Derby-Lewis se vrylating ondersoek

Die kantoor van adv. Thuli Madonsela, Openbare Beskermer, ondersoek die kwessie oor Clive Derby-Lewis se mediese parool, het die SABC berig.

“Ons hanteer dit as ‘n vroeë oplossing vir die saak. Die manier waarop ons dinge hier hanteer, is dat ek my ondersoek- of dispuutoplossingsmagte kan gebruik,” het Madonsela gesê.

Die 75-jarige Derby-Lewis het 18 jaar van sy 25 jaar vonnis uitgedien. Hy en Yanusz Walus is veroordeel vir die moord in 1993 op die voormalige SAKP-leier Chris Hani.

Sy aansoek om gewone parool is in 2008 sowel as 2010 geweier.

Volgens die uitsaaier, het sy prokureur gesê hy word vir prostaat- en velkanker behandel en sal weer oor twee jaar vir parool aansoek doen.

Nosiviwe Mapisa-Nqakula, minister van korrektiewe dienste, het glo nie Derby-Lewis se aansoek om mediese parool ontvang nie.

Фильчаков прокурор

Marengediamante kan SA destabiliseer

Die Zimbabwiese minister van mynwese het aangekondig dat die produksie en verkope van die diamante uit die Marangediamantvelde oor die afgelope 5 jaar meer as 11 miljoen karaat beloop het ter waarde van meer as $200 miljoen, waarvan $174 miljoen glo aan die tesourie betaal is.

Dié stelling is so ooglopend vals, dat Eddie Cross,  MDC-LP vir Bulawayo Suid, wou uitvind wat die situasie eintlik is. Na drie maande van ondersoek het hy tot die gevolgtrekking gekom dat die produksie en verkope van Marange in 2010 $4 miljard beloop het en dat die syfers wat aan die kiesers voorgehou word net 5 persent daarvan is vir 5 jaar se produksie en verkope.

Die Marangevelde is een van die grootste diamantontdekkings in die geskiedenis van die bedryf. Geoloë wat die veld intensief bestudeer het, skat dat hulle tussen 2 en 7 miljard karaat van ruwe diamante bevat. Dit het ‘n nominale waarde van tussen $200 en $1400 miljard dollar.

In enige land is hierdie bedrae so groot dat hulle van belang sou wees, en in Zimbabwe is dit eenvoudig verstommend. Indien reg aangewend kan hospitale, skole en paaie herstel word. Trouens, ‘n hele omvattende heropbouprogram kan geloods word.

Zimbabwe het intussen pas gekwalifiseer vir lidmaatskap van die Kimberlyproses, indien hulle voldoen aan standaarde van deursigtigheid en aanspreeklikheid.

Dié gekwalifiseerde goedkeuring is egter voortydig aangesien die regering se rapportering oor hul diamantverkope ver te kort skiet in terme van die standaarde wat vereis word.

Daarbenewens is daar die kwessie dat die moontlike aanwending van hierdie massiewe hulpbron Zimbabwe verder kan ondermyn.

Daar is tans genoeg bewyse dat die mense wat die diamantvelde in Marange beheer gekoppel is aan vier groepe, volgens Cross. Hulle is senior figure in Zanu-PF, senior figure in die Zimbabwe-weermag en polisie en ‘n skaduagtige groep Mafiastylfigure wat op die rand van die globale diamant en onwettige handel opereer.

Die vierde skaduagtige groep waaroor niks bekend is nie, is die Chinese regeringsagentskappe wat die velde met Chinese arbeid ontgin; hierdie laaste groep is ook verbind aan die Zimbabwiese veiligheidsestablishment.

In dorpe en stede is daar oorgenoeg bewyse van groot luukse huise wat gebou word deur beamptes wat gekoppel is aan die plaaslike veiligheidsestablishment.

Baie hiervan sou Sandton se huiseienaars laat bloos. Dan is daar die uitspattige lewenstyl van daardie individue wat gekoppel is aan die myne. Die minister van mynwese in Zimbabwe spandeer baie miljoene dollars op die verkryging van ondernemings, eiendomme en voertuie die afgelope paar maande op ‘n salaris van $2000 per maand.

Die geldstroom is volgens Cross genoeg om regerings te kan destabiliseer wat verskil van die Zanu-PF-leiers, want die vloei van diamante en die inkomste wat daaruit voortspruit, word streng deur hulle beheer.

Dit is ‘n werklike bedreiging vir die hele streek asook vir ‘n oplossing vir Zimbabwe se voortgesette en eindelose krisis. Dit is selfs genoeg geld om Suid-Afrika te destabiliseer, waarsku Cross.

