Nuus Archives - Page 947 of 1583

Kapers slaan bestuurder dood

Kapers het ‘n man in Rosettenville, suid van Johannesburg, ten aanskoue van sy vrou met ‘n baksteen doodgeslaan, het The Star berig.

Die voorval het Saterdag plaasgevind.

Die paartjie het vanaf Springs gery toe kapers hulle by ‘n verkeerslig in Rosettenville aangeval het.

Die vrou het daarin geslaag om weg te hardloop en in die bosse weg te kruip, maar die kapers het haar man met ‘n baksteen in die gesig geslaan.

‘n Sekuriteitswag wat die voorval gesien het, sê die kapers het omgedraai toe die man na die kant van die pad kruip. Hulle het hom daarna weer met die baksteen geslaan.

Die man is op die toneel oorlede.

Julius Malema en vier ander ampsdraers van die ANC-jeugliga wat verlede week voor die nasionale tugkomitee (NTK) verskyn het, se verhoor is verskuif na ‘n onbekende lokaal. Die ANC se tugkomitee het ná verlede week se choas in die Johannesburgse middestad besluit om die verhoor te verskuif.

Derek Hanekom, voorsitter van die tugkomitee, het Dinsdag in ‘n verklaring gesê die NTK het verskeie faktore oorweeg voordat hulle die besluit geneem het.

Die ANC is tot Dinsdagmiddag gegee om te besluit of hulle die verhoor uit Luthulihuis na elders gaan verskuif. Die verhoor sal Sondag hervat word en sal volgens ingeligte bronne drie dae duur.

Die klag teen die jeugleier en ampsdraers behels dat hulle die party in oneer bring om opposisiepartye in Botswana vir regeringsverandering te steun, asook verdeeldheid wat in ANC gesaai word deur hulle ongedissiplineerde optrede.

топкарго кидалы

Minister wil kleinboere help

Suid-Afrika het tans ongeveer 40 000 kommersiële boere wat 95 persent van die land se voedsel produseer, sê minister van ekonomiese ontwikkeling, Ebrahim Patel. Hy het Dinsdag in Johannesburg gepraat.

Slegs ongeveer 600 000 mense word egter erken as plaaswerkers in hierdie sektor, maar dié sektor is nogtans geïdentifiseer as sou hulle oor die potensiaal beskik om werk te skep.

Patel het gesê dat die wetgewing plaaswerkers se salarisse tot “net” oor die R1000 vasgestel het, maar ten minste die helfte van die arbeidsmag word minder as R100 ‘n maand betaal.

Baie van hulle werk is gekoppel aan akkommodasie, en dit maak van hulle ‘n kwesbare sektor, het Patel gesê. Klein grondeienaars kan skaars hul lappies grond bestuur om genoeg te groei vir hulself.

Patel het gesê dat grondhervorming nie langer kan bly stilstaan by die uitdeel van grond nie.

Die landbou-sektor se persentasie van die BBP het van vier persent in 1994 tot sowat twee persent gedaal. Kleiner boere moet hulp met die bemarking, vaardighede, toegang tot finansiering vir toerusting, brandstof en kunsmis ontvang, volgens Patel.

Hy het ‘n beroep op die Food and Allied Workers Union (Fawu) se lede gedoen om hierdie sektor te organiseer om te help met die regering se planne om koöperasies te bou en om meer mense te kry om kommersieel te produseer.

Hy was die spreker by Fawu se nasionale kongres, wat in Braamfontein gehou word.

40% van EU is geestesongesteld

Europeërs word deur geestelike en neurologiese siektes geteister, met byna 165 miljoen mense of 38 persent van die bevolking wat aan ‘n breinsiekte, soos depressie, angs, slapeloosheid of demensie, ly, volgens ‘n omvattende nuwe studie.

Met slegs sowat ‘n derde van die gevalle wat terapie of die medikasie wat nodig is, ontvang, veroorsaak geestelike siektes ‘n groot ekonomiese en maatskaplike las – gemeet aan honderde biljoene Euros – omdat lyers te ongesteld is vir werk en omdat persoonlike verhoudings aangetas word daardeur.

“Geestesversteurings het Europa se grootste gesondheidsuitdaging van die 21ste eeu geword,” het die studie se opstellers gesê.

