Nuus Archives - Page 535 of 1583

Soennie-geweld in Irak duur voort

Bomme wat in motors en langs die pad in Bagdad ontplof het, het minstens 19 mense gedood in Irak.

Die dodelikste aanval het in die hoofsaaklik Sjiïtiese gebied, Shaab plaasgevind, waar minstens 9 mense dood en 25 beseer is.

Soennitiese insurgente het hul aanslae op die Irakse sekuriteitsmagte en ondersteuners van die premier, Nuri al-Maliki die afgelope tyd verskerp.

Militante wat bande met al-Kaida het, het ook beheer oorgeneem van Ramadi en Falluja, wat die grootste stede in die Soennities-oorheersde provinsie, Anbar is.

Inwoners het intussen in groot getalle van die sporadiese gevegte wat uitbreek, begin vlug.

Die VSA sal die Irakse regering bystaan in sy stryd teen al-Kaida-verbonde Soennitiese militante in die Anbar provinsie.

Die land sê hy sal egter geen troepe terug na Irak stuur nie.

Die Amerikaanse minister van buitelandse sake, John Kerry sê Washington is besorgd oor die gebeure in Anbar. Hy het nie uitgewy oor watter vorm die hulp sal aanneem nie.

Washington het al verskeie kere aan Premier Maliki aanbeveel dat hy ‘n magsdelingooreenkoms met die Soennitiese minderheid aangaan. – RSG

Marikana-ondersoek hervat

Die Marikana Kommissie van Ondersoek sal na verwagting vanoggend hervat word ná ‘n maandlange reses.

Verlede maand het Brigadier Adriaan Calitz van die polisie getuig.

Hy het getuig oor of die polisie uit noodweer opgetree het toe hulle in 2012 op die stakende mynwerkers geskiet het.

Vier-en-dertig myners is in die skietery dood.

Die regsverteenwoordiger van die gesinne van die myners, Dumisa Ntsebeza het hom gepeper met vrae oor of die polisie aangeval was.

Die gesinne van die Amcu-stakers beweer die polisie het nie uit noodweer opgetree nie, alhoewel daar volgens Calitz intelligensie oor opsetlike provokasie en uittarting was.

‘n Woordvoerder van die Kommissie, Phuti Setati sê Calitz sal verder getuig, waarna Kolonel Solomon Vermaak van die SAPD geroep sal word.

Twintig getuies moet nog ondervra word, het RSG berig.

Verlede jaar, het die regsverteenwoordigers van die 200 stakers wat in hegtenis geneem is, onttrek van die verrigtinge. Hulle wou deur die Staat betaal word.

Na maande se twis het die Regshulpraad van Suid-Afrika ‘n mandaat om hulle te betaal gekry.

Swartes betoog oor Israel se aanhouding van immigrante

Duisende swart immigrante het Sondag in Tel Aviv betoog teen ‘n nuwe aanhoudingswet wat toelaat dat immigrante na ‘n woestyntronk toe gestuur word.

Die betogings in Israel het gelei tot ‘n seldsame en sterk bewoorde verklaring van die VN se vlugtelingagentskap.

Die verklaring sê dat die aanhouding van immigrante wat broodwinners insluit, “swaarkry en lyding” veroorsaak en “nie in lyn is met” die wêreldverdrag van 1951 oor die behandeling van vlugtelinge nie.

Menseregtegroepe sê meer as 300 mense is in hegtenis geneem omdat die wet toelaat dat die owerhede immigrante sonder ‘n geldige visum onbepaald aanhou.

Dit is drie weke gelede deur Israel se parlement aangeneem. Premier Benjamin Netanyahu het gesê hy beskou die teenwoordigheid van die groot aantal swartes as ‘n bedreiging vir Israel se Joodse sosiale struktuur .

Dosyne swartes word voorts gedagvaar tot aanhouding, onder hulle mans met vroue en kinders sê aktiviste en die UNHCR, die VN se hoëkommisariaat vir vlugtelinge

Sowat 60.000 immigrante , hoofsaaklik uit Eritrea en Soedan , stroom sedert 2006 oor ‘n poreuse grens met Egipte na Israel, het die Israeliese owerhede gesê.

