Kapers het ‘n man in Rosettenville, suid van Johannesburg, ten aanskoue van sy vrou met ‘n baksteen doodgeslaan, het The Star berig.
Die voorval het Saterdag plaasgevind.
Die paartjie het vanaf Springs gery toe kapers hulle by ‘n verkeerslig in Rosettenville aangeval het.
Die vrou het daarin geslaag om weg te hardloop en in die bosse weg te kruip, maar die kapers het haar man met ‘n baksteen in die gesig geslaan.
‘n Sekuriteitswag wat die voorval gesien het, sê die kapers het omgedraai toe die man na die kant van die pad kruip. Hulle het hom daarna weer met die baksteen geslaan.
Die man is op die toneel oorlede.