Internasionale nuus – Bladsy 286

Vredesmaghelikopters onder skoot

Vredesbeamptes in Soedan se Darfoer-gebied het onder skoot gekom toe hulle ondersoek gaan instel het na gevegte wat in die gebied

Vredesmaghelikopter

uitgebreek het. Militêre offisiere het Donderdag gesê dit is die derde keer in die afgelope paar weke dat daar op helikopters geskiet is.

Beamptes van die gesamentlike Verenigde NasiesAfrika-unievredesmag sê hulle vrees dat rebellemagte hulle vliegtuie teiken omdat hulle dit verkeerdelik vir regeringshelikopters aansien. Die aanvalle wek ook kommer onder ondersteuningswerkers wat op die vlugte staatmaak om hulle na afgeleë dele van die gebied te neem.

Vredesmagwoordvoerder Kemal Saiki sê die helikopter wou inkom om te land toe skote gehoor en lugspoorkoeëls gewaar is. Internasionale waarnemers sê die meer as vyf jaar se gevegte in Darfoer het die lewens van 200 000 mense geëis en meer as 2,5 miljoen uit hulle huise verdryf. Die helikopter is Woensdag op Birmaza, 'n nedersetting in Noord-Darfoer aangeval; volgens rebellegroepe was regeringsmagte daarvoor veranwoordelik.

Indringergroepe beskuldig regeringsmagte daarvan dat hulle die laaste twee weke 'n reeks aanvalle op hulle posisies in Noord-Darfoer uitgevoer het. Soedan se gewapende magte ontken die aanvalle op rebelle en sê soldate is in die gebied om humanitêre konvooie teen struikrowers te beskerm. 'n VN-verslag in 2007 het Soedanese magte in Darfoer daarvan beskuldig dat hulle 'n reeks internasionale ooreenkomste geskend het deur hulle vliegtuie te verf en kentekens aan te bring wat dit na VN-vliegtuie laat lyk.

Ondersteuningsgroepe sê verdere aanvalle op vliegtuie in Darfoer kan 'n verwoestende uitwerking op hulle werk hê. Woordvoerder Alun Mc Donald van Oxfam in Soedan sê as hulle begin om op helikopters te skiet laat dit nie vir hulle veel opsies oop nie. Mohamed Dirbeen, militêre woordvoerder van die Sudan Vryheidsbeweging, sê regeringsvliegtuie het dorpies naby Tawila in Noord-Darfoer Donderdag gebombardeer en sewe mense dood agtergelaat terwyl nege mense beseer is.

Niemand van Soedan se gewapende magte was vir kommentaar oor die jongste bomaanvalle beskikbaar nie.

поильник купить

Keulen op gereedheidsgrondslag geplaas

Die Duitse polisie het gister gereedheidsplanne aangekondig en 3 000 polisielede beskikbaar gestel om Keulen te bewaak nadat Duitse regse politieke groepe se konferensie om Duitsland te "anti-Islamifiseer" hewige protes ontlok het.

Die konferensiegangers beplan om Saterdag teen die oprigting van 'n Moskee in Keulen op te ruk. Etlike honderde mense word by die anti-Islamprotes verwag terwyl 10 keer meer betogers teen die nasionalistiese protes sal betoog.

Stadsowerhede, vakbonde en linkse politieke partye beplan 'n aansienlike teenwoordigheid oor die naweek. Die stad se tuisbier, genaamd Koelsch, word gebruik om teen die konferensiegangers te mobiliseer. Slagspreuke wat lui "Geen Koelsch vir Nazi's" sal by dosyne restaurante en kafees te siene wees.

Frankryk se Jean-Marie Le Pen en Oostenryk se Christian Strache, twee bekende regse Europese politici, het aangedui dat hulle nie die konferensie sal bywoon nie.

slots download

‘n Lelike straatnaam?

Verlede maand is Alexander Solsjenitsin begrawe en reeds het president Dmitri Medwedef besluit om hom te vereer vir sy buitengewone bydrae deur 'n straat in Moskou na hom te vernoem.

Die burgemeester van Moskou, Juri Luzkof, het aangekondig dat Bolsjaia Kommunisticheskaia Ulitsa, oftewel Groot Kommunistiesestraat, een van die mooiste en stilste strate in Moskou na die gestorwene herdoop sal word. Die straat met sy pragtige pre-rewolusionêre woongeboue sal voortaan Ulitsa Solsjenitsina heet.

