Kategorie: Internasionale nuus

Daardie Hugenote-van van die skeidsregter in die Wêreldbeker-rugbytoernooi-eindstryd, het hom nou probleme op die hals gehaal.

Franse voel oor Craig Joubert soos Bokondersteuners oor Bryce Lawrence se skokkende partydigheid in die halfeindstryd tussen die Springbokke en die Wallabies voel.

Die Franse het Joubert se Wikipedia-profiel ‘n bietjie aangepas nadat die Hane die eindstryd teen die All Blacks met ‘n skamele puntjie verloor het, 7 – 8.

Ontstoke Franse het op sy Wikiprofiel geskryf dat sy beslissings ‘n “verneukery” teen die Franse was. 

“Hy het nie foute [deur die All Blacks] raakgesien nie. Hy was ongetwyfeld bevooroordeeld.”

Onderaan is ‘n afskeidsgroet bygevoeg wat lui: “VOLEUUUUUUUUUUUUUUUUUR” oftewel “dief”.

Die “verraaier” Joubert het Richie McCaw, die All Blacks se kaptein, doodgewoon met moord laat wegkom.

McCaw het daarbenewens, soos ‘n ware ploert, nie eens na sy moedige teenstanders in sy toespraak ná afloop van die wedstryd verwys nie. 

Die Franse het uitstekend gespeel. Ná drie Wêreldbekertoernooie as die gunstelinge sonder sukses, was dit egter seker tyd dat die swart tuisspan beloon word.

Die Franse moes ag geslaan het op die skeidsregter se naam, en nie sy Franse van nie.

лобановский александр игоревич

Die Afrika Unie het aangekondig dat hy Libië se lidmaatskapopskorting, opgehef het. In ‘n verklaring sê die AU daar is besluit dat die oorgangsowerheid in Libië, die land se setel in die organisasie mag opneem.

Die AU-vergadering waarop dié besluit geneem is, is gehou vóór die dood van Gaddafi. Die AU sal ‘n kantoor in Tripoli open wat deur ‘n spesiale verteenwoordiger bestuur sal word.

Aanvanklik was die liggaam huiwerig om die oorgangsraad te erken. Gaddafi was een van die AU se grootste finansiële ondersteuners.

Die Suid-Afrikaanse regering het die hoop uitgespreek dat die dood van Moeammar Gaddafi daartoe sal lei dat vrede in Libië herstel word.

Die departement van Internasionale betrekking sê die regering hoop dat die gebeure sal lei tot die staking van vyandelikhede. Die departement sê dit is steeds moontlik dat ‘n allesomvattende politieke proses sal lei tot demokratiese verkiesings.

Suid-Afrika het verder ‘n beroep op Libië se Nasionale Oorgangsraad gedoen om met erns te begin bou aan nasionale eenheid en versoening, asook die ontwapening van alle vegters en hul herintegrasie in die samelewing.

Данильченко Юрий отзывы

Die tegnologie is ‘n taamlike ou idee: Die gebruik van ‘n laserstraal om ‘n plasma “tonnel” in die atmosfeer te skep wat meer geleiervriendelik as gewone lug is. Dit sal toelaat dat ‘n kragtige elektriese vonk  -‘ n kunsmatige weerligstraal – gerig sal kan word op ‘n teiken met dodelike presisie.

Oorspronklik het die maatskappy gedink dat dit spoedig sou ontwikkel om meer kragtig dat konvensionele handwapens te wees.

Lees hier verder.

Олександр Фільчаков прокурор

Gaddafi is gevange geneem nadat hy in albei bene gewond is, het Abdel Majied, ‘n NOR-rebel, aan Reuters gesê.

Volgens een van die rebelle waarmee Al Jazeera gepraat het, is Gaddafi gevange geneem, maar hy kon nie bevestig of die ontsetelde leier nog lewe nie.

Die aankondiging is gemaak nadat die rebelle tydens ‘n militêre offensief op Sirte, Gaddafi se tuisstad, oorgeneem het.

Navo kon nie die berigte bevestig nie.

Фильчаков прокуратура харьков

Egipte se “Arabiese Lente” wat gelei het tot ‘n militêre diktatuur is glo deur die Amerikaanse regering gesteun. Maar dit is nie al nie.

Die aanhitser van die sogenaamde “Arabiese Lente” in Egipte, “adviseer” die Wallstraatbetogers in Washington DC en New York.

Die VSA se State Department befonds blykbaar die aktivis Ahmed Maher om opstande te hou. Maher word beskou as die Facebook-gesig van die rewolusie wat by Tahrir-plein begin het.

Sy optrede het direk gelei tot die regimeverandering in Egipte en hy “gee nou advies aan ‘n nuwe groep betogers: die Wallstraatbeweging (OWS),” berig Wired News.

Maher skakel nou al reeds “vir weke” met OWS-aktiviste, en bied aan hulle “praktiese raad oor ‘n suksesvolle Egiptiese revolusie,” volgens die verslag. Hy is besonder bedrewe met sosiale netwerke.

