Internasionale nuus Archives - Page 383 of 464

VN beskuldig Kongolese le?r van plundery en magsvergrype

Die VN het Dinsdag beskuldigings van plundery en menseregteskending in verskeie dorpe in die ooste van die Kongo teen die regeringsmagte gerig.

“Soldate van die gewapende magte van Kongo was sedert Maandagaand besig met plundery en brutaliteit teen die burgerlike bevolking in die Kanyabayongagebied” 175 kilometer noord van die streekshoofstad Goma, het MONUC woordvoerder Luitenant-Kolonel Jean-Paul Dietrich gesê.

“Geweld teen burgerlike mense het versprei na ander dorpe, Kaina en Kirumba, verder noord en het op Dinsdagmiddag steeds voortgegaan”, het Dietrich in Kinsasha gesê.

Die drie dorpe is strategies geleë in die noorde van Kivuprovinsie, waar rebelle wat lojaal is aan wegbreekgeneraal Laurent Nkunda, groot dele van die gebied na ‘n offensief in onlangse weke beheer.

Vroeër het die New Yorkse organisasie, Human Rights Watch gesê dat ten minste 50 burgerlikes dood is, meer as wat voorheen gedink is wat die syfer was van sterftes in die omgewing van Kiwanja, in die noord-Kivu provinsie, en hulle het gewaarsku dat die syfer verder kan styg.

Die groep het die VN se sekuriteitsraad gevra om te reageer op die versoek van VN-sekretaris generaal Ban ki-Moon, om nog vredesmagte in die gebied in te stuur om burgerlike bevolkings in die ooste van die land te beskerm.

“Die versoeke van die sekretarisgeneraal en noodkrete van die Kongolese mense moet nie op dowe ore val nie… Burgerlikes het nou beskerming nodig van die moorde en verkragtings” het die organisasie verder gesê.

установка

Amerika gebruik sedert 2004 bre? geheime gesag om Al-Kaida w?reldwyd aan te val

Die Amerikaanse militêre magte het reeds in 2004 onder die dekmantel van geheimhouding amper ‘n dosyn wydverspreide aanvalle op Al-Kaida en ander militante groepe geloods.

In Sirië, Pakistan, Saudi Arabië, Jemen en ander Golfstate, waar Al-Kaida militante klaarblyklik gewerk het of skuiling gesoek het, het ‘n senior administrasie beampte gesê. Die 2004-bevel het 15 tot 20 lande geïdentifiseer.

Dié militêre aanvalle, wat normaalweg deur spesiale magte gedoen is, was gedoen onder ‘n geklassifiseerde bevel wat die Minister van verdediging, Donald Rumsfeld in die lente in 2004 geteken onder president George W. Bush. Die geheime bevel het aan die militêre magte nuwe outoriteit gegee om Al-Kaida enige plek in die wêreld aan te val, en ‘n breër mandaat om operasies te doen in lande wat nie in 'n staat van oorlog met Amerika verkeer nie.

Omtrent ‘n dosyn operasies is gekanselleer in die laaste vier jaar, soms tot groot ongelukkigheid van die bevelvoerders, het senior militêre beamptes gesê. Senior administrasiebeamptes het die sendings wat te riskant was, of polities te plofbaar, en ook gevalle waar getuienis nie voldoende was om ‘n militêre aanval te loods nie, afgewys.

Die besonderhede van een so geval wat in 2005 geskrap is, is verlede jaar in die New York Times bekend emaak. In dié geval sou ‘n span spesiale vlootsoldate en verkenners in Pakistan ingaan om Ayman al-Zawahri, Osama bin Laden se tophandlanger gevange te neem. Die operasie is geskrap net voor die aanvang daarvan.

how to promote in instagram Данильченко Харьков

Swart magsblok reg om saam met Obama op te staan

Vir meer as ‘n dekade het mnr. Obama bande gesmee met ‘n groeiende groep swart gesagsmagnate, wat almal regstaan en gretig is om groter nasionale invloed uit te oefen.