Izvestia, die dagblad na aan die Kremlin, berig egter dat die hoofstad nog vol name is waarvan Solsjenitsin nie sou gehou het nie, soos Lenin Prospekt of Sjosse Entusiastof waarvandaan dissidente na Siberië gestuur is.

Die naamsverandering het 'n hewige debat ontketen want een van die strate wat Solsjenitsinstraat sal kruis heet steeds Karl Marxstraat. Baie mense glo die hele stel kommunistiese name gaan uiteindelik verdwyn en die Kommuniste is ongelukkig oor die vooruitsig.

Vladimir Lakeief, leier van die Kommunistiese Party in die Doema, het die stadraad gevra om die wettigheid van die naamsverandering te ondersoek.

'n Inwoner wat vir kommentaar genader is, meen dat die stad nie die ou kommunistiese voorbeeld moet volg en alles moet hernoem nie, maar dat Solsjenitsinstraat darem mooier klink as Groot Kommunistiesestraat.

slot strategy that Данильченео

Dooiepunt in Noord-Koreaanse kernsamesprekinge

Noord-Korea beplan om hul Yongbyonkernreaktor weer in werking te stel om 'n dooiepunt in internasionale kernontwapeningsamesprekinge op te los, volgens Hyon Hak-Bong van die ministerie van Buitelandse Aangeleenthede van dié land.

Hy het aan die media gesê werk om die reaktors aan te skakel het reeds begin. Hyon Hak-Bong is tans in Panmunjom, 'n dorpie waar samesprekinge tussen die noorde en suide gaan begin om energiehulp te bespreek.

Noord-Korea het verlede maand gesê dat hulle aanlegte waar plutonium geproduseer word nie gaan toemaak indien Washington hulle nie van die Amerikaanse terreurswartlys verwyder nie.

Noord-Koreaanse vennote het bevestig dat die toerusting weer teruggeskuif is na die Yongbyonkernreaktor se gronde. Hyon Hak-Bong wou nie 'n vaste datum aan die aanskakeling gee nie.

Suid-Korea, die VSA, Japan, China en Rusland het belowe om een miljoen ton ru-olie of gelyke energiehulp aan Noord-Korea te gee in ruil vir die opskorting van die werking van die kernreaktor. Noord-Korea het in Junie 'n lys van hulle kernbedrywighede en aanlegte aan die VSA oorhandig sodat hulle van die terreurswartlys afgehaal kan word.

Die VSA dring daarop aan dat die proses geverifieer moet word, maar Noord-Korea sê die voorstelle is onaanvaarbaar omdat dit lyk na die vooroorlogse bedywighede van die VSA in Irak. Hyon het gesê dat die VSA die verskoning van sogenaamde wapens van massavernietiging in Irak gebruik het om die land te plunder.

Die proses van verifikasie was nie deel van die ooreenkoms wat tussen die ses lande gesluit is nie, sê Hyon. Byna die helfte van die energiehulp is reeds gelewer en amptenare van die twee Koreas sal vandag die lewering van die res bespreek.

Die Internationale Instituut vir Strategiese Studies in Londen sê dat Noord-Korea hulle kernprogram binne 'n jaar weer op dreef kan hê. Diplomatieke pogings om beide Iran en Noord-Korea se kernuitbreiding in te kort het tans 'n dooiepunt bereik.

мед справка 086 у Фільчаков прокурор

Geen snelle einde aan gevegte in Nigeriese oliedelta

Daar heers steeds swaar gevegte in Nigerië se Nigerdelta tussen lede van sogenaamde militante groepe en die regeringsmagte. Die land se nuut aangestelde militêre leiers poog om militante leiers te vang of dood te maak ten einde beheer oor die streek se oliebronne te verkry.

Die gevegte wat sedert Saterdag tussen militantes en die veiligheidsgmagte woed, is die hewigste in twee jaar en het minder as 'n maand ná die herontplooiing van militêre leiers deur president Umaru Yar'Adua begin.

"Die bevelvoerders is nuut en maak van nuwe strategieë in die delta gebruik. Die oues is daarvan beskuldig dat hulle nie proaktief genoeg opgetree het om die gevegte te beëindig nie," het Anywakwee Nsirimovu, direkteur van die Instituut vir menseregte en humanitêre reg gesê.

Prvaatsekerheidsbronne en -analiste meen die soldate het die geveg Saterdag aangeknoop deur 'n grootskaalse offensief teen 'n militante kamp wat lojaal teenoor die faksieleier Farah Dagogo is te loods.

