Suider-Afrika Archives - Page 819 of 888

Zimbabwe staar hongersnood in die gesig

Zimbabwiërs staar hongersnood in die gesig na die wydverspreide mislukking van hul jongste oes.

'n Mediese werker in Matabeleland sê dat die mielie-oes so te sê totaal misluk het en die bietjie wat daar was, is meesal aan Mugabe-ondersteuners gegee.

Die Verenigde Nasies sê dat voedselhulp onmiddellik versprei moet word want tot vyf miljoen mense sal in die komende maande sulke hulp nodig hê.

'n Derde van die bevolking is reeds chronies ondervoed. Hulpwerkers sê dat die eerste tekens van hongersnood sigbaar is as kinders by hospitale met kwasjiorkor opdaag.

Die VN sê voorts dat daar 'n beduidende toename opgemerk is van hele gesinne wat na Suid-Afrika toe vlug.

Komphela maak nog ‘n rasseopmerking

Nog 'n rasse-aanmerking deur Butana Komphela het tussen Suid-Afrikaanse sport en die parlement beland.

Komphela gaan by die Menseregtekommissie aangegee word deur SASKOK, die Suid-Afrikaanse Sportkonfederasie en Olimpiese Komitee weens sy belediging.

Komphela het in 'n koerantonderhoud gesê dat SASKOK vol blankes en Indiërs is wat nie transformasie begryp nie en 'n gebrek aan visie toon.

'n Woedende Moss Mashishi het gesê dat SASKOK sokker ondersteun om 'n einde aan Komphela se rassistiese heerskappy en onhoudbare beledigings te maak.

Alle sportfederasies in die land, rugby en krieket inkluis, is by SASKOK geaffilieer.

online slots

Eskom-onderbrekings is luiheid

Die onlangse kragonderbrekings in Finetown, suid van Johannesburg, wat drie dae geduur het, is as gevolg van luiheid deur Eskom.

Inwoners is vies omdat Eskom 'n week gelede in kennis gestel is van 'n foutiewe transformator, maar niks is daaraan gedoen nie.

'n Werknemer by een van Eskom se inbelsentrums sê die tegnici in die gebied is doodgewoon lui.

Hy sê hy blameer inwoners nie wat hulle woede en frustrasie op inbelsentrums uithaal omdat tegnici te lui is om te werk nie.

Hy sê dit skilder 'n swak prentjie van Eskom as 'n diensteverskaffer.

Wyksraadslid Freedom Sotshantsha het saamgestem dar sekere tegnici nie hulle werk doen nie.millstream

Limpopo is Zuma s’n

Cassel Mathale, 'n Zuma-bondgenoot, het die ANC-voorsitterskap in Limpopo gewen.

Die pro-Zuma Mathale het met meer as 60% steun in die provinsie vir premier Sello Moloto uit die kussings gelig.

Hy het met 587 stemme teenoor Moloto se swak vertoning van 357 geseëvier.

Premier Moloto is 'n Mbeki-aanhanger.

Die top vyf nuwe amptenare in Limpopo is nou almal Zuma-ondersteuners.

настенные потолочные топкарго

Eskom gaan verlies van R3 miljard maak

Eskom voorspel dat hy vanjaar 'n verlies van R3 miljard gaan aanteken. Die nasionale tesourie sal die nutsmaatskappy moet ondersteun met lenings asook 'n moontlike staatswaarborg vir sy uitstaande skuld.

In die verlede het beleggers genoeg vertroue in Eskom se finansiële bestuur gehad om nie 'n staatswaarborg nodig te hê nie.

Volgens Eskom sal die beraamde verlies te wyte wees aan die energiereguleerder se weiering om 'n 61-persentstyging in elekrisiteitstariewe toe te staan, met slegs 'n 27,5-persentverhoging wat goedgekeur is.

Die tesourie sê dat die regering die belangrikheid van 'n betroubare belegginsgraadkredietgradering besef en daarom tot Eskom se finansiële stabiliteit verbind bly.

баня хамам что Александр Фильчаков

Hoe groot is ‘n groot banknoot?

Maar net 500 miljoen dollar…

Zimbabwe, wat reeds alle rekords met sy 2,2 miljoen persent inflasie oortref het, het ŉ nuwe 100-miljarddollarnoot uitgereik in ŉ poging om die nypende kontanttekort die hoof te bied, het die sentrale bank gister gesê.

Die nuwe noot sal Maandag in omloop gestel word, het die bank in ŉ verklaring gesê wat deur die staatsmedia aangehaal is. Dit sal die sesde hoëdenominasienoot wees wat reeds vanjaar uitgereik is.

