Suider-Afrika Archives - Page 30 of 888

Malema aangekla weens aanhitsing om wit grond te vat

Die leier van die EFF, Julius Malema, sal vandag in die landdroshof in Newcastle verskyn op aanklag van aanhitsing om ‘n misdaad te pleeg.

Malema sal op aanklagte vir die oortreding van die Wet op die Reëling van Byeenkomste verskyn.

Die Nasionale Vervolgingsgesag sê hy staan tereg op aanklagte van aanhitsing nadat hy herhaaldelik sou gesê het dat mense onbewoonde grond moet beset.

Sy eerste uitlating daaroor was twee jaar gelede tydens ‘n EFF-saamtrek in Bloemfontein. Die tweede voorval was vroeër vanjaar by ‘n politieke saamtrek op Newcastle.

Die aanklagte hou onder meer verband met ‘n oproep deur Malema tydens die party se nasionale kongres, in 2014 op die Universiteit van die Vrystaat se Bloemfonteinkampus gemaak het.

Malema het toe die EFF aangehits om onbesette grond te konfiskeer.

In 2016 het hy dit weer herhaal in Newcastle, waar hy EFF-ondersteuners vertel het wittes het geen reg op grond nie.

Malema sal op 14 November in die Bloemfonteinse landdroshof verskyn op dieselfde aanklagte.

Volgens Malema word hy aangekla weens wetgewing wat deur die apartheidsregering daargestel is en hy beskou dit daarom nie as ‘n oortreding nie.

Die EFF se woordvoerder, Mbuyiseni Ndlozi sê die besluit om Malema aan te kla is “politiekery”.

Weerligstraal laat bome ontplof

‘n Massiewe weerligstraal, wat Olive Hill in die noorde van Bloemfontein Saterdagaand getref het, het ‘n yslike spoor van verwoesting gesaai.

‘n Inwoner, Jeremy O’Kennedy, het aan OFM-nuus gesê die oorverdowende slag is net na 22:00 gehoor.

By nadere ondersoek het hy gesien dat drie volgroeide bloekombome op die plot langs syne, totaal en al vernietig is. Hy sê daar is niks van die drie bome, wat by die honderd jaar oud was, oor nie.

Die bome het as’t ware ‘ontplof’ en stukke daarvan het soos missiele in alle rigtings gespat en in ‘n radius van 80 meter grootskaalse skade aangerig. Verskeie huise en buitegeboue se mure is beskadig, gate is uit heinings geruk, en tot 400 teëls van net een huis se dak is tot niet.

O’Kennedy sê twee betonversterkte mure, naby die bome, is getref en stukke van dié mure het met verbysterende spoed rondgevlieg en nog verdere skade veroorsaak.

Inwoners in die omgewing berig dat die pad van verwoesting tot so ver as 2,5km van die aanvanklike impak sigbaar is.

Niemand is sover bekend in die voorval beseer nie.

Bome kan ontplof wanneer hulle deur weerlig getref word omdat die sterk elektriese stroom die water onder die bas verhit en kook. Die druk van die stoom kan die stam laat bars.

In Australië, die bloekom se tuiste, ontplof bome tydens brande en is ‘n risiko vir brandslaners.

Australiese inheemse bloekombome is bekend daarvoor dat hulle tydens veldbrande ontplof danksy die hoë ontvlambaarheid van Eucalyptus-olie wat die bome produseer.

Nie alleen weerlig en hitte kan bome laat ontplof nie, maar koue kan ook. Bome ontplof deur die bevriesing van die sap, want omdat dit water is wat uitsit as dit vries, word ‘n geluid soos ‘n geweerskoot gehoor as die bas van die stam afspring. Dit kom in lande soos Kanada voor.

Penny Sparrow se aansoek om appèl misluk

Penny Sparrow se aansoek om verlof tot appèl teen ‘n gelykheidshofbeslissing was onsuksesvol.

Die Scottburgh gelykheidshof het Donderdag haar aansoek ter syde stel weens onreëlmatighede in terme van die reëls van die hof se beslissing, en haar beveel om die regskoste van die ANC se betaal.

Vergesel deur haar dogter Charmaine Cowie, moes Sparrow hoor daar was ‘n “aantal gebreke” in haar aansoek wat sy in Julie geliasseer het.

Die ANC se prokureur Peter Williams het die administratiewe foute in haar aansoek uitgewys.

Hy het bygevoeg dat die kennisgewing van appèl ook buite die vasgestelde tydperk ingehandig is en dat sy versuim het om die betrokke bevel en gronde uiteen te sit.

