Suid-Afrikaanse nuus, d.w.s. sowel nuus uit Suid-Afrika én Suider-Afrika.
Die polisie se reddingspan moes ook onder die siedende vloedwaters induik om deure en diefwering oop te breek om diegene binnekant te kan red.
Op sommige plekke in die provinsie is tot 400 mm reën gemeet. Kommunikasiestelsels is ontwrig en modderstortings het op dele van die N2 plaasgevind.
Omtrent twintig bejaardes moes van die dakke van huise by die Club Marina-oord in Ifafa gered word toe 'n rivier sy walle oorstroom en die huise onder water gedompel het.
Hy is sedertdien besig om die staat te probeer oortuig dat hy lewendig genoeg is om sy pensioen te kan ontvang. Pieterse kry ook die afgelope vyf jaar 'n ongeskiktheidstoelaag omdat hy met sy geheue sukkel.
'n Doodsertifikaat met Pieterse se ID-nommer op is in April uitgereik en wys dat hy op 24 Desember 2007 oorlede is.
Thabo Mbeki, die Suid-Afrikaanse president, gaan vandag na Zimbabwe reis om sy Zimbabwiese ampsgenoot Robert Mugabe te ontmoet.Volgens die regeringsbeheerde Zimbabwe Herald sal Mbeki na die westelike stad Buluwayo vlieg om Mugabe te ontmoet. Mugabe is tans besig met sy verkiesingsveldtog in die gebied.
Daar was geen aanduiding dat Mbeki die opposisieleier Morgan Tsvangirai sou ontmoet nie. Vroeër vandeesmaand het Tsvangirai aan Mbeki geskryf om hom van bevoordeeldheid te beskuldig, al is Mbeki veronderstel om as streeksbemiddelaar vir SAOG op te tree ten einde die Zimbabwe-krisis op te los.
Slegs twaalf uit die negentien teringpasiënte wat uit die Jose Pearson-hospitaal in Port Elizabeth ontsnap het, is gevind. Dit is die derde keer dat pasiënte uit die hospitaal ontsnap.
Sewe is steeds soek het die Ooskaapse gesondheidsdepartement gister gesê.
'n Spesiale polisietaakmag soek steeds na die oorblywende sewe pasiënte.
TB-pasiënte wat teruggebring word, ontvang sielkundige behandeling om hulle te leer oor die risiko en gevaar wat hul ontsnapping veroorsaak.
Die 19 pasiënte het Saterdag ontsnap nadat 'n veiligheidswag een pasiënt toegelaat het om te gaan inkopies doen en die ander hom oorval het.
'n Vrou se hande en voete is afgekap deur regeringsondersteuners en haar huis is aan die brand gesteek. Daarna is sy lewendig in haar eie huis verbrand.
Volgens Marwick Khumalo, die hoof van die waarnemersgroep, het hul span na die slagoffer se begrafnis gegaan en is sy wel gekap. Haar eggenoot, Patson Chipiro, leef nou in vrees.
Die PAP-span sê dit is slegs een van vele verskriklike verhale wat binne slegs twee dae van ondersoeke bevestig kon word.
In Liberië gedurende die bewind van Charles Taylor, het soortgelyke amputasies van slagoffers se arms plaasgevind.
Ses jeugdiges is in hegtenis geneem na betogings teen ‘n uitspraak van die Grondwethof wat geweier het om die munisipaliteit weer by die Gautengprovinsie in te lyf, het die polisie vandag gesê.
Superintendent Louis Jacobs het gesê die ses mense, wat almal onder die ouderdom van 18 is, is gistermiddag in hegtenis geneem op klagtes van aanhitsing tot openbare geweld.
Daar was sporadiese voorvalle waartydens paaie met vullis versper is, motorbande aan die brand gesteek is en die polisie met klippe bestook is.
Die Grondwethof het Vrydag geweier om ‘n aansoek deur Khutsong-inwoners toe te staan wat ‘n regeringsbesluit ongedaan sou maak om hul oorgrensmunisipaliteit by die Noordwesprovinsie in te sluit.
Inwoners wou eerder deel van Gauteng wees wat gesien word as die ryker provinsie met ‘n beter diensleweringsrekord.
Alec Erwin moet die gebruik van buitengewoon eksperimentele tegnologie regverdig, het die DA gister gesê.
Die opposisieparty het sy kommer uitgespreek oor die koste van die regering se voorgenome Korrelbed- modulêre reaktor.
Die party se woordvoerder Manie van Dyk het gesê dat Suid-Afrikaanse belastingbetalers die koste van sulke eksperimentele tegnologie moet dra.
Volgens onlangse ramings, sal die reaktor R20 miljard kos en is dit ontwerp om 165 megawatt elekrisiteit te produseer.
Vergeleke met ‘n R80 miljard-steenkoolkragstasie wat 4 000 megawatt elektrisiteit lewer, is die nuwe tegnologie baie duur.
Professor Steve Thomas van die Universiteit van Greenwich het die korrelbed ‘n radikaal nuwe ontwerp genoem wat nog nêrens voorheen suksesvol gebou is nie.
Die leier van die ANC-jeugliga, Julius Malema, sê dat die jeug van Suid-Afrika bereid is om te sterf ter ondersteuning van Jacob Zuma. Hy het gesê hulle is bereid om die wapen op te neem en dood te maak vir Zuma. Die toespraak is tydens 'n Jeugdagsaamtrek by Taba Nchu gehou.
Die skare het vir hom hande geklap en gelag toe hy klaar was.
Hoofsuperintendent Wayne Minnaar het gesê dat hulle 'n 43-jarige man insluit wat teen 'n spoed van 233 kilomter per uur in 'n BMW X5 gevang is.
'n Kameroense diplomaat is ook op kamera betrap teen 'n spoed van 200 kilometer per uur. Die diplomaat het versuim om sy Audi A3 te stop en het met 'n metropolisievangwa gebots.
Albei mans is in hegtenis geneem en op borg teen R1000 elk vrygelaat.
Hulle sal môre in die Midrandse landdroshof verskyn.
