Nuus Archives - Page 993 of 1583

Brasilië eis dat Libiese burgers beskerm word

Brasilië is ongelukkig met die dodetal in Libië en eis ‘n wapenstilstand in die land so gou as moontlik, het die departement van buitelandse sake verklaar.

‘n Skietstilstand moet die Libiese burgers beskerm en die weg baan vir ‘n oplossing vir die krisis deur dialoog, het die departement gesê.

Brasilië het, net soos China, Indië, Duitsland en Rusland, nie deelgeneem aan ‘n stemming in die Verenigde Nasies se Veiligheidsraad om goedkeuring te verleen vir die gebruik van geweld om ‘n vliegspergebied oor Libië af te dwing nie.

Brasilië het by dieselfde geleentheid ondersteuning uitgespreek vir die VN en die Afrika-Unie se oproep vir ‘n onderhandelde en volhoubare oplossing.

Lugaanvalle op Libië deur Amerikaansgeleide magte het Saterdag begin.

Фильчаков прокурор

Denemarke wil Arabiese opstande steun

Nóg ‘n groep lande het by Frankryk, Brittanje en Amerika aangesluit in ‘n internasionale veldtog om ‘n vliegspergebied oor Libië te bekragtig.

Noorweë, Denemarke, Kanada en België het almal vegvliegtuie gestuur om Moeammar Gaddafi se magte, wat na bewering burgerlikes in dié land aanval, op hul knieë te bring.

Die Deense regering wil ‘n sterk standpunt ter ondersteuning van die opstande in die Arabiese wêreld inneem, het dié land gesê.

Anders as met hul vorige militêre avonture in Afganistan en veral Irak, word die regering plaaslike sterk gesteun vir hulle betrokkenheid by Libië.

Фильчаков

Jemen se leier klou

President Ali Abdullah Saleh van Jemen het gesê ‘n militêre staatsgreep sal tot ‘n burgeroorlog lei en het gesê hy sal teen die einde van die jaar uit te tree.

Hy wil egter nie mag aan militêre leiers, wat by die opposisie in dié land aangesluit het, oorhandig nie.

“‘n Nuwe rigting in die militêre opset sal die hele land negatief raak,” het Saleh in ‘n waarskuwing, wat landwyd op televisie uitgesaai is, aan weermaglede gesê. “Die land is veel groter as die ambisie van enkele individue wat mag wil bekom.”

Daar was geen onmiddellike reaksie deur die opposisie, aan wie geestelikes en stamme lojaal is, nie. Weermaglede met invloed het ook by die opposisie aangesluit.

Saleh het vroeëre eise dat hy moet uittree verwerp.

играшки лобановский депутат

ANC-lede bestorm kantoor

Ontstigte lede van die ANC het dié party se provinsiale kantore in die Wes-Kaap Dinsdag binnegeval nadat die verkiesingskandidate in 16 wyke aangewys is.

Volgens Songezo Mjongile, sekretaris van die ANC in die Wes-Kaap, was die “ongedissiplineerde” lede ontevrede oor die ANC se nuutste verkiesingskandidate wat in die Wes-Kaapse wyke aangewys is.

“Die ANC keur glad nie hierdie tipe gedrag goed nie,” het hy gesê.

“Hulle het daarop aangedring dat hulle kandidate aangestel word, sonder dat die nodige prosedures gevolg word.”

Die groep het ‘n deur afgeskop en die provinsiale leiers van die ANC gedreig.

Na bewering is die hulp van die polisie ingeroep en is die ontevrede lede uit die gebou verwyder.

игры для дитей

Zuma veroordeel bombardement

President Jacob Zuma op Maandag gewaarsku teen buitelandse militêre ingryping in Libië en gesê lande kan nie die terme van Resolusie 1973 van 17 Maart oorskry om ‘n vliegspergebied af te dwing nie.

Zuma het by die Menseregtedag-vieringe in Athlone buite Kaapstad gesê die militêre optrede strek wyer as die resolusie wat deur die Veiligheidsraad aanvaar is.