Bron: www.eddiecross.africanherd.com

лобановский александр дочь

Vavi: Sluipmoordbendes ondersteun tenderbedrog

Zwelinzima Vavi, Algemene Sekretaris van die Kongres van die Suid-Afrikaanse Vakverbonde, Cosatu, het by die Rooi Oktober-byeenkoms in Khayelitsha dié naweek gewaarsku dat sluipmoordbendes reeds in verskeie provinsies funksioneer om tenderbedrog te ondersteun.

Die federasie wil die “plaag van korrupsie uitroei”, van korrupte elemente wat politieke bewegings vir persoonlike gewin uitbuit, het hy gesê. Skuldiges, ongeag van hul politieke affiliasie of politieke en ekonomiese bande, moet vervolg word.

Die politiek van begunstiging, korrupsie en hebsug kan die revolusionêre beweging vernietig, het hy gemaan. Vavi sê die gevaarlike toename in faksievorming is steeds nie oor ideologie of politieke verskille nie, maar oor die toegang tot tenders.

Die ergste probleem is volgens die vakbondleier die opkoms van sluipmoordbendes in verskeie provinsies wat gekoppel is aan tenderbedrog en sluipmoorde op fluitjieblasers.

Daar is ‘n werklike gevaar dat die hele staat en samelewing opgeveil sal word aan die hoogste bod, wat Suid-Afrika in ‘n piesangrepubliek sal verander, het hy gewaarsku.

Cosatu het die oprigting van sy “Corruption Watch”, wat op Januarie 2012 van stapel gestuur word, aangekondig.

данильченко юрій Харків

Duur stralers, duur partytjies

Nie net duur stralers vir die president en sy adjunk nie, maar duur partytjies is aan die orde van die dag. Die ANC se 100ste verjaardagpartytjie gaan ten minste R100 miljoen kos.

Baleka Mbete, die ANC se nasionale voorsitter, het Dinsdag by ‘n mediakonferensie in Luthuli-huis in Johannesburg gesê dit is nie goedkoop nie, maar dis glo elke sent werd.

Nagenoeg 150 000 mense sal die eeufeesvieringe in Januarie in Bloemfontein bywoon wat al die afgelope twee jaar beplan word. Oudpres. Nelson Mandela sal ook die geleentheid bywoon as hy gesond genoeg is.

Die fees sal onder meer ‘n nagwaak, toekenningsparade, tradisionele reinigingseremonie en ‘n presiden­siële gala-aand insluit wat in die Mangaung-rugbystadion gehou sal word.

Talle Afrika-leiers sal die fees bywoon, asook voormalige lede van bevrydings- en ou anti-apartheidsbewegings wêreldwyd.

 

Фільчаков Олександр Васильович прокурор

OB slaan DA hard oor korrupsie

Die DA se aanspraak op skoon bestuur is ‘n nekslag toegedien nadat die Openbare Beskermer bevind het dat een van sy leiers miljoene gemaak het van saketransaksies met sy eie stadsraad.

Midvaal, die enigste DA-munisipaliteit in Gauteng, het deurentyd gespog met sy “goeie en skoon bestuur”. Maar Advokaat Thuli Madonsela gister aangekondig dat sy raad vir jare lank wette oortree het om geld te maak uit die belastingbetaler.

In ‘n verslag getiteld “Dit kan nie reg wees: Regstelling van self-belang in Midvaal”, het Madonsela hard geslaan met bevindinge oor die munisipaliteit se finansiële sake en sy uitgerekte onderhandelinge met die DA Midvaal-leier, André Odendaal en sy prokureursfirma, Odendaal en Summerton.

Madonsela se bevindings kan lei tot kriminele aanklagte teen Odendaal.

Sy het gesê dat sekere kwessies van ‘n kriminele aard rakende die saak hanteer word deur die polisie en die Spesiale Ondersoekeenheid.

Madonsela het gevra dat die Prokureursorde van die Noordelike Provinsies ondersoek instel oor onetiese en onprofessionele gedrag by die firma.

Madonsela se ondersoek het in 2008 begin na aanleiding van klagtes deur die Vryheidsfront Plus-raadslid Kobus Hoffman en Midvaalinwoner Corrie Peyper. Hulle het beweerde ongerymdhede met betrekking tot Odendaal se werk met die munisipaliteit ontdek. Dit sluit onder meer die verkoop van die eiendom van belastingbetalers wat agterstallig is, in.

Madonsela het bevind dat Odendaal reëls van Munisipale Finansiële Bestuur, die Wet op die Raamwerk vir Voorkeurverkrygingsbeleid, die Grondwet en die Oorgangswet op Plaaslike Regering oortree het.

Midvaal se DA-burgemeester, Timothy Nast, het gesê die munisipaliteit is verbind tot die herstel van enige foute wat gemaak word.

Die ANC se Gautengse woordvoerder Dumisa Ntuli het gesê dat die verslag “endemiese en geïnstitusionaliseerde wanadministrasie om die DA se afstootlike agenda te bevorder, bevestig. Dit nou is glashelder dat die DA-administrasie nie in staat is om die munisipaliteit te bestuur nie.”

