Nuus Archives - Page 977 of 1583

Kom in opstand!

Minister Colin Chabane en die NYDA-voorsitter, Andile Lungisa het tydens ‘n mediakonferensie gepleit dat die privaatsektor meer aktief by werkskepping betrokke raak. “Hierdie beroep is lagwekkend en niksseggend. Dit is juis die ANC-jeugliga waarvan Lungisa die adjunkpresident is, se onverantwoordelike uitsprake en ondeurdagte najaag van nasionalisering wat ‘n ongunstige omgewing vir die privaatsektor in Suid-Afrika skep. Daar kan nie van die privaatsektor verwag word om te midde van hierdie onstabiliteit ‘n aktiewe rol ten opsigte van werkskepping te speel nie,” het Wouter Wessels, VF Plus-jeugwoordvoerder gesê.

Lungisa het tydens die mediakonferensie die privaatsektor blameer dat hul te stadig aan boord kom om die regering te help met werkskepping vir die jeug. Lungisa het ook gesê dat die NYDA se begroting van R380 miljoen heeltemal te min is “om te doen wat (ons) graag wil doen” en dat hul ‘n begroting van R1 miljard nodig het.

“Die VF Plus beskou die NYDA as ‘n struikelblok vir jeugontwikkeling in Suid-Afrika. Dit het tyd geword dat die jeug in opstand kom teen hierdie swak verteenwoordiging en vermorsing van geld. Dit is ook nodig om in opstand te kom teen swak skoolonderrig en diskriminasie wat op alle vlakke plaasvind,” het Wessels gesê.

пескоструй на керхер Фільчаков прокурор

Munisipale wet wat diens verbeter, sloer

Die wetsontwerp wat bedoel is om kundigheid in munisipaliteite af te dwing en partypolitieke ampsdraers verbied om in senior munisipale poste te dien, is nog nie onderteken nie.

Nuwe raadslede en burgemeesters van watter politieke kleur ookal wat in die pas afgelope verkiesing aangewys is, sal dus steeds beëdig kan word, al beteken dit hulle is nie gekwalifiseer vir die pos nie.

Die departement van samewerkende regering sou die Wysigingswetsontwerp op Munisipale Stelsels glo vóór die plaaslike verkiesing promulgeer.

Die munisipale vakbond Samwu is egter teen die wetsontwerp gekant. Nuus24 berig dat hulle dreig om landwyd te staak indien president Zuma die wet onderteken.

Tahir Sema, Samwu se nasionale woordvoerder, het gesê die president het reeds aangedui dat hy nie die wet sal onderteken nie.

Dié wetsontwerp bepaal onder meer dat korrupte munisipale amptenare se name vir ‘n dekade lank op ‘n swartlys sal verskyn en dat senior munisipale bestuurders toepaslik gekwalifiseerd moet wees.

Dit is reeds op 19 April goedgekeur en na die presidensie verwys.

белое испанское вино

SMS het vroue boos

‘n SMS met ‘n skakel na ‘n pornografiese webwerf het verlede Donderdag veroorsaak dat sommige vroue in Port Elizabeth hul mans se lojaliteit bevraagteken, het Dispatch Online berig.

Die SMS het die naam van die ontvanger ingesluit en lees: “Hi (Naam), jy het 1 nuwe boodskap van Cindy in Richmond Hill. Kliek hier om jou boodskap te lees.”

‘n Verslae vrou, wat anoniem wou bly, het gesê haar man het Donderdagaand ‘n SMS gekry en omdat hulle naby Richmond Hill woon, het sy aangeneem hy ken die vrou wat in die SMS genoem word.

“Ek was baie omgekrap toe ek op die webwerf kliek en al die pornografiese foto’s sien. Ons het in ‘n argument betrokke geraak en dit het amper ons huwelik verwoes.

“Ek het myself aan die slaap gehuil oor die hele ding. Ek het gedink hy het ‘n buite-egtelike verhouding. Ek wil weet wie die SMS gestuur het en hoekom,” het sy gesê.