Sommige van die binnekringmanne staan op die punt om nuwe hoë status in die Obama-administrasie te kry, terwyl baie nog reg is om veral in die regsfirmas te tree, verder is daar ook manne in groot korporasies en by Wallstraat. Hulle glo dat hulle samesyn met die verkose president hulle reputasie sal verhoog, soos wat wittes altyd kontakte in besigheid en politiek gemaak het.

Die senator se netwerk van swart uitvoerende beamptes, prokureurs, fondsinsamelaars en adviseurs strek vanaf Chicago tot Cambridge, Wallstraat tot Washington DC. Op baie maniere is daardie groep mense se loopbane spieëlbeelde van Obama se lewe.

Hulle word verbind deur ‘n komplekse sosiale web, wat grootliks onsigbaar is vir blankes: familie kontakte, swart regskool alumni-organisasies, swart broederskapsorganisasies en gewilde vakansieplekke vir invloedryke Afro-Amerikaners, soos Martha’s Vineyard.

Vir die wat hoop vir toegang en regeringsposte sal daar wel teleurstellinge wees. Obama sal volgens mense wat weet hoe hy dink beperk wees in die hoeveelheid poste wat aan swart mense toegestaan word, sodat daar nie klagte steen hom gerig kan word dat hy swartmense bevoordeel nie.

Ander swartmense kla egter dat hulle heeltemal uitgesluit word van die senator se kring van adviseurs. Hulle is menseregteleiers en ministers wat voorheen sigbare rolle gespeel het in die verkiesingswedlope van ‘n ouer geslag swart politici, soos eerwaarde Jesse Jackson.

“Daar is niemand wat die swart middestand verteenwoordig nie, wat in die swart gemeenskap gewortel is nie” het eerwaarde Eugene Rivers, ‘n invloedryke swart prediker van Boston gesê.

“Dit is die ou swart elite storie, stem vir ons omdat ons beter is as julle”

хамама

Ahmadinejad rig brief van gelukwensing aan Obama

President Mahmoud Ahmadinejad het lof ontvang van Iran se opposisiepolitici en erge kritiek van die konserwatiewe elemente nadat hy vir Barack Obama verlede week ‘n gelukwensingsbrief gestuur met sy oorwinning in die Amerikaanse verkiesing.

Konserwatiewe elemente het uit vrees dat hulle aanval moontlike steun vir die opposisie kan bring in Iran se presidensiële verkiesing, vinnig verander van posisie en hulle ondersteuning vir die herverkiesing van president Ahmadinejad uitgespreek.

Die moontlike opponent is voormalige president Mohammad Khatami, die gematigde, wat deur Ahmadinejad in die laaste verkiesings geklop is in 2005.

Vrydag het Obama ‘n openbare reaksie op die brief gelewer in sy eerste naverkiesingsnuuskonferensie, waarin hy gesê het dat hy later die gepasde reaksie daarop sal maak. Hy het wel ook gesê dat Iran se ondersteuning vir terrorisme moet staak, en dat die vermoedelike ontwikkeling van kernwapens deur Iran nie aanvaarbaar is nie.

Saterdag het die opposisiepolitici lof uitgespreek vir Ahmadinejad se uitreikaksie met die brief. Volgens die dagblad, Etemaad, verteenwoordig die brief ‘n billike en vredesoekende beeld van Iran.

Ander koerante, sowel as konserwatiewe lede van die parlement, het Ahmadinejad egter gekritiseer.

Teen Sondag het die kritiek so bietjie afgeplat, met sommige konserwatiewe lede wat ook begin het om die brief se lof te sing.

Ahmadinejad kry egter swaar vanweë die skade wat die Iranse ekonomie gelei het weens hoë inflasie en ‘n skerp daling in die olieprys. Sestig ekonome het in ‘n ope brief aan die president ‘n waarskuwing gerig dat sy vyandige houding teenoor die res van die wêreld die handel in die land nadelig beïnvloed, het koerante Saterdag berig.

Die brief kritiseer die regering dat hulle te veel van die olie-inkomstes spandeer, op beleidsbesluite wat volgens die ekonome die land van buitelandse beleggings ontneem het.

Die brief het verder gesê dat die VN sekuriteitsraad sanksies ingestel het teen Iran as gevolg van Iran se weiering om uraanverryking te staak, ‘n aksie wat gemaak het dat die land reeds miljarde dollars verloor het.

