Suider-Afrika Archives - Page 454 of 888

Zuma moet parlement inlig oor Weermag en Polisie

“Pres Jacob Zuma is volgens die grondwet verplig om die parlement in te lig indien die Weermag in samewerking met die Polisie aangewend word. Die indruk is dat die Weermag die afgelope naweek in samewerking met die Polisie in die Rustenburg/Brits-gebied aangewend is. In so geval bepaal artikel 201 (3) van die grondwet duidelik dat die president die parlement onverwyld moet inlig oor die redes, die plek waar, die getal mense betrokke en die tydperk waarvoor die Weermag na verwagting aangewend sal word. Die Vryheidsfront Plus ondersteun die samewerking van die Weermag met die Polisie indien die omstandighede dit vereis, maar dan moet die parlement, en daardeur die publiek, ingelig word soos vereis word deur die grondwet,” sê mnr. Pieter Groenewald, hoofwoordvoerder vir Verdediging en Militêre Veterane van die Vryheidsfront Plus.

“Die parlement is tans in sitting en pres. Zuma kan nie net die portefeuljekomitee of die Gesamentlike Staande Komitee van Verdediging en Militêre Veterane inlig volgens artikel 201(4) van die grondwet nie. Dit moet ook die president wees wat die parlement inlig en nie die minister van Verdediging en Militêre Veterane nie,” het Groenewald gesê.

Weermag, polisie ontplooi in SA se ergste krisis sedert ’94

Die weermag is Saterdag in Marikana in Noordwes ontplooi om te help om stakende myners te ontwapen. Dit is die ergste krisis in Suid-Afrika sedert die ANC-regering in 1994 aan bewind gekom het.

Swaar gewapende polisielede het vroegoggend op die mynhostel toegeslaan om pangas, messe, knopkieries en stokke te gekonfiskeer. Oproeriges is met traangas en rubberkoeëls verjaag.

Die polisie het die Nkaneng-lokasie met Njalas binnegevaar en ‘n weermaghelikopter het bo die gebied gesirkel waaroor traanrook gehang het. Twaalf mense is in hegtenis geneem vir ‘n “onwettige byeenkoms” en talle is beseer.

Brittanje en Malema se populisme is verantwoordelik vir die gewelddadige mynstakings by Marikana, volgens die ANC. Die party se nasionale werkkomitee (NWK) het ‘n verslag oor die onrus Saterdag in Pretoria aan die leiers voorgelê.

Die NWK het Lonmin, die eienaar van die Marikana-myn, en die Britse media verantwoordelik gehou, en Ramaphosa se uitbuitende rol as arbeidsmakelaar verontskuldig.

“Die klem op Lonmin, wat ‘n Britse mynmaatskappy is, spruit uit die Britse media se aanslag op die Suid-Afrikaanse regering sonder om na die rol van die werkgewer te verwys.

“Dié eng benadering laat ruimte vir die wrewel teenoor swart Suid-Afrikaners – onder wie minderheidsaandeelhouers [waaronder die NUK-lid Cyril Ramaphosa] wat toevallig ook swart is – wat die skuld kry dat hulle alleen verantwoordelikheid dra in die maatskappy.”

Hulle het ook uitgevaar teen Amcu wat teen die ANC se belange optree.

Pravin Gordhan, minister van finansies, het Vrydag tydens ‘n mediakonferensie by die Uniegebou in Pretoria gesê die opstande hou ‘n bedreiging vir die ekonomie in.

Die land se begrotingstekort kan styg en mense kan hul werk verloor. Beleggersvertroue word ook daardeur ondermyn. Die regering het by dieselfde geleentheid die noodmaatreëls aangekondig om die onrus in bedwang te bring.

Dawie Roodt, hoofekonoom van Efficient Group, sê swakker platinum-uitvoer gaan lei tot ‘n swakker rand. “Wat beteken ons gaan meer betaal vir olie – dan gaan die petrolprys op, inflasie styg, ons sal sit met hoër rentekoerse en groter werkloosheid.”

Rapport berig dat die Duitse nuusblad, die Frankfurter Rundschau, die onlangse gebeure in Suid-Afrika as ‘n “politieke en ekonomiese ramp” ná 18 jaar van ANC-bewind besryf het. “Die ANC het nóg ‘n visie nóg ‘n idee van hoe hy die skerper wordende kloof kan oorbrug,” sê die blad.

