Afrikaanse nuus – Bladsy 101

Appèl aan alle lesers

Die redaksie van PRAAG wil graag ‘n versoek rig aan alle lesers van dié blad om die Engelse weergawe van dr. Dan Roodt se artikel, Mandela, die swart god op die sosiale webwerf Digg te gaan ondersteun deur op die “Digg”-blokkie naas die artikel te klik. U kan op Digg inteken met behulp van ‘n Facebook-profiel of andersins ‘n profiel by Digg self skep.

Hier is die skakel na die Digg-blad:

http://digg.com/d31GYN6?f

Mandela, die swart god het voorheen op praag.co.za verskyn en ‘n Engelse weergawe daarvan is onlangs op die webblad Nelson Mandela – black icon, ANC leader gepubliseer.

Digg is die topsosialewebwerf waar die gewildheid van artikels op die internet deur leserstemme bepaal word. Deur u stem sal u sorg dat die artikel wyer in die VSA en elders gelees word, maar ook dat die betrokke webwerf oor die minder polities korrekte aspekte van Nelson Mandela op die ranglyste van die soekenjins soos Google en Yahoo styg.

“Die nuus- en meningsportaal wat ons hier by praag.co.za aanbied, is maar een aspek van ons ontwikkeling van ‘n omvattende internetkommunikasiestrategie wat ten doel het om meer gebalanseerde menings oor Suid-Afrika en die Afrikaner wêreldwyd via die internet uit te dra,” het Roodt gesê.

гайковерт воздушный депутат лобановский

Louis Trichardt se naam weer in gedrang

Die omstrede naamsveranderingsproses van Louis Trichardt na Makhado sal weer van vooraf begin, het die Geografiesenaamraad Donderdag gesê.

“Ons het vandag aansoeke ontvang waarna ons sal kyk. Ons sal dit ook aan die minister van kuns en kultuur voorlê,” het Tommy Ntsewa, voorsitter van die raad, gesê.

Louis Trichardt se naam is in 2002 na Makhado verander, maar in 2005 het die hooggeregshof besluit dat dit weer terug moet verander omdat die regte prosesse nie gevolg is nie.

“Die hof het besluit dat die regte stappe nie gevolg is toe die proses die eerste keer plaasgevind het nie. Vandag het ons nuwe aansoeke. Ons sal dit nagaan om te verseker dat konsultasie plaasgevind het,” het Ntsewa gesê.

Hy het ook gesê dat die naam van die nuwe lughawe in La Mercy naby Durban bespreek sal word. Die regering het voorgestel dat die lughawe King Shaka-lughawe heet.

“Ons het min tyd oor om te besluit op ‘n naam vir die nuwe lughawe. As die kwessie nie opgelos word nie sal dit bekendstaan as X-lughawe,” het Ntsewa gesê.

Данильченко

VF Plus vra noodtoestand oor Pretoria-vullis

Die Vryheidsfront Plus het ‘n beroep op die Tshwane-metroraad gedoen om ‘n munisipale noodtoestand in terme van die Noodtoestand Bestuurswet no. 57 van 2002 uit te roep ten einde ‘n vullis-ramp in Pretoria te vermy. Die VF Plus het gesê dat ‘n ernstige gesondheidskrisis in Pretoria begin dreig en dat dit ‘n dringende munisipale noodtoestand regverdig.

Volgens dr. Conrad Beyers, VF Plus-raadslid, het die plaaslike ANC inwoners mislei deur met groot fanfare aan te kondig dat die staking van vulliswerkers die afgelope Maandag verby sou wees en dat normaliteit hierdie week sou terugkeer.

Die VF Plus ontvang egter berigte dat vullis regoor die stad verder ophoop. Hierdie gebiede sluit in: Lynnwood, Pretoria Tuine, Valhalla, Pierre van Ryneveld, Rooihuiskraal, Zwartkop, Die Hoewes, Faerie Glen, Menlo Park, Groenkloof, Waterkloof Heights, Waterkloofrif, Murrayfield Park, Erasmuskloof, Waverley, Lynnwoodrif, Colbyn en Brummeria.