“Suid-Afrika verbind homself tot die posisie van die Afrika-Unie se Vrede en Veiligheidsraadsbesluit van 10 Maart, wat Afrika se sterk verbintenis tot die nakoming van die eenheid en territoriale integriteit van Libië onderskryf, en beklemtoon Afrika se verwerping van enige vreemde militêre ingryping, ongeag die vorm.”

“Die VN-Veiligheidsraad se resolusie moet in werking gestel word in die letter en gees soos wat dit deur alle lede van die VN-Veiligheidsraad begryp word.”

“Suid-Afrika sê nee vir die doodmaak van burgerlikes, nee vir die doktrine om ‘n regime-verandering teweeg te bring en nee vir die buitelandse besetting van Libië of enige ander soewereine staat.”

Amr Moessa, sekretaris-generaal van die Arabiese Bond, het reeds die VSA en bondgenote verwyt dat hul lugaanvalle vir burgerlike ongevalle verantwoordelik is.

Britse minister van buitelandse sake William Hague het Maandag geweier om die moontlikheid van die implementering van spesiale magte uit te skakel en net gesê daar sal geen besetting van Libië wees nie.

Vladimir Putin, Russiese premier, S.M. Krishna, Indië se minister van buitelandse sake, en Boiko Borisof, Bulgaarse premier, het ook die VSA, Frankryk en Brittanje se ingryping veroordeel.

Zuma het ‘n beroep op die VSA, Brittanje, Frankryk en hulle Arabiese bondgenote gedoen om militêre ingryping te beperk tot die bepalings van die VN-resolusie.

Hy het ‘n onmiddellike skietstilstand gevra.

Aanvalle deur die VSA en bondgenote op militêre teikens in Libië het Maandag voortgeduur.

купить игрушку лобановский политик

Vragvliegtuig stort op woonbuurt neer

‘n Vragvliegtuig het Maandag in ‘n woonbuurt in die stad Pointe-Noire neergestort.

Dit was ten tye van die berig nie bekend of enigiemand beseer of dood is in die ongeluk in die Republiek van die Kongo se ekonomiese hoofstad nie.

Inwoners het aan AFP gesê hulle het ambulanse na die toneel sien jaag, maar beamptes wou nie sê of daar enige sterftes was nie.

“Die vliegtuig het tydens landing verongeluk,” het die direkteurgeneraal van die land se burgerlugvaartowerheid gesê. “Daar is baie skade maar ons praat nog nie oor sterftes nie (sic).”

casino games free

Zille sweep swart kiesers op

Mense moet hulle stemme gebruik om ‘n standpunt in te neem teen die regering se versuim om mense se basiese regte te erken, het die DA-leier Helen Zille Maandag gesê.

“As mense nie dink die regering gee hierdie regte nie, het hulle ‘n reg om hulle uit te stem,” het Zille Maandag in ‘n toespraak by die Gaphaahla-stadion in Siyabuswa, Mpumalanga, gesê.

“Dit help nie om dieselfde party weer in Mei te verkies en dan weer in Augustus aan ‘n protesoptog deel te neem nie… teen daardie tyd sal dit te laat wees.”

Zille het gesê burgers moet veg vir hulle reg tot toegang tot basiese dienste soos gesondheidsorg en onderrig, net soos Sharpeville-inwoners 51 jaar gelede gedoen het. Nege-en-sestig mense is op 21 Maart 1960 dood toe die polisie op betogers geskiet het.

“Ons bring ere aan hierdie mans, vroue en kinders. Hulle het die hoogste prys betaal in hulle stryd vir vryheid, gelykheid en waardigheid,” het Zille gesê.

play crown

Lugaanvalle op Libië ‘baie suksesvol’

Brittanje het Sondag gesê sy lug- en see-aanvalle op teikens in Libië was “baie suksesvol” en het beklemtoon dat alles moontlik gedoen word om burgerlike ongevalle te voorkom.