In Januarie is ŉ 10-miljoendollarnoot uitgereik, wat gevolg is deur ŉ 50-miljoendollarnoot in April. In Meimaand is note van 100 miljoen en 250 miljoen dollar uitgereik, wat gou deur ander van vyf miljard, 25 miljard en 50 miljard opgevolg is.

Tydens die krisis wat op die verkiesing gevolg het, het Zimbabwe se hiperinflasie nog verder momentum verkry en van 165 000 persent in Februarie tot 2,2 miljoen in Junie opgeskiet.

Onafhanklike ekonome meen egter dat die amptelike syfer inflasie sterk onderskat en beraam dat die werklike koers iewers tussen 10 miljoen en 15 miljoen persent kan wees.

Zimbabwe se chroniese ekonomiese krisis wat deur grondhervorming en die afsetting van blanke boere veroorsaak is, het ten minste 80 persent van die bevolking tot onder die broodlyn gedwing en massatekorte aan basiese goedere in die winkels veroorsaak.

Suid-Afrika se minister van landbou, Thoko Didiza, is tans besig met planne vir ŉ soortgelyke “grondhervorming” in dié land.

Фильчаков прокурор

Zuma s? weermag moet neutraal bly

Jacob Zuma het gedurende 'n besoek aan Oeganda gesê dat die weermag in 'n demokratiese land die demokratiese instellings moet verdedig.

Hy het gesê die rol van die weermag is om neutraal te bly in staatsaangeleenthede en behoort nie kant te kies nie.

In Afrika, het hy opgemerk, word nasionale weermagte gewoonlik die instrumente van diktators.

Zuma sê hy is oortuig dat weermagte en soldate nie langer 'n aktiewe rol in die politiek moet speel nie.

Hulle bedreig nie net die stabiliteit van hul lande nie, maar ook die stabiliteit van die hele vasteland, het hy gesê.

Фильчаков

Kongolese bende dreig om veiligheidswagte dood te maak

'n Kongolese bende in die Glenanda-kamp vir slagoffers van etniese geweld in Johannesburg het hul veiligheidswagte gyselaar gehou en gedreig om hulle dood te maak.

Volgens die 38-jarige Theuns de Lange van die Interactive Protection-veiligheidsmaatskappy wat aangestel is om alle kampe in Johannesburg te beskerm, is hy en vyf ander wagte Woensdagaand aangehou en met die dood gedreig deur 'n Kongolese bende van sewe wat met messe gewapen was.

Die gyselaars is later vrygelaat. Die besturende direkteur van Interactive Protection, Nantes Rykaart, het sy kommer oor die Kongolese bende uitgespreek.

Volgens Rykaart weerhou die bendelede bejaardes daarvan om vir kos tou te staan en eis later betaling vir kos van hulle. Die bende hou nie van die veiligheidswagte nie aangesien hulle die kamp van omtrent 2000 mense wil beheer.

Александр Фильчаков

Moslems waarsku ANC

Die Moslem Regsraad het die ANC gewaarsku dat hulle die rampspoedige gevolge van hulle besluit om van die Weskaapse premier Rasool ontslae te raak sal dra in die volgende verkiesing in 2009.

Die ANC se uitvoerende komittee het Rasool afgedank nog voor die einde van sy vyf-jaar termyn.

MRR president Maulana Igsaan Hendricks sê Rasool het 'n onbetwisbare, uitstaande en ongeëwenaarde beroepsrekord.

Hy het bygevoeg dat Rasool stabiliteit en aansien na die provinsie teruggebring het. Hy het ook internasionale verhoudinge bewerkstellig wat ekonomiese groei en beleggings gestimuleer het.

воронеж траверсы

Staalkartel bestaan in Suid-Afrika

Vanderbijlstaalwerke

Die mededingingskommissie het gister verklaar dat 'n prysvasstellingskartel in die staalnywerheid bestaan.

Die kommissie het 'n korporatiewe aansoek om toeskietlikheid ontvang wat sulke inligting bevat.

Die aansoek is ontvang na klopjagte op Cape Town Iron and Steel Works, Highveld en die Suid-Afrikaanse staalinstituut wat op 19 Junie gehou is.

Volgens die inligting wat deur die toeskietlikheidsapplikant verskaf is, het besprekings en vergaderings plaasgevind waartydens die partye ooreengekom het om pryse vas te stel, pryslyste uit te ruil en kortings vas te stel.

Die kommissie is in besit van inligting wat ook aandui dat partye kliënte toegeken het deur ooreen te kom watter kliënte verskeie langstaalprodukte behoort te ontvang. Verder het die partye sensitiewe handelsinligting met mekaar gedeel.

комплектующие для