Die Noodtoestand Bestuurswet maak onder andere daarvoor voorsiening dat die stadsraad fondse, personeel, toerusting en enige ander bronne mag aanwend om ‘n krisis aan te spreek. Dit sluit in die aanstelling van tydelike personeel en aanwending van private instansies. Dit gee byvoorbeeld die mag aan die stadsraad om die metropolisie en ander noodwerkers tydelik in te roep om die probleem te help oplos.

“Die Noodtoestand Bestuurswet verplig `n munisipaliteit om die nodige stappe te neem ten einde ‘n probleem aan te spreek wanneer `n noodtoestand dreig. Die metroraad is dus verplig om in belang van die inwoners onmiddellik sulke stappe in werking te stel”, het Beyers gesê.

Die VF Plus het gesê dat enige verdere versuim deur die ANC om alternatiewe reëlings vir vullisverwydering te tref tot ‘n ramp in die stad kan lei. “Die feit dat die ANC passief toekyk hoe die probleem vererger, het veroorsaak dat ‘n probleem wat op ‘n baie vroeër stadium opgelos kon word tot ‘n ernstige krisis gelei het.”

pearl hair comb

Politieke gesprek met Carel Boshoff IV, Dan Roodt, Kallie Kriel en Danie Goosen

Alle PRAAG-lesers word uitgenooi na die tweede politieke oopgesprek rakende die huidige situasie en die pad vorentoe vir die Afrikaner in Suid-Afrika – ‘n nugtere blik, sonder politieke retoriek. Die sprekers is Carel IV Boshoff van Orania, Dan Roodt van Praag, Kallie Kriel van Afriforum/Solidariteit en Danie Goosen van die FAK. Daar sal ook tyd wees vir bespreking uit die gehoor.

Datum: 15 Januarie 2010
Tyd: 19:00

Aangebied deur Diamantvallei Landgoed, ongeveer 20km oos van Pretoria. Padaanwysings kan verkry word by www.diamantvallei.co.za . Ligte verversings sal verskaf word en ‘n kontantkroeg is beskikbaar. Bywoning is gratis, maar donasies is welkom om kostes van sprekers en verversings te dek. Almal is welkom, maar laat weet asb. indien moontlik, sodra u seker is of u kom, sodat ons ‘n idee kan kry van getalle: aanvaar die uitnodiging op facebook of e-pos: stoman@diamantvallei.co.za of skakel tel. (012) 736 2154

Is jy ook keelvol vir tweedeklasburgerskap? Grief dit jou ook dat jou Afrikanerskap polities inkorrek is? Voel jy dis tyd om vas te skop? Kom praat saam daaroor – nugter en realisties. Dis ons elkeen se verantwoordelikheid om deel te neem as jy ‘n verskil wil sien. Niemand gaan dit vir ons gee nie, ons moet dit self doen.

Лобановский

Peiling oor volkstaat op Beeld-webwerf

Nuwe berig:

{jathumbnail off} Die meningspeiling oor ‘n Afrikanervolkstaat op Beeld se webwerf is gister gesluit met ‘n oorweldigende meerderheid wat óf heeltemal ten gunste óf voorwaardelik ten gunste van ‘n volkstaat is. Die finale stemming in die referendum-om-onafhanklikheid-in-die-kleine lyk soos volg:

Sou jy dit oorweeg om in ‘n volkstaat te bly?

Ja: 56% 6191 stemme

Nee: 27% 2941 stemme

Dit hang af: 17% 1912 stemme

‘n Rubriekskrywer van Beeld, Pieter du Toit, het dit op hom geneem om die koerant en webwerf se lesers te betig oor hul steun vir ‘n idee wat hy as “doogebore” beskou. Du Toit se rubriek, Volkstaat hou g’n heil in, het ontsteltenis onder sommige lede van die Vryheidsfront Plus veroorsaak omdat Du Toit se halsstarrige verdediging van die status quo vir hulle “werklikheidsvreemd” aandoen.