Dit is nog nie duidelik wie die ontplooiing van die weermag gemagtig het nie.

Ingevolge die Grondwet mag die president die weermag net ontplooi nadat hy die parlement geraadpleeg het. Die parlement hoef egter nie toestemming te verleen vir die president se uiteindelike besluit nie.

Mac Maharaj, pres. Jacob Zuma se woordvoerder, het Saterdag gesê die besluit om soldate te ontplooi was “operasioneel” en deur Jeff Radebe, minister van justisie, geneem. Die justisiewoordvoerder, het dit egter ontken, berig Rapport.

Vierde myn staak bedrywighede

Sewe mense is in hegtenis geneem deur die polisie buite die Aquarius Platinummyn in Rustenburg Vrydag. Dit is die vierde myn wat bedrywighede staak weens ‘n uitgerekte arbeidsdispuut.

Die arrestasies het binne ure van die minister van justisie, Jeff Radebe waarskuwing gelom dat die regering nie langer die geweld, dreigemente en intimidasie in die mynbousektor sal duld nie.

In ‘n aankondiging in Pretoria, na afloop van ‘n vergadering van veiligheid, ministers en ander Kabinetslede, het hy aangekondig dat maatreëls in plek gestel sal word om te verseker dat die situasie onder beheer gebring sal word.

Dit sluit in dat “onwettige byeenkomste, die dra van gevaarlike wapens, en uitlokking, sowel as dreigemente van geweld teen enigiemand in die geaffekteerde gebiede, dienooreenkomstig hanteer sal word.”

Radebe het gesê wetstoepassingsagentskappe “sal nie huiwer om diegene wat die wet oortree, in hegtenis te neem nie”.

Vroeër het ‘n groep betogers opgeruk van Anglo American Platinum (Amplats) se Blesbokmyn na Aquarius Platinum en daarop aangedring dat hulle saamstaak.

Mametlwe Sebei, leier van ‘n groep bekend as die Demokratiese Sosialistiese Beweging, het gesê die betogers moet alle myne in Rustenburg tot stilstand dwing volgende week.

Sebei het gesê Samancor, Xstrata, Murray & Roberts, Implats en Amandelbult moet staak.

Die polisie het die betogers uiteengejaag deur ‘n polisiehelikopter in te span.

лобановский политик

Alyssa Botha (13) vermoor deur lid van geheime krygsmag – vrygelaat deur polisie

Tydens die ondersoek na nog ‘n skietery gisteraand op bure van die Bothas te Muldersdrift wie se dogter Alyssa (13) verlede week vermoor is, het aan die lig gekom dat haar moordenaar ‘n lid van die geheime jeugkrygsmag is waaroor PRAAG vroeër vandag berig het. Gister is hy en nog vier verdagtes egter deur die Suid-Afrikaanse polisiediens vrygelaat, waarna hulle die tweede aanval slegs drie huise van Alyssa s’n gepleeg het.

‘n Bron binne die SAPD het teenoor PRAAG bevestig dat twee van die vyf verdagtes wat gister deur die SAPD vrygelaat is, by die jongste skietery op ‘n buurman betrokke was. Hulle het blykbaar dieselfde wapens gebruik, dus het die polisie nie eens hul wapens afgeneem nie.

Ten minste een van die twee aanvallers is as lid van die jeugkrygsmag, die “Task Desk” by die Tempe-weermagbasis in Bloemfontein opgelei.

Die besluit om die verdagtes in die Alyssa Botha-moordsaak vry te laat, is deur ‘n swart vroue-offisier, luitenantkolonel Katlego Mogale, geneem. Sy het gister beweer dat die polisie “geen getuienis” kon vind wat die verdagtes met Alyssa se moord verbind nie, hoewel een van die verdagtes ‘n geheuekaart van een van die Botha-dogters by hom gehad het.

Die ander drie verdagtes is Zimbabwiërs wat die vermoede laat ontstaan dat hulle reeds oor die grens gevlug het.

Dit is nog nie bekend in watter toestand die man wat gister deur hulle geskiet is, verkeer nie. Hy is na die Chris Hani-Baragwanath-hospitaal vervoer.