Baie woon in die arm gebiede van Tel Aviv en sê hulle soek asiel en veilige hawe.

‘n Israeliese grensheining keer die swart instroming uit Egipte sedert 2012, maar immigrante wat reeds oorgesteek het, word na ‘n oop gevangenis in Israel se suidelike woestyn gestuur.

Die nuwe fasiliteit – wat die brandpunt van die protes deur sowat 10 000 mense in Tel Aviv was – is soortgelyk aan ‘n halfweghuis.

Gevangenes kan die plek gedurende die dag verlaat, maar moet terug wees in die aand.

Immigrante kan daar gehou word sonder ‘n tydsbeperking hangende vrywillige repatriasie, en die implementering van deportasiebevele of die resolusie van hul asielversoeke.

In ‘n skriftelike verklaring sê Walpurga Englbrecht, die UNHCR se verteenwoordiger in Israel, sy is “besonder onrustig” oor die nuutste Israeliese fasiliteit wat “klaarblyklik funksioneer as ‘n aanhoudingsentrum van waar daar is geen vrystelling is nie. Dit beteken in effek onbepaalde aanhouding”.

Sy het Israel aangemoedig om nuwe oplossings te soek, en gesê dat die “bewaringsplekke” vir vlugtelinge is in stryd met die 1951 vlugtelingverdrag.

Englbrecht ook Israel se etikettering van baie immigrante as “infiltreerders” afgemaak, en gesê die meeste is vlugtelinge of verdien internasionale beskerming .

“Die plasing van asielsoekers in dwang wat hulle dwing om te kies om terug te keer sonder om hul asieleise te ondersoek, kan neerkom op ‘n skending van die vlugtelingkonvensie,” het sy gesê .

Hotline for Migrant Workers ‘n organisasie wat swartes ondersteun, beskuldig Israel dat hulle druk toepas op honderde aangehoudenes in hul bewaringsfasiliteite om uitbetalings te aanvaar om die land te verlaat.

Meer as ‘n dosyn het vroeër vanjaar teruggekeer na Eritrea om vrylating uit die plekke van bewaring te verseker.

Matriek 2013: Uitslae vanaand bekend

Die Minister van Basiese Onderwys, Angie Motshekga, sal die uitslae van die 2013 matriekeksamen Maandagaand om sesuur bekend maak.

Die voorspelling is dat die algehele slaagsyfer sal verbeter van 2012 se 73,9%.

Meer as 500 000 voltydse matrikulante het vir die finale eksamen in 2013 geregistreer en die resultate sal Dinsdagoggend in die media bekend gemaak word.

‘n Woordvoerder van die Departement, Elijah Mhlanga, sê die uitslae van die 576.000 voltydse en 130.000 deeltydse matrikulante sal môre in koerante, aanlynmedia, deur sms en deur die Departement se webwerf versprei word.

Matrieks kan ook ‘n draai by hulle skole of eksamensentrums maak om die uitslae te kry.

Leerlinge wat twee of meer vakke druip, kan hulle vir die aanvullingseksamen laat registreer wat aanstaande maand sal plaasvind.

Ten spyte van verwagtinge dat die algehele slaagsyfer sal verbeter, het Lesiba Tefo en Jonathan Jansen gesê die slaagsyfer moet word verhoog na 50%.

Die rektor van die Vrystaatse Universiteit, Jansen, sê regeringskole moet die slaagsyfer verhoog om die land se onderwysstelsel te verbeter. Hy het bygevoeg dat selfs ‘n verbeterde algehele slaagsyfer misleidend is.

Hy het gesê alhoewel 50% steeds laag is, behoort alle vakke dit as ‘n minimum te stel.

Jansen het ook sy kommer uitgespreek oor dat die sowat 500.000 wat vir Graad een ingeskryf het nooit Matriek voltooi het nie.

Die top 30 matrikulante word vandag in Johannesburgse hotelle onthaal terwyl die land wag op die matriekuitslae.

Suid-Afrika se slimste 30 matrikulante weet egter nog nie wat hulle bereik het nie.

Hulle weet nog nie hoeveel onderskeidings hulle behaal het nie of selfs wie is die toppresteerder gaan wees nie. Sommige toppresteerders sê hulle weet nie waar hulle presies in die top 30 inpas nie.

