in sy reaksie dat hy besorg is oor die hoë koste wat die vergrysing meebring. 'n Woordvoerder sê dat die hervorming van pensioene en gesondheidsorg deurgevoer moet word. Die EU-lande moet sorg vir voldoende geld en werknemers moet langer aanhou werk.
Condoleezza Rice het 'n beroep op Israel gedoen om nie vredesonderhandelinge met die Palestyne te ondermyn nie.
Rice het gesê dat die voortgaande bouwerk aan nedersettings, of enigiets wat die vertroue tussen die partye kan ondermyn, vermy behoort te word.
Die Palestyne sê die vestiging van nuwe setlaars neem grond van hul toekomstige staat weg.
'n Amerikaans geondersteunde vredesplan behels dat Israel alle nuwe nedersettings op die Wesoewer staak.
Min ontleders glo egter dat Rice vir 'n deurbraak kan sorg.
Duisende boere in Indië het oor die afgelope dekade selfmoord gepleeg.
Ondanks pogings van die regering om meer geld beskikbaar te stel, neem die selfmoordepidemie onder boere eenvoudig nie af nie.
Van die probleme is duur krediet, dalende pryse vir landbouprodukte, asook die stygende koste van boerdery en 'n onstellende skuldlas wat in 2008 gaan verdubbel.
Die noodlenigingspakkette van die Indiese regering is ook nie behoorlik deurdink nie.
Hulle stort geld in skemas waar bestaande maatreëls reeds ooglopend misluk het.
Die basis vir die keuring van begunstigdes onder die hulpskema is ook nie goed gedefinieer nie.
Aan die suidelike kus van Ghana is die Atlantiese Oseaan besig om te styg.
Ou mans van 'n suidelike dorpie sê elke jaar kom die kus 'n paar meter nader.
Niemand weet waaorm die see so geleidelik oor dekades heen gestyg het nie, en geen wetenskaplikes het nog datat kom insamel nie.
Die hele nedersetting van Totope lê reeds diep onder die water waar dit heeltemal ondergedompel is.
Die Switserse regering het dosyne rekenaarlêers en ander materiaal vernietig wat die sakebedrywighede van Switserse ingenieurs beskryf wat daarvan verdink word dat hulle gehelp het om kerntegnologie na Libië en Iran te smokkel.Die ingenieurs, Friedrick Tinner en sy twee seuns, word daarvan beskuldig dat hulle as tussengangers tussen anti-Westerse nasies opgetree het.
Die Switsers sê dat die lêers vernietig is sodat hulle nooit weer in terroristehande kan val nie.
Die Verenigde State het blykbaar daarop aangedring dat die lêers vernietig word.
Rusland se boonste parlementshuis het gestem ter ondersteuning van die onafhanklikheid van Abkasië en Suid-Ossetië.
Die beroep deur die huis op president Dmitir Medwededf om die twee gebeide te erken, is eenparig aanvaar.
Erkenning sal die kaart van die strategiese Kaukasus tussen die Swartsee en die Kaspiese see heeltemel herorden.
Die twee streke word internasionaal as deel van Georgië erken.
Moskou steun die separatiste van Abkasië en Suid-Ossetië sedert hul breuk met Tbilisi in die vroeë negentigerjare maar het tot dusver daarvan teruggedeins om hulle onafhanklik van Georgië te verklaar.
China het bo geëindig as die beste land by die Olimpiese Spele, vóór die Verenigde State.
Die Chinese gewigopteller Chen Xiexia het haar land se rekening geopen met die tweede goue medalje by die Spele.
Teen die einde van die toernooi het China 51 goues gewen, heelwat meer as die Amerikaners.
Die VSA het wel die meeste medaljes in totaal gewen.
China se suksesse het veral van sportsoorte soos duik, skiet en tafeltennis gekom.
Hoe goed die Chinese hul kroon in Londen oor vier jaar gaan verdedig, gaan interessant wees om te aanskou.
Die Franse minister van binnelandse sake is onderweg na die Alpe om agt oorlewendes te besoek, drie Italianers en vyf Franse, wat uit die sneeustorting getrek is.
Dit wil voorkom asof dit veroorsaak is deur 'n blok ys wat by die berg afgerol het.
