Suider-Afrika Archives - Page 611 of 888

Regering maan dat wette nagekom moet word

Die regering het ‘n beroep op Suid-Afrikaners gedoen om hulself tydens die Wêreldbeker-sokkertoernooi te gedra.

Daar is spesifiek gevra dat hulle hulself daarvan moet weerhou om wederregtelik by stadions en jolkolle te probeer inkom.

“Die afskop van die Wêreldbeker is skaars twee dae weg en die regering wil almal wat gaan deelneem aan die vieringe aanmoedig om hoflik en beleef op te tree,” het Themba Maseko, woordvoerder vir die regering, in ‘n verklaring gesê.

“Sokker-aanhangers word aangemoedig om gedrag te toon wat nié skade aan ander wat die toernooi bywoon, kan aandoen nie.”

Maseko het gesê die regering het besluit om dié verklaring uit te reik ná die voorval by die Tembisa-stadion vroeër vandeesweek.

Intussen het Praaglede wat Woensdag by ‘n winkelsentrum in die noorde van Johannesburg, Cresta, middagete geniet het, die webwerf geskakel om te berig oor ‘n skermutseling tussen swartes wat voor ‘n musiekwinkel uitgebreek het.

Omstanders moes die vegtende partye tot bedaring bring. Die sentrum word deur talle Brasiliane besoek wat in die omtrek ter ondersteuning van hulle span, tuisgaan. Van die besoekers het die geveg grootoog gadegeslaan.

Ondertussen het dit ook bekend geword dat nie alleen die Portugese media nie, maar ook Spaanse, Suid-Koreaanse en Chinese joernaliste deurgeloop het onder rooftogte.

Nuwe vlaag van geweld teen wit Zim-boere

‘n Nuwe vlaag van geweld het op 16 plase uitgebreek in die afgelope week in Zimbabwe nadat aanhangers van president Robert Mugabe nóg grond probeer oorneem het.

‘n Vakbond, Commercial Farmers Union, wat sowat 300 wit boere verteenwoordig wat steeds op hul eiendom is, sê grond en toerusting word al hoe meer afgeneem.

In oostelike Zimbabwe het ‘n swart voorman van ‘n plaas bewussyn verloor nadat hy in die Manicaland-distrik geslaan is.

‘n Ander boer se vrou is vier ure gegee om haar plaas te verlaat.

Beide insidente het Dinsdag plaasgevind, het die vakbond se leier, Charles Taff, Woensdag gesê.

Volgens Taff het polisie nog nie op oproepe om hulle te kom help gereageer nie.

Die polisie was tot op hede nog nie beskikbaar vir kommentaar nie.

Sedert 2000 is sowat 4 000 wit boere, in talle gevalle gewelddadig, van hul grond verwyder.

video slots прокурор Фильчаков

CDP geskok oor aanval op Portugese mediakontingent

“Ons is geskok en met afgryse vervul met die nuus dat ‘n Portugese mediaspan in hul vier ster gastehuis naby Fourways beroof is,” sê ds. Theunis Botha, leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA).

“Nog voor die Fifa-toernooi se amptelike opening, word toeriste aan die land verwelkom asof dit die land van geleenthede – vir die misdadigers – is. Die Sentrale Dwelmagenskap verwag 40 000 prostitute net in die Johannesburg-omgewing alleen, meestal uit Zimbabwe. (Agtergrondberig hieronder). Dit noop ‘n mens om te sê die land wat eens die land van melk en heuning was, is nou die land van misdaad en prostitusie.

“Drie joernaliste van Portugal wat in ‘n gastehuis by Magalliesburg ‘tuis’ was is van hul kameras, skootrekenaars, paspoorte ens beroof. Die een moes in die loop van ‘n vuurwapen vaskyk, terwyl die ander twee tydens die voorval geslaap het.

“Die CDP maak van die geleentheid gebruik om namens die Suid-Afrikaners wat by hul volle positiewe is, die slagoffers om verskoning te vra en besoekers vooraf te waarsku wat moontlik op hulle wag.

“Moontlik sal die polisie nou ‘n slag daad by die woord voeg en die misdadigers aankeer en die gesteelde goedere terugvind.

“As die negatiewe publisiteit waaronder Suid-Afrika nou oorsee deurloop as maatstaf geneem word, en wat meestal verband hou met prostitute, Zuma se sekslewe en Malema se manewales, is hierdie nuus dit waarsonder die land goed kan klaarkom.

“Ons vertrou dat die regering nou sal besef dat misdaad, en nie die Afrikaner of Christene of enige groep wat vir diskriminerende praktyke uitgesonder word nie, die land se werklike vyande is.