In ‘n Facebookpos in Januarie, het Sparrow swart morsjorse met ape vergelyk omdat die hordes op Nuwejaarsdag in Durban die strande vervuil het. Die ANC het haar hof toe gesleep oor haar “rassisme”, klaarblyklik ‘n bekentenis dat die strand ‘n vullisafvalhoop is.

In Junie het die Umzinto-gelykheidshof gelas dat Sparrow tot R150 000 betaal aan die Oliver en Adelaide Tambo Stigting.

Nadat die gelykheidshofsaak afgehandel is, is Sparrow krimineel aangekla weens crimen injuria.

Die Scottburgh-landdroshof het haar beboet met R5 000 in September nadat sy skuldig gepleit het. Die boete was die gevolg van ‘n pleitooreenkoms.

Sparrow is gevonnis tot ‘n verdere twee jaar gevangenisstraf, opgeskort vir vyf jaar.

DA-burgemeester van Pretoria roskam sy vandaalvennote in EFF

Die DA-burgemeester van die groter Pretoria-munisipaliteit, bekend as Tshwane, het sy EFF-vennote in die stadsraad so effens geroskam nadat Julius Malema se party Woensdag tydens ‘n betoging die stad op horings geneem het deur winkels te plunder, asook vandalisme, intimidasie en geweld te pleeg.

Burgemeester Solly Msimang het gister die wanorde wat sy koalisievennoot in die stad gesaai het, gekritiseer. Volgens hom het die toestemming wat die EFF vir sy optog van die metropolisie ontvang het ‘n bepaalde roete en riglyne ingesluit wat alles deur die Effers geïgnoreer is.

Die EFF het slegs toestemming gehad om vanaf Kerkplein tot by die Pretoriase Landdroshof te stap maar verskeie groepe Effers het deur die hele stad geloop en by die Uniegebou geëindig waar hulle met die polisie slaags geraak het toe hulle dié wou binnedring.

“Toe ons hul versoek vir ‘n optog goedgekeur het, was daar riglyne oor waarheen hulle kon stap en wat toelaatbaar was en wat nie. Ons keur af wat gebeur het en ons gaan die saak met die organisasie se betrokke leierskap opneem,” het Solly gesê.

Volgens die burgemeester “grens” die gebeure aan “onwettigheid” en gaan hy daarom voorstel dat die stadsraad se regulasies en beleide “versterk” word sodat organisasies of individue verantwoordelik gehou kan word indien skade berokken word weens ‘n optog of betoging wat in hul naam plaasvind.

“Dit is iets wat ons na die raad toe kan neem en kan probeer om bywette te versterk, om hulle meer tande te gee om teen mense op te tree wat aan dié tipe dinge deelneem,” het hy gesê.

Ná die skoonmaakoperasie wat gister in die stad plaasgevind het, het Msimang verklaar dat die beraamde skade wat die EFF-optog veroorsaak het tot miljoene rande beloop en dat hulpbronne van die stad se ander funksies weggeneem moes word om die gemors op te ruim.

Die waarnemende polisiekommissaris, luitenant-generaal Khomotso Phahlane, sê dat 28 mense in hegtenis geneem is en meer arrestasies mag volg aangesien 35 gevalle van saakbeskadiging, openbare geweld, inbraak en aanranding ondersoek word. Volgens hom is twee polisiebeamptes beseer, terwyl een, ‘n kaptein, chirurgiese behandeling moes ontvang nadat hy met ‘n bottel in die gesig geslaan is.

“Hierdie ongelukkige voorvalle, wat tot beserings onder lede van die diens gelei het, is betreurenswaardig en moet deur ons almal verwerp word,” het hy gesê.

Die EFF het tot dusver geen kommentaar gelewer nie.

Speelgoedpistool in rooftog op klerewinkel gebruik

‘n Speelgoed- en ‘n gaspistool is in ‘n rooftog by ‘n klerewinkel in Thaba Nchu buite Bloemfontein gebruik.

‘n Polisiewoordvoerder, Martin Xuma, sê drie mans het die winkel omstreeks 08:30 binnegestorm. Hulle het mense wat in die winkel was beveel om plat op die vloer te lê.

Xuma sê die rowers het geld uit ‘n kasregister en ‘n kluis in die winkel en 13 selfone gebuit. Hulle het met ‘n blou Volkswagen Golf op die vlug geslaan. Niemand is in die voorval beseer nie.

Polisiebeamptes wat toevallig die sentrale besigheidsgebied in Thaba Nchu gepatrolleer het, het die wegkommotor agterna gesit. Xuma sê die motor het later stilgehou en vier mans het uitgespring.