Een het gesê dat hulle dink hulle het A’s in Wiskunde behaal. “Ek dink dit is Wiskunde en Natuur- en Skeikunde. Ek is seker daaroor.”

praag verskuif aanstons na ‘n nuwe en kragtiger bediener

Ons werk tans aan die trek na ‘n nuwe, kragtiger bediener wat die gebruikerservaring op ons webwerwe nog beter behoort te maak. Ons sal ook bykomende dienste aan ons praag-vriende kan bied, waaroor ons baie opgewonde is.

Verder in die verskiet lê ‘n virtuele betaaldiens of gemeenskapspaarkas waaroor ons reeds geruime tyd praat en waarvoor ons reeds die nodige programmatuur bekom het.

Dit mag wees dat ons webwerwe enkele ure van lyn af mag wees soos wat ons die oorskakeling doen, maar ons sal probeer om dit laat in die aand of vroegoggend te doen sodat dit so min moontlik ongerief veroorsaak.

Die internet en sosiale media is besig om alles te verander, ook die politiek, sake en die ekonomie. Sodat Afrikaners daarby kan baat, belê ons die heel tyd in nuwe kennis en tegnologie. Die uiteindelike waarde wat ons gaan ontsluit, gaan nie net vir die Afrikaanse taal en kultuur van onskatbare waarde wees nie, maar sal boonop ‘n ekonomiese omwenteling veroorsaak waardeur werksgeleenthede geskep sal word.

Dink daaraan dat die grootste uitgawes waaronder Afrikaners tans gebuk gaan, hul belasting aan die ANC-regering, bankkoste, TV-lisensies en DSTV-fooie, asook ander vermaak is. Mettertyd kan ons genoeg nuus, inligting en vermaak hier op die internet verskaf, tesame met kultuurgoedere, handel en virtuele werkskepping, dat ons nie meer die parasiete uit die ou ekonomie sal hoef te voed nie. – Die redaksie

Word deel van die avontuur, word ‘n vriend van praag!

Schumi word 45, steeds in koma

Die Formule Een-legende, Michael Schumacher word vandag 45 terwyl hy steeds in ‘n koma in ‘n Franse hospitaal lê, nadat hy erge kopbeserings in ‘n ski-ongeluk opgedoen het.

Sy dokters sowel as familie se monde wou nie enige verklarings oor sy huidige toestand maak nie.

Hy het in die Franse Alpe verongeluk by Meribel waar hy ‘n huis besit.

Daar is teenstrydige verklarings oor die spoed waarteen die sewemalige wêreldkampioen geski het toe die tragedie hom getref het.

Sy woordvoerder Sabine Kehm sê hy het nie teen ‘n hoë spoed geski nie, maar gedraai en geval toe die ongeluk gebeur het.

Hy was tussen twee skibane op ‘n hors piste roete. Hy was saam met sy veertienjarige seun Mick.

Die impak het die valhelm van Schumacher in twee gebreek, volgens ‘n bron na aan die ondersoek .

Die Ferrari F1-span waar Schumacher vir baie jare koning gekraai het, sal Vrydag ‘n “stille byeenkoms” voor die Grenoble-hospitaal vir die verjaarsdag van die afgetrede sportman hou, wat steeds in ‘n geïnduseerde koma gehou word.

Hy is sedert Sondag in die hospitaal en het al twee operasies ondergaan om bloeding en drukking op sy brein te verlig.

Sy toestand was na wat laaste verneem is, kritiek maar bestendig. Die hospitaal het gesê hulle gaan nie verklarings uitreik tensy daar nuwe nuus is nie.

Een slagoffer van wit verkragter wek simpatie, duisende ander geïgnoreer

Honderde mense het by die Siloam Ministries-kerk in Dalpark aan die Oos-Rand bymekaargekom om ‘n biddiens vir die vermoorde Jasmine Pretorius by te woon.

Sy het gesterf aan die hand van ‘n wit verkragter.

Duisende onskuldige wit slagoffers van swart verkragters word daagliks botweg deur die media geïgnoreer en doodgeswyg.

