Nuus Archives - Page 927 of 1583

Johannesburg gaan vervalste lisensies ondersoek

Die minister van vervoer, Sbu Ndebele, het Dinsdag ‘n ondersoek geloods na vervalste leerders- en bestuurderslisensies in Johannesburg.

“Bedrog en korrupsie sal nie by enige toetssentrum geduld word nie,” het hy in ‘n verklaring gesê.

“…Ons sal niks onaangeroer laat met sulke kwessies nie. Dié wat omkoopgeld aanvaar en dié wat dit aanbied sal met die volle mag van die gereg te doen kry.”

‘n Berig in The Star Dinsdag het onthul dat vervalste lisensies by vier van Johannesburg se vyf toetssentrums vir tussen R800 en R4 500 verkoop word.

Dit word hoofsaaklik gereël deur motorwagte en bestuurskole wat saam met eksaminatore van die sentrums werk, het die koerant berig.

Die nasionale departement van vervoer het gesê verskeie beamptes en lede van die publiek is reeds in hegtenis geneem in verband met motor- en bestuurderslisensies in die afgelope jaar.

‘n Provinsiale woordvoerder van die departement, het gesê sommige regeringsbeamptes is ook betrokke by die reël van hierdie lisensies.

“Ons gaan beslis op ‘n onkonvensionele manier moet optree,” het sy gesê.

Sommige toetssentrums kan dalk selfs gesluit word.

“Mense vind gedurig nuwe maniere om die stelsel te klop.

“Dit is ongetwyfeld ‘n probleem vir die departement. Ek gaan dit nie ontken nie.”

Opspraakwekkende getuienis in ET-verhoor

Twee mense wat van die moord op Eugene Terre’Blanche beskuldig word, was daarop uit om hom te vermink, het kapt. Jacobus Rautenbach in die rondgaandehof op Ventersdorp gesê.

“Hulle was vasberade om hom te vermink,” het Rautenbach gesê.

“Hulle wou hom uitwis.”

Rautenbach het gesê die misdaad is polities gemotiveerd en hou verband met die sang van die lied “Skiet die Boer” deur Julius Malema, leier van die ANC-jeugliga. Die lied is intussen verban.

“Hy [Malema] was in Zimbabwe toe die moord plaasvind, maar hy het die lied gesing en opdragte gegee. Hy het dit in die media geadverteer.”

Chris Mahlangu en ‘n minderjarige word daarvan beskuldig dat hulle Terre’Blanche in April verlede jaar vermoor het.

Albei het onskuldig gepleit op aanklagte van moord, huisbraak en poging tot roof met verswarende omstandighede.

Mahlangu beweer hy het uit selfverdediging opgetree, terwyl die 16-jarige enige betrokkenheid in die moord ontken het.

Eugene Terre’Blanche se broek was oop voor hy aangeval is, volgens ‘n forensiese kenner wat ook getuig het.

“Dikwels sal ‘n persoon met ‘n bietjie van ‘n maag sy gordel en die boonste knoop losmaak [wanneer hy lê],” het lt.kol. Ian van der Nest getuig.

“Wanneer die liggaam op kom, sal die broek oopmaak.”

Dít dui daarop dat Terre’Blanche se broek voor die aanval oop was, omdat sy gordel en ritssluiter oop was.

Bloedkolle is ook op die linkerkant van sy penis gevind.

Chris Mahlangu en ‘n minderjarige word daarvan beskuldig dat hulle Terre’Blanche in April verlede jaar vermoor het.

Albei het onskuldig gepleit op aanklagte van moord, huisbraak en poging tot roof met verswarende omstandighede.

Mahlangu beweer hy het uit selfverdediging opgetree, terwyl die 16-jarige enige betrokkenheid in die moord ontken het.

Van der Nest het in detail getuig oor die bloedvlekke op die mure, gordyne en deur en wat dít oor die misdaad verduidelik.

Hy het getuig dat die bloed in ‘n opwaartse rigting teen die muur beweeg het – ‘n teken dat hy op sy bed gelê het.

“As die persoon regop was, sou die bloed by sy maag afgerol het na die gebied van die denimbroek. Dit is nie gesien nie,” het Van der Nest aan die hof gesê.

Van der Nest het gesê as Terre’Blanche terugbaklei het, sou hy beserings aan sy arms gehad het.

“As die oorledene in ‘n posisie van selfverdediging was, sou sy arms in ‘n uitwaartse rigting wees.”

Die voorwerp wat gebruik is om Terre’Blanche te slaan, is soos ‘n bofbalkolf teen ‘n 90°C-hoek geswaai.

Die matras was deurweek van bloed.