Die faksie het noue bande met die mees prominente militante groep, die beweging vir die emansipasie van die Nigerdelta, oftewel MEND.

"Farah is die spil waarom MEND draai. Hy verteenwoordig MEND in die Rivers-deelstaat, het 'n private brond gesê. "Vir die veldtog om te slaag, moet Farah óf gedood óf gevange geneem word."

Die regeringsmagte meen hulle het nie 'n offensiewe operasie geloods nie en beskuldig die militantes daarvan dat hulle die gevegte ontlok het.

Aangevoer deur Farah se gewapende stryders, het die militantes 'n "olieoorlog" verklaar.

Hulle het pyplyne opgeblaas, asook platforms, gasaanlegte en olievelde, en sodoende 115 000 vate se olieproduksie per dag in die laaste vyf dae tot stilstand gebring – byna ses persent van Nigerië se beraamde produksie in Augustus.

Volgens veiligheidsbronne is dosyne in die gevegte dood.

"Die konflik gaan oor die beheer van oliebronne en die reg om daardie bronne te ontgin," sê Antony Goldman, 'n ontleder by die Londense risikoraadgewers, PM consulting.

MEND bestaan uit 'n losse koalisie van militante groepe wat sê dat hulle vir groter ontwikkeling en 'n beter leefomgewing veg ná dekades van verwaarlosing in die delta.

Maar vele van dié militantes kom van buite die Nigerdelta met lojaliteite wat grootliks afhang van wie die winsgewende handel in gesteelde olie beheer, meer algemeen bekend as oliebunkering.

"Die gevegte gaan oor oliebunkering. Die meeste van hulle is nie van die Nigerdelta nie, maar is buitestaanders," het Nsirimovu gesê.

Farah en nog 'n militante leier, Soboma George, wat albei bande met MEND het, het reeds verskeie kere gebots in gebiedsoorloë oor olie dié somer waarin 10 mense dood is.

Die verval in wet en orde het die onderskeid tussen 'n militant en 'n gewone misdadiger al vaer gemaak.

"Daar is blykbaar 'n direkte korrelasie tussen die hoeveelheid gesteelde olie en die hoeveelheid geweld," sê Goldman.

Sommige beramings stel die hoeveelheid ruolie wat in die gebied gesteel word op 100 000 vate per dag, wat gelykstaande is aan $9,5 miljoen per dag of $3,5 miljard per jaar teen huidige koerse.

Met dié tipe geld vind militante groepe en misdaadbendes dit maklik om vegters te werf in 'n land waar nege uit tien mense op minder as $2 per dag oorleef.

Tot dusver het die konflik binne die Rivers-deelstaat, die rykste in Nigerië, plaasgevind.

Maar die militantes het gedreig om die geweld elders in die delta uit te brei en na die diepsee wat tot dusver as immuun beskou is voordat 'n skouspelagtige MEND-aanval op Shell se Bongaplatform, 120 kilometer ter see, in Junie plaasgevind het.

"Dit wil tog voorkom asof die weermag 'n effense oorhand verkry het," meen die veiligheidsbron, met verwysing na die jongste gevegte.

Maar om die oorlog te wen, is 'n ander saak.

Die gevegsterrein bestaan uit modderige dongas, waarin statjies versprei is waar die militantes breë steun geniet.

Sedert die eerste woelinge in die Nigerdelta in die negentigerjare, het pogings deur die weermag om militante groepe die nekslag toe te dien net die geweld verder laat opvlam en 'n selfs hoër tol geëis.

yeella.com

Berlyn woedend na uitbetaling aan bankrot Lehman

Berlyn is glo woedend nadat berigte die rondte begin doen het dat Duitsland se Federale regeringsbank, KfW, 420 miljoen dollar aan Lehman Brothers oorhandig het net ure voordat die beleggingsbank gevou het en het 'n ondersoek na die beweringe gelas.

Die Frankfurter Allgemeine Zeitung sê KfW het die geld Maandag aan Lehman beskikbaar gemaak in 'n ruiltransaksie, dieselfde dag wat die Amerikaanse instelling hulleself bankrot verklaar het.

Die ministerie van Finansies in Berlyn wat KfW beheer, sê 'n ondersoek sal gedoen word om vas te stel wie die skuld moet kry. KfW se eie ouditeure gaan ten eerste kyk na waarom die betaling gemaak is.