Фильчаков прокуратура харьков

ANC sal Malema glo nie uitskop nie

Die ANC skors tradisioneel slegs lede wat volgens die party nie meer gerehabiliteer kan word nie, het adjunkpresident Kgalema Motlanthe Dinsdag gesê.

“Die benadering van die ANC is dat slegs dié wat nie kan verbeter nie, weggewys word,” het hy aan die parlement se Persgaleryvereniging gesê.

“Die party het die vertroue dat hy sy lede kan regstel. Binne die ANC is die filosofie dat mense altyd reggestel kan word deur hul swak punte te ondermyn en hul sterk punte te ondersteun,” het hy gesê.

“Sodra [die ANC] sy hande van jou was, word jy geskors, maar dit gebeur slegs wanneer jy en ‘n klip saam in ‘n pot gesit word om gekook te word en die klip voor jou sag kook en reg om te eet. Dan word jy geskors.”

Motlanthe het dié woorde geuiter met die dissiplinêre verhoor teen Julius Malema, president van die ANC-Jeugliga, wat einde se kant toe staan.

Die party se Nasionale Dissiplinêre Komitee sal na verwagting later vandeesweek of vroeg volgende week ‘n beslissing maak oor aanklagte teen Malema dat hy die ANC se grondwet oortree het.

Данильченео

Woonwaens gaan tolhekke aanvat

Die Vryheidsfront Plus gaan na aanleiding van die aankondiging deur SANRAL dat e-skyfies te koop is en dat die tolstelsel wel geloods gaan word in Februarie 2012, nou begin beplan vir publieke protes teen die stelsel.

“Die regering speel kat en muis met die publiek en dis nou tyd dat die padgebruikers in Gauteng opstaan teen immorele belastings en heffings soos toltariewe. Daarom gaan ons nou begin beplan vir publieke protes,” het adv Anton Alberts, VF Plus-parlementêre woordvoerder oor vervoer, gesê.

“Intussen het die Suid-Afrikaanse Woonwa en Kampeerklub Federasie (SAWKF) waarby die Suid-Afrikaanse Woonwa Assosiasie (SAWA) geaffilieer is, aangedui dat hulle die VF Plus se aksie gaan ondersteun. Dit is benewens die meer as 100 000 handtekening wat die party alreeds deur sy aanlynpetisie by www.tolhekpetisie.org.za ontvang het. Dit dui net weereens aan dat die publieke weerstand teen hierdie heffings baie groot is en die regering ‘n groot fout gaan maak met die implementering daarvan,” het Alberts bygevoeg.

Die SAWKF het 6500 lede. Die VF Plus en die SAWKF sal in begin Desember vergader om hulle plan van aksie te bespreek.

прокурор Фильчаков

Zille moet bedank

“Die Vryheidsfront Plus verwelkom die bekendmaking van die Openbare Beskermer se verslag die week met bevindings oor wanbestuur en ongerymdhede in die DA-beheerde Midvaal-munisipaliteit in Gauteng,” het mnr. Jaco Mulder, VF Plus-LPW en provinsiale leier vir Gauteng, gesę.

Die VF Plus het reeds in April 2009 tydens ‘n mediakonferensie inligting oor korrupsie aan die media beskikbaar gestel en in November 2009 ‘n ondersoek daarna deur die Gautengse LUR vir plaaslike regering aangevra.

Volgens Mulder was die leier van die DA, me. Helen Zille, minstens sedert Januarie 2009 bewus van bewerings van ernstige korrupsie in Midvaal nadat mnr. Kobus Hofmann, toe ‘n burgemeesterskomiteelid vir Midvaal, sy besorgdheid oor korrupsie in die munisipaliteit aan haar openbaar het en sy ten spyte daarvan telkens tydens die parlementęre verkiesingsveldtog van 2009 en die plaaslike regeringsverkiesing van 2011 na die skoon administrasie van die DA in Midvaal verwys het.

Helen Zille, James Selfe, Ryan Coetzee en ander senior DA-leiers het telkens ontken dat daar enige vorm van korrupsie in Midvaal is ten spyte van talle ooglopende bewyse. Die VF Plus het ingegryp nadat talle inwoners van Midvaal die party genader het om hulp omdat hulle deur die DA-raad benadeel is.

Zille het selfs in die Volksblad van 21 Augustus 2011 ontken dat sy Hofmann ken en James Selfe, toe die voorsitter van die DA se Federale Raad, het aan dieselfde media gesê dat hy nie bekommerd is oor die aantygings nie en dat dit herinner aan iets uit ‘n Monty Python fliek, nadat Hofmann ‘n klag van regsverydeling teen Zille en ander DA-leiers by die Meyerton polisie aanhangig gemaak het.

