Nigerië se top-militêre bevelvoerder, Alex Badeh, beweer dat hy weet waar die meer as 200 vermiste skoolmeisies, wat in April deur die terroristegroep Boko Haram ontvoer is, aangehou word.
Boko Haram word uit Londen befonds.
Die weermag sê geweld is nie ‘n opsie om die meisies te bevry nie, aangesien die kanse bestaan dat hulle in kruisvuur kan beland.
Badeh het aan betogers in die hoofstad, Abuja, gesê hy kan nie die plek onthul waar die meisies aangehou word nie, maar het belowe om hulle te bevry.
Nigerië se president, Goodluck Jonathan, is wyd gekritiseer omdat hy nie dadelik gereageer het op die massa-ontvoering nie en eindelik gedwing is om Amerikaanse hulp te aanvaar.
’n Amerikaanse militêre projek wat glo gedagtes kon beheer, die weer verander en satelliete afskakel, is gesluit.
Die projek is beëindig en die kompleks sal gesluit word, berig Metro.
Die High Frequency Active Auroral Research Program (HAARP) word vir die grootste natuurrampe in die onlangse geskiedenis verantwoordelik gehou.
Die HAARP-patent is geskep deur een van HAARP se hoofwetenskaplikes Bernard Eastlund kort voor sy dood. Blykbaar kon die patent die weer verander.
Werk op HAARP het in 1993 begin. Dit het meer as $280 miljoen gekos om te bou en is versprei oor 30 hektaar.
HAARP se webwerf is reeds in 2013 gesluit. Samesweringsteoretici glo veral dat die tegnologie gebruik is om onlangse tsoenami’s en aardbewings te veroorsaak.
Sodanige teorieë het gelei tot verhore in die Europese parlement en ondersoeke deur vooraanstaande wetenskaplikes.
Recent data released by Dimitar Ouzounov and colleagues from the NASA Goddard Space Flight Center in Maryland highlights some strange atmospheric anomalies over Japan just days before the massive earthquake and tsunami struck on March 11. Seemingly inexplicable and rapid heating of the ionosphere directly above the epicenter reached a maximum only three days prior to the quake, according to satellite observations, suggesting that directed energy emitted from transmitters used in the High Frequency Active Auroral Research Program (HAARP) may have been responsible for inducing the quake.
Published in the Massachusetts Institute of Technology (MIT) publication Technology Review, the findings are presented alongside a different theory called Lithosphere-Atmosphere-Ionosphere Coupling, which hypothesizes that the heating in the ionosphere may have been caused by the impending earthquake as the fault line released radioactive radon. This theory, of course, is not actually proven, but is instead presented as a possible explanation for the presence of the high-density electrons and emitted infrared radiation that was observed.
Another explanation for this strange heating — and one that, upon analysis, seems much more likely — is that it was an indication that concentrated energy was used to induce the earthquake, and not the other way around. Numerous credible reports and scientific observations reveal that HAARP technology is fully capable of being used as a scalar weapon, meaning it can emit strong electromagnetic pulse bombs that can alter weather or trigger seismic fault lines.
‘n Opera wat die lewensverhaal van oudpresident Nelson Mandela uitbeeld is na slegs drie vertonings in die Staatsteater in Pretoria gekanselleer, het RSG berig.
Die opera, “Madiba: The African Opera” het Vrydag begin, maar moes drie dae later die gordyn laat sak omdat daar nie geld is om die sangers te betaal nie.
Die regisseur, Unathi Mtirara, sê geen geld is van die Nasionale Lotery ontvang nie.
Na die premiere sou daar ook optredes in Qunu wees voordat dit op ‘n buitelandse toer geneem word.
Die Staatsteater het bevestig dat die vertonings gekanselleer is, maar wou geen besonderhede oor ‘n privaatproduksie gee nie.
Nog ‘n skandaal dreig om die DA te verswelg nadat ‘n private Twitter gesprek tussen die party se jeugleier, Mbali Ntuli, en ‘n vriend van Lindiwe Mazibuko uitgelek het.