Ekslusief! Opleiding van geheime jeugkrygsmag in plakkerskampe

PRAAG het vandeesweek eerstehandse inligting bekom dat ‘n geheime krygsmag van swart jeugdiges in plakkerskampe rondom Johannesburg gerekruteer en opgelei word. Ná opleiding ontvang die lede van die krygsmag ‘n maandelikse loon van R2200 wat in kontant uitbetaal word vanuit staatsvoertuie met regeringsregistrasienommers.

Die opleiding mag verband hou met die sogenaamde jeugdienskorps, oftewel Narysec, waaroor verlede jaar in Julie in die media berig is. Maar die geheime krygsmag, anders as Narysec, word suiwer militêr en veral in die hantering van outomatiese wapens opgelei. Blykbaar staan die nuwe krygsmag onder beheer van uitgesoekte polisie-offisiere. Dit is bekend dat ‘n aansienlike aantal polisie-offisiere deesdae uit voormalige offisiere van die ANC se krygsmag, Umkhonto we Sizwe, bestaan.

Volgens ‘n vertroulike veiligheidsverslag wat in PRAAG se besit is, is ‘n kaptein Mokwena van die Muldersdrift-polisiekantoor sedert Oktober of November besig om swart jeugdiges in plakkerskampe, waaronder die Joe Slovo-nedersetting, rondom Lanseria vir opleiding te werf. Mokwena is ook gemoeid met gemeenskapspolisieforums in die gebied.

Luidens die verslag is “verskeie vergaderings in die Joe Slovo-plakkerskamp gehou waartydens jeugdiges meegedeel is dat hulle vir die polisieforum gewerf sou word. Slegs jeugdiges met matriek is vir opleiding gesoek. Hulle is ook meegedeel dat hulle lesings sou moes bywoon en daarna ‘n maandelikse salaris sou ontvang.

“In die Joe Slovo-plakkerskamp het ‘n polisieforumlid, me. Ntshabeleng, kaptein Mokwena gehelp om ongeveer tien lede te werf wat in die plakkerskamp woon. Soortgelyke werwings het klaarblyklik ook in ander plakkerskampe in dieselfde gebied plaasgevind.”

Oor die afgelope tyd is verskeie moorde in die Muldersdrift-omgewing gepleeg. Op 11 September 2012 het die Johannesburgse Engelstalige koerant, The Star, berig dat “93% van huishoudings in ‘n enkele straat in Muldersdrift, noordoos van Johannesburg met geweldsmisdaad geteiken is”. Die berig is geskryf na aanleiding van die koelbloedige moord op die 13-jarige Allyssa Botha. Vanoggend het RSG verslag gedoen dat die Bothas se bure intussen aangeval is.

‘n Veigheidskenner met wie PRAAG gesels het, sê: “As 93% van huise in ‘n gebied aangeval word, kan ‘n mens nog van ‘misdaad’ praat? Of is dit oorlog? Is dit toeval dat die geheime jeugkrygsmag juis in dieselfde gebied opgelei en ontplooi is?”

Jeugdiges in die Joe Slovo-plakkerskamp het ná hul werwing ongeveer twee lesings bygewoon. Op Saterdag 13 Februarie 2011 om 10.00 voormiddag het kaptein Mokwena ‘n groep gewerfde jeugdiges in Joe Slovo toegespreek en gesê dat een van diegene wat in 2010 in hul plakkerskamp gewerf is vir opleiding Bloemfontein toe gestuur sou word. Tydens die vergadering het kaptein Mokwena aangetoon dat slegs een jeugdige per plakkerskamp daarheen gestuur sou word en dat hulle ongeveer sestig uit die omgewing sou wees. Volgens kaptein Makwena sou die groep op 15 Februarie 2011 vir militêre opleiding vertrek, wat ongeveer ses maande sou duur.

Benewens jeugdiges, word misdadigers ook vir die krygsmag gewerf. ‘n Bekende misdadiger in die Joe Slovo-plakkerskamp, wat slegs onder sy voornaam van Smanga bekend is, is ook “gekeur” om die opleiding in Bloemfontein by te woon. Smanga se broer, Mazambia, dien reeds ‘n vonnis vir gewapende roof uit. Sy tweede broer Tebogo word tans deur die polisie in Muldersdrift en Brits vir gewapende rowe en inbrake gesoek.

