Suider-Afrika Archives - Page 834 of 888

MDC word gedruk om Mugabe-presidentskap te aanvaar

Volgens die Londense koerant The Guardian, word Zimbabwe se opposisieparty, die Beweging vir Demokratiese Verandering, tans aan intense druk onderwerp deur ander Afrikaleiers om Robert Mugabe toe te laat om as president aan te bly.

President Thabo Mbeki van Suid-Afrika neem die voortou om Morgan Tsvangirai oor te haal om nog 'n termyn van Mugabe se bewind te aanvaar. Ander name in die veldtog wat deur die koerant genoem word, is oud-president Kenneth Kaunda van Zambië en die Zimabwiese oud-minister van finansies, Simba Makoni.

Soos vroeër berig is, word die sogenaamde Keniaanse model van gesamentlike regering deur opposisie en die heersende party wat op tradisionele begrippe van stamharmonie gebaseer is, gesien as die oplossing vir die konflik in Zimbabwe.

Nog 'n aspek van die Afrikapolitiek wat deur die huidige scenario in Zimabwe na vore gebring word, is dat die gebruik van geweld gewoonlik die legitimiteit van enige politieke groepering or party verhoog. Soos wat Zanu PF hom meer en meer tot geweld wend, verhoog die party se politieke prestige by Afrikaleiers, veral by president Thabo Mbeki wat blykbaar beslis is dat Mugabe as president behoort aan te bly.

Vrystaatse ondernemings ontvang munisipale dagvaardings

Volgens 'n prokureur wat 'n distriksmunisipaliteit naby Welkom in die Vrystaat verteenwoordig, André Podielski, word dertien duisend ondernemings in die provinsie tans gedagvaar vir onbetaalde staats- en munisipale heffings op hul besighede.

Die ondernemings sluit boere, prokureurs, dokters, slagters, supermarkte en ingenieursfirmas in.

Podbielski het gesê dat ondernemings wat nou geteiken word, óf opgehou het om die vorige streeksraadheffings te betaal óf nooit daarvoor geregistreer het nie.

Ongeregistreerde ondernemings sal R100 000 moet betaal, maar ander moet bedrae oor R400 000 betaal. Al diegene wat met R400 000 of meer belas word, word in die Bloemfonteinse Hooggeregshof gedagvaar met die kleiner skulde wat na landdroshowe verwys word.

Die leier van die DA in die Vrystaat, Roy Jankielsohn, het die rekeninge wat uitgestuur word as belaglik beskryf en die bedrae as verregaande, wat baie mense kwaad maak.

play kong online

Land staal hom teen rentekoersverhoging

Die land staal hom vandag teen 'n waarskynlike rentekoersverhoging wat vandag deur die goewerneur van die Reserwebank, Tito Mboweni, aangekondig gaan word.

'n Aansienlike verhoging van ten minste 100 basispunte, oftewel een persent, word verwag. Dit gaan die verbruiker wat reeds onder hoë petrol- en voedselpryse steier, swaar tref en na raming gaan 8 000 huiseienaars oor die volgende drie maande hul huise verloor.

Senuagtige internasionale beleggers het ook oor die afgelope week hul aandele op die Johannesburgse beurs verkoop sodat die mark gister die laagste punt oor die afgelope anderhalf maande bereik het.

Die konsensusvoorspelling onder 10 vooraanstaande ekonome is vir 'n verhoging van honderd basispunte wat die repokoers op 12,5% te staan sal bring.

shop games free

Drastiese afname in voornemende studente aan die Vrystaatse universiteit

Volgens syfers wat deur die Vryheidsfront Plus in die Vrystaat bekendgemaak is, is daar tans 'n drastiese afname in aansoeke om aanstaande jaar aan die Universiteit van die Vrystaat te gaan studeer. In sommige vakgebiede het aansoeke met meer as 70% verminder teenoor aansoeke in die ooreenstemmende tyd verlede jaar.

Dit volg op negatiewe publisiteit wat die universiteit getref het rondom die Reitz-video en sy gedwonge integrasieprogram.

Die Vryheidsfront het hom uitgespreek teen die voortsetting van gedwonge koshuisintegrasie wat reeds soveel skade aan die UV tot gevolg gehad het. Ook die nut van 'n bedrag van vier miljoen rand wat aan 'n instelling van buite, Igubu van mnr. Rudi Buys, betaal word vir die heropvoeding van studente oor diversiteit, word deur die party betwyfel.

