Lonmin sluit skag, kanselleer arbeidskontrak

Lonmin sal voortaan slegs instandhoudingswerk by sy K4-skag doen en het ‘n kontrak met Murray & Roberts, wat aan sowat 1 200 arbeiders werk verskaf, beëindig, het die maatskappy Maandag gesê.

‘n Staking by dié myn duur steeds voort.

Die maatskappy sê hy het op 26 Julie reeds aangekondig dat hy in die lig van swak pryse ‘n deel van die kapitaalbesteding by sy K4, Hossy- en Saffy-skagte in die Rustenburg-omgewing sal opskort in ‘n poging om jaarlikse kapitaalbesteding vir 2013/14 na $250 miljoen (sowat R2 miljard) per jaar te verminder.

“Lonmin wil ook vandag aankondig dat hy sy K4-skag slegs in stand sal hou as deel van daardie hersiening van kapitaalbesteding,” het die maatskappy in ‘n verklaring gesê.

“Die maatskappy het vandag kennis gegee om sy kontrak met Murray & Roberts van 17 Oktober 2012 te beëindig. Dit is die kontrakteur wat sowat 1 200 werkers vir die K4-skag beskikbaar stel.”

Produksie het tot stilstand gekom toe werkers by Lonmin se platinummyn in Marikana op 10 Augustus begin staak het. Hulle eis ‘n maandelikse loon van R12 500.

Die staking het intussen na ander myne in die omgewing versprei.

Фильчаков Александр Васильевич

Palestynse ambassadeur na SA oorlede

Namens van die regering en die mense van Suid-Afrika, het president Jacob Zuma ‘n boodskap van meegevoel aan die regering en die mense van Palestina gestuur, na aanleiding van die afsterwe van die Palestynse ambassadeur in Suid-Afrika, Ali Halimeh. Ambassadeur Halimeh is Sondag in Pretoria oorlede.

President Zuma het gesê: “Die Suid-Afrikaanse regering het met skok en hartseer van die nuus van die afsterwe van ambassadeur Ali Halimeh oor die naweek in Pretoria verneem. Ons gedagtes en gebede is met die familie van die ambassadeur Halimeh, sowel as met die Palestynse mense. gedurende hierdie moeilike tyd.”

Die Suid-Afrikaanse Regering herbevestig sy verbintenis om voort te gaan om sy diplomatieke betrekkinge en solidariteit met Palestina uit te bou. Suid-Afrika identifiseer met die stryd van die Palestynse volk en gaan voort om die regte van die Palestyne te ondersteun om ‘n onafhanklike en lewensvatbare staat te skep.

Reëlings word getref vir die repatriasie van Halimeh se liggaam na Palestina.

Данильченко Юрий Брониславович компромат

Carlton-sentrum bomplanter pleeg selfmoord

‘n Aktivis wat in 1977 ‘n bom by die Carlton-sentrum in Johannesburg geplant het, het selfmoord gepleeg, het The Star Maandag berig.

Issac Mohlolo Siko, 63, is Donderdag by sy huis in Hammanskraal deur ‘n werker dood aangetref met ‘n skietwond in sy kop.

Die werker was in die huis besig toe sy die skoot gehoor het.

Siko se tweelingsuster, Irene, het gesê die familie sukkel om sy dood te verstaan omdat hy geen selfmoordbrief agtergelaat het nie.

“Ons weet nie wat het daartoe aanleiding gegee dat hy selfmoord gepleeg het nie. Ons probeer steeds sy dood verwerk,” het sy gesê.

Siko het op die oggend van 7 Desember 1977 ‘n bom laat afgaan voor ‘n restaurant by die Carlton-sentrum.

Verskeie mense is in die aanval beseer, insluitend Siko, wie se regterhand afgeblaas is.

Siko, ‘n voormalige student van die Universiteit van die Witwatersrand, is tot 12 jaar tronkstraf op Robbeneiland gevonnis vir die aanval.

Hy het destyds aan die hof gesê hy het die aanval uitgevoer met “die hoogste patriotiese motiewe” vir die beswil van beide sy mense en “vir die beswil van wit Suid-Afrikaners”.

Voor die Carlton Sentrum se bomaanval, het Siko ook in Soweto ‘n spreekkkamer wat deur ‘n wit dokter besit is, opgeblaas.