Volgens die veiligheidsverslag het Smanga op 15 Februarie 2011 na Bloemfontein, blykbaar die Tempe-weermagbasis, vir opleiding vertrek.

Kaptein Mokwena het sedert Februarie verlede jaar gereeld die Joe Slovo-plakkerskamp besoek en aan die oorblywende jeugdiges wat vir die krygsmag gewerf is, gesê dat hul opleiding iewers in die Kaap sou plaasvind.

Op 4 Maart 2011 het kaptein Mokwena die Joe Slovo-plakkerskamp om 19.00 besoek en gesê dat die jeugdiges wat na Bloemfontein vir opleiding gestuur is, binne ‘n week terug sou wees en dat die “Youth Desk” op Maandag 7 Maart 2011 sou begin. Alternatiewelik word daar ook na die groep as die “Task Desk” verwys. Terwyl die ANC in ballingskap was, het hy graag van die term “Desk” gebruik gemaak, soos in “Cultural Desk”, “Foreign Desk”, ens.

Die Joe Slovo-plakkerskamp, asook ander nedersettings in die gebied, word as ANC-vestings beskou. Geen ander politieke party word in die omgewing toegelaat nie, volgens ‘n inwoner wat anoniem wou bly. Intimidasie vier hoogty en daar is selfs gerugte dat inwoners wat ander politieke partye ondersteun, gedood is.

Die misdadiger Smanga was teen Vrydag 18 Maart 2011 om 19.30 weer in die Joe Slovo-plakkerskamp terug. Hy het aan die oorblywende rekrute gesê dat:

hulle iets meer as veertig jeugdiges was wat opleiding in die SANW- militêre basis in Bloemfontein ondergaan het;
hulle in selfverdediging (“self-defence”) opgelei is;
hulle met outomatiese wapens opgelei is (hy het foto’s getoon waar hy met so ‘n wapen staan);
hulle ‘n serfifikaat vir hierdie opleiding ontvang het;
die sertifikaat gebruik kan word om by die SAPD of SANW aan te sluit;
die volgende groep jeugdiges op 24 Maart 2011 vir hul opleiding sou vertrek;
die volgende opleiding in die Kaap sou plaasvind;
hulle nou as die “Task Desk” bekendstaan;
hulle steeds ‘n salaris ontvang;
die opleiding uiters straf is en hy niemand kan aanbeveel om dit te ondergaan nie.

Smanga het ook ‘n uniform aangehad wat uit ‘n bruin hemp en groen broek bestaan. Op foto’s wat hy vertoon het, dra hy ook ‘n hoed.

Blykbaar was die jeugdiges geskok om oor die streng, strawwe en militêre aard van die opleiding te verneem en sommige was agterna onwillig om met die projek voort te gaan.

Oproepe na die Mulderdrift-polisiekantoor om met Kaptein Mokwena te praat, is nie beantwoord nie.

Zuma koue pampoen, sê Shivambu

Ekonomiese vryheidsvegters word nie geïntimideer deur president Jacob Zuma nie, het Floyd Shivambu, voormalige woordvoerder van die ANC-jeugliga, gesê.

“As hy dink ons voel geïntimideer deur dreigemente om aksie te neem, moet hy weet ons is nie,” het Shivambu in ‘n verklaring gesê.

“Zuma het gesê daar is mense wat betrokke is in die aanhitsing van geweld en het gedreig om binnekort op te tree.”

Shivambu het gewaarsku dat Zuma se optrede wettig moet wees.

Hy het reageer op Zuma se kommentaar in die parlement wat verband hou met die betoging van mynwerkers.

Zuma het vroeër Donderdag – in ‘n duidelike verwysing na Julius Malema, voormalige leier van die ANC-jeugliga – aan LP’s gesê stappe sal gedoen word teen diegene wat geweld aanhits.

Hy het gesê dit is nie net die stakende mynwerkers wat betrokke is in die “onaanvaarbare” aktiwiteit nie.

“Dit is ook sommige mense wat daarheen gaan om die mynwerkers aan te hits om op ‘n sekere manier op te tree,” het Zuma gesê.

“Dit kan nie aanvaar word nie. Ons kyk daarna en sal binnekort optree.”