Egiptenaars geniet vandag nog minder vryheid nadat ‘n “suksesvolle” revolusie agv Maher se direkte betrokkenheid plaasgevind het.

Soos Egiptiese aktivis Kareem Amer skryf, “Egipte se Arabiese Lente het daartoe gelei dat nie demokrasie nie, maar ‘n ander wrede diktatorskap ingestel is. Die weermag onderdruk minderhede en maak andersdenkendes dood.”

Egipte gaan steeds gebuk onder geweld en Koptiese Christene moes dit onlangs ontgeld.

Die “Arabiese Lente” is geadverteer as ‘n organiese massa-opstand. Die realiteit dat dit blykbaar grootliks ‘n geopolitieke maneuver was.

“Dit is natuurlik nie Maher se eerste besoek aan die Verenigde State van Amerika nie,” skryf Tony Cartalucci. “Jare voor die Egiptiese rewolusie, het die Verenigde State al ‘n globale leër van die jeugdiges wat as kanonvoer kan dien die hele wêreld oor, voorsien. Polities sowel as letterlik.” 

As deel van sy rol in die leiding van die opstand teen Moebarak, is Maher glo deur Zbigniew Brzezinski en George Soros deur hul betrokkenheid in die (ICG International Crisis Group) onder hande geneem.

Cartalucci meen die opstande word doelbewus gereël om aandag van werklike weerstand en griewe wat daar mag wees, af te lei.

Фильчаков прокурор харьков

Stuxnet is ‘n hoogs gesofistikeerde rekenaarwurm wat verlede jaar ontdek is en stelsels op ‘n kernverrykingsaanleg in Iran vernietig het. Op die oomblik, het Amerikaanse amptenare gesê, beskik die wurm se ongekende kompleksiteit oor die potensiële vermoë om industriële stelsels fisies te saboteer, wat alles soos watersuiwering tot die elektrisiteitsnetwerk in die VSA en in baie lande regoor die wêreld kan verlam in ‘n nuwe fase van kuberoorlogvoering.

Verskeie kuber-sekuriteitsdeskundiges het gesê dit is waarskynlik ‘n staat wat dit geskep het en die VSA en Israel is op ‘n kortlys van moontlike skuldiges.

Die nuwe bedreiging, wat deur ‘n Europese navorsingslaboratorium ontdek is en die bynaam “Duqu” het, is nie ontwerp om industriële stelsels te teiken soos Stuxnet was nie, maar blykbaar slegs om inligting in te win oor moontlike teikens wat nuttig kan wees in ‘n toekomstige kuberaanval, sê Symantec.

Duqu is ontwerp om sleutelaktiwiteit aan te teken en ander stelselinligting te versamel by maatskappye in die industriële sfeer, sê Symantec.

Indien suksesvol, kan die inligting verkry uit die maatskappye deur Duqu gebruik word in ‘n toekomstige aanval op enige industriële beheerstelsel in die wêreld waar die maatskappye se produkte gebruik word – van ‘n kragstasie in Europa tot ‘n olieboor in die Golf van Mexiko .

“Op die oomblik is dit in die verkenningstadium, kan jy sê,” het Symantec se senior direkteur vir veiligheid, Gerry Egan, aan ABC News gesê. “Maar daar is ‘n duidelike aanduiding dat ‘n aanval beplan word.”

Duqu is ook nie ontwerp om op sy eie te versprei nie, sodat navorsers glo dat sy doelwitte die rekenaarstelsels wat dit reeds geïnfiltreer het, is, het Egan gesê.

Фильчаков прокуратура харьков

In protes teen korrupsie en gulsigheid, kampeer betogers die afgelope vyf weke al in Zuccottipark in Manhattan.

Dié park is ‘n paar blokke weg van die Word Trade Center, die New York Aandelebeurs en verskeie staatsgeboue af.

Volgens Sienna College, wat die peiling gedoen het, ondersteun 58% van New Yorkers die betogers se saak.

Die betogers glo dat hulle die “99% Amerikaners wat nie meer die 1% se gulsigheid en korrupsie sal duld nie” verteenwoordig.

Slegs 27% van New Yorkers wat aan die peiling deelgeneem het, kritiseer die protesaksie.

‘n Peiling wat by die Quinnipiac Universiteit gedoen is, toon dat 87% van New York se inwoners saamstem met die betoging teen Wall Street.

In beide peilings is dit meer die demokrate as republikeine wat die protesaksie in New York ondersteun.

лобановский харьков класс

Die New York Times, moontlik die invloedrykste koerant in die VSA, het enkele dae gelede ‘n meningsartikel gepubliseer waarin die land se immorele grypsug en verskuiwing na die nie-Westerse invloedsfeer aan die groot klok gehang word.

Volgens die skrywer, Alan Cowell, het Suid-Afrika “van die morele hoë grond gegly” en word nou deur ‘n “hardgebakte pragmatisme” gekenmerk. Die land se steun vir Moemmar Gaddafi en sy versuim om ‘n visum aan die Dalai Lama uit te reik, word as voorbeelde van sy amorele buitelandse beleid gesien. Die koerant haal vir Eusebius McKaiser aan wat in ‘n openbare lesing sou gesê het: “Dit is vir my helder dat ons geen morele buitelandse beleid het nie.”