Een van die verdagtes, ‘n 28-jarige man wat die motor bestuur het, is op die toneel aangekeer.

Xuma sê ‘n 24-jarige verdagte is by ‘n nabygeleë huis in hegtenis geneem. Daar is op ‘n onbekende bedrag geld, die selfone asook die speelgoed- en gaspistole beslag gelê. Die motor wat die rowers gebruik het om mee te vlug, is ook gekonfiskeer.

Xuma sê die polisie soek steeds na twee ander rowers in verband met die voorval. Die verdagte sal binnekort in die plaaslike landdroshof verskyn.

Bron: OFM

‘Dis verskriklik’: Gaye Derby-Lewis oor Clive se dood

Die politikus Clive Derby-Lewis wat deur die WVK amnestie geweier is vir sy aandeel in die sluipmoord op Chris Hani, is vroeër vandag in die Eugène Marais-hospitaal oorlede. Mev. Gaye Derby-Lewis het sy dood as “verskriklik” en “onverwags” beskryf.

Mnr. Derby-Lewis is vir asemhalingsprobleme in die hospitaal opgeneem, waar hy oorlede is. Terwyl hy in die gevangenis was, het hy onder meer ‘n aanval met ‘n bottelskerf wat sy long binnegedring het, oorleef.

Reëlings vir sy begrafnis word tans getref, volgens mev. Derby-Lewis.

Volgens inligting vanaf die Afrikaanse Wikipedia, was Derby-Lewis, wat in Kaapstad gebore is, ‘n Afrikaner van Duitse en Skotse afkoms. Hy het in Kimberley grootgeword en sy opleiding aan die destydse Christian Brothers-kollege ontvang. Hy het sy klerkskap as ‘n geoktrooieerde rekenmeester voltooi en by ‘n rekeningkundige sowel as ‘n olie-maatskappy gewerk. Hy was ook ‘n buitengewone leraar van die Holy Communion at Blessed Sacrament Church in Johannesburg voordat hy die Katolieke Kerk in die vroeë 1980’s verlaat het. Hy het later by die Afrikaanse Protestantse Kerk aangesluit.

Derby-Lewis is saam met Janusz Waluś skuldig bevind aan die sluipmoord op die kommunistiese terroris, Chris Hani, wat in 1993 plaasgevind het. Hulle is albei ter dood veroordeel, welke straf later tot lewenslange tronkstraf versag is.

Derby-Lewis is in 2008 vir gewone parool en daarna vir mediese parool aanbeveel, maar die owerhede het volstrek geweier om dit uit te voer. Derby-Lewis het die hof herhaaldelik genader om die onregmatige weiering van sy parool te betwis. Op 29 Mei 2015 het regter Selby Baqwa beveel dat die gevangenisdiens, die Minister van Korrektiewe dienste, en die Mediese paroolraad Derby-Lewis se paroolvoorwaardes teen 5 Junie moet vasstel. Die staat is ook gelas om sy regskoste te betaal.

Hy het negentien jaar as ‘n vrywilliger in die Suid-Afrikaanse Burgermag gedien en was die jongste bevelvoerder van die Witwatersrand se Rifles Regiment. Hy het later die John Chard-medalje vir lang en voortreflike diens ontvang.

Derby-Lewis het by die Nasionale Party aangesluit en was ‘n stadsraadslid vir Bedfordview (1972–1977), die onderburgemeester (1973–1974) en uiteindelik die burgemeester (1974–1975), asook ‘n vryman van Johannesburg se mini-stadsraad. Hy het Edenvale in die Transvaalse Provinsiale Raad (1972–1981) verteenwoordig, waar hy vir ‘n paar jaar as die Nasionale Party se woordvoerder vir onderwys en hospitaaldienste opgetree het. Hy dien ook op die direksies van verskeie ander liggame, insluitend hospitale, laer- en hoërskole, asook ‘n skool vir fisies gestremde kinders.

Hy was ook ‘n lid van die hoofbestuur van die voormalige Konserwatiewe Party.

EFF steek glo treine aan die brand

Volgens omstanders was EFF-ondersteuners daarvoor verantwoordelik dat treinwaens aan die brand gesteek is.

Die polisie het vroeër bevestig dat die standbeeld van Paul Kruger op Kerkplein beskadig is en verskeie winkels in Pretoria se middestad geplunder is tydens Woensdag se massa-optog na die Uniegebou.

‘n Woordvoerder van die Polisie, Sally de Beer sê die omvang van die skade aan die standbeeld moet nog bepaal word. Sy het bevestig dat talle mense in hegtenis geneem is.

