Suider-Afrika Archives - Page 591 of 888

Munisipaliteite ‘werk’ sê minister

Sicelo Shiceka, minister van samewerkende regering, het Dinsdag in die parlement homself bloedig vererg nadat opposisiepartye dienslewering as “skrikwekkend swak” beskryf het.

Volgens Shiceka het alle dorpe en stede lopende water, paaie, elektrisiteit én die verkeersligte werk. Besoekers tydens die Wêreldbeker-sokkertoernooi het die land geprys daarvoor, het Shiceka gesê.

“Om bloot ‘n paar plekke uit te sonder en te wil voorgee daar is ‘n krisis, is onakkuraat, ‘n oordrywing en ‘n wanvoorstelling van die feite. Daar is probleme, maar munisipaliteite wérk,” het Shiceka aan die portefeuljekomitee oor samewerkende regering gesê.

Elroy Africa, direkteur-generaal, het hul opname van die stand van plaaslike regering en die nasionale regrukplan vir munisipaliteite, as suksesse uitgesonder.

Die departement het ook ‘n ongekwalifiseerde ouditverslag vir die 2009-’10-boekjaar ontvang wat ‘n verbetering op die vorige jaar se gekwalifiseerde oudit was.

Africa het egter toegegee dat munisipaliteite die afgelope boekjaar nagelaat het om byna R2,2miljard te bestee aan noodsaaklike infrastruktuur om basiese dienste aan inwoners te lewer.

Voorts skuld inwoners, staatsdepartemente en openbare staatsondernemings munisipaliteite altesaam R56miljard aan dienstegeld.

купить тамбов насосы

Inligtingswet benadeel ‘arm en ryk’

Die voorgestelde wet op die beskerming van inligting sal die armes net so veel soos die gedrukte media en maatskappye raak, het die anti-privatiseringforum Dinsdag gesê.

“Hierdie wet handel fundamenteel oor arm mense wat nie toegang tot inligting oor basiese dienste gaan hê nie,” het die forum se woordvoerder, Dale McKinley, aan ‘n skare wat by Grondwetheuwel byeengekom het, gesê.

Die wet sal mense aan raadslede en burgemeesters die mag gee om te besluit wat burgers behoort te weet of nie te weet nie.

“Hierdie is nie ‘n wet wat bloot die gedrukte media, maatskappye of die elite gaan raak nie.”

Gabriella Razzano, woordvoerder van die Suid-Afrikaanse Geskiedenisargief, het gesê die wet is ‘n “irrelevante oplossing” vir die probleem van “ontoereikende beriggewing,” wat as rede vir dié wetsontwerp voorgehou word.

“Ons word vertel dat ons histeries raak met ons betogings, maar hierdie wet maak ‘n bespotting van die proses van openbare deelname,” het Razzano gesê.

Sy het gesê inligting wat gelek word oor korrupsie en onbekwaamheid in die regering is ‘n essensiële deel van die demokrasie, aangesien dit burgers toelaat om die waarheid te leer.

для бассейна

Vyf redaksielede loop voor ANC-koerant die lig sien

Vyf redaksielede van die nuwe nasionale dagblad, The New Age, het Dinsdag kort voor druktyd uit hul poste bedank.

Dié koerant sou op 20 Oktober vir die eerste keer op die rakke gewees het, maar weens die nuutste verwikkelinge sal dit nie gebeur nie.

“Dit is met groot teleurstelling dat ons Dinsdag die bedankings van vyf van ons senior redaksielede ontvang het, kort voor die koerant moes verskyn,” het Gary Naidoo, bestuurende redakteur, in ‘n verklaring gesê.

Een van The New Age se beloftes is dat dié koerant volledige nuusdekking aan al nege provinsies in die land gaan verleen.

Die Gupta-groep, wat noue ANC-bande het, finansier die koerant.

Woolworths verkoop glo nie ‘godsdiens en politiek’

Die winkelketting Woolworths het besluit het om onder meer Christelike tydskrifte van sy winkelrakke te verwyder en dit nie langer te koop aan te bied nie.

Tydskrifte soos Lig, Juig, Joy en Lééf sal dus nie langer in Woolworths-winkels te koop wees nie.

Adri-Louise van Renen, redakteur van Lig, het gister aan Die Burger gesê dat sy ingelig is oor Woolworths se besluit nadat hulle ‘n e-pos van hul verspreider ontvang het.