Die vier-jarige dogtertjie se liggaam is verlede naweek onder ‘n bed in haar pa se huis in Brakpan gevind.

Die diens word deur die Suid-Afrikaanse polisie aangebied om oënskynlik die plaag van verkragtings in die land te help oplos.

Dit is nie duidelik hoe die SAPD hoop om dit te bereik nie, aangesien verreweg die meeste verkragters van wittes swart is.

Dit wil voorkom of die polisie juis hierdie tragiese geval vir ‘n hernude anti-wit veldtog wil uitbuit. Duisende wit vroue en kinders sterf jaarliks wreed aan die hand van swart moordernaars, maar die SAPD weier om dit as prioriteitsmisdaad te verklaar.

Lede van die ANC-vroueliga is ook teenwoordig.

Na verwagting sal daar binnekort ook meer as duisend motorfietsryers aankom om aan Jasmine respek te betoon.

Suid-Kaap kuslyn is onbewaak, oop

Herman van Niekerk, die bedryfsbestuurder van Maritime Risk Solutions – ‘n private sekuriteitsfirma vir maritieme veiligheid – sê die dwelms wat by Hartenbos uitgespoel het, behoort waarskynlik aan een van die groot misdaadsindikate in die land.

“Hierdie ouens kom deur Knysna en die nabygeleë gebiede, want hulle is basies soos oop poorte … Niemand behartig die polisiëring van die kuslyn nie…”

Die harde dwelms was in blou dromme verpak en vakansiegangers het die dromme in die see opgemerk. Soortgelyke dromme is by Rheebokstrand, naby Mosselbaai gevind asook Pinnacle Point.

Nadat die polisie die vondse by ‘n forensiese laboratorium laat ontleed het, is vasgestel dat dit gesuiwerde kokaïen is met ‘n waarde van altesaam R100 miljoen.

In 2010, was Knysna die plek van een van Suid-Afrika se grootste dwelmklopjagte nadat die polisie ‘n Toledo-vissersboot wat vasgemeer was by ‘n waterfrontwoning, ondersoek het.

Hulle het R9 miljard se kokaïen op die vissersboot gekry.

‘n Kriminoloog van die Universiteit van Stellenbosch het gesê Knysna, Mosselbaai, George en Wilderness is maklike teikens vir smokkelaars omdat dié betrokke kusgebiede selde gepolisieer word.

Die polisie het die publiek gemaan om op die uitkyk te bly vir verdagte pakkies op strande of wat dryf op die see.

Maar, Patricia Gerber direkteur van Locked Up het wetstoepassingsowerhede daarvan beskuldig dat hulle nie genoeg doen om dwelmhandelaars vas te vat nie.

Sy sê die handel is nou buite beheer in die land en sy het ‘n beroep op polisie-amptenare gedoen om hard op te tree teen met diegene wat handel in dwelms.

Gerber sê in 2010, het die Verenigde Nasies (VN) in hul jaarlikse verslag verklaar dat Suid-Afrika die grootste invoerder en uitvoerder van kokaïen geword het.

Sy sê die SAPD en lughawenspersoneel beskerm van die dwelmhandelaars.

Vermoorde Rwandese intel-hoof wou glo praat oor volksmoord

KayumbaNyamwasa — Genl. Kayumba Nyamwasa

Die man wat die Rwandese intelligensiehoof vermoor het, is glo bekend by die Rwandese gemeenskap in Suid-Afrika.

Kolonel Patrick Karegeya , 53 , is Woensdag dood aangetref op ‘n bed in die Michelangelo Towers-hotel in Sandton. Hy het Sondag by die hotel sy bespreking opgeneem.

Sy moordenaar, volgens ‘n lid van die Rwandese gemeenskap in Johannesburg, is ‘n Rwandese sakeman wat bekend is onder die naam “Apollo” wat Sondag op die Gautrein se Sandton-stasie aangekom het.

Die Rwandese gemeenskap glo dat Apollo vir die Rwandese intelligensie werk en Karegeya se vertroue gewen het om hom te kan doodmaak.

Apollo het Karegeya by twee vorige besoeke aan Johannesburg ontmoet en het ‘n vergadering met Karegeya by die Michelangelo-hotel vir Dinsdagmiddag belê, ‘n dag voor sy liggaam ontdek is by die luukse hotel.