отзывы хорватия прокурор Фильчаков

ANC-jeug vaar uit teen ‘mal Afrikaner’

Die ANC-jeugliga is gewalg deur die “kranksinnigheid” van “‘n sekere” Afrikanerboer wat na bewering ‘n klag van volksmoord teen sy leier Julius Malema by die internasionale geregshof gelê het.

“Die ANC-jeugliga is gewalg deur die aandagsoekende sentimente en kranksinnigheid van ‘n sekere Afrikanerboer van Rustenburg wat na bewering ‘n klag by die internasionale geregshof gelê het oor die sing van vryheidsliedere in Suid-Afrika deur Suid-Afrika se bevrydingsbeweging wat deur die ANC gelei word,” het die liga in ‘n verklaring gesê.

Die ANC-jeugliga het gesê die lê van die klag is ‘n poging deur “regse elemente” om hom van sy vernaamste politieke programme te laat afwyk.

“Die kwessie van vryheidsliedere is tans voor die Suid-Afrikaanse howe, wat ‘n tussentydse bevel gelewer het oor die sing van sekere vryheidsliedere tot tyd en wyl die ANC suksesvol sy stryd- en bevrydingsliederfenis gaan verdedig.”

Die liga het gesê dat hy nog nooit in misdaadaktiwiteit betrokke was nie omdat hy daarvan bewus is dat sodanige aktiwiteit die “vryheid” sou ondermyn waarvoor sy “voorgangers” met hul lewens geveg het.

“As daar mense bestaan wat volksmoord teen ons mense gepleeg het, is dit die Afrikaners wat vele vryheidsvegters en onskuldige Suid-Afrikaners geslag het om die rassistiese apartheidsbewind vir baie jare te beskerm en ons het hulle daarvoor vergewe.

“Die beweerde klag by die internasionale geregshof het vanuit mediaberigte onder ons aandag gekom en geen kommunikasie is aan ons deur die internasionale strafhof gestuur nie.

“Ons is meer as seker dat die internasionale strafhof hom nooit aan ‘n sekere Afrikaner se onnoselheid en onsekerheid steur nie en behoort eerder te fokus op die vervolging van oorloë wat deur imperialiste geborg word en wat steeds in die wêreld plaasvind.”

Die liga het gesê dat hy as ‘n beginselsaak alle Suid-Afrikaners aanmoedig om te waak teen regse agents provocateurs, “waarvan die meeste begunstigdes van ‘n rassistiese moorddadige apartheidsbewind is”.

Malema “Hulle maak herhaaldelik misbruik van die regte waarvoor die bevrydingsbeweging geveg het ten einde ons aandag van ernstige kwessies rondom die ekonomiese emansipering van die swart meerderheid en Afrikane in die besonder af te lei. Ons word nooit geskud nie.

Volgens ‘n berig gister in Beeld, het ‘n onbekende boer van Rustenburg en gesin Suid-Afrika verlede week verlaat uit vrees vir hul veiligheid nadat hy besluit het om die klag teen Malema te lê.

Hul prokureur, Fanie van der Walt, het gesê dat die beskuldigings teen Malema Maandag op skrif aan die internasionale strafhof in Den Haag, Nederland, gestuur is.

Die klagtes hou verband met Malema se singery van “skiet die Boer”, wat deur die Rustenburgse boer geïnterpreteer word as aanhitsing van jeugliga-ondersteuners om volksmoord teen Afrikanerboere te pleeg.

Kort nadat Malema deur die ANC betig is, het die woorde van die liedjie verander na “soen die Boer”.

липецк жгуты Лобановский

Boer lê volksmoordklag in Den Haag

‘n Boer van Rustenburg het Julius Malema by die internasionale strafhof in Den Haag van volksmoord en misdade teen die mensdom aangekla.

Dié man, wat intussen landuit is, se naam is nie bekend nie, maar het by monde van sy regverteenwoordiger met Die Burger geskakel.

Hy het uitgebreide boerderybelange, het sy prokureur, Fanie van der Walt, Maandag aan die koerant gesê. Hy sal na Suid-Afrika terugkeer en sy identiteit bekend maak sodra die hof in Den Haag sy veiligheid kan waarborg.

Malema word in die dokument daarvan beskuldig dat hy in die nasionale sowel as internasionale media ‘n oproep gedoen het met sy “Skiet die Boere” liedjie tot volksmoord teen Afrikanerboere.