“Baie groot bloedvlekke kan gevisualiseer word,” het Van der Nest gesê met verwysing na bloedvlekke op die muur agter die slaapkamerdeur.

“Dié vlekke is baie groter as impakspatsels. Dit dui daarop dat uitermatige geweld gebruik is.”

Vlekke direk oorkant die kamer se ingang was rond.

“Die deur en die deurraam wys bloed wat in ‘n opwaartse rigting beweeg, wat beteken dat die bron daarvan onder die nek moet wees.”

Александр Фильчаков

New Yorkers steun besetting van Wallstraat

Volgens ‘n peiling wat in New York gedoen is, ondersteun die meeste inwoners van dié stad die Occupy Wall Street-betogings.

In protes teen korrupsie en gulsigheid, kampeer betogers die afgelope vyf weke al in Zuccottipark in Manhattan.

Dié park is ‘n paar blokke weg van die Word Trade Center, die New York Aandelebeurs en verskeie staatsgeboue af.

Volgens Sienna College, wat die peiling gedoen het, ondersteun 58% van New Yorkers die betogers se saak.

Die betogers glo dat hulle die “99% Amerikaners wat nie meer die 1% se gulsigheid en korrupsie sal duld nie” verteenwoordig.

Slegs 27% van New Yorkers wat aan die peiling deelgeneem het, kritiseer die protesaksie.

‘n Peiling wat by die Quinnipiac Universiteit gedoen is, toon dat 87% van New York se inwoners saamstem met die betoging teen Wall Street.

In beide peilings is dit meer die demokrate as republikeine wat die protesaksie in New York ondersteun.

New York Times vind SA ‘korrup en sonder morele hoëgrond’

Die New York Times, moontlik die invloedrykste koerant in die VSA, het enkele dae gelede ‘n meningsartikel gepubliseer waarin die land se immorele grypsug en verskuiwing na die nie-Westerse invloedsfeer aan die groot klok gehang word.

Volgens die skrywer, Alan Cowell, het Suid-Afrika “van die morele hoë grond gegly” en word nou deur ‘n “hardgebakte pragmatisme” gekenmerk. Die land se steun vir Moemmar Gaddafi en sy versuim om ‘n visum aan die Dalai Lama uit te reik, word as voorbeelde van sy amorele buitelandse beleid gesien. Die koerant haal vir Eusebius McKaiser aan wat in ‘n openbare lesing sou gesê het: “Dit is vir my helder dat ons geen morele buitelandse beleid het nie.”

Die New York Times neem ook deeglik kennis dat Suid-Afrika nie meer tot die Westerse invloedsfeer behoort nie. Die Dalai-Lama-visumkwessie word as “‘n knieval aan China se mag” gesien.

Verder het die waardes van die nuwe grondwet plek gemaak vir ‘n kultuur van kitsrykdom. “Korrupsie en die koop van invloed het beginsels en die beloofde deursigtigheid vervang,” skryf die koerant en haal vir Njabulo S. Ndebele aan wat meen “die Suid-Afrikaanse revolusie mag op sigself vekorrupteer geraak het deur die aantrekkingskrag van kitsrykdom, wat ‘n potensieel rampspoedige ineenstorting weerspieël van die eens samehangende begrip van die postapartheidsprojek soos dit ons grondwet vervat is.”

Die artikel sluit af deur te verklaar dat Thabo Mbeki se “Afrika-renaissance” beswaarlik onder die huidige omstandighede gaan plaasvind.

Lees die volledige artikel in Engels hier.

EU sny hulp aan SA, China, Indië

Die wêreld se grootste skenker, die Europese Unie het Donderdag besluit om steun vir opkomende magte soos China, Indië en Suid-Afrika in te kort en om te fokus op die wêreld se armste lande.

Die Europese Kommissie het ingrypende veranderinge aan die verspreiding van die EU-hulp onthul, en die kommer van internasionale liefdadigheidsgroepe gaande gemaak dat die besluit ten koste van die behoeftigste mense sal kom.

Die hervorming is dan ook daarop gemik om te fokus op sleutel-groeisektore soos landbou en energie, maar nie-regeringsorganisasies soos Oxfam en ActionAid het gesê die EU-maatskappye sal voordeel trek, terwyl dit ‘n “twyfelagtige impak” vir die armes inhou.

“Ons probeer tred te hou met die veranderende realiteite in die wêreld en die manier waarop ons veg teen armoede daarvolgens aan te pas,” sê EU-ontwikkelingskommissaris Andris Piebalgs gesê.