Duisende EFF-ondersteuners het vroeër Pretoria se middestad tot stilstand gebring tydens ‘n betoging oor “staatskaping”. EFFers is ook afgeneem waar hulle `n drankwinkel in Pretoria plunder. Beeldmateriaal op Twitter wys hoe die swartes met hul rooi EFF-hempies met gesteelde drank uit die drankwinkel stroom.

‘n Woordvoerder vir die Tshwane nooddienste in Pretoria, Johan Pieterse het aan RSG bevestig dat die brand geblus is waar twee treinwaens by die Doornfonteinstasie in Centurion aan die brand gesteek is.

Niemand is beseer nie. Hy sê dit is nog onduidelik hoe die brand ontstaan het.

Pieterse sê Spoornet sal die oorsaak van die brand ondersoek.

Die leier van die EFF, Julius Malema het ‘n beroep op EFF-lede gedoen om die wapen op te neem in April vanjaar.

Malema het gedreig om president Jacob Zuma se regering deur die “loop van ‘n geweer” te verwyder.

Malema het aan Al Jazeera gesê die ANC gebruik geweld om verdeeldheid te onderdruk, met verwysing na ‘n voorval verlede jaar toe lede van sy radikale ekonomiese Freedom Fighters (EFF) uit die parlement geskop is.

“Ons sal geduld baie gou opraak en ons sal hierdie regering deur die loop van ‘n geweer verwyder,” het Malema, Zuma se eenmalige beskermling en voormalige ANC-jeugleier verklaar.

“Deel van die revolusionêre plig is om te veg en ons is nie skaam as die behoefte ontstaan om ons wapens op te neem en te veg nie,” het Malema gesê.

EFF-protesoptogte word dikwels met gewelddadige verset teen die veiligheidsmagte gekenmerk, het hy gesê.

Die ANC het gesê hulle sal regstappe teen Malema oorweeg.

Nie Zim of SA weet hoeveel Zimbabwiërs in SA woon nie

Die groot aantal ongedokumenteerde Zimbabwiërs wat onwettig in Suid-Afrika vertoef, hou ‘n bedreiging in vir die veiligheid van Suid-Afrika, asook Zimbabwe se belange in die land, het ‘n diplomaat Dinsdag gewaarsku.

Zimbabwiese ambassadeur in Suid-Afrika, Isak Moyo het in ‘n onderhoud gesê tydens ‘n bilaterale vergadering tussen die twee lande in Harare, dat die meerderheid van Zimbabwiërs, honderde duisende, onwettig in Suid-Afrika woon.

“Ek dink dit is ‘n kwessie wat ‘n impak op die veiligheid van Suid-Afrika het en ook ‘n invloed het op die belange van Zimbabwe, want ons kan nie so ‘n groot aantal mense hê wat geen dokumentasie het nie,” het hy gesê.

Hy het gesê hoewel hy nie spesifieke syfers van diegene het wat onwettig in Suid-Afrika is nie, is seker dat dit die 260 000 wat spesiale vrystellingspermitte dra ver oortref.

“Niemand weet die getalle van die mense nie, omdat die meeste oorgrenslopers is. Sommige organisasie uit te voer studies terwyl sommige koerante net gooi figure wat verskyn oordrewe, maar die feit is dat ons regtig nie know.The Suid-Afrikaanse regering nie weet en ons as ‘n ambassade weet nie, “het hy gesê.

Moyo het gesê die Zimbabwiese regering was nog in gesprekke met hul Suid-Afrikaanse eweknieë aan die lot van die 260,000 spesiale vrystelling Permitte wat volgende Desember verstryk vestig.

Hy het gesê die kwessie word waarskynlik bespreek by die bilaterale vergadering in Harare.

Moyo het ook sy kommer uitgespreek oor die groot aantal Zimbabwiërs in Suid-Afrikaanse tronke, wat hy gesê het ‘n paar duisend is.

“Dit is jammer dat ons ‘n paar duisend mense het wat ook gekoppel is aan misdade en dat ons voortgaan om hierdie misdade te pleeg, sommige van hulle baie ernstig,” het hy gesê.

‘Staatskaping’ sirkus reis na Pretoria

President Jacob Zuma se regspan voer vanoggend in die hooggeregshof aan waarom die Openbare Beskermer se verslag oor “staatskaping” nie vrygestel moet word nie.

Die hele oefening is ‘n klug aangesien die staat lankal reeds deur buitelandse belange gekaap is wat nou onder mekaar baklei dat die vere waai.

Die EFF, wat intussen univeristeite probeer afbrand, word voorgehou as ‘n legitieme stem in die kwessie. Die OB se dogter is lid van die party wat onafgebroke openbare geweld pleeg in en om kampusse.