Die hoë misdaadsyfer in Suid-Afrika word as dekmantel vir volksmoord en misdade teen die mensdom gebruik, lui die dokument.

Volgens die Statuut van Rome van die Verenigde Nasies wat in Julie 2002 in werking getree het, kan selfs opsweping tot volksmoord as volksmoord geklassifiseer word.

Die afgelope 16 jaar is 2 380 Afrikaners vermoor. “Vroue is verkrag en mense is sonder enige rede gemartel.” Van der Walt sê die ANC ontken die erns hiervan.

Misdade teen die mensdom ingevolge internasionale reg sluit onder meer in moord, verkragting, slawerny, onwettige deportasie, onregmatige ontneming van persoonlike vryheid, marteling en gedwonge prostitusie.

полиграф защита лобановский депутат

Jeugliga lê klag teen burgemeester

Die ANC-jeugliga het ‘n klagte teen die burgemeester van Kaapstad, Dan Plato, gelê, het ‘n lid van die party gesê.

“Ons het ‘n saak by die Khayelitsha-polisiestasie aanhangig gemaak,” het Xolisa Hlwempu gesê.

“Ons sal die media inlig oor wanneer die burgemeester in hegtenis geneem sal word, sodat hulle daar kan wees om dit te sien.”

Volgens Chumile Sali, woordvoerder vir die Jeugliga se Dullah Omar-tak, is daar klagtes van beskadiging van eiendom en aanhitsing van geweld teen Plato gemaak.

Rulleska Singh, woordvoerder vir Plato, het gesê die burgemeester het deur die media van die klagte verneem.

“Wanneer die polisie die saak ondersoek sal hulle met die burgemeester self praat,” het Singh gesê.

Dít kom nadat lede van die ANCYL die toilette in Khayelitsha afgebreek het, omdat sinkplate in plaas van bakstene gebruik is om dit te bou.

игры для девачек

Zuma sê hy kan nie vervolg word nie

President Jacob Zuma het Maandag in hofdokumente aangevoer dat hy nie krimineel vervolg mag word nie, omdat dit hom sal verhinder om sy werk te doen.

Dit kom nadat die DA Maandag ‘n aansoek by die hooggeregshof in Pretoria ingedien het wat die nasionale vervolgingsgesag (NVG) versoek om hulle “irrasionele en arbitrêre” besluit, om Zuma nie te vervolg nie, te verduidelik.

Zuma, tesame met die NVG, het Maandag die DA se aansoek teengestaan en gesê dat enige kriminele vervolging van die president hom sal verhoed om sy werk te doen.

Volgens Zuma sal dit beide sy plaaslike en internasionale verhoudinge affekteer en Suid-Afrika in ‘n swak lig plaas gedurende die Wêreldbeker-sokkertoernooi.

Die DA het versoek om toegang te verkry tot Zuma se hofdokumente, maar die NVG hou voor dat dit nie aan dié politieke party oorhandig moet word.

“Aan die einde van die dag is daar belangriker goed om te doen as om miljoene dokumente deur te gaan, wat heel moontlik slegs vir akademiese doeleindes gebruik sal word,” het die NVG se regsverteenwoordiger, Paul Kennedy, gesê.

Beide die NVG en Zuma het die hof versoek om nie toegang tot die dokumente aan die DA te verskaf nie. Hulle wou selfs nie eers hê dat die DA toegang verkry tot ‘n verkorte weergawe van die verslag nie, wat glo “vertroulike” inligting oor Zuma en verskeie ander figure bevat.

Фільчаков прокурор

Volskaalse aanvalle ná WB, sê koerant

Die Zimbabwe Mail beweer Suid-Afrikaanse regeringsamptenare is besig met ‘n komplot om geweld aan te blaas teen wit boere en swart uitlanders. Volgens die koerant word volskaalse aanvalle en gewelddadige plaasbesettings beplan net ná die Sokkertoernooi.

Zimbabwiese ‘oorlogsveterane’ en weermaglede word glo ingespan om die ANC te help en leiding te verskaf met ‘n voorlinie-aanval. ‘n Geheime komitee bestaande uit ANC- en regeringsagente is reeds bedrywig met die identifisering van teikens en die gebruik van aanvalsgroepe, sogenaamde “hit squads”.

ANC-Jeugligalede het pas hul intense opleiding aan ‘n Zimbabwiese militêre kollege voltooi en word in alle provinsies in Suid-Afrika ontplooi vir fyn-beplande en gewelddadige xenofobiese aanvalle, grondroof en plaasbesettings wat glo deur die media as “spontane uitbarstings” beskryf sal word.