“Dis hoekom ek vandag voorstel dat ons ons hulpprioriteite herfokus om te verseker dat die lande op die regte spoor bly ter bereiking van volhoubare en inklusiewe groei, Ek wil seker maak dat elke euro dié wat dit die nodigste het, bereik,” het hy gesê.

Die 27-state van die EU is die wêreld se grootste skenker, wat vir 50 persent van die wêreld steun met 53,8 miljard euro verlede jaar ingestaan het. Die Europese Kommissie, die EU se uitvoerende arm, bestuur 20 persent van die steun, of 11 miljard euro.

Die kommissie het in ‘n beleidsverklaring gesê dat hulle die “volume en deel van die EU-hulp aan die lande skenk wat die meeste nood ervaar en waar die EU ‘n werklike impak, insluitende op swak state, kan hê.”

Dit sal beteken dat steun aan die wêreld se opkomende magte verminder sal word. Tussen 2007-2013, is sowat 980 miljoen euro geoormerk aan Suid-Afrika, 470 miljoen euro vir Indië, 170 miljoen euro vir China en 61 miljoen euro vir Brasilië.

Ander middel-inkomste lande soos Argentinië sal ook ‘n daling in steun sien, het Piebalgs gesê, en bygevoeg dat ‘n volledige lys teen die einde van die jaar vrygestel sal word.

Die kommissie wil sy aktiwiteite beperk tot landbou en energie, asook goeie bestuur, sosiale beskerming, gesondheid en onderwys.

депутат лобановский

Oeganda verlam deur onluste

Die westelike dele van Kampala, Oeganda, is Maandag verlam deur onluste teen die bewind van president Yoweri Museveni.

Aksie vir verandering, ‘n politieke beweging wat teen Museveni se heerskappy gekant is, en wat die dryfveer agter die oproer is, beweer hulle wil die president ontsetel omdat hy versuim het om die staat behoorlik te bestuur.

“Ons is in oproer omdat brandstof-en voedselpryse baie hoog is. Oegandese sterf in armoede. Ons wil verandering sien,” het Daniel Kasolo, een van die oproeriges gesê.

Betogers het landswye onluste beplan, maar ‘n swaar polisieteenwoordigheid is regoor die land ontplooi om skares van sulke byeenkomste af te skrik.

Museveni, het Sondagnag Oegandese ook gewaarsku teen oproer.

Maandag se onluste was hoofsaaklik gesentreer op Kiseka Mark, waar daar verskeie motorswerkswinkels is.

“Hulle het om 08:00 begin betoog,” het ‘n Oegandese polisiewoordvoerder, Judith Nabakooba gesê.

“Hulle het ander mense gekeer om te gaan werk en die paaie met voorwerpe versper. Die polisie het baie vinnig ingetree en hulle verwilder.”

Die polisie het traangas gebruik om die oproeriges uiteen te jaag. Klippe is na ‘n paar motors gegooi, maar die polisie sê dat die situasie na normaal teruggekeer het kort daarna.

Soortgelyke onluste het in verskeie dele van die land in April uitgebreek na die presidensiële en algemene verkiesings, waar lede van die opposisie beweer dat verkiesings gekook is.

Menseregte-organisasies beskuldig die regering van die gebruik van geweld, wat gelei het tot sewe mense se dood.

Oegandese owerhede sê die opposisie Aksie gebruik oproer oor hoë brandstof-en voedselpryse, maar hul werklike oogmerk is om die regering omver te werp.

Aksie vir Verandering se koördineerder, Mathius Mpuuga ontken die bewerings.

“Ons wil die regering moet werk aan die dringende probleme van die Oegandese,” het hy gesê.

Meer as duisend Palestyne vir 1 Israeli geruil

Israel het in die finale beplanningfase bereik waarin 477 Palestynse politieke gevangenes vir die Israeliese soldaat Gilad Shalit uitgeruil sal word.

Volgens die ooreenkoms gaan Israel ‘n totaal van 1 027 gevangenes vir die vryheid van die soldaat aan die Palestynse magte oorhandig.

Behalwe vir die 447 politieke gevangenes sal honderde Palestyne wat lewenslange moordvonnisse sou uitdien, Dinsdag vrygelaat word. Dié Palestyne is gevonnis vir moorde op Israeli’s.

Palestynse beamptes in Gasa sê die Israeliese soldaat Gilad Shalit is van die Gasa-strook na Egipte geneem.

Die beamptes sê Shalit is reeds vroeg Dinsdagoggend oor die grens geneem. Hulle sê busse wat die Palestynse gevangenes vervoer, is tans in Egipte op pad na Gasa.

Dit is die hoogste prys wat die Joodse staat nog ooit bereid was om te betaal vir die vryheid van een persoon.