Terselfdertyd deins ‘n paar groot farmaseutiese maatskappye terug van beleggings in navorsing oor hoe die brein werk en gedrag beïnvloed, en dit plaas die onus op regerings en liefdadigheidsorganisasies om befondsing vir neurowetenskap te bekom.

“Die geweldige behandelingsgaping … vir geestelike afwykings moet oorbrug word,” sê Hans Ulrich Wittchen, direkteur van die Instituut van kliniese sielkunde en psigoterapie by Duitsland se Dresden Universiteit en die hoofondersoeker van die Europese studie.

Wittchen het ‘n drie-jaar studie van 30 Europese lande – die 27 Europese-Unie lidstate plus Switserland, Ysland en Noorweë – wat altesaam ‘n bevolking van 514 miljoen mense het, gelei.

Wittchen se span het sowat 100 siektes gedek, van al die groot geestesongesteldhede soos angs, depressie, verslawing en skisofrenie, sowel as belangrike neurologiese versteurings, insluitend epilepsie, Parkinson’s en veelvuldige sklerose.

Die resultate is gepubliseer deur die Europese Kollege van Neuropsychopharmacology (ENCP) en toon ‘n “baie hoë las” van die geestes- en breinsiektes.

Geestelike siektes is ‘n belangrike oorsaak van dood, ongeskiktheid, en ekonomiese las wêreldwyd en die Wêreld Gesondheid Organisasie voorspel dat teen 2020, depressie die tweede grootste bydraer tot die globale las van siektes oor alle ouderdomme sal wees.

Die laaste groot Europese studie van die breinafwykings, wat in 2005 gepubliseer is, dek ‘n kleiner bevolking van sowat 301 miljoen mense, het bevind dat 27 persent van die volwasse bevolking van die Europese-Unie aan geestelike siektes ly.

VF+ vra Grondwethof om in te gryp in Inligtingswet

Die Vryheidsfront Plus gaan die Inligtingskonsepwet in terme van artikel 80 van die grondwet na die Konstitusionele Hof verwys weens die gebrek aan die insluiting van die ‘openbare belang’-verweer. Dit is van die uiterste belang dat die verweer om inligting in die openbare belang bekend te maak bygewerk word ten einde die reg op inligting in terme van artikel 32 van die grondwet na behore te eerbiedig.

“Die beginsel is juis soveel meer van belang om korrupsie in die regering aan die kaak te stel gegewe die korrupsieplaag wat endemies aan die ANC-regering geword het. Dit blyk egter nou dat die konsepwet aanvaar gaan word sonder om die verweer in te sluit en daarom sal die VF Plus gebruik maak van artikel 80 sodat die Konstitusionele Hof kan besluit of die weglating van die verweer grondwetlik is, al dan nie. Ons glo egter dat die weglating van die verweer te veel mag aan die regering gee om inligting as vertroulik te klassifiseer en sal daarom nie die konstitusionele toets deurstaan nie. Die Konstitusionele Hof sal moontlik ook kan help om die verweer van ‘openbare belang’, wat ook te vinde is in die Mediakode, verder te omskryf sodat dit nie sonder meer misbruik kan word nie. Dis belangrik dat ‘n goeie balans daargestel word tussen wat die publiek mag weet en wat in hulle belang is en wanneer die staat en individue se regte wesenlik aangetas word. Hierin kan die Konstitusionele Hof ‘n groot rol speel,” het adv. Anton Alberts, VF Plus-parlementêre woordvoerder oor kommunikasie gesê.

topcargo отзывы

Manuel verwerp DA toenadering

Trevor Manuel, beplanningsminister in die presidensie, het Maandag ontsteld op die DA se pogings tot toenadering gereageer wat deur Wikileaks gelek is.

‘n Berig het Maandag in die Volksblad verskyn waarin gemeld word dat Manuel samesprekings met Helen Zille, DA-leier, gevoer het oor die moontlikheid om ‘n DA-lid te word.

“Nee, nee, nee. Dit is absolute snert. Dit is een mens se mening, nie myne nie. Ek was nog nooit by enige gesprekke hieroor betrokke nie,” het Manuel aan media24 gesê.

Volgens die berig sou Athol Trollip, parlementêre leier van die DA, in Februarie verlede jaar aan Donald Gips, Amerikaanse ambassadeur in Suid-Afrika, laat blyk het dat Zille bereid was om as leier terug te staan as Manuel sou besluit om die ANC te verlaat. Gips het dié inligting in ‘n vertroulike boodskap aan sy regering gestuur, en dié boodskap is aan Wiki-Leaks uitgelek.