‘n Lewendige bespreking met waarskynlik die meeste deelnemers ten gunste van Afrikaneronafhanklikheid vind tans op sowel die kommentaarafdeling van Pieter du Toit se rubriekbladsy as op dié bladsy op praag.co.za plaas.

Kenners is dit eens dat die skielike uitbarsting van ‘n volkstaatdebat in die blaaie van Beeld, wat as ‘n hoofstroom-, liberale koerant beskou word, swanger aan politieke implikasiese vir Afrikaners én die land in sy geheel is. Die politieke debat in Afrikaans en in Engels in Suid-Afrika loop hiermee ook dermate uiteen dat ‘n mens reeds van “twee lande”, ‘n Afrikaanse en “Engelse, Mzansiese” kan praat.

Eerste berig: Maandag, 11 Januarie 2010 14:32

Die webwerf van die Johannesburgse dagblad Beeld, beeld.com, hou vandag op hul voorblad ‘n elektroniese meningspeiling met die vraag: “Sou jy dit oorweeg om in ‘n volkstaat te bly?”

Sommige lesers sien die peiling as ‘n referendum-in-die-kleine oor Afrikaneronafhanklikheid en moedig hul vriende en kennisse aan om “Ja” te stem. Tot dusver het lesers só gestem:

Ja: 54% 2346 stemme

Nee: 27% 1193 stemme

Dit hang af: 19% 814 stemme

VF Plus eis ‘vullis-afslag’

Die VF Plus het gesê dat die party amptelik eis dat die Tshwane-metroraad korting ter waarde van drie maande se belasting vir vullisverwydering aan inwoners toestaan. Dit volg nadat nog ‘n onderbreking in vullisverwydering hierdie week ondervind word vanweë ‘n staking.

Die VF Plus in Pretoria gaan hom na gesprek met die Pretoria-belastingb etalersverenigin g (PBV) by ‘n amptelike dispuut voeg wat tans voorberei word. In die dispuut word die eis vir die korting gemaak vanweë die nie-lewering van dienste waarvoor belastingbetalers betaal het.

In 2009 was daar minstens vyf ernstige probleme met met vullisverwydering in die Tshwane-metroraadsg ebied, waarvan die laaste oor rondom Kersfees plaasgevind het. Die jaar 2010 is nie eens ‘n week oud nie en daar is reeds nuwe probleme met vullisverwydering.

Volgens dr. Conrad Beyers, VF Plus-raadslid, bewys die nuwe staking dat die ANC-beheerde metroraad geen plan, strategie of idee het oor hoe om die probleem hok te slaan nie.

“Tydens die laaste ses onderbrekings in vullisverwydering het die ANC ses verskillende verskonings vir die probleem aangebied. Hierdie keer handel dit blykbaar oor arbeidsmakelaars. Die talle verskonings raak nou absurd en dit het tyd geraak dat belanghebbende organisasies en inwoners die saak op ‘n gekoordineerde wyse begin aanspreek”, het Beyers gesê.

Die VF Plus het gesê dat die party hoop dat talle organisasies en belanghebbendes hulle by die dispuut sal voeg sodra dit amptelik verklaar word. “Ons wil eers die pad van gesprek, bemiddeling en arbitrasie met die metroraad volg om ons eise en klagtes deur te gee. Indien daar egter nie resultate is nie sal meer ingrypende aksie rakende die korting op belastinggelde oorweeg word”.

Dring aan op moedertaalonderrig

AfriForum het ŉ beroep op ouers gedoen om hulle kinders in die komende jaar in skole te sit waar hulle in hulle moedertaal onderrig kan word. Ouers word ook deur AfriForum versoek om in ŉ toenemende mate druk op die regering te plaas om moedertaalonderrig te voorsien in gevalle waar dit nie reeds beskikbaar is nie. Waar moedertaalonderrig beskikbaar is, moet ouers volgens AfriForum enige poging van die regering om moedertaalonderring in te perk, sterk teenstaan.