Die koerant berig ook dat Tendai Mtawarira, die rugbyster, nie meer vir Suid-Afrika sal speel nie aangesien hy nie ‘n Suid-Afrikaanse burger is nie. Hy is blykbaar een van die manne wat deur die Jeugliga “gemerk” is.

Die minister van landelike ontwikkeling en grondhervorming, Gukule Nkwinti, het wit boere vroeër daarvan beskuldig dat hulle die grondhervormingsplan ondergrawe deur pryse van grond kunsmatig hoog te hou. Hy het gesê swart boere se geduld is op.

Twee jaar gelede, in 2008, is buitelanders in ‘n golf van vreemdelinghaat wat Suid-Afrika oorspoel het, aangeval. Berigte van nuwe geweld ná afloop van die Wêreldbeker word tans uit alle oorde ontvang.

Cormsa, ‘n oorkoepelende liggaam wat Amnestie Internasionaal, die Rooikruis en die Sentrum vir die studie van Geweld en Versoening insluit, sê dié soort dreigemente is volop en diegene wat dreig glo dat hulle die ondersteuning van senior politieke figure het.

Dosyne Zimbawiese vroue wat in Hillbrow deur die Britse koerant, die Guardian, genader is, sê hulle word geïntimideer deur opsigters en mans wat buite hul geboue wat in die nag voor hulle wonings saamtrek.

Ethel Musonza, 32, ‘n moeder van vier, sê die mans beweer dat buitelanders doodgemaak gaan word ná die Wêreldbeker. Sy sê die polisie gaan ook nie ingryp as die aanvallers tot aksie oorgaan nie.

In ‘n plakkerskamp aan die Oosrand, sê aanvallers wat in 2008 aan die geweld teen buitelanders deelgeneem het, dat vlugtelinge en immigrante teen 11 Julie weg moet wees.

free slots bonus топкарго отзывы

De Lille kom vir Vavi op

Patricia de Lille, leier van die Onafhanklike Demokrate, het Sondag Cosatu se algemene sekretaris, Zwelinzima Vavi, verdedig nadat hy twee ministers van korrupsie beskuldig het.

“Die ANC se poging om hom stil te maak en te dissiplineer is veral onregverdig omdat hy een van die min leiers in die alliansie is wat nie die gewoonte van bevrydingspartye het om teenstanders stil te maak nie,” het sy in ‘n verklaring gesê.

Vavi het ‘n herrie veroorsaak toe hy gekla het omdat die president en sy kabinet nie aangedui het dat hulle bewerings van korrupsie onder ministers waaroor vroeër in koerante berig is, sal ondersoek nie.

Die vakbond Cosatu het hierdie week aangedui dat hy verneem het dat Vavi voor ‘n ANC-tugkomitee verhoor sal word oor sy opmerkings.

“Hierdie gewoonte om die boodskapper aan te val maar die boodskap self te ignoreer, is ‘n gewoonte wat die ANC al baie teen my probeer gebruik het,” het sy gesê.

“Vavi is een van die enigste mense in die alliansie wat braaf genoeg is om hom uit te spreek teen korrupsie en gierigheid. Dis reg van hom om te vra dat aksie geneem word,” het sy gesê.

траверсы для

Transnetbaas skuldig bevind

Die voormalige Transnetbaas Siyabonga Gama is skuldig bevind aan ‘n ernstige oortreding van bestuursvoorskrifte wat verband hou met die toekenning van twee kontrakte, het die maatskappy Sondag gesê.

Die bevindings deur ‘n onafhanklike voorsitter in ‘n interne dissiplinêre verhoor teen Gama is Saterdag aangekondig, het John Dludlu, ‘n woordvoerder, in ‘n verklaring gesê.

Gama is laat verlede jaar geskors ná aanklagte wat verband hou met die toekenning van ‘n kontrak aan Sibanye Trade Services om 50 lokomotiewe te herbou. Dié maatskappy het na bewering nie ondervinding in die herbou van lokomotiewe nie.

Gama, wat slegs toegelaat is om kontrakte van minder as R10 miljoen toe te ken, het ook na bewering ‘n kontrak van R19 miljoen aan ‘n sekuriteitsmaatskappy toegeken wat glo bande het met die minister van kommunikasie, Siphiwe Nyanda.

“Mnr Gama is in ‘n 200-bladsy bevinding wat al die besonderhede van die saak bevat, skuldig bevind aan elk van die aanklagte teen hom, insluitend een wat verband hou met die onomkeerbare skade aan sy verhouding met Transnet,” het Dludlu gesê.