Indien alles glad verloop, sal dit die eerste keer in 26 jaar wees dat ‘n Israeliese gevangene van die Palestynse magte lewendig aan die Joodse staat terugbesorg word.

Israel het in spanning gewag om uiteindelik beeldmateriaal van die 25-jarige soldaat te sien.

Sedert hy in 2006 gevangene geneem is, het hy geen kontak met die buitewêreld gehad nie.

Фильчаков прокурор

Superkiem klits nege

Nege pasiënte in privaathospitale het die “superkiem” NDM-1 (New Delhi metallo-lactamase 1) opgedoen, het The Star berig.

Twee mense wat die NDM-1 opgedoen het, is reeds dood, maar mediese kenners sê dít is nie vanweë die infeksie nie.

Die superkiem is ‘n paar weke gelede by die Life Glynnwood-hospitaal in Benoni opgemerk, het die koerant berig.

Die NDM-1-geen word veral in E.coli- en salmonella-bakterieë gevind en leef in die gastro-intestinale kanaal en pasiënte se longe en urienweg word aangetas.

Volgens die berig het die kiem ‘n impak op die liggaam se vermoë om homself gesond te maak.

Die kiem kan tussen verskillende bakterieë uitgeruil word en verander die genetika van enige bakterie om dit weerstandig teen selfs penisillien te maak, het Die Burger vroeër berig.

Александр Фильчаков

Nie net krieket korrup nie, sokker ook

Die Minister van Sport, Fikile Mbalula, sal na verwagting vandag sy stem dik maak oor die bestuursliggame van krieket en sokker wanneer hy sy jaarverslag aan die Parlement se Portefeuljekomitee oor Sport in Kaapstad voorlê.

Sy woordvoerder sê die twee kwessies sal deel wees van die verslag. Mbalula het oor die naweek uitgevaar teen Krieket Suid-Afrika nadat sy raad sy president, Mtutuzeli Nyoka, afgedank het wat hom oor beweerde korrupsie uitgelaat het.

Hy het ook die Suid-Afrikaanse Sokkervereniging bygekom oor die onlangse debakel oor reëls wat daartoe gelei het dat die nasionale sokkerspan nie vir die Afrikabeker Nasiestoernooi gekwalifiseer het nie.

Amerikaanse spesialiseenheid land in Oeganda

Die Amerikaanse weermag gaan 100 spesialislede van sy elite-eenheid, die Green Berets, na die noorde van Oeganda ontplooi. Dié spesialissoldate sal ‘n militêre veldtog van stapel stuur om Joseph Kony, en sy Lord’s Resistance Army (LRA) te elimineer.

Kony word gesoek sedert ‘n lasbrief vir sy inhegtenisname deur die Internasionale Strafhof in 2008 uitgereik is.

Die regering van Oeganda het glo die versoek aan die VSA gerig om teen Kony op te tree. Die Afrika-Unie is ook ingelig oor die besluit.

Die mislukte Amerikaanse aanval op Somaliese rebelle in Mogadisjoe in 1993 was die laaste keer dat Amerikaanse troepe amptelik op Afrika-bodem ontplooi is.

Kony se magte is glo in beheer van groot dele van die noorde van Oeganda, Suid-Soedan, die Demokratiese Republiek van die Kongo en die Sentraal-Afrikaanse Republiek. Hy word deur Soedan befonds.

Die voorhoede van die Amerikaanse gevegseenheid het Maandag in Oeganda geland en staan onder bevel van die VSA se Afrika-kommandement bekend as Africom.

Africom word uit Stuttgart, Duitsland, beheer.

Pres. Zuma het hom voorheen uitgespreek teen buitelandse betrokkenheid op die kontinent in konflikte en gesê oorlog striem ontwikkeling op die vasteland.

Yoweri Museveni, die Oegandese president, het gesê dat Amerikaanse “personeel” na sy land gestuur word om te help in die stryd teen die rebelle-groep, The Lord’s Resistance Army (LRA), en nie aan gevegte gaan deelneem nie.

Museveni het Sondag gesê dat dit verkeerd is om te sê dat Amerika troepe stuur om teen die LRA en sy leier, Joseph Kony, te kom veg.

“Dit is beter om hulle Amerikaanse personeel te noem in plaas van troepe,” het hy gesê.

Die Amerikaners sal help om inligting in te samel, het hy gesê.

“Wanneer hulle troepe genoem word, klink dit of hulle namens ons kom veg.”

“Ons sal dit nooit toelaat dat troepe namens ons kom veg nie. Ek sal nooit aanvaar dat buitelandse troepe vir ons kom veg nie. Ons het die kapasiteit om ons eie gevegte te veg,” het Museveni gesê.