Volgens Kallie Kriel, uitvoerende hoof van AfriForum, bevestig die matriekuitslae jaar na jaar dat leerders wat moedertaalonderrig ontvang, beter vaar as diegene wat hulle onderrig in ŉ tweede of derde taal ontvang.

Kriel het daarop gewys dat dit al oor en oor bewys is dat leerders nuwe konsepte en vaardighede die maklikste in hulle moedertaal aanleer, en dat hulle hierdie vaardighede later dan maklik na ŉ tweede taal soos Engels kan oordra. Kriel het aangedui dat die omgekeerde ook waar is, naamlik dat leerders moeilike begrippe nog moeiliker in ’n ander taal vind en dit in baie gevalle selfs nie kan bemeester nie.

Kriel voer aan dat moedertaalonderrig vir so lank as moontlik, selfs tot op nagraadse vlak, verkies behoort te word, omdat dit die leerder of student veral by die “moeilike vakke” soos wiskunde en wetenskap, ’n voorsprong gee. “Daarsonder is ’n loopbaan in ’n groeiende aantal beroepe nie meer moontlik nie.

As die begrippe eers gevestig is, ondervind studente geen probleem om na Engels toe oor te skakel nie. Talle Afrikaanse studente het byvoorbeeld sedert die sestigs net in Afrikaans gestudeer en daarna met groot sukses hulle doktorsgrade aan die beste buitelandse universiteite behaal. Vandag is dit nog makliker omdat kinders met Engels op televisie en op hulle rekenaars grootword,” het Kriel bygevoeg.

Nie-Engelssprekende kinders wat Engelse skole bywoon, betaal volgens Kriel dikwels later die prys. “Ouers wat aan hulle kinders se loopbane en toekomstige verdienvermoë dink, moet daarop aandring dat hulle kinders in hulle moedertaal onderrig word,” het Kriel gesê.

топкарго отзыв

‘Wit’ stem verblyf op Tafelberg geweier

Die burgerregte inisiatief AfriForum het pas ŉ klag van rassediskriminasie namens twee studente – Etienne en Stiaan Terblanche – by die Menseregtekommissie (MRK) teen die Tafelberg Nasionale Park ingedien, nadat dié twee studente verblyf by die People’s Trail Hut geweier is omdat hulle wit is. AfriForum sal ook die saak na die Gelykheidshof neem, sou die MRK nie die saak met die nodige erns hanteer nie.

Die studente, wat tydens ŉ staptog op Tafelberg op die People’s Trail Hut afgekom het, het die telefoonnommer wat op die hut se deur staan, geskakel om te verneem of hulle die hut vir ŉ nag kon bespreek. Hulle is toe telefonies meegedeel dat die hut slegs deur “swartmense” gebruik mag word en nie vir “witmense” is nie. Die student wat geskakel het, se stem is as maatstaf gebruik om hom telefonies as “wit” te klassifiseer. Die People’s Trail Hut word teen ŉ daaglikse tarief van R30 per persoon beskikbaar gestel, terwyl ander oornagfasiliteite op die berg R800 per persoon kos.

Volgens Kallie Kriel, uitvoerende hoof van AfriForum, is dit kommerwekkend dat die staat se rasbeheptheid nou selfs uiting begin vind in studenteverblyf by ŉ nasionale bate soos Tafelberg, wat veronderstel is om aan almal in die land te behoort. “Jongmense, wat eers tydens die nuwe bedeling met hulle skoolloopbane begin het, word in effek nou selfs op Tafelberg weens hulle velkleur soos tweederangse burgers behandel,” het Kriel bygevoeg.