Malema het vroeër vandeesweek ‘n beroep op mynwerkers regoor die land gedoen om te staak.

Verlede maand is 34 stakende werkers by Lonmin se Marikana-myn doodgeskiet en 78 beseer. Die werkers eis ‘n maandelikse salaris van R12 500.

Werkers by Gold Fields se KDC-myn en Amplats se Thembelani-myn het ook begin staak en eis ook hoër salarisse.

Skoolhoofde met afdanking gedreig oor boekklagtes

Die departement van basiese onderwys het skole gedreig oor hulle klagtes dat hulle geen handboeke ontvang nie. ‘n Skoolhoof in Limpopo moes ‘n dokument teken waarin hy ontvangs erken van handboeke sonder dat sy skool die handboeke ontvang het. Toe hy weier, is hy gedreig met afdanking.

Skoolhoofde en beheerliggame by skole oral in Limpopo word met afdanking gedreig as hulle kla dat handboeke nie afgelewer is nie, het Solanga Milambo van Section27 gesê.

Milambo het Donderdag op ‘n mediakonferensie gesê hy het agt skole in die provinsie besoek wat ondanks ‘n hofbevel steeds nie handboeke ontvang het nie.

Die minister van basiese onderwys, Angie Motshekga, het glo gekla oor die NRO se bedrywighede en aan skole te kenne gegee dat hull nie nog handboeke gaan kry nie.

Section27 het pas weer ‘n aansoek in die hooggeregshof in Pretoria gebring nadat die departement nie handboeke teen 15 Junie gelewer het nie.

Section27, die Hanyani Thomo- höerskool en Lydia Masiphephethu, beheerliggaam-voorsitter van die Lutandale-laerskool, eis in die hofaansoek dat handboeke teen einde Oktober gelewer word.

Nthabi Pooe, regsnavorser by Section27, het gesê die departement hou vol alle boeke is gelewer, maar hulle kry daagliks oproepe van ouers en onderwysers wat sê hulle wag steeds vir handboeke.

“Ons is ook bekommerd oor die lewering van boeke vir 2013. Ons wil ‘n onderneming van die departement hê dat alle boeke vir 2013 teen 9 Januarie afgelewer sal word. Ons wil ook maandelikse verslae van die departement hê oor watter boeke by watter skole afgelewer is.”

Die eertydse waarnemende finansiële hoof van Limpopo se departement van basiese onderwys, Solly Tshitangano, is afgedank is toe hy onreëlmatighede met EduSolutions-tenders op die lappe gebring het.

ANC lag Malema en ‘piesang-republiek’ af

Mac Maharaj, die presidensiële woordvoerder, het geweier om kommentaar te lewer oor die gewese ANC-jeugligaleier, Julius Malema, se uitlatings dat Suid-Afrika ‘n piesangrepubliek is.

“Ons gaan nie hierdie stories bestendig deurdat ek of die president kommentaar daaroop lewer nie. Julle kan nie verwag dat hy [Zuma] hierop kommentaar moet lewer nie,” het Maharaj Woensdag gesê.

“Julle [joernaliste] moet die prys betaal en verantwoordelikheid neem vir stories wat verskyn oor ‘n piesangrepubliek.”

Malema het vroeër aan soldate by die Lenasia-ontspanningsentrum gesê dat Suid-Afrika ‘n “piesangrepubliek” is.

“Niemand is bo die wet verhewe nie – nie die weermag nie, nie die presidensie nie, en nie die parlement nie. Elke hofbesluit moet gerespekteer word,” het Malema gesê.

“Ons moet die howe respekteer, maar die leierskap van hierdie piesangrepubliek het geen respek vir die howe nie.”

“Julle hoof [Zuma] is besig met ander dinge. Julle is ‘n laer prioriteit. Almal van ons is ‘n laer prioriteit,” het Malema gesê.

Wildboere woedend oor M99-verbod

Wildboere is woedend nadat die SA Veterinêre Raad hul private gebruik van die dwelm M99 verbied het, het Wildlife Ranching SA Dinsdag gesê.

“Die nuwe beslissing is nie in die belang van die welsyn van diere nie,” sê Leon van der Watt, voorsitter van WRSA se Thabazimbi-kamer.

