Suider-Afrika Archives - Page 669 of 888

Breë konsensus dat regbank moet verswart

Sandile Ngcobo, nuwe hoofregter, het Woensdag gewaarsku dat die regbank erg skade kan ly wanneer die uitvoerende gesag “onbeheerste kritiek” teenoor die regbank uitspreek. Hy het ’n gesamentlike sitting van die parlement toegespreek.

Pres. Jacob Zuma het die gesamentlike sitting byeengeroep om Ngcobo te verwelkom en van afgetrede hoofregter Pius Langa afskeid te neem.

“Spanning tussen die regering en die regbank is natuurlik en wenslik. Maar te veel spanning kan albei verhinder om hul pligte uit te voer. Net so kan onbeheerste kritiek van die uitvoerende gesag die publiek se vertroue in die regbank knou,” het Ngcobo gesê.

Ngcobo het soos Zuma, transformasie as die sentrale probleem uitgesonder. “Die regbank word steeds deur ’n minderheid oorheers.”

Adv. Ngoako Ramatlhodi, voorsitter van die parlementêre portefeuljekomitee oor justisie en grondwetlike ontwikkeling, het ook transformasie benadruk en gesê swart mense moet meer gereeld kans kry om as regters waar te neem. “Afrikane in die besonder móét op die regbank aangestel word. ’n Kopskuif is nodig.”

Langa se afskeidsboodskap was ook ‘n pleidooi vir transformasie. “Lei die regbank. Onthou, ons is steeds in ’n oorgangsfase.”

игры девочкам

Krygkor-HUB gevra om te gaan

Die raad van Krygkor het die HUB Sipho Thomo gevra om te gaan, maar hy weier.

Raadsvoorsitter Popo Molefe het Woensdag aan ‘n portefeuljekomitee van die parlement gesê dat hy Thomo verlede week gevra het om te bedank en hom drie dae gegee het om die saak te oordink.

Hy het die komitee toegespreek nadat Thomo gevra is om die vetrek te verlaat. Hy het gesê Krygkor het tot die slotsom gekom dat Thomo “ons almal gaan laat sink” en dat die probleme net gaan opklaar as Thomo gaan.

“Ons het hom gevra om te bedank… Hy sou Saterdag na my toe terugkom. Teen Maandag het hy niks nog van hom laat hoor nie,” het Molefe gesê.

“Ons moet nou kyk na watter opsies vir ons oop is.”

Thomo het aan die media gesê dat hy nie beplan om te gaan nie. “Ek het geen rede om te bedank nie,” het hy gesê.

Die jongste kwessie kom kort op die hakke van die Eskomgeveg tussen Jacob Maroga en die Eskomraad wat Bobby Godsell genoop het om Maandag te bedank.

Godsell het gesê hy het geen keuse gehad nie want die raad kon nie die regering se goedkeuring bekom vir Maroga se vroeëre bedanking nie.

Molefe het egter gesê die raad van Krygkor het nie die regering se stempel nodig om van Thomo ontslae te raak nie.

Lede van die opposisie het die afdanking van Thomo verwelkom maar gewonder hoekom dit so lank geneem het.

Daar was spekulasie dat Thomo se hantering van inligting omtrent die gekanselleerde betselling Airbus A400M swaarvragvliegtuie die raad laat besluit het om hom te laat gaan.

Thomo het verlede maand aan geskokte parlementslede erken dat die koste van die bestelling van ‘n duur R17 miljard na R47 miljard opgegaan het sedert 2006.

Daar het deurentyd spanning geheers tussen die raad en Thomo, maar die koste van die Airbus-aankope was die strooi wat die kameel se rug gebreek het.

free gambling game

Foltering kan ter sprake kom in Bennett-saak

‘n Regter het gesê dat aantygings dat die hoofgetuie in die Roy Bennett-saak gemartel is, in die saak ter sprake kan kom.

Die regter het ‘n versoek dat die verdediging verbied word om te argumenteer dat ‘n wapenhandelaar, wat die hoofgetuie teen Roy Bennett is, gemartel is totdat hy skuld erken het en ander by die saak ingesleep het.

Die wapensaak teen Bennett, ‘n top assistent van die eerste minister Morgan Tsvangirai, kom van aantygings oor ‘n komplot om president Robert Mugabe omver te werp.