Meer as 100 lesers op The Herald se Facebook-blad het ook bevestig dat hulle dié SMS gekry het.

Annette Hobschle, senior navorser van die Instituut vir Sekerheidstudies (ISS), het gesê selfoonverwante misdade is besig om toe te neem en selfoongebruikers moet hulself beskerm deur nie op webskakels te kliek wanneer hulle vals SMS’e of e-posse ontvang nie.

Tolhekkostes is glo gekook

Die Vryheidsfront Plus gaan aansoek doen in terme van die Wet op die Bevordering van Toegang tot Inligting om alle dokumentasie van SANRAL/SANPAB te versoek wat sal aandui wat die werklike kostes van die Gautengse snelweg-opgradering sover is en wat die formule is wat gebruik word om die tariewe te bereken. Dit blyk uit ‘n berig van die dagblad The Star (30 Mei 2011) dat die gepubliseerde kostes van die projek deur SANRAL/SANPAB die helfte minder as die werklike uitgawes is en dat SANRAL/SANPAB nie baie deursigtig optree nie.

Volgens adv. Anton Alberts, VF Plus-parlementêre woordvoerder oor vervoer, kom daar elke dag meer inligting na vore wat daarop dui dat die proses moontlik bekook is en dat die belastingbetaler en padverbruiker met ‘n slenter gevang word deur gedwing te word om te betaal vir ‘n duur projek wat blykbaar baie meer koste-effektief gehanteer kon gewees het.

“Benewens die feit dat nie alle kostes openbaar gemaak is nie, is daar steeds onduidelikheid oor die formule wat gebruik is om die tariewe te bepaal. Die afwesigheid van inligting het dit moeilik gemaak om behoorlik met SANRAL in gesprek te tree oor die verdienstelikheid, al dan nie, van hulle voorgestelde tariewe,” het Alberts verder gesê.

Die VF Plus beskou ook die terughou van kerninligting rondom die projek as gronde vir die tersydestelling van die konsultasieproses aangesien die deelnemers ontneem word van hulle reg om behoorlik te reageer op die besluit wat SANRAL/SANPAB geneem het.

active instagram followers

50 Jaar: SA ‘n ekonomiese reus

Die Republiek van Suid-Afrika het vandag presies vyftig jaar gelede op 31 Mei 1961 tot stand gekom.

Suid-Afrika is vandag die ekonomiese reus in Afrika en dit is belangrik om erkenning te gee aan almal wat die afgelope vyftig jaar deur harde werk dit moontlik gemaak het.

In die eerste dekade na Republiekwording het Suid-Afrika deurlopend ‘n gemiddelde groeikoers van 6% per jaar gehad met ‘n inflasiekoers van 2% per jaar terwyl die prima rentekoers tussen 3% en 3,5% gewissel het. Hierop is die ekonomiese sterk Suid-Afrika van vandag gebou.

Suid-Afrika is vandag ekonomies meer as twee keer so sterk soos Nigerië en amper drie-keer so sterk soos Egipte. Suid-Afrika is ekonomies 80 keer sterker as die gemiddelde Afrikastaat. Daarbenewens het Suid-Afrika die beste paaie-, krag- en telefoonnetwerke in Afrika en is ons aandelebeurs een van die tien grootste aandelebeurse in die wêreld. Amper die helfte van alle teerpaaie in Afrika, is in Suid-Afrika.

Pogings om die geskiedenis te verander deur sekere van hierdie geskiedenisfeite te ignoreer, maak geen bydrae tot versoening in Suid-Afrika nie. Samewerking met die oog op ‘n voorspoedige toekoms lê eerder daarin om op ‘n gebalanseerde wyse foute en prestasies van die verlede te beoordeel en billike erkenning te gee aan alle rolspelers wat Suid-Afrika die land gemaak het wat dit vandag is.