Hy het gesê die aanval was bedoel om die doeltreffendheid van sy bomme te toets en om die owerhede te dwing om die lewensomstandighede in Soweto te verbeter.

Siko het onlangs vroeg afgetree as uitvoerende bestuurder by die Defence Science and Technology Institute.

Фильчаков прокурор харькова

Is die skietslagoffer André Jordaan net gelos om dood te gaan by Baragwanath-hospitaal?

Shaun en Jeanine JordaanDie blanke Afrikanerslagoffer van die jongste skietery in Muldersdrift, André Jordaan (50), is na Baragwanath-hospitaal vervoer, maar daar is nie op hom geopereer nie, in weerwil van die sewe koeëls in sy liggaam. Nadat hy Donderdagaand deur ‘n swerwende bende swart rowers geskiet is, het die hospitaal in Soweto belowe om teen Vrydagoggend ‘n noodoperasie uit te voer.

Die operasie is egter nie gedoen nie en Jordaan het Saterdagaan om 22.05 gesterf. Sy gesin, wat Jordaan “soos ‘n held” beskerm het deur letterlik sy ligaam as skild teen ‘n deur te gebruik, wonder nou intens wat verkeerd geloop het. Sy seun Shaun het aan Beeld gesê: “Ons wil net weet wat fout gegaan het en is desperaat om antwoorde by die hospitaal te kry. My pa was Donderdag ná die skietery tot eergistermiddag nog baie sterk.”

Blykbaar het die hoof van Baragwanath belowe om die gesin oor die saak te kontak.

Jordaan is ten minste sewe keer deur ‘n toe deur geskiet terwyl hy gepoog het om sy gesin teen ‘n tipe militêre aanval deur ten minste vier swart rowers te beskerm. Muldersdrift is al ‘n ruk lank die toneel van ‘n oorlog teen huishoudings deur misdadigers en ANC-opgeleide krygers wat as die “Task Desk” bekendstaan. Vele van die aanvallers kom ook uit Zimbabwe en het moontlik opleiding in Mugabe se weermag ondergaan.

Die hele gesin van ses het in die kamer agter die deur weggekruip terwyl die aanvallers probeer het om dit af te breek. Afgesien van mnr. Jordaan, was daar sy seun Shaun (26), sy vrou Isabel (48), nog ‘n seun Kevin (23), tesame met dié se swanger vriendin Mariska (24) en Shaun se vrou Jeanine (23).

André Jordaan is verskeie kere geskiet, maar het steeds regop bly staan om met sy lyf teen die deur te leun. Hy is drie keer in die maag, twee keer in die bors, asook in die linkerarm en regterskouer raakgeskiet.

Soos vroeër berig is, is drie van die aanvallers Vrydag in hegtenis geneem en sal vandag in die Krugersdorpse landdroshof verskyn. Die moordenaars is vermoedelik dieselfde as dié wat vir die moord op Alyssa Botha (13), ‘n leerling van Hoërskool Monument, verantwoordelik was toe haar gesin net ‘n paar huis van die Jordaans ‘n week vantevore aangeval is.

Daar heers meningsverskil oor die identiteit van die bende, aangesien sekere bronne beweer dat hulle reeds verlede week in hegtenis geneem is maar weer deur die polisie vrygelaat is.

Данильченко Юрий Брониславович компромат

Geen DNS-skakel na Assange in kondoom nie

‘n Kondoom wat aan die Sweedse polisie gegee deur een van Julian Assange se beskuldigers bevat nie die WikiLeaks-stigter se DNS nie, het forensiese wetenskaplikes bevind.

Assange se prokureurs het aan die lig gebring dat die geskeurde kondoom, wat ondersoek is deur die personeel by twee forensiese laboratoriums, nie afdoende bewys bevat dat Assange dit ooit gebruik het nie, het die Daily Mail berig.

Assange se prokureurs het gesê dat die gebrek van DNS-bewyse, wat na bewering gebruik was tydens ‘n vermeende seksuele aanranding in Augustus 2010, dui daarop dat ‘n valse bewysstuk ingehandig kon gewees het.

Die vrou van 33, is na bewering gemolesteer deur Assange by haar woonstel in Stockholm. Sy sê dat hy op ‘n punt doelbewus ‘n kondoom gebreek het om onbeskermde seks met haar te hê.