Volgens Tsvangirai het die klagtes nie gronde nie en is dit deel van pogings deur Mugabe se volgelinge om die koalisie wat in Februarie tussen die opponente tot stand gekom het, te ondermyn.

Regter Chinembri Bhunu het ook ‘n versoek deur die verdediging, dat die wapenhandelaar nie getuig nie, van die hand gewys.

topcargo отзыв

Nuwe dinosourusspesie ontdek

Wetenskaplikes by die Universiteit van die Witwatersrand het Woensdag ‘n nuwe spesie dinosourus aangekondig.

“Dit is een van die groot juwele wat Suid-Afrika het,” het dr. Adam Yates van die Bernard Price instituut vir Paleontologie navorsing gesê.

Aardonyx Celestae word geskat as tussen 183 en 195 miljoen jaar oud en sowat 7m lank.

Volgens Yates was dit ‘n “lewendige fossiel” wat oud sou wees, selfs tussen ander dinosourusse.

“Dit sê vir ons dat die oorgang nie glad was nie en dat die evolusie ingewikkeld was.”

Lang stryd lê voor met geskorste kommissaris

Daar lê glo ‘n “lang stryd” vir die geskorste nasionale kommissaris van die departement van korrektiewe dienste voor, het Nosiviwe Mapisa-Nqakula, minister van dié department gesê.

Mapisa-Nqakula het vir lede van die departement se portefeuljekomitee gesê dat ‘n dissiplinêre verhoor teen Xoliswa Sibeko tot einde November uitgestel is.

Sibeko word daarvan beskuldig dat hy eiendommme gehuur het wat die belastingbetaler sowat R35 000 ‘n maand gekos het.

“Die rede vir die vertraging is weens die onvermoë om die nasionale kommissaris se regsverteenwoordigers en lede van die dissiplinêre verhoor bymekaar te bring,” het Mapisa-Nqakula gesê.

“Dit blyk dat daar ‘n lang stryd voor ons lê met die regsspan wat haar gaan verteenwoordig.”

Sibelo is in Julie vanjaar geskors.

‘Polisie mag nie op onskuldige mense skiet nie’

Die dood van ‘n drie-jarige kleuter wat glo deur ‘n skietmal-polisieman doodgeskiet is, was “pure misdaad”, het Bheki Cele, die nasionale polisiekommissaris se woordvoerder luidens ‘n verklaring gesê.

“Mense hoor wat die kommissaris juis nie sê nie,” het Nonkululeko Mbatha gesê.

“Wat (Cele) gesê het, is dat lede van die polisie beslissend en na gelang van die omstandighede moet optree en reageer wanneer hulle lewe bedreig word,” het hy gesê.

“Die polisie kan nie sterf met wapens in hul sakke nie.

“Dit is egter pure misdaad wanneer die polisie op ‘n motor of ‘n drie-jarige kind in die straat skiet. Die kind het nie eens rond gehardloop nie. Waar was die bedreiging?

“Die polisie mag nie op onskuldige mense skiet nie en dié wat wel doen, sal teenoor opgetree word,” het Mbatha gesê.

Atlegang Phalane (3) het Saterdagaand buite ‘n familielid se huis in die noorde van Johannesburg gesterf.

Die polisieman het Phalane doodgeskiet nadat hy ‘n pyp wat die kind in sy hand gehad het, vir ‘n vuurwapen aangesien het.

Zuma ‘eerste in die ry vir Vigstoets’

’n Reuse-veldtog word beplan om mense aan te moedig om hulself vrywillig vir MIV/vigs te toets. Pres. Jacob Zuma sal “die eerste een in die ry wees”.

Dr. Aaron Motsoaledi, minister van gesondheid, het aangekondig dat Suid-Afrika die wêreld se grootste teenvigsveldtog van stapel wil stuur.

“Lede van die kabinet moet strategiese leierskap toon, en dit moet by die president begin. Wanneer ons by vrywillige toetse kom, sal ek vir hom sê ek wil hom eerste in die ry hê en die aanduiding is dat hy sal instem.”

