Suid-Afrikaanse nuus, d.w.s. sowel nuus uit Suid-Afrika én Suider-Afrika.
Die paal wat 'n verbinding tussen die substasies van Lotuspark en Isipingo verskaf, het omgeval toe die boute wat dit anker gesteel is, volgens Tony Dold van die eThekwini-munisipaliteit.
Suid-Afrika sal sy ouerwordende werksmag moet vervang, sê 'n menslikehulpbronnemaatskappy.
Die ondersoek het egter tot die gevolgtrekking gekom dat swartes in topbestuursposte meer as verdubbel het vanaf 12,5% in 2001 tot 30,6% in 2006, wat meer as die nywerheidsgemiddeld van 22,2% is.
Op nie-uitvoerende direkteursvlak het swart verteenwoordiging gestyg vanaf 0,05% tot 37%.
Die maatskappy sê dat vakkundige opleiding heelwat groter beleggings deur sowel die regering as die privaatsektor vereis.
Die land se grondwet word erg bedreig, meen die DA-leier Helen Zille.
Zille het gisteraand by Wits se skool vir regte gepraat.
Sy sê 'n ambisieuse en invloedryke groep binne die regerende party is besig om voor te berei om die mag op elke moontlike manier oor te neem en is daardeur besig om die gees en letter van die grondwet te ondermyn.
Sy meen die ANC-president Jacob Zuma stel partybelange voor grondwetlike verpligtinge.
Terwyl gelukwensinge heen en weer vlieg van die VN en Suid-Afrika betreffende die ooreenkoms tussen Mugabe en sy opposisie, sukkel die samesprekings om aan die gang te kom.
Die hoofonderhandelaars vir die heersende Zanu-PF-party, justisieminister Patrick Chinamasa en arbeidsminister Nicholas Goche het nog nie 'n vlug uit Harare geneem om hul eweknieë van die MDC-opposisie te ontmoet nie.
Onderhandelaars van die groter faksie van die MDC, soos voorsitter Lovemore Moyo en sekretaris-generaal Tendai Biti het ook nog nie vertrek nie.
Die samesprekinge is veronderstel om in Pretoria plaas te vind. Slegs die kleiner faksie van die MDC het reeds 'n verteenwoordiger in Suid-Afrika.
Hy het gesê Suid-Afrika kan nie aanhou met sake soos gewoonlik sonder koolstofbeperkinge nie.
Die woordvoerder vir die departement van buitelandse sake, Ronnie Mamoepa, het gesê dat die memorandum 'n stewige grondslag lê vir die Zimbabwiese nasie om 'n nuwe weg na politieke stabiliteit en ekonomiese herstel in te slaan.
Hy het gesê president Mbeki het onverpoosd agter die skerms gewerk om dialoog te bevorder.
Die ANC en sy alliansievennote gaan 'n voltydse politieke skool in Gauteng oprig.
Die instelling sal teen Januarie 2009 begin funksioneer.
Die ANC se provinsiale sekretaris David Makhura sê daar is 'n behoefte om 'n omvattende strategie te ontwikkel ten einde transformasie voort te sit.
Hulle gaan ook op 'n identiteitsdokumentregistrasieveldtog van stapel stuur, maar is nie bekommerd dat hulle die verkiesing gaan verloor nie.
Gister was die sperdatum vir buitelandse burgers wat hulself by die departement van binnelandse sake as vlugtelinge wil registreer.
Terwyl omtrent 700 buitelanders by die Glenanda-kamp in Johannesburg so gemaak het, het die meerderheid geweier.
'n Woordvoerder vir Gauteng het egter gewaarsku dat mense wat weier uit hul huisvesting gesit sal word.
Verlede week het die VN se Hoë Kommissie vir Vlugtelinge berig dat 17 000 Zimbabwiërs reeds uit Suid-Afrika gedeporteer is. Die liggaam het 'n beroep op Suid-Afrika gedoen om die deportasies te staak.
Die Zambiese minister van inligting Mike Mulongoti het gister die Zambiese slagoffers van onlangse etniese aanvalle in Suid-Afrika gemaan om terug te keer huistoe en 'n nuwe lewe te begin.
Volgens hom bestaan daar baie geleenthede in Zambië vir slagoffers. Die regering sal alles in sy vermoë doen om die slagoffers te help om hulle te vestig.
Meer as 120 Zambiërs het van Suid-Afrika af teruggekeer en ysingwekkende verhale vertel van die geweld wat teen buitelanders gerig is.
Mulongoti het ontken dat die geweld deur die staat gepleeg is of dat dit Suid-Afrikaanse regeringsbeleid is maar meen dit is deur misdadige elemente gepleeg.
Agtien gewapende mans is gister in 'n Pick 'n Pay-supermark in Vosloorus vasgetrek, volgens die Oosrandse polisie.
'n Polisiewoordvoerder het gesê dat 25 mans die winkel laat gistermiddag binnegekom het en werkers sowel as kliënte gyselaar gehou het.
Vyf mans was met gewere gewapen en die res het 9mm-pistole gedra.
Een van die kliënte het daarin geslaag om die polisie te bel en 18 van die 25 mans is gearresteer.
Geen skote is geskiet nie en geen beserings is aangegee nie.