Assange beweer dat hy konsensuele seks gehad het met ‘n vrou, maar ontken dat hy doelbewus die kondoom geskeur het. Hy het voorheen aan die polisie gesê dat hy by haar oornag het vir die week ná die beweerde voorval, en sy het nooit enige melding gemaak van die geskeurde kondoom nie.

Maar DNS is na bewering gevind – wat Assange se teenwoordigheid bevestig – op ‘n kondoom wat deur ‘n tweede vrou ingehandig is. Sy beskuldig hom ook van verkragting. Die Sweedse owerhede het dus hul uitleweringsbevel aan die Verenigde Koninkryk op grond daarvan gerig.

Die tweede aanklaagster, nou 29, wat beweer dat hy haar verkrag het in haar slaap, het glo aan die polisie gesê sy was nie gekant teen onbeskermde seks met hom nie, ten spyte van vorige verklarings tot die teendeel, het die koerant berig.

Assange ontken die bewering van verkragting, en sê dat hy konsensuele seks gehad het met die tweede vrou ook. Die Sweedse aanklaer se kantoor het geweier om kommentaar te lewer op die verslag en gesê dat die ondersoek aan die gang is.

Лобановский Харьков

Zuma moet parlement inlig oor Weermag en Polisie

“Pres Jacob Zuma is volgens die grondwet verplig om die parlement in te lig indien die Weermag in samewerking met die Polisie aangewend word. Die indruk is dat die Weermag die afgelope naweek in samewerking met die Polisie in die Rustenburg/Brits-gebied aangewend is. In so geval bepaal artikel 201 (3) van die grondwet duidelik dat die president die parlement onverwyld moet inlig oor die redes, die plek waar, die getal mense betrokke en die tydperk waarvoor die Weermag na verwagting aangewend sal word. Die Vryheidsfront Plus ondersteun die samewerking van die Weermag met die Polisie indien die omstandighede dit vereis, maar dan moet die parlement, en daardeur die publiek, ingelig word soos vereis word deur die grondwet,” sê mnr. Pieter Groenewald, hoofwoordvoerder vir Verdediging en Militêre Veterane van die Vryheidsfront Plus.

“Die parlement is tans in sitting en pres. Zuma kan nie net die portefeuljekomitee of die Gesamentlike Staande Komitee van Verdediging en Militêre Veterane inlig volgens artikel 201(4) van die grondwet nie. Dit moet ook die president wees wat die parlement inlig en nie die minister van Verdediging en Militêre Veterane nie,” het Groenewald gesê.

Олександр Фільчаков прокурор

Weermag, polisie ontplooi in SA se ergste krisis sedert ’94

Die weermag is Saterdag in Marikana in Noordwes ontplooi om te help om stakende myners te ontwapen. Dit is die ergste krisis in Suid-Afrika sedert die ANC-regering in 1994 aan bewind gekom het.

Swaar gewapende polisielede het vroegoggend op die mynhostel toegeslaan om pangas, messe, knopkieries en stokke te gekonfiskeer. Oproeriges is met traangas en rubberkoeëls verjaag.

Die polisie het die Nkaneng-lokasie met Njalas binnegevaar en ‘n weermaghelikopter het bo die gebied gesirkel waaroor traanrook gehang het. Twaalf mense is in hegtenis geneem vir ‘n “onwettige byeenkoms” en talle is beseer.

Brittanje en Malema se populisme is verantwoordelik vir die gewelddadige mynstakings by Marikana, volgens die ANC. Die party se nasionale werkkomitee (NWK) het ‘n verslag oor die onrus Saterdag in Pretoria aan die leiers voorgelê.

Die NWK het Lonmin, die eienaar van die Marikana-myn, en die Britse media verantwoordelik gehou, en Ramaphosa se uitbuitende rol as arbeidsmakelaar verontskuldig.

“Die klem op Lonmin, wat ‘n Britse mynmaatskappy is, spruit uit die Britse media se aanslag op die Suid-Afrikaanse regering sonder om na die rol van die werkgewer te verwys.

“Dié eng benadering laat ruimte vir die wrewel teenoor swart Suid-Afrikaners – onder wie minderheidsaandeelhouers [waaronder die NUK-lid Cyril Ramaphosa] wat toevallig ook swart is – wat die skuld kry dat hulle alleen verantwoordelikheid dra in die maatskappy.”