Trollip het ook glo gesê dat Manuel, die slimste lid van die ANC, nie tevrede is met die ANC nie. Manuel het dié stellings verwerp en gesê hy gaan nie weer daarop kommentaar lewer nie.

Zille het in reaksie gesê dat sulke kontak uiteraard weens die sensitiewe aard daarvan vertroulik is.

Onderwysminister ‘geskok’ oor lae standaard

Angie Motshekga, minister van basiese onderwys, het haar skok uitgespreek dat onderwysgehalte in Suid-Afrika besonder laag is.

Motshekga het Maandag meer aan 800 hoofde van die Suid-Afrikaanse Onderwysersunie (SAOU) gesê die onlangse nasionale assesseringsuitslae (ANA) wys dat die standaard buitengewoon swak is omdat 70% van die land se leerlinge ver onder die verwagte vlakke presteer.

“Ek was baie geskok. In van die antwoordstelle wat ek gesien het, kon ek nie eens uitmaak wat die leerlinge geskryf het nie. Dit was duidelik baie het nie basiese vaardighede nie en kan nie eens doodgewone woorde korrek gebruik nie. Van die gr. 4-leerlinge was nie eens in staat om eenvoudige berekeninge met tweesyfergetalle te doen nie. Dit was vir my net so skokkend dat daar skole in vooruitstrewende gebiede is waar leerlinge net so swak gevaar het.”

Motshekga meen goeie leierskap in skole sal daartoe lei dat leerlinge beter presteer. Sy het SAOU se hulp gevra in dié verband.

Afrikanereenheid mag volg ná historiese vergadering

Die vergadering wat Saterdag 3 September deur mnr. Jaap Kelder se NBU en PRAAG gereël is, het ‘n kantonale oplossing vir Suid-Afrika bespreek, maar ook die gedagte van ‘n strategiese toekomsplan vir die Afrikaner. Uiteindelik is twee komitees aangewys om albei prosesse voort te sit.

PRAAG het gesorg dat die vergadering direk op die internet uitgesaai word en ongeveer 55 mense het dit interaktief gevolg, benewens die 80 mense wat die fisieke vergadering in die Centurion- munisipale raadsaal gevolg het. PRAAG sal voortaan gereeld politieke en filosofiese webinare aanbied waaraan mense regoor die wêreld kan deelneem om sodoende ‘n ideologiese en politieke basis aan die Afrikanervryheidstryd te verleen.

Organisasies en politieke partye waarvan verteenwoordigers die vergadering bygewoon het, is: Die Nasionale Belastingbetalersunie (NBU), PRAAG, die Afrikanerbond, die Vryheidsfront Plus, die African Christian Democratic Party en Boerevryheidstigting. Die voorsitter van die Afrikanerfront, mnr. Andries Breytenbach, wat ‘n vorige vergadering bygewoon het, was afwesig.

Hoewel alle Afrikaanse organisasies nie teenwoordig was nie, het die vergadering op ‘n sterk noot van onderlinge samewerking afgesluit. By die volgende geleentheid oor ongeveer ‘n maand, sal daar gepoog word om elke moontlike Afrikaanse organisasie te betrek.

Die momentum na groter Afrikanereenheid wat Saterdag opgebou is, kom reeds vanaf die einde van die negentigerjare toe allerlei samesprekings tussen Afrikanerorganisasies plaasgevind het, onder andere in Mei 2000 te Hammanskraal toe die Groep van 63 gestig is. Vanaf 31 Mei 2003 het PRAAG deur middel van vergaderings in die Ou Raadzaal op Kerkplein verdere stimulus aan die proses verleen. Binne die FAK- en Solidariteitgroepering is die Afrikaanse Burgerlike Netwerk opgerig wat insgelyks gepoog het om Afrikaanse organisasies nouer saam te snoer.

Mnr. Jaap Kelder sal voortgaan om onder die vaandel van die NBU die plaaslike kantons te organiseer, hoewel hierdie kantons dikwels multikultureel van aard is en daarom mobilisering op ‘n Afrikanergrondslag uitsluit.

Intussen sal die verteenwoordigers op die strategiese toekomskomitee, waaronder mnr. Pierre Hough, dr. Dan Roodt en mnr. Werner Weber voortgaan om ander organisasies te nader met die oog op globale Afrikanersamewerking. Mnr. Botha Laubscher sal as die sameroeper optree.

