Nuus oor die wêreld buite Suider-Afrika
Rwanda het Dinsdag die internasionale gemeenskap se voorneme om die krisis in die DRK op te los, skerp gekritiseer en gesê die manier waarop dit aangepak word berus op 'n "wanpersepsie".
“Indien mens nie toegelaat word om selfs ‘n woord te sê wat teen die regering se stellings spreek nie, kan mens nie die land demokraties noem nie,” het generaal Toshio Tamogami laat Maandag op ‘n perskonferensie gesê.
“Dit is net soos in Noord-Korea” het hy ook gesê.
Tamogami in ontslaan nadat hy in ‘n essay gesê het dat Japan valslik beskuldig is dat hy die aggressor is en het ‘n beroep gedoen op die volk om elemente van hul Post-Tweedewêreldoorlogpasifisme af te skud.
Japan se opposisie wat een huis in die parlement beheer en reeds voorloop in sommige opnames, het besluit om Tamogami in te roep vir ‘n parlementêre verhoor.
Die verhoor sal na verwagtinge samesprekinge oor ‘n kontroversiële vlootsending om Amerikaanse magte te ondersteun in Afghanistan heelwat uitrek.
In die essay het Tamogami ook gesê dat President Rooseveldt Japan met ‘n strik uitgelok het om Pearlhawe aan te val, maar dat Amerika later alle blaam vir die oorlog op die Japanese geplaas het.
‘n Liberale regeringsamptenaar in die suid-Duitse staat, Beiere, het sy steun toegesê aan die implimentering van Sjaria-wetgewing in sy konserwatiewe tuisstaat, het die koerant Sueddeutsche Zeiting gesê.
George Barfuss van die Vrye Demokratiese Party (FDP) het gesê Sjaria moet toegelaat word waar dit versoenbaar is met die konstitusie.
Die LP, wat ook die integrasiekommissaris in Beiere is, het bygevoeg dat sleutelelemente van Moslemlewe soos gebed, vas en pelgrimstogte na Mekka amptelik in Beiere aanvaar moet word.
Barfuss het sterk ondersteuning uitgespreek dat nuwe moskees in sy staat gebou moet word.
“Moslems moet toegelaat word om soveel moskees te bou as wat hulle wil” het hy gesê.
Volgens statistiek wat deur die Islam-argief sentrale instituut, wat in Soest in Wes-Duitsland is, is daar tans 159 moskees regoor Duitsland, tesame met ongeveer 2600 gebedskamers, samekomsplekke, skoolmoskees en Islamitiese gebedsplekke.
Daar is ook planne vir ongeveer 184 moskees, meestal in westelike Duitsland, waar ‘n groot deel van die bevolking van Turkse Moslemafkoms is.
Duisburg, ‘n stad in westelike Duitsland, is die tuiste van Duitsland se grootste moskee.
Duitsland se minister van binnelandse sake, Wolfgang Schaeuble, het by herhaling beklemtoon dat die bou van kerke, sinagoges en moskees nie as ‘n bedreiging beskou moet word nie, maar as ‘n verryking. Volgens hom het Islam nou deel van die land geword.
Daar is 3,5 miljoen Moslems in Duitsland, waarvan 2,5 miljoen Turke is.
11:01:03 Inwoners van twee klein New Hampshire-dorpies het die Amerikaanse presidentsverkiesing simbolies afgeskop Dinsdag,
deur teen middernag die eerste stemme uit te bring, het CNN-televisie berig.
Kiesers in Dixville Notch het 15-6 in Obama se guns gestem. Obama was McCain ver voor in die nasionale opnames, het CNN op sy webwerf berig. Dit is die eerste keer wat die dorpie vir ‘n Demokraat gestem het sedert 1968, het die netwerk gesê.
Nog ‘n New Hampshire-dorpie, Hart’s Location, het ook om middernag gestem volgens die baie ou verkiesingstradisie.
10:53:53 Indië se eerste onbemande maansending het die ruimte vroeg op Dinsdag binnegegaan as deel van die finale tog na
‘n wentelbaan om die maan, het ‘n hooggeplaaste ruimtevaartbeampte gesê.
Die Chandrayaan-1-ruimtetuig is gelanseer met ‘n Indies-vervaardigde vuurpyl op 22 Oktober vanaf die land se suidoostelike kus.
S. Satish, direkteur van die Indiese ruimtenavorsingsorganisasie, het aan AFP gesê dat die operasie om die Chandrayaan in die ruimte te kry baie suksesvol was.
Die ruimtetuig is nou 1 000 km van die maan af, wat die tuig se toerusting in staat stel om foto’s te neem vir terreinkaarte van die maan.