Hulle het ook uitgevaar teen Amcu wat teen die ANC se belange optree.

Pravin Gordhan, minister van finansies, het Vrydag tydens ‘n mediakonferensie by die Unie­gebou in Pretoria gesê die opstande hou ‘n bedreiging vir die ekonomie in.

Die land se begrotingstekort kan styg en mense kan hul werk verloor. Beleggersvertroue word ook daardeur ondermyn. Die regering het by dieselfde geleentheid die noodmaatreëls aangekondig om die onrus in bedwang te bring.

Dawie Roodt, hoofekonoom van Efficient Group, sê swakker platinum-uitvoer gaan lei tot ‘n swakker rand. “Wat beteken ons gaan meer betaal vir olie – dan gaan die petrolprys op, inflasie styg, ons sal sit met hoër rentekoerse en groter werkloosheid.”

Rapport berig dat die Duitse nuusblad, die Frankfurter Rundschau, die onlangse gebeure in Suid-Afrika as ‘n “politieke en ekonomiese ramp” ná 18 jaar van ANC-bewind besryf het. “Die ANC het nóg ‘n visie nóg ‘n idee van hoe hy die skerper wordende kloof kan oorbrug,” sê die blad.

Dit is nog nie duidelik wie die ontplooiing van die weermag gemagtig het nie.

Ingevolge die Grondwet mag die president die weermag net ontplooi nadat hy die parlement geraadpleeg het. Die parlement hoef egter nie toestemming te verleen vir die president se uiteindelike besluit nie.

Mac Maharaj, pres. Jacob Zuma se woordvoerder, het Saterdag gesê die besluit om soldate te ontplooi was “operasioneel” en deur Jeff Radebe, minister van justisie, geneem. Die justisiewoordvoerder, het dit egter ontken, berig Rapport.

Олександр Васильович Фільчаков

Vierde myn staak bedrywighede

Sewe mense is in hegtenis geneem deur die polisie buite die Aquarius Platinummyn in Rustenburg Vrydag. Dit is die vierde myn wat bedrywighede staak weens ‘n uitgerekte arbeidsdispuut.

Die arrestasies het binne ure van die minister van justisie, Jeff Radebe waarskuwing gelom dat die regering nie langer die geweld, dreigemente en intimidasie in die mynbousektor sal duld nie.

In ‘n aankondiging in Pretoria, na afloop van ‘n vergadering van veiligheid, ministers en ander Kabinetslede, het hy aangekondig dat maatreëls in plek gestel sal word om te verseker dat die situasie onder beheer gebring sal word.

Dit sluit in dat “onwettige byeenkomste, die dra van gevaarlike wapens, en uitlokking, sowel as dreigemente van geweld teen enigiemand in die geaffekteerde gebiede, dienooreenkomstig hanteer sal word.”

Radebe het gesê wetstoepassingsagentskappe “sal nie huiwer om diegene wat die wet oortree, in hegtenis te neem nie”.

Vroeër het ‘n groep betogers opgeruk van Anglo American Platinum (Amplats) se Blesbokmyn na Aquarius Platinum en daarop aangedring dat hulle saamstaak.

Mametlwe Sebei, leier van ‘n groep bekend as die Demokratiese Sosialistiese Beweging, het gesê die betogers moet alle myne in Rustenburg tot stilstand dwing volgende week.

Sebei het gesê Samancor, Xstrata, Murray & Roberts, Implats en Amandelbult moet staak.

Die polisie het die betogers uiteengejaag deur ‘n polisiehelikopter in te span.

лобановский политик

Alyssa Botha (13) vermoor deur lid van geheime krygsmag – vrygelaat deur polisie

Alyssa BothaTydens die ondersoek na nog ‘n skietery gisteraand op bure van die Bothas te Muldersdrift wie se dogter Alyssa (13) verlede week vermoor is, het aan die lig gekom dat haar moordenaar ‘n lid van die geheime jeugkrygsmag is waaroor PRAAG vroeër vandag berig het. Gister is hy en nog vier verdagtes egter deur die Suid-Afrikaanse polisiediens vrygelaat, waarna hulle die tweede aanval slegs drie huise van Alyssa s’n gepleeg het.