нужно оборудование Фильчаков прокурор

Weste help Libiese rebelle

Gewapende westerlinge veg op die voorste linies saam met rebelle naby Misrata. Die beeldmateriaal wat deur al-Jazeera vrygestel is, is die eerste oënskynlike bevestiging dat buitelandse spesiale magte ‘n aktiewe rol in die Libiese konflik speel.

‘n Groep van ses het hulself dadelik uit die voete gemaak toe hulle deur die televisie-span opgemerk is.

Die beeldmateriaal is vrygestel voor die aankoms van Suid-Afrika se president, Jacob Zuma, in Tripoli in ‘n poging om ‘n wapenstilstand te bewerkstellig.

Die westerlinge is laat verlede week deur al-Jazeera by rebellegroepe opgemerk, slegs dae voordat Britse en Franse aanvalshelikopters by die NAVO-veldtog aan sal sluit.

Daar is talle berigte in die Britse pers dat SAS-soldate optree as “spotters” in Libië om Navo se vegvliegtuie te help om regeringsteikens uit te wis. In Maart, is ses spesmag soldate en twee MI6-offisiere aangehou op ‘n mislukte missie om rebelleleiers te ontmoet in Benghazi, wat ‘n verleentheid vir die SAS was.

Gevra vir kommentaar Maandag, het ‘n woordvoerder van die Britse ministerie van verdediging gesê: “Ons het nie enige magte daar buite nie.”

Die onderwerp is sensitief want die Veiligheidsraadbesluit van Maart sluit die totstandkoming van ‘n buitelandse besettingsmag op enige deel van Libiese grondgebied spesifiek uit.

Ten spyte van meer as twee maande se bombardement deur NAVO, het rebelle nie werklik gevorder nie. Die hoofstad, Tripoli, bly steeds in die greep van Gaddafi.

Daar is onbevestigde verslae dat Brittanje van plan was om voormalige SAS-lede en ander ervare soldate onder die dekking van private sekuriteitsmaatskappye in te stuur in Libië, betaal deur Arabiese lande, om die anti-regeringstroepe op te lei.

Britte druk SA in Veiligheidsraad

Suid-Afrika se verteenwoordiger wil glo ‘n resolusie van die Veiligheidsraad om die bloedvergieting in Sirië te stop, kelder sê Britse bronne. Maar die Suid-Afrikaners het dit ontken.

Kota Nomfanelo, woordvoerder van Suid-Afrika se permanente missie by die VN, het gesê hulle ondersoek nog die aangeleentheid.

‘n Ontwerp-resolusie, wat die Siriese regering maan tot “uiterste selfbeheersing” en lande wil verhoed om wapentuig aan die Siriese owerhede te verskaf, is op die tafel.

Die onrus het reeds negehonderd lewens geëis. Dit wil voorkom asof die beweging teen president Bashar al-Assad se regime, nou in sy derde maand, ‘n dooiepunt bereik het.

Volgens VN-bronne is daar min hoop dat die Britse ontwerpresolusie die nodige nege stemme sal kry. Suid-Afrika se weerstand teen Britse druk is deur verskeie ander VN-missies opgemerk. Een bron het gesê dat die Suid-Afrikaanse span instruksies het om enige besluit oor Sirië te opponeer. Die Suid-Afrikaners meen hul goedgelowigheid met die vorige resolusie wat NAVO-magte in Libië gemagtig het, is deur die VSA, Brittanje en Frankryk misbruik.

Clayson Monyela, die departement van internasionale betrekkinge en samewerking se woordvoerder, het gesê die gerugte oor Suid-Afrika se posisie “het al die kenmerke van ‘n poging om ons standpunt te manipuleer deur middel van die media”. Hy sê die span het slegs gister die ontwerpresolusie ontvang en kon nog nie reageer nie.

Besprekings oor die ontwerp-resolusie oor Sirië begin Vrydag.

poker online casino

Sarko vir misdade teen die mensdom aangekla

Twee Franse prokureurs het gesê hulle beplan om Nicolas Sarkozy, die Franse president, aan te kla vir misdade teen die mensdom as gevolg van die Navo-militêre veldtog in Libië.