Die voormalige Rwandese weermaghoof, generaal Kayumba Nyamwasa het geen twyfel dat sy vriend Karegeya op Oujaarsaand vermoor is deur agente van die Rwandese regering nie.

Hy het self twee oënskynlike sluipmoordpogings in Johannesburg in 2010 oorleef.

Karegeya se liggaam is ontdek nadat sy neef die polisie gewaarsku het.

Op Nuwejaarsdag is sy neef na Karegeya se huis in Roodepoort en het opgemerk dat hy nie daar is nie .

Hy is toe na die Michelangelo, waar hy ontdek het dat die hotelkamer waar Karegeya vir ‘n vergadering was, is gesluit.

Die bestuurder wou nie die deur oopmaak nie, want daar was ‘n “Moenie steur nie” -teken op die deur. Die polisie is ontbied en het die deur oopgemaak .

Nyamwasa het gesê drie of vier mans was glo saam betrokke by die misdaad.

Karegeya se vrou Lea woon in die VSA, met hul kinders, want sy het nie veilig gevoel het in Suid-Afrika nie. Sy het drie jaar gelede verhuis.

Die Rwandese opposisie glo dat die Rwandese regering met alle mag wou ontslae raak van Karegeya om te verhoed dat hy getuig oor die dood van die voormalige Rwandese president Juvenal Habyarimana in April 1994.

Habyarimana se dood het gelei tot die volksmoord in Rwanda, waar die bantoe Hoetoes die etniese Toetsie-minderheid uitgedelg het.

Karegeya het aan Radio France International ( RFI ) in Julie gesê dat hy en Nyamwasa bewyse het dat die Rwandese president Paul Kagame agter die skietery van Habyarimana se vliegtuig was terwyl dit besig was om te land by die Kigali-lughawe.

Karegeya en Nyamwasa het aan RFI gesê hulle is bereid om hul getuienis aan die Franse regter Marc Trevidic te oorhandig, wat die ondersoek na die vliegtuigongeluk lei omdat die vlieënier en mede-vlieënier Franse was.

Nyamwasa het gesê Trevidic het hulle nog nie gevra vir die bewyse nie.

Suid-Kapenaars gevra om uit te kyk vir vreemde items in die see

Die polisie in die Suid-Kaap het vakansiegangers gevra om uit te kyk vir vreemde items wat in die see dryf.

Dié oproep volg nadat sakke wat vermoedelik met kokaïen ter waarde van R50 miljoen gevul is, op die strand tussen Mosselbaai en Klein Brakrivier uitgespoel het.

Die polisie sê die sakke is na ‘n laboratorium gestuur om vas te stel of die inhoud wel kokaien is.

Dit is glo die vierde ontdekking sedert Kersfees.

Intussen het twaalf mense wat in KwaZulu-Natal in hegtenis geneem is weens die beweerde besit van dwelms ter waarde van R5 miljoen, in die Verulam landdroshof verskyn.

Die Nasionale Vervolgingsgesag sê die saak is uitgestel tot 8 Januarie wanneer die beskuldigdes om borg sal aansoek doen.

Die polisie het beslag gelê op 100 Mandrax tablette, ‘n groot hoeveelheid kokaïen- en heroïenmengsel asook heroïenpoeier.

Die hoeveelheid kokaïen waarop die polisie reeds beslag gelê het in Suid-Afrika in die afgelope jaar is soveel soos 26 volwasse olifante in gewig.

Die onwettige drank wat hulle gekonfiskeer het sal amper ‘n Olimpiese swembad vul, wat 2,5 miljoen liter water kan hou.

Die minister van polisie het vroeër aangekondig dat in 2012/13 sowat 145 560kg se kokaïen gekonfiskeer is saam met 196 ton dagga en 347 860kg tik .

Daar is 89 klandestiene laboratoriums opgespoor en afgebreek oor die afgelope drie jaar.

In die Wes-Kaap is 2 501kg se “whoonga” ook opgespoor. Dit is ‘n dwelmkonkoksie wat glo gemaak word van anti-retrovirale VIGS-medisyne.