Wetenskaplikes berei nou voor vir die volgende belangrike fase, om die tuig teen Saterdag in ‘n maanwentelbaan te kry op ‘n hoogte van omtrent 100 km bo die maanoppervlak.
Wanneer die tuig ‘n week lank in die wentelbaan gestabiliseer het, gaan toerusting na die maan se oppervlak gestuur word.
Chandrayaan het 11 vragte, vyf van Indië af en ander van oorsee.
Gedurende die tweejaarsending, gaan daar ‘n gedetaileerde kaart van die minerale, chemiese en topografiese eienskappe van die maanoppervlak gemaak word.
Die sending kos Indië 80 miljoen dollar.
07:33:53 'n Rekordaantal Amerikaners het reeds hule stemme uitgebring in sleutelstate in die VSA op die vooraand van vandag
se verkiesing, met meningsopnames wat aandui dat vele van die vroeë kiesers die Demokraat Barack Obama ondersteun.
Met lang toue by stembusse, het 28,9 miljoen Amerikaners reeds in deelstate dwarsoor die land gestem. Volgens beskikbare inligting van navorsers is verskeie rekords verbeter in bepalende deelstate – waaronder Georgië, Iowa en Noord-Carolina – en gaan daar waarskynlik nog rekords opgestel word in die hele land, vergeleke met die vorige verkiesing vier jaar gelede, het Michael McDonald, medeprofessor by die George Mason-universiteit in Virginië gesê.
"Tienmiljoene mense het reeds hul stemme in die 2008-presidentsverkiesing uitgebring," skryf McDonald op sy webwerf.
"Die vraag bly of dit beteken dat 'n groter deel van die 2008-stem vroeg uitgebring gaan word, of – soos ek vermoed – dat 'n kombinasie van dié twee faktore 'n rol speel."
Omtrent 121 miljoen mense het in 2004 gestem, en vanjaar se vroeëkieseropkoms verteenwoordig reeds 'n kwart van daardie totaal. Maar McDonald en ander verkiesingsdeskundiges sê dat hulle 'n hoër algehele stempersentasie vir die 2008-verkiesing voorspel, en hulle meen dat die patroon van vroeë stemme die hoogste stempersentasie in die Amerikaanse geskiedenis voorspel.
Syfers toon dat meer Demokrate as Republikeine vroeg gaan stem het en meningsopnames oor die afgelope week het aangedui dat Obama 'n voorsprong oor sy Republikeinse mededinger John McCain onder vroeë stemmers geniet, waaronder vele Afro-Amerikaners.
"Ons sien dat Obama-ondersteuners meer geneig is om vroeg te gaan stem as McCain-ondersteuners, wat ook in die meningsopnames opduik en in die partyregistrasiesyfers," het McDonald Maandag gesê in 'n aanlynbespreking op die Washington Post se webwerf.
In Ohio toon amateurvideo's wat op die web geplaas is hoe lang toue rondom verskeie straatblokke in Cleveland oor die naweek gestrek het tydens vroeë stemmery oor die naweek.
Universiteitstudente in Colombus wat vir die eerste keer stem, het meer as ses ure lank tougestaan om hul stemme uit te bring.
Met omtrent 1,4 miljoen mense wat reeds in die Middewesterse staat gestem het – 'n tradisionele strydperk in presidensiële verkiesings – geniet Obama reeds 'n voorsprong bo McCain onder vroeë stemmers, volgens verskeie meningsopnames, waaronder 'n koerantopname deur die Columbus Dispatch.
In Florida – 'n staat wat deur beide partye begeer word – het omtrent 4,1 miljoen mense reeds vroeg gestem, hetsy in lewende lywe, hetsy in posstemme. Amptenare sê dis gelykstaande aan omtrent die helfte van die staat se verwagte aantal stemme.
Obama se veldtogbestuurder David Plouffe het verlede week gesê die Demokrate het 'n 200 000-voorsprong bo McCain in Florida, teenoor die 2004-verkiesing toe vroeë stemme ten gunste van die Republikein George W. Bush was.
Omtrent 45 persent van vroeë stemmers in Florida is geregistreerde Demokrate teenoor 37 persent Republikeine, volgens die webwerf.
Terwyl party-affiliasie nie noodwendig eenvormige steun vir elke party se kandidaat beteken nie, toon verskeie meningsopnames dat Obama 'n voorsprong bo McCain geniet onder vroeë stemmers in sleutelstate wat die verkiesing se uitslag gaan bepaal, waaronder Colorado, Indiana, Nevada en Noord-Karolina.
Die voorloper Obama gaan poog om die land se eerste swart president te word en sy verkiesingspan meen hy het reeds 'n stewige voorsprong in die vroeë stemmery opgebou wat dit moeilik vir McCain gaan maak om op verkiesingsdag in te haal.