Woolworths het ‘n sakebesluit geneem om nie langer enige godsdienste tydskrifte in voorraad te hou nie, met onmiddellike effek. Hulle het reeds al hulle winkels opdrag gegee om godsdienstige titels van die winkelrakke te verwyder, het Van Renen gesê.

Nietemin gebruik die winkelgroep die bemarkingsgeleentheid van godsdienstige dae soos Kersfees en Paasfees tot sy eie voordeel.

Simon Susman, hoofbeampte van Woolworths, het op navraag van Die Burger gesê dit is strydig met die winkelgroep se beleid om godsdienstige en politieke tydskrifte te verkoop.

demo games casino Фільчаков прокурор

Swarte in hegtenis weens kinderverkragting

‘n Sestigjarige man is Maandagaand in hegtenis geneem nadat hy blykbaar ‘n 13-jarige meisie in Dalasile, 30 km buite Engcobo, verkrag het, het polisie in die Oos-Kaap gesê.

“Die meisie was by ‘n spaza-winkel, toe sy glo deur die man bygedam is,” het die polisiewoordvoerder lt. kol. Mzukuisi Fatyela gesê.

“Hy het gedreig om haar dood te maak as sy nie saam met hom gaan nie.”

‘n Buurman, wat blykbaar die voorval gesien het, het hulp ingeroep.

Die 60-jarige swartman is deur lede van die gemeenskap aangekeer.

Hy is na die Dalasile-polisiestasie geneem em sal na verwagting vangoggend in die hof verskyn, het Fatyela gesê.

машинка мультики Фильчаков

Vermorsing van geld in die onderwys

Die Vryheidsfront Plus het met skok gereageer op die verslag van die ouditeur-generaal aan die Parlement dat drie onderwysdepartemente nie kon verduidelik hoe R44 miljard deur hulle aangewend is nie. Dit sluit die onderwysdepartemente van die Oos-Kaap en Limpopo in wat die afgelope paar jaar die swakste matrikulasie-uitslae in die land gehad het. Slegs die Wes-Kaap Gauteng en KwaZulu-Natal het ‘n skoon ouditverslag gekry, terwyl die Oos-Kaap, Limpopo en Noordwes uitgesonder is as die swakste bestuurders van die geld wat hulle ontvang het.

Volgens die ouditeur-generaal se verslag kon die onderwysdepartement van die Oos-Kaap nie rekenskap gee van die besteding van R1,5 miljard van die sowat R20 miljard wat aan die departement toegeken is nie, terwyl die onderwysdepartement van Limpopo nie kan verduidelik hoe R1,45 miljard aangewend is nie.

“Hierdie grootskaalse vermorsing van die belastingbetaler se geld dra nie by tot die verbetering van onderwys in hierdie provinsies nie. Die Vryheidsfront Plus dring daarop aan dat die minister van Basiese Onderrig en die betrokke LUR’s die aangeleentheid ondersoek. Die minister behoort meganismes in plek te stel wat sal verseker dat geld aangewend word waar dit die nodigste is en soos daarvoor begroot is om so te verseker dat vermorsing van staatsfondse beperk sal word,” het dr. Snyman-van Deventer, VF Plus-hoofwoordvoerder oor Onderwys, gesê in reaksie op die ouditverslae van die ouditeur-generaal.

“Persone wat verantwoordelik vir die wanbestuur is moet geïdentifiseer word en dissiplinêre stappe moet teen hulle geneem word. Daar moet ook verseker word dat staatsfondse deur provinsiale onderwysdepartemente gebruik word om onderwys in hul provinsies te verbeter. Indien die wanbesteding en verlies van staatsfondse voortduur behoort die LUR en die direkteur-generaal van Onderwys in hierdie drie provinsies aanspreeklik gehou word,” meen dr. Snyman-van Deventer.

Фільчаков прокурор

Dan Roodt en Avigdor Eskin oor Afrikanervolksmoord – video

Derby-Lewis ondergaan nog ‘n operasie

Clive Derby-Lewis sal Dinsdag nóg ‘n operasie ondergaan om ‘n kankergewas by sy regterslaap te laat verwyder, het sy regsverteenwoordiger gesê.

“Die operasie is om die kanker uit sy regterslaap te verwyder en te sien hoe diep die groeisel is. Dit is kommerwekkend, aangesien die groeisel blykbaar tot by sy skedel strek,” het Marius Coertze Maandag gesê.