Kriel het daarop gewys dat dit ŉ mistasting sou wees om die rassediskriminasie teen “wit” studente te probeer regverdig deur die geykte argument dat dit ŉ poging is om ongelykhede uit te wis en Tafelberg se toeganklikheid vir almal te verhoog. “Geen ongelykhede word met die rasvoorskrifte op Tafelberg uitgewis nie, aangesien ŉ “swart” miljoenêr se kinders nou van die studenteverblyf gebruik kan maak, terwyl behoeftige studente uit ander gemeenskappe geweier word,” het Kriel gesê. “Die uitwissing van ongelykhede het volgens Kriel ongelukkig nou ŉ dekmantel geword om ŉ rasse-ideologie te bevorder.”

AfriForum wil toesien dat Tafelberg werklik toeganklik vir almal word en doen daarom aan die hand dat inkomstevlak ŉ beter maatstaf as ras is om te bepaal wie vir goedkoper verblyf op Tafelberg moet kwalifiseer. ŉ Groot deel van die mense wat dan voordeel trek, sal waarskynlik steeds “swart” wees, maar volgens Kriel sal hulle voordeel trek op grond van behoefte en nie hulle ras nie, terwyl armes uit ander gemeenskappe nie uitgesluit sal word nie.

паркет

Vullis in Pretoria: ‘Gee geld terug’

Die Vryheidsfront Plus het gesê dat inwoners van Pretoria geregtig is om hulle geld vir vullisverwydering terug te eis nadat vullisverwydering in die Tshwane-metrogebied vir die vyfde keer vanjaar nie plaasvind nie.

Volgens dr. Conrad Beyers, VF Plus-raadslid, is die metroraad wetlik verplig om die dienste te lewer waarvoor inwoners betaal.

“Daar is oorgenoeg gronde vir inwoners om ‘n amptelike dispuut op groot skaal met die metroraad te verklaar, waarin daar geëis word dat korting gegee moet word vir dienste wat nie gelewer is nie. Dit help egter nie dat slegs enkelinge dit doen nie – dit moet regoor die stad gekoördineerd wees. Voorsitters van inwonersverenigings, tesame met ander belanghebbendes, moet in Januarie bymekaar kom om gekoördineerde aksie te beplan,” het Beyers gesê.

Die VF Plus het gesê dat dit jammer is dat die probleme rakende vullisverwydering aanhou herhaal, nadat die party reeds verlede jaar gewaarsku het dat voorkomende maatreëls getref moet word om die onderliggende probleme op te los.

Dirk de Villiers oorlede

Die bekende rolprentmaker Dirk de Villiers is Maandagrmiddag in die ouderdom van 85 oorlede.

De Villiers, skepper van die televisiereeks Arende en rolprente soos Tant Ralie se losieshuis, My broer se bril, Die geheim van Nantes en That Englishwoman, is in die Chris Barnard-gedenkhospitaal in Kaapstad oorlede.

Volgens sy seun, die akteur Gys de Villiers, het sy pa Maandag stil gesterf na ‘n hartaanval.

De Villiers, wat sy lewe aan film gewy het, het sowat 25 vollengte-rolprente en 13 dokumentêre gemaak.

De Villiers word oorleef deur sy lewensmaat, Miems Swanepoel, en sy kinders, Gys, Jakes, Lida en Miemie, asook kleinkinders en ’n agterkleinkind.

освещения

Afrikaans by US gaan verdwyn

Die toekoms van Afrikaans as onderrigtaal aan die Universiteit van Stellenbosch, hang in die weegskaal. Indien die huidige koers van die instelling nie verander nie, gaan Afrikaans as voertaal aldaar verdwyn.

“Alhoewel daar oomblikke van hoop en optimisme vir Afrikaans as onderrigtaal aan die Universiteit Stellenbosch (US) was, spyt dit my dat ek vanaand aan u moet rapporteer dat ons nie daarin kon slaag om hierdie vaste plek te verseker nie.”

Só het prof. Pieter Kapp, president van die US-konvokasie, Donderdagaand in ‘n persverklaring deur die konvokasie bekendgemaak. Kapp het gereageer op die Konvokasie-bestuur se uitvoering van die opdrag deur die US-konvokasie wat betref onderrigtaal aan die US.