Na verwagting sal advokaat Althea Platt aanvoer dat Zuma nie genoegsame geleentheid gehad het om op vrae te reageer wat deur die voormalige Openbare Beskermer, Thuli Madonsela, aan hom gestel is oor sy bande met die Gupta-familie nie.

Sy sal ook aanvoer dat Zuma nie tyd gekry het om te reageer voor die verslag gefinaliseer is nie. ‘n Volbank regters het gister beslis dat die DA, die EFF, Cope en die UDM, sowel as die ANC-veteraan Vytjie Mentor, toegelaat word om tot die saak toe te tree.

Hulle sal na verwagting aanvoer dat die onverwylde vrystelling van die verslag in nasionale belang is.

‘n Soortgelyke aansoek deur die minister van Minerale Hulpbronne, Mosebenzi Zwane om die verslag van die Openbare Beskermer te keer, sal aanstaande week aangehoor word.

Zwane se regsverteenwoordiger het gister gesê hy sal eers Dinsdag gereed wees vir die aansoek. Die minster van Samewerkende Regering, Des van Rooyen se dringende aansoek is gister van die rol geskrap nadat die hof bevind het dat dit nie dringend is nie.

Daar is ‘n groot polisieteenwoordigheid in die Pretoria middestad waar ‘n optog teen “staatskaping” later vanoggend begin.

Lede van die EFF is reeds besig om byeen te kom vir hulle protesoptrede.

Die EFF eis dat President Jacob Zuma bedank en dat die Openbare Beskermer se verslag oor “staatskaping” bekendgemaak word.

Honderde EFF ondersteuners het ook ‘n nagwaak op Kerkplein bygewoon.

Die Red Suid-Afrika-veldtog het ook bevestig dat sy optrede teen staatskaping voortgaan. Die byeenkoms begin by die St Albans-katedraal, naby die landdroshof waar minister Pravin Gordhan in die hof sou verskyn.

Die organiseerders sê hulle vier die reusebydrae wat die veldtog gelewer het om pogings te verhinder om die Tesourie te “kaap”, maar sê ook dat die stryd nie verby is nie.

Hulle sê die stryd teen “staatskaping” sal verskerp word. Die geleentheid sal na verwagting bygewoon word deur verteenwoordigers van burgerlike organisasies, vakbonde, kerkleiers en sakelui.

Edward Snowden praat saam op Konstitusieheuwel

Edward Snowden, die Amerikaanse agent wat gedros het, het tydens ‘n regstreekse aanlyngeleentheid wat deur die voormalige Greenpeace direkteur, Kumi Naidoo, by Konstitusieheuwel in Johannesburg gereël is, gepraat.

Tydens die aanlyngesprek, het Snowden sy kommer uitgespreek oor hoe sommige van die wêreld se grootste aanlyn-dienste data insamel oor gebruikers.

Die voormalige Amerikaanse Central Intelligence Agency (CIA) werknemer, wat geklassifiseerde inligting van die National Security Agency (NSA) in 2013 uitgelek het, het gepraat vanuit Rusland, waar hy tans met tydelike asiel woon.

Die geleentheid is aangebied by die Women’s Jail by die Konstitusieheuwelkompleks met die doel om maniere te bespreek om die staat uit te daag.

“Een van die sentrale probleme van die internet vandag is dat die gewildste dienste in die wêreld saamwerk, meer as wat as die wet voorskryf en daar is ook ‘n vraag rondom hoeveel maatskappye insamel wat alle perke oorskry,” het Snowden gesê.

Snowden het gepraat oor maatskappye soos Google, Skype, Apple en Yahoo wat in staat is om data in te samel van sy gebruikers.

“Hierdie maatskappye bedryf ‘n besigheid en hoe meer ons gebruik maak van hul dienste, hoe meer inligting kan hulle versamel oor ons,” het hy gesê.

“Ons moet begin dink oor die gevolge van hierdie in ‘n meer etiese konteks. Maatskappye kan maklik e-pos in die geheim lees,” het Snowden bygevoeg.

Hy het egter gesê dat daar metodes is om te kan kommunikeer sonder om persoonlike data beskikbaar te stel.

Snowden het verwys na Signal, ‘n private boodskaptoepassing wat suksesvol daarin geslaag het om boodskappe van gebruikers van die regering en owerhede te weerhou.

Hy het voorgestel dat kodeboodskappe gebruik word om byvoorbeeld ontmoetings te reël sodat die staat nie bewus is van wat ‘n mens doen nie.