KfW het aan die koerant erken dat hulle blootstelling van honderde miljoene euro se skuld vanweë die bankrotskap gehad het as gevolg van die "onbehoorlike uitbetaling". KfW hanteer die grootste deel van Federale regering se beleggings. Dit is as 'n rekonstruksiebank begin.

no deposit

EU kyk na Nigeriese gaspyplyn

Die Europese Unie wil graag hulle afhanklikheid van Russiese gas verminder ná die onlangse gebeure in Georgië. Daarom het hulle aan Nigerië finansiële en politieke steun van nagenoeg R190 miljard verleen om 'n trans-Saharapyplyn aan te lê wat gas direk na Europa sal dra.

Hernude fokus kom as gevolg van Gazprom, die Russiese gasbedryf, se belangstelling in Nigerië. Gazprom wil deelneem aan die pyplynprojek van 4 300km en het vroeër dié maand 'n voorlopige ooreenkoms met die staatsbeheerde Nigeriese Nasionale Petroleum Korporasie in Moskou onderteken om aan gaseksplorasie, produksie en vervoer mee te doen. Niger en Algerië sal ook by die projek betrokke wees.

Andris Piebalgs, die EU se energiekommissaris het verlede week besoek gebring aan Nigerië. Hy het erken dat die EU te stadig was om die trans-Saharapyplyn op te volg, maar die kwessie in Georgië het meer fokus gebring. Die lidlande voel dat daar meer gediversifiseer behoort te word as dit by hulle energieverskaffers kom.

Rusland verskaf 'n kwart van die gas wat die EU gebruik en wil hulle invloed in die gasmark uitbrei met skakeling met Libië en Nigerië. Die energieroetes deur die suidelike Kaukasus staan tans onder Russiese invloed en die EU is bekommerd dat die voorgestelde Nabuccogaspyplyn van 3 300km 'n volgende netelige kwessie kan word.

Mnr Piebalgs het gewaarsku dat dit nie nodig is om Russiese teenwoordigheid in Nigerië met paranoïa te bejeën nie, aangesien verskeie rolspelers betrokke is. Hy meen dat die pyplyn 20 miljard kubieke ton gas na Europa kan vervoer teen 2016. Die EU gebruik ongeveer 300 miljard kubieke ton per jaar. Aanvraag sal vermoedelik teen 2030 verdubbel.

Monnik probeer selfmoord pleeg

‘n Burmese monnik (nie die een wat selfmoord wou pleeg nie)

'n Boeddhistiese monnik het dié week probeer om selfmoord te pleeg by Mianmar se heiligste tempel, moontlik uit protes teen ekonomiese lyding.

Ooggetuies sê die monnik, wat vermoedelik in sy vyftigerjare was, is na die Jangon-algemenehospitaal geneem nadat hy Dinsdag sy keel by die Sjwedagon-tempel probeer afsny het. Die ooggetuies wou nie hulle name genoem hê nie uit vrees dat hulle die aandag van die land se militêre owerhede op hulle vestig.

Een van die trustees van die tempel, wat ook naamloos wou bly, sê die monnik het gesê hy wil selfmoord pleeg omdat hy desperaat is. "Hy het na Jangon gekom om mediese behandeling te ontvang en sy geld het opgeraak," het die trustee gesê. Die monnik, wie se naam nie bekend gemaak is nie, se toestand is stabiel.

Dit was die tweede selfmoordpoging deur 'n monnik by die tempel vanjaar. Die 26-jarige Kiou Zin Naing het in Maart homself by die tempel aan die brand gesteek nadat hy teenregeringslagspreuke geskree het. Hy is later aan sy beserings dood.

Die Sjwedagon-tempel het 'n geskiedenis as 'n sentrum vir massapolitiekevergaderings en was verlede September 'n fokus vir Boeddhistiese monnike en pro-demokratiese betogers. Dinsdag se voorval kom voor op 'n tydstip dat die owerhede sekuriteit in Jangon en ander stede begin opskerp het om enige protes wat die eerste verjaardag van verlede jaar se massa teen-regeringsdemonstrasies herdenk, te voorkom.

Die versetbeweging wat as klein betogings begin het, het die militêre regering daarvan beskuldig dat hy versuim het om die ekonomiese las van die mense te verlig. Dit het later in breër teenregeringsbetogings ontaard wat deur militante monnike aangevuur is en het soveel as 100 000 mense in die strate van Jangon, die land se grootste stad, byeengebring.

Die weermag het uiteindelik ingegryp om die vreedsame protes met mag in die kiem te smoor. Minstens 31 mense is dood en honderde is aangehou.