In 2002, 2005 en 2007 het die konvokasie hom duidelik uitgespreek dat die US ‘n Afrikaanse universiteit moet bly wat meertaligheid bevorder, in stede van ‘n meertalige universiteit wat Afrikaans bevorder.

Volgens Kapp is dit die “praktyk wat tel, nie die mooi woorde oor die goeie bedoelinge wat nagestreef sal word nie”.

Luidens die verklaring het die konvokasiebestuur deurgaans drie standpunte oor die taal van onderrig ingeneem: Die T-opsie (Afrikaans en Engels gemeng in dieselfde klas) is ‘n onverstandige onderrigmedium; daar behoort ‘n 75% gewaarborgde Afrikaanse onderrigaanbod te wees; en strategiese venootskappe is nodig om uitvoering te gee aan die US se visiestelling wat insluit dat Afrikaans as onderrig en wetenskapstaal uitgebou moet word.

Hy beskryf die onlangse 60%-minimumwaarborg van Afrikaanse voorgraadse onderrig as “misleidend”: “Dit is in die eerste plek net ’n ‘waarborg’ vir vier jaar.

“Tweedens, geld hierdie 60% vereiste nie per fakulteit nie. Dit sou dus moontlik wees vir ’n klein fakulteit om ’n nul aanbod in Afrikaans aan te bied waarvoor ’n groot fakulteit met ’n 100% parallelmedium aanbod ‘vergoed’.

“Derdens moet in aanmerking geneem word dat minder as 20% van nagraadse onderrig en navorsing – daar waar die werklike ontwikkeling van ’n wetenskapstaal plaasvind – in Afrikaans geskied. …Afrikaans aan die US is dus waarskynlik nader aan 40%. Stellenbosch het dus gekies vir ’n minimale posisie vir Afrikaans en ’n maksimale posisie vir Engels,” aldus Kapp.

Prof. Kapp het onder meer gevra waarom die US die aanbod van so ’n gerespekteerde organisasie soos die Suid-Afrikaans Onderwysersunie om ’n vennootskapsooreenkoms met die US te sluit… so “onvriendelik” van die hand gewys het, asook of net die Afrikaanstaliges tweetalig moet wees.

Hy het gesê die nie-beantwoording van sy vrae “is simptomaties van ander negatiewe ontwikkelinge vanjaar” wat hom tot onrustigheid stem.

Vir die eerste keer in die geskiedenis van die Universiteit Stellenbosch het twee vooraanstaande verkose Raadslede bedank omdat hulle nie met die rigting waarin die taalbeleid beweeg, kon saamgaan nie.

’n Georkestreerde poging is aangewend om ’n lid van die Taalkomitee wat bekend is vir sy pro-Afrikaanse standpunte onder sensuur te plaas, het Kapp gesê.

светильник в спальню

Sal die ware Motsepe opstaan, asseblief

“Die VF Plus verwerp die belaglike idee soos verkondig deur mnr. Patrice Motsepe dat myne genasionaliseer kan word indien dit goed vir Suid-Afrika sou wees. Ons sal graag van mnr. Motsepe wil weet in watter omstandighede in die geskiedenis die nasionalisering van myne ooit voordelig vir ‘n land en sy mense was,” het adv. Anton Alberts, VF Plus parlementêre woordvoerder oor Mynwese, gesê na aanleiding van mnr. Motsepe se uitsprake oor die nasionalisering van myne.

“Dit is eenvoudig roekeloos om sulke stellings te maak en sodoende lug te gee vir die rewolusionêre gedagtes van Julius Malema. Dit kom ironies genoeg nadat mnr. Motsepe homself oor en oor verryk het by wyse van die Swart Bemagtigingsproses ten koste van meeste armes in Suid-Afrika. Dit is ‘n feit dat die Swart Bemagtigingsproses nog nooit effektief was om armoede te bestry nie en het net sekere politiek-korrekte enkelinge bevoordeel.” het adv. Alberts bygevoeg.