пневмогайковерт topcargo отзывы

Phoenix Marssending is verby

NASA het gesê die Phoenix Marssending is oor. Die ruimtetuig het in Meimaand op die noordelike poolstreek van Mars aangekom.

Sedert die landing, het die landingstuig slote gegrawe en wetenskaplike eksperimente uitgevoer om te probeer vasstel of Mars se oppervlak primitiewe lewe kon onderhou.

Projekbestuurder, Barry Goldstein het Maandag gesê dat sy span niks gehoor het van Phoenix sedert die 2de November nie.

Goldstein het gesê dat die ruimte-agentskap sal aanhou om deur middel van tuie wat in wentelbaan is met Phoenix kontak te maak, maar dat die kanse baie klein is dat die landingstuig sal “wakker word”.

Die sending was geskeduleer om vir drie maande aan te hou, maar Phoenix het vir meer as vyf maande gewerk.

Фильчаков

‘Afrika hoort op Veiligheidsraad’

Duitsland se President Horst Koehler sê Afrika behoort 'n permanente sitplek in die Veiligheidsraad van die Verenigde Nasies te kry.

Koehler, wat op 'n besoek van ses dae aan Nigerië is, sê Afrika moet regverdig verteenwoordig word in die pogings om die liggaam te hervorm. Hy het egter nie besonderhede gegee oor watter Afrikaland vir die sitplek oorweeg moet word nie. Koehler het gesê regverdige verteenwoordiging vir al die wêreld se streke moet ook in ander internasionale organisasies, soos die Wêreldbank en die Internasionale Monetêre Fonds verseker word.

Koehler sê hierdie saak moet in die debat oor die oorsaak van die internasionale finansiële krisis geopper word. Die Duitse President het Vrydag in Nigerië aangekom en die naweek deelgeneem aan die Afrika Forum, 'n inisiatief van hom wat Afrika- en Europese sakeleiers bymekaar bring.

Israel het Arafat vergiftig s? neef

Arafat

16:04:39 ‘n Familielid van Jasser Arafat het Maandag aangedring dat Israel die Palestynse leier, wat die week vier jaar gelede dood is, vergiftig het.

“Elke dag is daar stellings en leidrade omtrent die eliminasie van Arafat, en elke dag kom ons nader aan die gevolgtrekking dat hy vergiftig is,” het Nasser al-Qidwa, ‘n neef van die ontslape Palestynse leier, aan AFP gesê.

“Binne ‘n jaar of twee sal die tipe gif wat gebruik is om Arafat dood te maak, asook die manier waarop dit toegedien is, bekend wees,” het al-Qidwa, die hoof van die Arafat-stigting gesê.

“In elke geval is Israel verantwoordelik vir sy dood. Daar was voorbereidings om van die politieke leierskap van die Palestynse mense ontslae te raak.”

Die presiese oorsaak van sy dood op 11 November 2004 is steeds onbekend, maar verskeie Palestynse leiers is oortuig daarvan dat hy deur Israel vergiftig is, iets wat ten sterkste deur Israel ontken word.

Duisende mense gaan na verwagting deelneem aan die seremonie wat die vierde herdenking van Arafat se dood gedenk in Ramallah, op die Wesoewer.

тамбов разъемы,

Rwanda in oproer oor ho? se arrestasie in Duitsland

Die Rwandese regering het Maandag oproepe gedoen vir demonstrasies en protesaksies teen die arrestasie in Duitsland van een van president Paul Kagame se top beamptes.

Voertuie het deur die hoofstad Kigali gery en ‘n regeringsverklaring uitgelees oor luidsprekers dat regeringskantore teen 14:00 dal sluit en ‘n oproep gedoen op staatsamptenare om by die optog aan te sluit.

“Dit is ‘n optog om teen die arrestasie van mev. Rose Kabuye te protesteer” het die boodskap gelui.

Kabuye, die president se hoof van protokol, is in Duitsland gearresteer onder ‘n Franse lasbrief vir haar beweerde betrokkenheid in die sluipmoord op Rwanda se vorige president. Die insident word wyd beskou as die katalisator wat die 1994 volksmoord in Rwanda begin het.