Die opkoms van Afro-Amerikaners wat vroeg gestem het, word as "ongehoord" bestempel, volgens McDonald.
"Indien dié syfers ook op verkiesingsdag gaan geld, gaan hulle opkoms dié van blanke kiesers oortref," het McDonald Maandag tydens 'n aanlynbespreking op die Washington Post se webwerf gesê.
"Die aandeel van Afro-Amerikaanse vroeë stemmers loop tans omtrent agt persentasiepunte hoër as in die 2004-verkiesing."
In Noord-Carolina, waar omtrent 2,6 miljoen mense hul stemme voor verkiesingsdag uitgebring het, het swartes 26,6 persent van die vroeë stemmers verteenwoordig, terwyl swartes slegs 21 persent van alle geregistreerde stemmers in die staat uitmaak, het die webwerf gesê.
Vroeëstemuitslae het tot dusver nie 'n toename in jonger kiesers wat hul na die stembus wend getoon nie, in weerwil van voorspellings dat Obama se kandidatuur ongekende belangstelling onder jong stemmers gaand gemaak het, het McDonald gesê.
"Ons sien nie jongmense wat vroeg gaan stem nie – en dit volg trouens 'n patroon wat ons oor die afgelope twintig jaar reeds opmerk, dat die vroeë stemmers ouer is as diegene wat op verkiesingsdag gaan stem," het hy gesê.
Maar hy het bygevoeg dat die finale syfers 'n opwelling van jong kiesers tydens vroeë stemmery kan aantoon of dat die totale opkoms vir alle ouderdomsgroepe kon verhoog.
15:04:36 Barack Obama, die Amerikaanse presidentskandidaatgunsteling se lewe word nou in ‘n Keniaanse musiekblyspel uitgebeeld in die laaste paar dae voor die verkiesing in Amerika. Obama se grootouers kom van dié Afrikarepubliek af.
"Obama, the musical", het Sondag in die Keniaanse nasionale teater in Nairobi geopen en sal tot Woensdag aanhou speel.
Die vertoning gebruik ‘n mengsel van sang, dans en vertelling om die senator se lewe te volg.
George Orido, die skrywer en regisseur van die stuk het aan The Daily Nation gesê, “Ek wil nie net met die vertoning Obama se storie vertel nie, maar ek wil Keniaane verenig.”
Die vertoning het Sondag geopen met luide applous van die Keniaanse gehoor, maar een korrespondent wat dit gesien het, het dit met ‘n poppespelteater vergelyk.
Die openingsvertoning het geëindig met die gehoor wat lustig saamgesing het aan “Obama be thy name”, ‘n reggae-nommertjie deur ‘n Keniaanse kunstenaar, Makadem.
Senator Obama se pa was van Kenia afkomstig, waar hy as 'n held beskou word.
Sy ouma, Sarah Obama, woon steeds in ‘n klein dorpie, Kogelo, in die weste van Kenia.
Juigende ondersteuners het die roete wat hy op sy laaste besoek gevolg het volgestaan, en ‘n BBC-opname het bevind dat hy daar sowat 80% van die mense se ondersteuning geniet.
Obamakoors het die land deurtrek in die laaste paar dae voor die Amerikaanse verkiesing, en groot skares word in die stad Kisumu, naby aan Kogelo verwag, waar die BBC se Swahili-diens van Maandagaand af dekking van die verkiesing op ‘n groot skerm gaan uitsaai.
14:37:07 Afstammelinge van swart rebelle in die suidelike Irakese stad, Basra, ondersteun Obama onvoorwaardelik in Dinsdag
se Amerikaanse verkiesing, hoewel party van hulle vrees dat rassisme sal verhoed dat hy wen.
“Ek dink nie hy sal wen nie, omdat hy swart is en Amerika is rassisties. Indien hy wen, sal swartmense regoor die wêreld daaruit voordeel trek en ek hoop Europa volg dieselfde roete,” het Sami Nassir, ‘n hawewerker in die stad, gesê.
Hy is ‘n afstammeling van honderde slawewerkers wat tussen 869 en 883 teen die Abassid-regering gerebelleer het.
Grondeienaars in die suide van Irak het die slawe van Oos-Afrika af gebring, waar Obama se familie oorspronklik vandaan is, om op die arbeidsintensiewe landgoedere te werk.
Najem Abud, ‘n 38 jarige onderwyser, bid ook dat Obama moet wen in die verkiesing. “Ek hoop hy wen, dat hy die eerste swart Amerikaanse president word, en dat die wêreld sal verstaan dat swartmense ook die wêreld kan regeer,” het hy gesê.