‘n Bron binne die SAPD het teenoor PRAAG bevestig dat twee van die vyf verdagtes wat gister deur die SAPD vrygelaat is, by die jongste skietery op ‘n buurman betrokke was. Hulle het blykbaar dieselfde wapens gebruik, dus het die polisie nie eens hul wapens afgeneem nie.

Ten minste een van die twee aanvallers is as lid van die jeugkrygsmag, die “Task Desk” by die Tempe-weermagbasis in Bloemfontein opgelei.

Die besluit om die verdagtes in die Alyssa Botha-moordsaak vry te laat, is deur ‘n swart vroue-offisier, luitenantkolonel Katlego Mogale, geneem. Sy het gister beweer dat die polisie “geen getuienis” kon vind wat die verdagtes met Alyssa se moord verbind nie, hoewel een van die verdagtes ‘n geheuekaart van een van die Botha-dogters by hom gehad het.

Die ander drie verdagtes is Zimbabwiërs wat die vermoede laat ontstaan dat hulle reeds oor die grens gevlug het.

Dit is nog nie bekend in watter toestand die man wat gister deur hulle geskiet is, verkeer nie. Hy is na die Chris Hani-Baragwanath-hospitaal vervoer.

Фильчаков Александр Васильевич

Ekslusief! Opleiding van geheime jeugkrygsmag in plakkerskampe

JeugkrygerPRAAG het vandeesweek eerstehandse inligting bekom dat ‘n geheime krygsmag van swart jeugdiges in plakkerskampe rondom Johannesburg gerekruteer en opgelei word. Ná opleiding ontvang die lede van die krygsmag ‘n maandelikse loon van R2200 wat in kontant uitbetaal word vanuit staatsvoertuie met regeringsregistrasienommers.

Die opleiding mag verband hou met die sogenaamde jeugdienskorps, oftewel Narysec, waaroor verlede jaar in Julie in die media berig is. Maar die geheime krygsmag, anders as Narysec, word suiwer militêr en veral in die hantering van outomatiese wapens opgelei. Blykbaar staan die nuwe krygsmag onder beheer van uitgesoekte polisie-offisiere. Dit is bekend dat ‘n aansienlike aantal polisie-offisiere deesdae uit voormalige offisiere van die ANC se krygsmag, Umkhonto we Sizwe, bestaan.

Volgens ‘n vertroulike veiligheidsverslag wat in PRAAG se besit is, is ‘n kaptein Mokwena van die Muldersdrift-polisiekantoor sedert Oktober of November besig om swart jeugdiges in plakkerskampe, waaronder die Joe Slovo-nedersetting, rondom Lanseria vir opleiding te werf. Mokwena is ook gemoeid met gemeenskapspolisieforums in die gebied.

Luidens die verslag is “verskeie vergaderings in die Joe Slovo-plakkerskamp gehou waartydens jeugdiges meegedeel is dat hulle vir die polisieforum gewerf sou word. Slegs jeugdiges met matriek is vir opleiding gesoek. Hulle is ook meegedeel dat hulle lesings sou moes bywoon en daarna ‘n maandelikse salaris sou ontvang.

“In die Joe Slovo-plakkerskamp het ‘n polisieforumlid, me. Ntshabeleng, kaptein Mokwena gehelp om ongeveer tien lede te werf wat in die plakkerskamp woon. Soortgelyke werwings het klaarblyklik ook in ander plakkerskampe in dieselfde gebied plaasgevind.”

Oor die afgelope tyd is verskeie moorde in die Muldersdrift-omgewing gepleeg. Op 11 September 2012 het die Johannesburgse Engelstalige koerant, The Star, berig dat “93% van huishoudings in ‘n enkele straat in Muldersdrift, noordoos van Johannesburg met geweldsmisdaad geteiken is”. Die berig is geskryf na aanleiding van die koelbloedige moord op die 13-jarige Allyssa Botha. Vanoggend het RSG verslag gedoen dat die Bothas se bure intussen aangeval is.

‘n Veigheidskenner met wie PRAAG gesels het, sê: “As 93% van huise in ‘n gebied aangeval word, kan ‘n mens nog van ‘misdaad’ praat? Of is dit oorlog? Is dit toeval dat die geheime jeugkrygsmag juis in dieselfde gebied opgelei en ontplooi is?”