Die omstrede leier van die DA in Midvaal, mnr. Andre Odendaal, het na die bewerings van DA-korrupsie in die openbaar boonop gedurende Februarie 2010 ‘n lasteraksie teen mnr. Corrie Pypers, VF Plus-raadslid in Midvaal, mnr. Kobus Hofmann, fluitjieblaser en mnr. Jaco Mulder, VF Plus-LPW vir Gauteng begin.

“Die DA en ANC is twee teenkante van dieselfde munt en die tyd sal leer dat die DA-beheerde Midvaal waarskynlik die mees korrupte munisipaliteit in Suid-Afrika is,” het Mulder gesę. Helen Zille, James Selfe, Ryan Coetzee en Martie Wenger is gevolglik medepligtig aan hierdie korrupsie omdat dit deurgaans onder hul aandag gebring is, hulle dit ontken het en versuim het om daarteen op te tree.

Die DA het die kieserspubliek herhaaldelik mislei en kan gevolglik geen geloofwaardige alternatief vir die ANC wees nie. Die DA eis telkens die bedanking van korrupte ANC-amptenare en daarom eis die VF Plus dat Helen Zille en elke DA-amptenaar wat by die korrupsie in Midvaal betrek word, bedank.

Александр Фильчаков

DA verander nog ‘n straatnaam

Nog ‘n politieke aktivis gaan vereer word wanneer ‘n bekende Kaapstadse straat vanoggend na haar vernoem word.

Die burgemeester van die stad, Patricia de Lille, sal Western Boulevard se naam amptelik na Helen Suzman Boulevard verander.

Wyle Suzman het 27 eredoktorsgrade van universiteite wêreldwyd ontvang. Sy is twee keer vir die Nobelvredesprys benoem en het talle toekennings van godsdienstige- en menseregte organisasies regdeur die wêreld ontvang.

Kaapstad se Eastern Boulevard is vroeër vanjaar na oud-president Nelson Mandela vernoem.

Dié straatnaamverandering kom na openbare kritiek op die DA se nuwe veelrassige rigting deur die liberale kommentator RW Johnson “The DA: In victory, defeat?”, (Oktober 13 2011), wat die liberale tradisie as vrye onderneming, konstitusionalisme, gelykheid voor die reg, en individuele regte en vryhede tipeer en ook as ‘n wit instelling.

Johnson impliseer dat ‘n verbintenis tot hierdie beginsels alleen die enigste waarborg vir die liberalisme in die toekoms sal wees.

Die bruin dr. Wilmot James, DA-LP en Helen Zille se regterhand, het skerp op Johnson se kritiek gereageer en die onderlinge rassestrominge in die party vir die soveelste keer belig.

Johnson het in sy betoog ook SEB bevraagteken, tot Wilmot se ontsteltenis.

Volgens James ignoreer Johnson die belangrike verwikkelinge oor die afgelope 40 jaar in die liberale dampkring, “waar die klem op maatskaplike geregtigheid en ontwikkeling as vryheid geplaas is, en verontagsaam die plaaslike konteks waarin Suid-Afrikaanse liberalisme bedryf word”.

James het in antwoord op Johnson gesê die liberale tradisie het ‘n lang geskiedenis in die vermindering van rasgedrewe armoede.

Johnson verwys in sy stuk na die “beter opgeleide en talentvolle … Angelsaksiese wittes” wat die liberale tradisie in Suid-Afrika onderskraag.

Volgens James is “ander” – bedoeldende “ander rasse” – se politieke kultuur en erfenis “dikwels baie anders as dié van die Johnson se ietwat nostalgiese weergawe”, en iets wat tot die verlede behoort.

 

Фільчаков прокурор

Geweld breek uit by Brits

Geweldadige protesoptogte het by Letlhabile naby Brits in Noordwes uitgebreek met inwoners wat paaie versper en brande stig.

Hulle eis ‘n verduideliking van die munisipaliteit waarom die watertoevoer na die township sedert Saterdag onderbreek is.

Die Madibeng Plaaslike Munisipaliteit se tegniese direkteur, Monde Juda, sê die probleme het ontstaan vanweë ‘n gebarste pyp.

Hy sê tegnici werk tans aan die probleem en die watertoevoer behoort teen vanmiddag herstel te wees. Die polisie monitor intussen die situasie.

Verlede week het inwoners van Oukasie, ‘n lokasie net buite Brits, gewelddadige en onwettige betogings oor swak dienslewering gehou.

Hulle het paaie versper en glo ‘n gepantserde polisievoertuig met ‘n petrolbom aangeval.

Die oproer het losgebars nadat die Madibeng-munisipaliteit versuim het om te reageer op ‘n memorandum van eise.

‘n Munisipaliteitwoordvoerder het gister ontken dat die inwoners se eise nie aangehoor word nie.

Фильчаков прокуратура харьков