Hlophe l? ‘n klag teen regters van die Grondwethof

Regsverteenwoordigers vir die Kaapse regterpresident John Hlophe gaan 'n klag by die Regterlike dienskommissie indien teen regters van die Grondwethof, het die SAUK gisteraand berig.

Hulle het Hlophe daarvan beskuldig dat hy die Grondwethof op onbehoorlike wyse in hul besluit oor die deursoeking en beslaglegging deur die Skerpioene op die perseel van ANC-president Jacob Zuma probeer beïnvloed het.

Hlophe se regsman, Lister Nuku, sê die regters het die saak openbaar gemaak sonder om eers die klag by die RDK te lê.

Слюнявчики

Ermelo se rugbydag eindig in vuisgevegte

'n Rugbywedstryd by Hoërskool Ermelo teen Hoërskool Genl. Hertzog van Witbank het Saterdag tot 'n vuisgeveg gelei waarin ouers, onderwysers en leerlinge betrokke was.

Dié geveg het die rugbydag wat daar gehou is ontsier, volgens die dagblad Beeld.

'n Ermelo-speler het glo na 'n swart speler van Hertzog as 'n "kaffer" verwys na afloop van die kragmeting. Ermelo het die wedstryd net-net gewen en die spanning het hoog geloop met die eindtelling van 18-15.

Daarna het die Herzogspeler 'n hou geplant en die gort was gaar soos die groen baadjies van Ermelo glo op die veld toegesak het

Ermelo het in die doodsnikke van die tweede helfte met 'n skepskop gewen.topcargo кидалы

Gautrein sal twee weke voor die 2010-afskop loop

Die Gautrein sal omtrent twee weke voor die 2010-sokkerwêreldbekerafskop begin loop, volgens die jongste Gautrein-nuusbrief.

Die trein sal tussen die Johannesburgse lughawe en Sandton loop, ingesluit die Midrand-depot en bedryfsentrum.

Die aanvang van die Sokkerwêreldbeker is vir 11 Junie in Johannesburg geskeduleer. Die eindwedstryd sal op 11 Julie plaasvind.

Die spoor wat hierdie gedeelte met Pretoria en die Johannesburgse middestad verbind, sal slegs in 2011 voltooi wees.

справка 86 у

Nagmerrievlug met South African Express

South African Express het verskoning aangebied aan 'n groep passasiers wat gister vir 24 uur gestrand was, nadat hulle 'n nagmerrievlug moes verduur.

The Citizen berig dat daar Walliese rugbyondersteuners onder die passasiers was wat aan urelange oponthoude blootgestel is voordat hul vliegtuig uiteindelik opgestyg het.

Vyf minute na die aanvang van die vlug het die vlieënier skielik omgedraai en die vliegtuig laat land sonder om die lugflappe uit te haal.

Noodvoertuie en brandweerwaens het hul na die toneel gehaas. Die vliegtuig het toe halfpad op die aanloopbaan gaan staan.

Die lugdiens het nie kommentaar gelewer oor waarom die vlieënier opgestyg het sonder om passasiers te waarsku dat hulle hul veiligheidsgordels moet vasmaak nie.

Suid-Afrika ervaar kritieke tekort aan gesondheidspersoneel

In slegs twee provinsies, Gauteng en Kwazulu-Natal, is daar tans 20 000 vakatures vir gesondheidspersoneel.

Die minister van gesondheid Manto Tshabalala-Msimang het het geantwoord op 'n geskrewe vraag van Patricial de Lille van die Onafhanklike Demokrate waarin sy die rampspoedige tekort aan opgeleide verpleegsters, dokters, radioloë, rekenmeesters, spesialiste, fisioterapeute en sielkundiges erken.

Msimang is tans besig om wetgewing voor te berei wat verder die inkomste van privaat mediese praktisyns gaan beperk met twee derdes wat in meningspeilings aandui dat hulle die land wil verlaat.

в самаре topcargo

Middelklas hou asem op vir rentekoerse

Middelklas Suid-Afrikaners hou vandag asem op wanneer die Reserwebank op 'n vergadering oor rentekoerse besluit. Die bank se Monetêre Beleidskomitee sal na verwagting die repokoers met 'n honderd punte na twaalf-komma-vyf persent opskuif.

Die primakoers sal derhalwe na sestien persent styg.

Die goewerneur van die Reserwebank, Tito Mboweni, het vroeër geskimp dat die koers met twee persentasiepunte gelig kan word. Die Reserwebank is onder druk om inflasie, wat hierdie maand die tien-persent kerf gebreek het, hok te slaan. Die Monetêre Beleidskomitee se besluit sal môre aangekondig word.

poker online no