Derby-Lewis dien tronkstraf van 25 jaar uit vir sy rol in die moord op die eertydse sekretaris-generaal van die SAKP, Chris Hani.

Coertze het gesê ‘n mediese verslag oor Derby-Lewis se toestand is Vrydag ontvang. Die 74-jarige Derby-Lewis het verlede week ‘n suksesvolle veloorplanting op sy regterbeen ondergaan. Hy moes twee operasies ondergaan nadat hy sy been teen die ysterbasis van ‘n bed gestamp het.

Die stamp het ernstige infeksie in sy been veroorsaak.

Die gevaar dat hy sy been kan verloor het afgeneem, het sy prokureur gesê.

Tydens sy ondersoek, het dokters bevind Derby-Lewis, wat al 17 jaar van sy vonnis uitgedoen het, benodig behandeling vir velkanker en prostaatkwale. Geen verdere toetse is nog op die prostaat uitgevoer nie, het Coertze gesê.

“Dit sal waarskynlik oor ‘n week of so gebeur… die dokter wil nie hê daar moet te veel stres op die patiënt se liggaam wees nie.”

Derby-Lewis was steeds aan sy bed vasgeketting, maar is toegelaat om in sy kamer en ‘n aansluitende gang rond te stap.

Volgens die departement van korrektiewe dienste sal ‘n finale besluit oor die toestaan van parool aan Derby-Lewis teen die einde van Oktober geneem word.

Hani is in 1993 in die kop geskiet toe hy by sy huis in Dawn Bark, Boksburg, uit sy motor geklim het. Die skieter, Janusz Walus, het ‘n pistool gebruik wat Derby-Lewis, toe ‘n parlementslid van die Konserwatiewe Party, vir hom geleen het.

Walus dien ook nog sy vonnis van 25 jaar uit.

Wit mans bly die bobaasbreine

Dit blyk uit ‘n studie deur die Academy of Science of South Africa (Assaf) dat daar sowat 26 mense met doktorsgrade vir elke miljoen inwoners in Suid-Afrika is en die meeste is wit mans.

Turkye het 48, Australië 264, Korea 187 en Portugal 569.

Assaf het ‘n studie oor die eise van hoëvlakvaardighede in ‘n opkomende ekonomie Maandag bekend gestel.

Die meeste doktorale gegradueerdes in Suid-Afrika wit mans in hul dertigs.

Die proefskrifte was in die sosiale wetenskappe (34%), natuur- en landbouwetenskappe (28%), geesteswetenskappe (20%) en gesondheidswetenskappe (10%).

Universiteite lewer die meeste doktore.

Die universiteite van Pretoria (13%), Kaapstad (12,4%), Johannesburg (10,9%), Stellenbosch (10,2%) en die Witwatersrand (10%) kweek die slimmes.

прокурор Фильчаков

Buitelanders in tronke kos staat miljoene

Volgens die minister van Korrektiewe Dienste, me. Nosiviwe Mapisa-Nqakula, is daar tans 8 580 buitelanders wat in Suid-Afrikaanse tronke aangehou word. Hiervan is 4 868 reeds gevonnis en 3 712 is verhoorafwagtend. Sy het geantwoord op ‘n vraag van Pieter Groenewald van die Vryheidsfront Plus in die parlement. Die meeste is Zimbabwiërs (3 712) en Mosambiekers (2 337). Buitelanders uit Afrika is verreweg die meeste met 8 011 uit 36 Afrika-lande.

“Die syfers is ‘n bewys dat grensbeheer, veral met Zimbabwe en Mosambiek, gefaal het en die belastingbetalers moet opdok om buitelandse misdadigers te onderhou. Daar moet dadelik aandag gegee word aan die verhoorafwagtendes. Teen ten minste R150 per dag kos die buitelanders Suid-Afrika R470 miljoen (R469 755 000) per jaar. Met beter grensbeheer kan miljoene bespaar word,” sê Pieter Groenewald (LP), hoofwoordvoerder van Polisie vir die Vryheidsfront Plus.

Volgens Groenewald is ‘n soortgelyke vraag aan die minister van Polisie vroeër vanjaar gevra om te bepaal hoeveel buitelanders by misdaad betrokke is. Die minister het geantwoord dat die statistiek nie deur die Polisie gehou word nie. Gevangenes van 99 lande word in SA-tronke aangehou. Van die VSA en Brittanje word elk sewe burgers aangehou.

ukladka-parketa