‘Babaplase’ in Nigeri

Bure was agterdogtig oor die stilte wat oor die algemeen geheers het by ‘n geboortekliniek, behalwe saans, wanneer daar tekens van lewe was, maar hulle het nooit vermoed dat die plek in die geheim babas geteel het om te verkoop nie.

Onlangse polisieklopjagte het ‘n hele netwerk sulke klinieke, ook bekend as “babaplase” of “babafabrieke” in die pers oopgevlek, wat mense nou dwing om van nuuts af na mensehandel in Nigerië te kyk .

By die hospitaal in Enugu, ‘n groot stad in Nigerië se suid-ooste, is 20 tienermeisies gered toe polisie in Meimaand toegeslaan het op wat vermoedelik een van die grootste mensehandelsindikate in dié Wes-Afrika land was.

Die dubbelverdieping gebou in ‘n stowwerige straat in Enugu se Uwanidistrik, staan nou verlate, toegemaak.

Bure het aan AFP gesê dat hulle iets bisar gevind het aan die plek, waar daar bedags byna geen aktiwiteit was nie.

Die dokter wat aan beheer was en nou aangekla word, het na bewering swanger tienermeisies gelok na die kliniek met beloftes dat hy sal help met aborsies.

Dan is hulle daar opgesluit tot hulle babas gebore is, waarna hulle gedwing is om die babas op te gee vir ‘n bedrag van ongeveer 20 000 naira ($170).

Die babas is dan verkoop vir enige iets tussen 300 000 en 450 000 naira ($2500 en $3800) elk, volgens ‘n staatsliggaam wat teen mensehandel in Nigerië optree, die Nasionale Agentskap vir Voorkoming in Mensehandel (NAVMH).

Die ginekoloog, wat klaarblyklik in sy 50's is, se geluk het gedraai toe ‘n vrou aan wie hy ‘n dagoud baba verkoop het deur die Nigeriese sekuriteit en burgerlike verdedigingsdiens (NSBVD) gevang is toe sy die baba oor die grens na Lagos wou neem.

Statistiek oor die voorkoms van die teel van babas om te verkoop is moeilik beskikbaar, maar anti-mensehandelgroepe sê dit is wydverspreid en word deur goedgeorganiseerde sindikate beheer.

“Ons glo dat die voorkoms van die verskynsel baie wyer is as wat ons van weet” het Ijeoma Okoronkwo, hoof van NAVMH gesê.

“Dit het reeds ‘n tyd lank gebeur, maar ons het nie geweet nie. Die eerste indikasie wat ons gekry het was in Desember 2006, toe ‘n NRO ons laat weet het dat babas verruil word vir kontant, en dat ‘n paar hospitale daarby betrokke was” het sy aan AFP gesê.

Rituele met heksere blaas ook die babahandel aan, maar kenners beweer dat ander motiewe van meer belang is.

Gemeenskappe is steeds negatief jeens kinders wat buite die huwelikgebore is, en kinderloosheid in ‘n huwelik word steeds as ‘n vloek vir vroue beskou.

игр детские

Dalk ?n Britse Obama oppad?

‘n Groeiende aantal etniese minderheidskandidate word vir die parlement verkies, wat die kanse om ‘n Britse Obama te sien verhoog, het navorsing Donderdag aangedui.

Volgens die linkse Fabian Verenigingdinktenk, kan Brittanje 10 of meer nuwe etniese minderheids-LP’s verkies met die volgende algemene verkiesing, wat nie later nie as in 2010 gehou moet word.

Dié syfer is soveel as die totale aantal nuwe minderheids-LP’s wat in die vorige vier verkiesings verkies is.

“Die kanse vir ‘n Britse Obama is nou baie beter as wat dit selfs 10 jaar terug sou wees” het Fabian se sekretarisgeneraal, Sunder Katwala gesê.

In die Arbeidersparty het mens organiese verandering met die tyd gesien, en in die Tory Party sien mens vinnige verandering vanaf lae vlak inkom” het Katwala aan AFP gesê.

Tans het Brittanje 15 nie-blanke parlementariërs, uit ‘n totaal van 646.