Engeland wil rassisme uitroei

Emile Heskey

Engeland het FIFA gevra om rassime teen Emile Heskey te ondersoek tydens 'n kwalifiserende wedstryd teen Kroasië. Die negatiewe aanmerkings en aapgeluide uit die skare in Zagreb het gekom nadat Engeland reeds voorgeloop het. Hulle het die wedstryd met 4 teen 1 gewen.

Die Kroasiërs beweer dit was 'n uitdrukking van frustrasie, maar Heskey het die opponente se ondersteuners "oningeligte mense" genoem. Die Engelse sê hulle gaan alles in hulle vermoë doen om rassisme uit sokker, asook die breë samelewing, te weer.

Segsman vir Koasië, Davor Gavran, sê die uitroepe was inderwaarheid baie geïsoleer.

Kroasië is reeds met $27 600 beboet vir hulle ondersteuners se rassistiese gedrag tydens 'n Europese kampioenskapwedstryd toe hulle in Junie teen Turkye gespeel het. Steve Bruce, Heskey se bestuurder by die Wigan-klub, het die wit toeskouers "morone" genoem.

Dertien kinders dood na towerwoorde

Dertien mense is dood nadat 'n oproer by 'n sokkerstadion hande uitgeruk het omdat 'n speler toorkrag gebruik het. 'n VN-radiostasie, Radio Olapi, berig dat kinders tussen die ouderdomme van 11 en 16 versmoor het tydens die kragmeting wat in chaos ontaard het in Boetemboe, in die Noord-Kivu provinsie.

Die Nyuki System sokkerklub was aan die verloor teen die klub van Socozaki toe Nyaki se doelwagter skielik veldop hardloop en begin towerspreuke opsê. 'n Hewige geveg het daarna uitgebreek tussen die twee spanne.

'n Polisieman is onder klippe gesteek en in die kop gewond toe hy orde probeer herstel het. Daarna is traangas in die skare gevuur waarna toeskouers probeer het om almal gelyk by die uitgang uit te kom

Dosyne tieners het Maandag die strate van Boetemboe ingevaar om te betoog teen die insident en die goewerneur van die provinsie het die beseerdes in die hospitaal besoek.

Kagame verkry groot meerderheid in Rwanda

Paul Kagame

Paul Kagame, 'n lid van die Toetsi-minderheid van 9% in Rwanda, en groot aanhanger van die VSA, het die verkiesing loshande gewen. Sy Rwanda-patriotiese front (RPF) het 42 uit die 53 parlementêre setels verkry, terwyl die Sosiaal-demokratiese party sewe en die Liberale party vier ingepalm het.

Sewe-en-twintig parlementslede gaan egter deur indirekte stemmery tussen Dinsdag en Donderdag verkies word, met 24 setels wat vir vroue gereserveer word, twee vir jeugverteenwoordigers en een vir 'n verteenwoordiger vir gestremdes.

In 2003 het die RPF 74 persent van die stemme behaal in die eerste verkiesing sedert die volksmoord in 1994 waarin 800 000 mense, hoofsaaklik Toetsi's, uitgemoor is.

Politieke waarnemers vind dit moeilik om te verklaar waarom dieselfde Hoetoes wat 'n dekade gelede alle Toetsi's wou uitwis vandag graag deur 'n Toetsi-president regeer wil word. Ander waarnemers beweer dat Rwanda steeds 'n etniese kookpot verteenwoordig en dat hernieude geweld te eniger tyd kan uitbreek, in weerwil van die demokratiese aanskyn wat die land tans het.

Georgi? het inval reeds jare gelede beplan

Georgiese president Mikheil Saakasjwili het die inval in Suid-Ossetië lankal reeds beplan maar swak uitgevoer, sê sy eertydse minister van Verdediging.

Irakly Okruashwili, wat tans in ballingskap in Frankryk woon, het in 'n onderhoud in Parys laat blyk dat die VSA ook deels verantwoordelik gehou kan word vir die oorlog omdat hulle nie Saakasjwili se ondemokratiese ambisie begryp nie.

Hy het gesê dat die huidige president se dae getel is.

Die voormalige minister, wat beweer dat hy onwederregtelik aangekla is deur Georgiese owerhede en daarom die land moes verlaat, se uitlatinge is van belang omdat dit Sakaasjwili se beweringe dat Rusland die aggressor was, in 'n nuwe lig stel.