Mnr. Motsepe se bravade sal aan die hand van drie toetse gemeet moet word: Eerstens sal mnr. Motsepe gewillig moet wees om toe te kyk hoe sy bates sonder vergoeding genasionaliseer word ten gunste van die armes. Die tweede toets sal wees om te kyk of die verspreiding werklik na die armes gaan afwentel, en die derde toets sal wees om te sorg dat die myne effektief en mededingend bly.

“Ek is bevrees mnr. Motsepe en sy ideologiese tydgenote sal nie hierdie drie toetse deurstaan nie. Die geskiedenis tel teen hulle. Mens kry eerder die gevoel hulle soek nog ‘n gaping om die Suid-Afrikaanse ekonomie verder te plunder,” het Alberts gesê.

Die VF Plus het vroeër in ‘n antwoord op ‘n parlementêre vraag aan die regering weereens die onderneming van die ANC gekry dat hulle nie van plan is om myne te nasionaliseer nie. Desnieteenstaande, sal die VF Plus steeds voortgaan om enige sweem van sosialisme aan te vat en uit te wys as ‘n vals belofte vir ‘n beter Suid-Afrika.

roulette online game real money депутат лобановский

Afriforum het ‘rassistiese agenda’

Die burgerregte-inisiatief AfriForum het skerp gereageer op die aanval wat die voorsitter van die Suid-Afrikaanse Kommunistiese Party (SAKP), Gwede Mantashe, vanoggend in sy openingstoespraak by die SAKP se nasionale kongres op AfriForum geloods het met sy stelling dat AfriForum vir ŉ “rassistiese agenda” veg.

Kallie Kriel, uitvoerende hoof van AfriForum, het in reaksie hierop soortgelyke woorde as die Afrikaanse skrywer Langenhoven gebruik, deur te sê dit is vreemd dat Mantashe AfriForum se billike aspirasies verkeerdelik as “rassisties” voorhou, terwyl die SAKP se rassisme valslik as billike aspirasies voorgehou word.

“Mantashe se aanval is misplaas, veral in die lig daarvan dat dit juis eerder die SAKP/ANC-alliansie is wat ŉ rasbehepte ideologiese agenda op elke terrein van die samelewing wil afdwing,” het Kriel gesê.

Volgens Kriel sal AfriForum hom beslis nie van stryk laat bring deur Mantashe se aanval nie en sal AfriForum ook nie by ŉ rasse-moddergooiery betrokke raak nie. “Mantashe se rasbehepte uitsprake dien eerder as motivering vir AfriForum om aan te hou stry vir vreedsame naasbestaan, wedersydse respek, billikheid en geregtigheid vir almal in die land,” het Kriel bygevoeg.

casino slot Фильчаков прокурор

VF+ gee ANC punte

Die VF Plus het vanjaar vir die sewende opeenvolgende jaar ‘n evaluering (rapport) van die ANC se prestasie gedoen aan die hand van spesifiek daardie sake wat vanuit die oogpunt van die deursnee VF Plus-kieser van belang is. Die sake wat geëvalueer is, is –

· misdaadbekamping

· regspleging

· plaaslike regering

· onderwys

· taal- en kultuurregte

· ekonomiese groei en werkskepping

Samevattend is die volgende punte toegeken:

Misdaadbekamping : 4

Justisie : 3

Plaaslike Regering : 2

Onderwys : 5

Taal- en Kultuurregte : 4

Ekonomiese groei : 4

Dit blyk dus uit bogenoemde evaluasie dat die ANC vanuit die oogpunt van die deursnee VF Plus-kieser vanjaar ’n skamele gemiddelde punt van 37% vir sy vertoning ten opsigte van beleid behaal het.

Die VF Plus bly verbind tot ’n Suid-Afrika wat ruimte bied aan almal. Die party sal in 2010 – soos in die jare tevore – verbind bly tot die konstruktiewe aanlê van gesprek waar dit kan en die mobilisering van opposisie en verset waar dit moet.