Britse vegvliegtuie en ‘n duikboot het by die Amerikaanse- en Franse weermag aangesluit in aanvalle op Libië om ‘n vliegvrye-sone oor dié land af te dwing. Dié besluit is deur die Verenigde Nasies bekragtig ná krisissamesprekinge in Parys en die daaropvolgende voorneme om Moeammar Gaddafi se aanslag op die rebelle in dié land stop te sit.

Die Britse minister van verdediging, Liam Fox, het aan die BBC gesê voorlopige verslae dui daarop dat die aanvalle uit die lug “baie suksesvol” was.

David Cameron, eerste minister, was Sondag die voorsitter van ‘n vergadering van die regering se noodkomitee, COBRA, in Londen.

Die Libiese weermag het intussen nog ‘n skietstilstand verklaar.

Die Britse hoof van verdedigingpersoneel, David Richard, het gesê die komitee “oorweeg” dié aankondiging en “kyk wat ons daarvan kan maak”.

‘n Libiese beampte het aan AFP gesê minstens 48 mense is dood in dié aanvalle, wat Saterdagaand begin het toe ‘n Franse vegvliegtuig op ‘n voertuig, wat aan pro-Gaddafi-magte behoort, gevuur het.

Britse ministers en beamptes het egter die versekering gegee dat hulle net op militêre teikens skiet.

липецк сварочное Лобановский Харьков

VN-hoof aangeval deur betogers

Ban Ki-moon, sekretaris-generaal van die VN, moes na ‘n gebou van die Arabiese Liga vlug nadat hy Maandag by Tahrir-plein in Kaïro deur sowat 50 betogers wat lojaal is aan die Libiese leier, Moeammar Gaddafi, omsingel is.

‘n Korrespondent van die nuusagentskap AFP het Maandag oor dié voorval verslag gelewer.

Dis nie duidelik hoe die voorval die VN-hoof se besoek aan die streek sal raak nie.

casino downloads

TAS wil Afrikaans by Tuks bevorder

Die VF+TAS het Dinsdagoggend, 15 Maart, ‘n Hoërskool in Pretoria Tuine besoek om met voornemende studente te gesels oor die belangrikheid van moedertaalonderrig op tersiêre vlak.

Hierdie aksie was baie positief ontvang deur beide personeel en leerlinge. Hulle het gevoel dat sulke inisiatiewe meer gereeld moet plaasvind om aan die jeug die voordele van moedertaalonderrig op tersiêre vlak te laat besef.

VF+TAS het ook gesels oor die stand van Afrikaans as onderrigtaal op Tuks. Me. Nadine Greyling, van Tuks Afrikaanse Studente (TAS), is van mening dat dit van kardinale belang is dat Afrikaans op Tuks nie net behou moet word nie, maar weer uitgebrei moet word na al die kursusse wat aangebied word by UP. Die behoud van Afrikaans as onderrigtaal by die Universiteit is ook volgens haar van uiterste belang vir die moontlike ontwikkeling van ander amptelike tale as onderrigtale by UP. “Indien Afrikaans as onderrigtaal sou agteruitgaan en afneem staan ons die gevaar dat slegs een taal gebruik sal word as onderrigtaal en dit sal die ontwikkeling van ander tale feitlik onmoontlik maak. Indien Afrikaans behou en uitgebrei kan word sal dit die meertaligheid van die universiteit bevorder en ook die weg baan vir die moontlike ontwikkeling van ander amptelike tale as tersiêre onderrigtale,” het Greyling aangevoer.

“VF+TAS voel Tuks kan homself in ‘n klas van sy eie plaas as universiteit indien hy bereid is om leiding te neem onder die Suid-Afrikaanse universiteite en ‘n Afrikataal, soos byvoorbeeld Sepedi, ook as onderrigtaal kan ontwikkel. Hulle sal egter eers die veiligheid van Afrikaans moet verseker. Afrikaans is tog die oorspronklike taal van die universiteit sedert sy ontstaan. Tuks moet onthou dat dit heel waarskynlik nie die instansie sou wees wat dit vandag is as dit nie vir Afrikaans as onderrigtaal was nie. Hy moet sy oorspronklike taal eer en beskerm – dit is deel van sy trotse geskiedenis,” het Greyling bygevoeg.