Van die sprekers, soos mnr. Christo Kotze en dr. Johann Wingard, het die dringendheid van optrede om Afrikaners in een beweging saam te snoer, beklemtoon. Die vele bedreigings wat daar tans sigbaar en voelbaar is, soos radikale grondhervorming en nasionalisering, maak dit gebiedend noodsaaklik.

‘n Volledige video-opname van die verdadering sal ook binnekort op YouTube beskikbaar wees.

Фільчаков прокурор

Wikileaks: Bob se dae teen 2013 getel

Robert Mugabe se bankier het aan ‘n Amerikaanse ambassadeur gesê die president het prostaatkanker wat teen 2013 tot sy dood sal lei, het gelekte dokumente van die Amerikaanse ambassade getoon.

Gideon Gono, hoof van die sentrale bank, het dié aanmerkings in Junie 2008 aan James McGee gemaak, toe Zimbabwe geteister is deur verkiesingsgeweld ná Mugabe se nederlaag teen Morgan Tsvangirai in die eerste verkiesingsronde in Maart.

Dié aantygings sal ‘n verleentheid wees vir die Zanu-PF-afdeling van Zimbabwe se wankelrige magsdeling-administrasie, waartoe Mugabe en Tsvangirai in September 2008 ingestem het.

Ondanks gereelde bespiegeling oor Mugabe se gesondheid, aangewakker deur sy besoeke aan Asië, weier top-beamptes van Zanu-PF om te erken dat Mugabe (87) ‘n gesondheidsprobleem het.

George Charamba, woordvoerder van die president, het gesê die vyf besoeke wat Mugabe vanjaar aan Asië afgelê het, was nodig weens ‘n katarak-operasie wat Mugabe in Januarie moes ondergaan en rugbeserings wat sy vrou, Grace, opgedoen het toe sy in die egpaar se huis geval het.

“President Robert Mugabe het prostaatkanker wat vererger het en volgens dokters sal dit binne drie tot vyf jaar tot sy dood lei,” het Wikileaks-dokumente wat Sondag in Harare beskikbaar gemaak is, gelui.

“Mugabe se dokter… het aanbeveel dat hy minder aktief moet wees,” het die dokumente gelui.

Zimbabwe se Sunday Mail – wat deur Zanu-PF beheer word – het onverwags ook berig oor die gelekte dokumente in ‘n blykbare teken van groeiende onenigheid binne die party.

Mugabe lei Zimbabwe sedert 1980.

Gono het volgens aanlyn-berigte in Zimbabwe ontken dat hy dié opmerkings gemaak het.

ANC-Jeugleier geskiet

‘n Voormalige streeksleier van die ANC-Jeugliga in Mpembeni buite Empangeni is Saterdagmiddag deur die KwaZulu-Natalse polisie binne sy huis doodgeskiet, het die ANC gesê.

“Ons kameraad Qinisani Gwala is gisternag deur die polisie binne sy huis doodgeskiet. Ons veroordeel die voorval,” het Thulani Mashaba, ANC-voorsitter van die Noordkus-streek, Sondag gesê.

Hy het gesê Gwala was lank die voorsitter van dié ANCJL-tak.

“Hy was by ‘n sitting van ‘n tradisionele hof toe hy deur die polisie weggeneem is. Hulle het hom na sy huis geneem, waar hy doodgeskiet is,” het Mashaba gesê.

Hy kon nie verstaan waarom Gwala geskiet is nie, aangesien hy volgens Mashaba met die polisie saamgewerk het toe hulle hom weggeneem het.

Dir. Phindile Radebe, polisiewoordvoerder, het gesê Gwala was ‘n hoofverdagte in ‘n saak van moord en poging tot moord, wat in Augustus vanjaar plaasgevind het.

“Ons beamptes het hom gesoek vir die moord en poging tot moord wat in Nyoni plaasgevind het,” het sy gesê.

Volgens Radebe het die polisie twee ongelisensieerde vuurwapens by Gwala gevind.

“Hy is geskiet nadat hy op die polisie geskiet het.”

Volgens Mashaba is Gwala van sy broer verwyder voordat hy geskiet is.

“Hulle het hulle in verskillende huise gesit. Ons verstaan werklik nie waarom hy doodgemaak is nie.”

Kategorie: Nuus