Jeugdiges in die Joe Slovo-plakkerskamp het ná hul werwing ongeveer twee lesings bygewoon. Op Saterdag 13 Februarie 2011 om 10.00 voormiddag het kaptein Mokwena ‘n groep gewerfde jeugdiges in Joe Slovo toegespreek en gesê dat een van diegene wat in 2010 in hul plakkerskamp gewerf is vir opleiding Bloemfontein toe gestuur sou word. Tydens die vergadering het kaptein Mokwena aangetoon dat slegs een jeugdige per plakkerskamp daarheen gestuur sou word en dat hulle ongeveer sestig uit die omgewing sou wees. Volgens kaptein Makwena sou die groep op 15 Februarie 2011 vir militêre opleiding vertrek, wat ongeveer ses maande sou duur.

Benewens jeugdiges, word misdadigers ook vir die krygsmag gewerf. ‘n Bekende misdadiger in die Joe Slovo-plakkerskamp, wat slegs onder sy voornaam van Smanga bekend is, is ook “gekeur” om die opleiding in Bloemfontein by te woon. Smanga se broer, Mazambia, dien reeds ‘n vonnis vir gewapende roof uit. Sy tweede broer Tebogo word tans deur die polisie in Muldersdrift en Brits vir gewapende rowe en inbrake gesoek.

Volgens die veiligheidsverslag het Smanga op 15 Februarie 2011 na Bloemfontein, blykbaar die Tempe-weermagbasis, vir opleiding vertrek.

Kaptein Mokwena het sedert Februarie verlede jaar gereeld die Joe Slovo-plakkerskamp besoek en aan die oorblywende jeugdiges wat vir die krygsmag gewerf is, gesê dat hul opleiding iewers in die Kaap sou plaasvind.

Op 4 Maart 2011 het kaptein Mokwena die Joe Slovo-plakkerskamp om 19.00 besoek en gesê dat die jeugdiges wat na Bloemfontein vir opleiding gestuur is, binne ‘n week terug sou wees en dat die “Youth Desk” op Maandag 7 Maart 2011 sou begin. Alternatiewelik word daar ook na die groep as die “Task Desk” verwys. Terwyl die ANC in ballingskap was, het hy graag van die term “Desk” gebruik gemaak, soos in “Cultural Desk”, “Foreign Desk”, ens.

Die Joe Slovo-plakkerskamp, asook ander nedersettings in die gebied, word as ANC-vestings beskou. Geen ander politieke party word in die omgewing toegelaat nie, volgens ‘n inwoner wat anoniem wou bly. Intimidasie vier hoogty en daar is selfs gerugte dat inwoners wat ander politieke partye ondersteun, gedood is.

Die misdadiger Smanga was teen Vrydag 18 Maart 2011 om 19.30 weer in die Joe Slovo-plakkerskamp terug. Hy het aan die oorblywende rekrute gesê dat:

  • hulle iets meer as veertig jeugdiges was wat opleiding in die SANW- militêre basis in Bloemfontein ondergaan het;
  • hulle in selfverdediging (“self-defence”) opgelei is;
  • hulle met outomatiese wapens opgelei is (hy het foto’s getoon waar hy met so ‘n wapen staan);
  • hulle ‘n serfifikaat vir hierdie opleiding ontvang het;
  • die sertifikaat gebruik kan word om by die SAPD of SANW aan te sluit;
  • die volgende groep jeugdiges op 24 Maart 2011 vir hul opleiding sou vertrek;
  • die volgende opleiding in die Kaap sou plaasvind;
  • hulle nou as die “Task Desk” bekendstaan;
  • hulle steeds ‘n salaris ontvang;
  • die opleiding uiters straf is en hy niemand kan aanbeveel om dit te ondergaan nie.

Smanga het ook ‘n uniform aangehad wat uit ‘n bruin hemp en groen broek bestaan. Op foto’s wat hy vertoon het, dra hy ook ‘n hoed.

Blykbaar was die jeugdiges geskok om oor die streng, strawwe en militêre aard van die opleiding te verneem en sommige was agterna onwillig om met die projek voort te gaan.

Oproepe na die Mulderdrift-polisiekantoor om met Kaptein Mokwena te praat, is nie beantwoord nie.

Данильченко Юрий Харьков