Hy het gesê wildboere behandel hul diere met M99 al vir dekades sonder enige insidente of ongelukke.

Van der Watt het gesê eienaars kan nie wag vir tot vyf dae vir ‘n veearts om te kom om siek diere te vang of te hanteer nie.

Die waarnemende registrateur van die SA Veterinêre Raad (SAVR) Lynette Havinga het gesê veeartse nou was die enigste mense wat wetlik bevoeg is om ‘n narkose of immobiliseerde diens te gee aan diere-eienaars.

Die wysiging van die Wet op Veterinêre Beroepe het in Junie 2012 in werking getree.

Wildbedryfgroepe soos WRSA, die SA Roofdiertelersvereniging en Professionele Jagtersvereniging van Suid-Afrika het gesê die Veterinêre Raad het nie die korrekte stappe in die wysiging van die wet gevolg nie.

Wildboere het gesê M99 was die voorkeurdwelm onder veeartse en boere om diere te immobiliseer. Ander immobiliseerde dwelms word nie as doeltreffend geag nie.

WRSA se bestuurder Herman Barnard het gesê hulle het met SAVR verskeie kere oor die saak sedert 2009 vergader, maar het gesê dat hulle hu insette en tyd gemors het.

Havinga het gesê intervensies op vrylopende wild was voorheen hoofsaaklik bewaringsgeoriënteerd en deur die staat gedoen.

Die situasie het sedertdien ontwikkel in ‘n baie sterk kommersiële belang in wildboerdery. Hierdie ontwikkeling het ‘n groter vraag na, en potensieel groter misbruik van dwelms vir die immobilisering of narkose van wild meegebring.

M99 is ook gebruik in sommige plaaslike renosterstroperygevalle.

Havinga het gesê dat dit noodsaaklik geword het om dwelms vir wilde diere te reguleer. Sy het gesê die verkoop en verspreiding van alle opioïede, insluitend Etorfienehidrochloried (M99) word internasionaal ook gemonitor. Daar was reeds kommer oor die oormatige gebruik van opioïede in Suid-Afrika.

Havenga het gesê indien dit nie voldoende beheer word nie, kan die maatskappy wat die dwelm vervaardig, oorweeg om die produk van Suid-Afrika te onttrek.

WRSA het aangevoer dat daar nie genoeg ervare wildsveeartse in die land is nie.

Barnard het gesê Suid-Afrika het byna twee keer soveel diere op private grond as in die land se nasionale parke en reservate.

“Die wildbedryf brei uit teen ‘n geweldige tempo. SAVR het duidelik nie tred gehou met hierdie ontwikkelinge nie.”

Hy het gesê Suid-Afrika is die wêreldleier in wildbedryf, maar die enigste land waar geskeduleerde veterinêre medisyne nie op voorskrif aan boere beskikbaar is nie.

Havinga verskil, en sê veeartsenykundige dienste is beskikbaar oor die hele land.

Wildboere sê dit is nie seker of dié stap renosterstropery sal stuit nie.

Jeugligalid vas vir Natalse moorde

Die leier van ‘n plaaslike tak van die ANC-jeugliga het skuld beken op die moord op twee ANC-takleiers aan KwaZulu-Natal se Suidkus.

Sifiso Khumalo (31) het geskuldig gepleit op die moord op Bheki Chiliza en Dumisani Malunga toe hy Woendag in Ramsgate se streekhof verskyn het.

“Khumalo is die takvoorsitter van die ANC-jeugliga vir die Port Shepstone-streek,” het Mzwandile Mkhwanazi, streeksekretaris, gesê.

Samuel Cele (34), sy mede-beskuldigde, het onskuldig op die aanklagte gepleit en sal weer op 19 September in die hof verskyn.

Die twee is Maandag in hegtenis geneem vir die moord op Malunga en Chiliza.

Malunga (42) en Chiliza (39) is doodgeskiet terwyl hulle in die Oshabeni-gebied gery het.

Die metaalwerkersvakbond Numsa het Khumalo se skulderkenning verwelkom.

“Wat vanoggend in die hof gebeur het wys dat Numsa se vermoedens reg was. Die moorde was polities gemotiveerd,” het Mbuso Ngubane, Numsa se woordvoerder, gesê.

Данильченео