Ibrahim Boukhzam, ‘n beampte van die Libiese departement van justisie, het gesê Jacques Verges en Roland Dumas het aangebied om gesinne te verteenwoordig wat slagoffers van die Navo-lugaanvalle in Libië was.

“Die twee prokureurs gaan ‘n klagte indien by Franse howe namens die Libiese families,” het Boukhzam gesê.

Van Verges se vorige kliënte was Klaus Barbie, ‘n Nazi-oorlogmisdadiger, en Carlos die Jakkals.

Zuma sê Libië is gereed vir wapenstilstand

Moeammar Gaddafi is gereed vir ‘n wapenstilstand om ‘n einde aan die opstand in sy land te bring, het President Jacob Zuma Maandag ná sy besoek aan die Libiese leier gesê. Hy het voorwaardes opgenoem wat dieselfde as Gadaffi se vroeëre eise is. Dié pogings het tot dusver nie vrede in die land bewerkstellig nie.

Groot gewag is van Zuma se besoek gemaak deur Gaddafi se regime. Navo het ook die vliegspergebied oor Libië tydelik opgeskort sodat Zuma die land kan besoek.

Zuma het gesê Gaddafi is gereed om ‘n inisiatief van die Afrika-Unie te aanvaar vir ‘n wapenstilstand wat alle vyandigheid in die land tot ‘n einde sal bring, insluitende Navo se lugaanvalle ter ondersteuning van die rebellemagte in die land.

“Hy is gereed om die padkaart te implementeer,” het Zuma gesê.

Zuma het gesê Gaddafi dring daarop aan dat “alle Libiërs ‘n kans gegun word om onder mekaar te praat” oor die land se toekoms.

Hy het nie gesê Gaddafi is gereed om uit te tree nie, hoewel dit die sentrale eis van die rebelle is.

Zuma het met verslaggewers van Suid-Afrikaanse en Libiese televisie gepraat. Sy opmerkings is laat Maandag uitgesaai.

Zuma het in April ‘n afvaardiging van die Afrika-Unie na Tripoli gelei met ‘n voorstel vir ‘n wapenstilstand. Gaddafi het gesê hy sal die wapenstilstand aanvaar, maar het dit vinnig geïgnoreer en sy aanvalle op die rebelle hervat. Die rebelle het op hul beurt ook die wapenstilstand verwerp, aangesien dié ooreenkoms nie Gaddafi se uittrede ingesluit het nie. Verskeie pogings om ‘n wapenstilstand te bewerkstellig, het sedertdien om soortgelyke redes gefaal.

Gaddafi beskou Libië reeds dekades lank al as ‘n Afrika- sowel as Arabiese land. Hy het hulp in die vorm van miljoene dollars aan verskeie Afrikalande geskenk en homself as ‘n leier op die kontinent opgebou.

вино барбареско

Angola raak van onwettige immigrante ontslae

Angola het 47 burgers van die Demokratiese Republiek van Kongo (DRK), wat onwettig in die noordlike Zaire-provinsie gewoon het, en ses Brasiliane met vervalste werkspermitte gedeporteer, het die land se immigrasiediens Sondag gesê.

Die Kongolese is deur “plaaslike inwoners aan die kaak gestel”, het ‘n beampte aan AFP gesê.

“Hierdie buitelanders woon nou al meer as twee maande lank onwettig in die provinsie, sonder steurnis,” het die beampte gesê.

Minstens ‘n dosyn buitelanders word weekliks uit dié provinsie gedeporteer. Hulle is meestal van die DRK afkomstig.

Angola het tussen 1 April en 19 April vanjaar 5 400 burgers van die DRK gedeporteer. Meer as 100 vroue is ook tydens dié uitsetting verkrag, het ‘n priester in die distrik gesê.