Die kabinet, kerkleiers en rolmodelle in die musiekbedryf, sakesektor en sportsterre gaan ook gevra word om ’n voorbeeld vir Suid-Afrika te stel.

Hy het gesê die skokkende statistieke is die gevolg van wat Mbeki se regering in die laaste dekade gedoen het.

Standaard-vigstoetse vir swanger vroue sal ook ingestel word. Swanger vroue ondergaan verskeie verpligte toetse vir onder meer diabetes en seksueel oordraagbare siektes tydens swangerskap, maar nie vir vigs nie, het hy gesê.

In 2007 was die totale aantal sterftes in die land 573 408 en in 2008 het dié syfer die hoogte ingeskiet tot 756 062. “Ek het nog nie die syfers vir 2009 nie, maar ek vermoed ons kan reeds 900 000 bereik het. Dit het met meer as 100% gestyg in die laaste 11 jaar.”

Motsoaledi het die donker prentjie wat Zuma verlede week oor vigs geskets het, bevestig.

Suid-Afrika maak slegs 0,7% van die wêreld se bevolking uit, maar die land dra 17% van die MIV/vigs-las. “Wanneer die wêreldprentjie in ag geneem word, is dit 23 keer meer as die wêreldgemiddelde.”

печь для бани купить

Zuma beste Afrikapresident vir 2009

President Jacob Zuma is vereer met die toekenning vir die beste president van Afrika vir 2009.

Die toekenning is Dinsdagaand gedurende ‘n seremonie in Sandton aan hom oorhandig.

Die toekenning is deur die African Consciousness Media en die Kenneth Kaunda Stigting gestig vir die erkenning van Afrikaleiers.

“Die toekenning is ‘n gepaste manier om hulde te bring en eer te betoon aan die leiers van Afrika wat vir vryheid en onafhanklikheid geveg het en wat ons tot vandag toe inspireer,” het Zuma gesê.

игрь длядевочек

Nog ‘n ma deur polisie verkrag

Nog ’n jong ma, 29, van ’n 18 maande oue seuntjie het gister gesê sy is nie meer ’n mens nie, nadat ’n polisieman haar na bewering verkrag het terwyl sy by die Rustenburg-polisiekantoor aangehou is, berig Beeld.

Sy is in die selle toegesluit maar wou badkamer toe gaan. ’n Polisieman het haar vergesel. In die badkamer het hy haar glo met ’n dik swart rubberpyp oor die rug geslaan en daarna verkrag.

Malema tokkel weer ‘rassisme’-snaar

Die ANC-jeugliga het Dinsdag die DA gevra om “stil te bly” en het die party daarvan beskuldig dat hulle klagtes oor die kostes van Julius Malema se sekuriteit rassisties is.

“Die verklarings wat deur die regse politieke partye uitgereik, veral van die DA, in verband met dié vertroulike kwessie, kom duidelik van die rassistiese tradisies van hierdie minderheidspartye,” het die liga in ‘n verklaring gesê.

Dit was in reaksie op ‘n berig uit Rapport wat op News24 gepubliseer is wat getoon het dat Malema spesiale beskerming ontvang wat die belastingbetaler R300 000 uit die sak jaag.

Die ANCYL het berigte oor die kwessie afgepraat en ‘n beroep gedoen op alle verantwoordelike media om op te hou om oor die persoonlike sekuriteit van die ANCYL president te berig, aangesien hulle dit as privaat ag.

“Ons doen ook ‘n beroep op die DA om hul monde te hou en om die demokratiese beginsels, instellings en prosesse van die ANC-regering te respekteer.”

“Ons kan nie help om te glo dat die DA se teenkanting van die ANCYL president se sekuriteitreëlings deur alternatiewe motiewe aangevuur word nie.”

In die berig het polisiewoordvoerder Zweli Mnisi Saterdag bevestig dat Malema spesiale beskerming ontvang.

Patricia de Lille van die Onafhanklike Demokrate het aan die koerant gesê: “Vir iemand wat daarvan hou om kontroversiële uitlatings in die media te maak, is dit lafhartig om nou skielik bang te wees.”

Volgens Dianne Kohler, die DA se woordvoerder vir veiligheid en sekuriteit, is sekuriteit slegs ‘n “modegier” vir die president van die jeugliga.

game slots Фильчаков