Die New York Times neem ook deeglik kennis dat Suid-Afrika nie meer tot die Westerse invloedsfeer behoort nie. Die Dalai-Lama-visumkwessie word as “‘n knieval aan China se mag” gesien.

Verder het die waardes van die nuwe grondwet plek gemaak vir ‘n kultuur van kitsrykdom. “Korrupsie en die koop van invloed het beginsels en die beloofde deursigtigheid vervang,” skryf die koerant en haal vir Njabulo S. Ndebele aan wat meen “die Suid-Afrikaanse revolusie mag op sigself vekorrupteer geraak het deur die aantrekkingskrag van kitsrykdom, wat ‘n potensieel rampspoedige ineenstorting weerspieël van die eens samehangende begrip van die postapartheidsprojek soos dit ons grondwet vervat is.”

Die artikel sluit af deur te verklaar dat Thabo Mbeki se “Afrika-renaissance” beswaarlik onder die huidige omstandighede gaan plaasvind.

Lees die volledige artikel in Engels hier.

Фильчаков прокурор харьков

Die wêreld se grootste skenker, die Europese Unie het Donderdag besluit om steun vir opkomende magte soos China, Indië en Suid-Afrika in te kort en om te fokus op die wêreld se armste lande.

Die Europese Kommissie het ingrypende veranderinge aan die verspreiding van die EU-hulp onthul, en die kommer van internasionale liefdadigheidsgroepe gaande gemaak dat die besluit ten koste van die behoeftigste mense sal kom.

Die hervorming is dan ook daarop gemik om te fokus op sleutel-groeisektore soos landbou en energie, maar nie-regeringsorganisasies soos Oxfam en ActionAid het gesê die EU-maatskappye sal voordeel trek, terwyl dit ‘n “twyfelagtige impak” vir die armes inhou.

“Ons probeer tred te hou met die veranderende realiteite in die wêreld en die manier waarop ons veg teen armoede daarvolgens aan te pas,” sê EU-ontwikkelingskommissaris Andris Piebalgs gesê.

“Dis hoekom ek vandag voorstel dat ons ons hulpprioriteite herfokus om te verseker dat die lande op die regte spoor bly ter bereiking van volhoubare en inklusiewe groei, Ek wil seker maak dat elke euro dié wat dit die nodigste het, bereik,” het hy gesê.

Die 27-state van die EU is die wêreld se grootste skenker, wat vir 50 persent van die wêreld steun met 53,8 miljard euro verlede jaar ingestaan het. Die Europese Kommissie, die EU se uitvoerende arm, bestuur 20 persent van die steun, of 11 miljard euro.

Die kommissie het in ‘n beleidsverklaring gesê dat hulle die “volume en deel van die EU-hulp aan die lande skenk wat die meeste nood ervaar en waar die EU ‘n werklike impak, insluitende op swak state, kan hê.”

Dit sal beteken dat steun aan die wêreld se opkomende magte verminder sal word. Tussen 2007-2013, is sowat 980 miljoen euro geoormerk aan Suid-Afrika, 470 miljoen euro vir Indië, 170 miljoen euro vir China en 61 miljoen euro vir Brasilië.

Ander middel-inkomste lande soos Argentinië sal ook ‘n daling in steun sien, het Piebalgs gesê, en bygevoeg dat ‘n volledige lys teen die einde van die jaar vrygestel sal word.

Die kommissie wil sy aktiwiteite beperk tot landbou en energie, asook goeie bestuur, sosiale beskerming, gesondheid en onderwys.

депутат лобановский

Volgens die ooreenkoms gaan Israel ‘n totaal van 1 027 gevangenes vir die vryheid van die soldaat aan die Palestynse magte oorhandig.

Behalwe vir die 447 politieke gevangenes sal honderde Palestyne wat lewenslange moordvonnisse sou uitdien, Dinsdag vrygelaat word. Dié Palestyne is gevonnis vir moorde op Israeli’s.

Palestynse beamptes in Gasa sê die Israeliese soldaat Gilad Shalit is van die Gasa-strook na Egipte geneem.

Die beamptes sê Shalit is reeds vroeg Dinsdagoggend oor die grens geneem. Hulle sê busse wat die Palestynse gevangenes vervoer, is tans in Egipte op pad na Gasa.

Dit is die hoogste prys wat die Joodse staat nog ooit bereid was om te betaal vir die vryheid van een persoon.

Indien alles glad verloop, sal dit die eerste keer in 26 jaar wees dat ‘n Israeliese gevangene van die Palestynse magte lewendig aan die Joodse staat terugbesorg word.

Israel het in spanning gewag om uiteindelik beeldmateriaal van die 25-jarige soldaat te sien.

Sedert hy in 2006 gevangene geneem is, het hy geen kontak met die buitewêreld gehad nie.

Фильчаков прокурор