Die sogenaamde “Zanj-rebellie” – Zanj is ‘n neerhalende woord vir swartmense – het in 869 begin, geïnstigeer deur Ali ibn Mohammed, wat beweer het dat hy ‘n afstammeling was van Ali, die vierde kalief.
Afstammelinge van die Zanj-rebelle verteenwoordig sowat 15 tot 20% van die Bassastreek se 2,5 miljoen inwoners.
“Oorwinning vir Obama sal ‘n teken wees dat rassisme verby is en ‘n bron van trots vir swartmense regoor die wêreld,” het Suhail Hamid Ahmad, ‘n 22 jarige geskiedenisonderwyser, gesê.
“Indien die sterkste land in die wêreld deur ‘n swartman regeer word, sal ons voel dat swart Afrika-inwoners die wereldleiers geword het,” het Nawaf Wahid Mohammad, ‘n polisieman, gesê.
“Dit sal 'n ware oorwinning vir swartmense wees, omdat ons deur die eeue swaargekry het en gevoel het dat Obama naby aan die Arabier staan,” was die siening van Khalil Ibrahim Jassim, ‘n pensionaris.
Byna een uit tien soldate van een regiment het gehoorprobleme wat hulle uit die voorste linies kan hou en hulle burgerlike werksvooruitsigte kan benadeel, het die Times vasgestel.
Die hoeveelheid gehoorprobleme is een van die onbekende stories van die Britse deelname aan die oorlog, wat vergelykings laat ontstaan met die donder van die oorlog in die twee wêreldoorloë en die Koreaanse oorlog.
Baie van die soldate wat betrokke was in die gevegte met die Sjia milisie in Irak gedurende 2004 en 2005, het ook met permanente gehoorskade teruggekom. Maar in Afghanistan het bomme wat langs die pad afgaan, hewige gevegte met die Taliban en 500-pond bomme wat deur koalisievliegtuie gegooi is, gebarsde oordromme, tinnitus en in sommige gevalle totale doofheid veroorsaak.
Die koninklike Britse legioen het gesê in die laaste drie jaar het hulle 1195 eise van gehoorverlies teen die ministerie van verdediging gehad.
Die inligting is deur ‘n reeks versoeke vir Vryheid van Inligting ontdek, het die Times gesê.
Die Grenadier Guards, wat normaalweg 580 soldate moet hê, en tans slegs op sterkte van 411 staan weens ernstige mannekrag tekorte, het 37 gevalle van ernstige gehoorprobleme.
Byna 240 van 691 soldate van die 1ste bataljon, die Royal Anglians, wat verlede Oktober van ‘n ses maande dienstyd in Afghanistan terug gekom het, het gehoorprobleme ontwikkel, 35 is gekategoriseer as onindiensneembaar of indiensneembaar met beperkte potensiaal.
Die 2de bataljon, die Mercian regiment (Worchesters en Forresters) wat ook verlede Oktober teruggekeer het, het 34 soldate uit 555 met gehoorprobleme.
Twee Koninklike Mariniers eenhede het ook gehoorprobleme aangemeld.
Dat Ysland probleme het, is geen geheim nie. maar dat Brittanje, 'n vriend en NAVO-bondgenoot, die land groot skade berokken het, is minder bekend. Dit het drie weke gelede begin toe Brittanje stappe geneem het om terrorismewetgewing teen Ysland in te span. Dit het die VK in staat gestel om Britse bates van 'n falende Yslandse bank te bevries.
Om op só 'n lys te verskyn in die huidige ekonomiese klimaat, is 'n nagmerrie. Niemand wil met 'n terroristestaat sake doen nie en die toevoeging van Ysland het oornag daartoe gelei dat geen buitelandse instansie meer besigheid wil doen met Ysland nie.
Die Yslandse eerste minister Geir Haarde het Brittanje intussen daarvan beskuldig dat hulle 'n klein buurman boelie en dat die optrede "buite verhouding" was. Twintig persent van Yslanders dink Gordon Brown het Ysland vir sy eie politieke doelwitte opgeoffer deurdat hy 'n ernstige situasie in 'n nasionale fiasko omgeskakel het.
Dit is nou bykans onmoontlik om buitelandse valuta in Ysland te bekom of uit te kry. Invoerder en uitvoerders sit met hulle hande die hare. Baie Yslanders vra nou wie die werklike terroriste is, hulle of die Britte.
Dit gaan beroerd in Ysland, met werkloosheid wat die hoogte in geskiet het, kos wat onbetaalbaar duur geword het en salarisse wat bevries is.
Die Britse stap het Ysland met 40 tot 50 jaar teruggesit toe dit nog 'n arm vissergemeenskap was. Hulle het solidariteit van vriendelike lande nodig gehad, maar besef nou dat Brittanje nie die vriend was wat hulle gedink het hulle het nie, sê die owerhede.