Okruashwili was 'n bondgenoot van Saakasjwili tussen 2004 en 2006 toe hy in die regering gedien het, en hulle het saamgewerk aan militêre beplanning om Suid-Ossetië asook Abkasië binne te val.

Hy sê Abkasië was trouens die eerste strategiese prioriteit maar hulle militêre beplanning in 2005 het Suid-Ossetië ingesluit.

Okruashwili sê voorts dat die oorlog uiters swak deur Georgië aangepak is, sonder enige diplomatieke ondersteuning. Saakashwili se offensief was slegs op Tskhinwali gemik, omdat hy geglo het die VSA sal Rusland se reaksie dmv diplomatieke kanale versper.

Georgië se groot nederlaag het in die Roki-tonnel geskied waar hulle deur die Russe gefnuik is. Volgens Okruashwili was die haalbaarheid van militêre sukses reeds in 2006 onder verdenking en intussen het die Russe hulleself geherposisioneer en hulle militêre infrastruktuur verbeter.

Okruashvwli sê die Georgiese president kon baie lewens gespaar het, maar het verkies om nie ander strategiese punte te verdedig nie sodat sy magte soos die slagoffers van Russiese aggressie kon lyk toe hy besef het dat hy 'n oordeelsfout begaan het om te reken op Amerikaanse steun.

Immigrasie maak Engeland mees oorbevolkte land in Europa

Volgens amptelike syfers het Engeland Nederland verbygesteek as die mees oorbevolkte land in Europa.

Die syfer wat aan parlementslede vrygestel is, toon dat daar tans 395 mense per vierkante kilometer in Engeland woon.

Sewentig persent van die bevolkingsgroei in Engeland is aan immigrasie te wyte.

Internasionaal is Engeland se bevolkingsdigtheid die derde hoogste ter wêreld, ná Bangladesj (1 045 per vierkante kilometer) en Suid-Korea (498 per vierkante kilometer).

Volgens die Britse nasionale statistiekdiens gaan die Engelse bevolkingsdigtheid nog verder styg tot 464 mense per vk km in die jaar 2031.

Die enigste land in Europa met 'n hoër bevolkingsdigtheid as Engeland is Malta. Dié eiland in die Middellandse see verteenwoordig 'n spesiale geval omdat daar slegs 400 000 mense woon waarvan die meeste in die hawestad Valletta saamgetrek is.

Die nuwe beramings is bekendgemaak net 'n week nadat 'n alliansie van alle partye 'n beroep om gebalanseerde immigrasie gedoen het.

Die huidige immigrasie na Engeland word op 300 000 per jaar beraam. Teen die jaar 2050 behoort daar volgens die huidige neiging byna 80 miljoen mense in Engeland te wees. Indien immigrasie beheer word, sal daar slegs 65 miljoen mense teen 2050 wees.

Die onthulling oor Engeland se posisie as die mees oorbevolkte land in Europa kom op 'n tydstip waar die risiko van ekonomiese resessie kommer oor die dalende aantal werksgeleenthede en druk op maatskaplike dienste wek.

'n Woordvoerder vir die Britse Grensagentskap, die organisasie wat deur die departement van binnelandse sake gestig is om immigrasiebeheer toe te pas, het gesê: "Ons streng nuwe puntestelsel, tesame met ons planne om nuwelinge hul burgerskap te laat verdien, sal die totale aantal ekonomiese immigrante na Brittanje verminder, asook die aantal wat hulself uiteindelik permanent hier vestig.

Wat gaan gebeur as Obama verloor?

Wat gaan gebeur as Obama verloor? 'n Angstigheid is besig om pos te vat in die VSA. Die Wall Street Journal berig dat swartes in die media begin wonder wat 'n verloorder Obama sal beteken.

Swartes het reeds die herhaling van die rasseonluste van 1960 as 'n moontlikheid genoem om hulle teleurstelling rugbaar te maak met só 'n uitslag. Richard McIntire, kommunikasiehoof van die invloedryke NAACP oftewel die National Association for the Advancement of Colored People sê swartes is senuweeagtig dat Obama mag verloor en indien hy verloor gaan hulle uit die politieke proses onttrek.

Die jongste meningspeiling wat die Wall Street Journal gedoen het, wys dat 88% swart kiesers Obama ondersteun. Ook is swart stemregistrasie aansienlik op. Die president van Vereniging vir Swart Sosioloë meen dat die rasseverhoudinge tussen wit en swart baie skade gaan ly indien Obama verloor.

палатка купить киев