In die twiet verwerp Ntuli bewerings dat Mazibuko afgedank is en sê: “Ek is verbaas Lindi [ Mazibuko ] het so lank gehou as wat sy gehou het. Hulle [die wittes] is verskriklik met ons. Elk geval, ek is bly vir haar.”
Die twiet bevestig die rassespanning wat dreig om die party te skeur.
Mazibuko het ‘n dag na die 7 Mei-verkiesing aangekondig dat sy nie sal terugkeer na die parlement as DA-leier nie want sy wil aan Harvard Universiteit in die VSA gaan studeer.
Maandag het Ntuli gesê sy is bekommerd dat ‘n private gesprek uitgelek het van haar vriend se Twitter-rekening.
Sy het die skuld op opposisiepartye gepak wat in hulle rekeninge “ingebreek” het.
“Dit is die ander persoon se rekening. Hy was baie ontsteld daaroor. Ek is nie seker watter regstappe hy gaan neem nie.”
Mazibuko se vertrek kom nadat die DA se parlementêre koukusbesluit verlede jaar ten gunste van die Wet op Gelyke Indiensneming gestem het. Die partyleier Helen Zille het daarna teen die besluit gegaan.
Zille het ontken dat sy swart leiers in die party terughou.
Malema het om verskoning gevra nadat die SAID Maandag sy voorlopige sekwestrasie in die Noord-Gautengse Hooggeregshof in Pretoria verleng het.
Malema het erken dat hy sy plig versuim het ten opsigte van belasting. Hy is tot 25 Augustus gegun om sy uitstaande belasting ten bedrae van R16 miljoen plus rente te betaal.
Die Suid-Afrikaanse Inkomstediens het ná Malema se verskoning gesê dit is nie in SAID se belang om met regstappe teen Julius Malema voort te gaan nie.
Die leier van die EFF het ook om verskoning gevra het vir sy uitlatings dat SAID bevooroordeeld en oneerlik is.
Volgens hofstukke skuld Malema die SAID R16 miljoen in belasting sedert 2010.
Malema het SAID voorheen van ‘n politieke agenda teen hom beskuldig en ‘n “doelbewuste poging” om hom te diskrediteer.
Maar Maandag het hy sy deuntjie verander . “Ek kon dinge in die openbaar gesê het wat ‘n negatiewe beeld van die reputasie van die SAID en ‘n paar van sy amptenare skep,” het die EFF-leier gesê.
SARS se prokureur, Nick Maritz, het aan die hof gesê dat die Inkomstediens ‘n kompromie-aanbod aanvaar het dat Malema sy belastingskuld vereffen.
Die ooreenkoms is onderhewig aan sekere voorwaardes. Een hiervan is dat hy ‘n volle bekendmaking van sy bates, laste en bronne van inkomste voorlê, en dat sy belastingsake op datum gebring word.
Die saak sal weer voor die hof wees in Augustus om te verseker dat die voorwaardes nagekom word. As dit nie gebeur nie, kan die voorlopige bevel nog finaal gemaak word.
Tot dan sal Malema sy setel in die parlement te behou.
Zuma en sy nuwe adjunk-president Cyril Ramaphosa, links
President Jacob Zuma sê die regering se doelwit om proporsionele verteenwoordiging van vroue in die Kabinet te bevorder is byna bereik.
Zuma het Sondagaand die nuwe Kabinet by die kantore van die Regeringkommunikasie en Inligtingstelsel in Pretoria bekendgemaak.
Die president het gesê dat hy 20 mans en 15 vroue as Ministers aangewys het, en 20 mans en 16 vroue as adjunkministers.
Susan Shabangu gaan ‘n nuwe Vrouedepartement binne die Presidensie lei. Shabangu is uitgeskuif van minerale hulpbronne om die nuwe ministerie te lei.
Sake-eenheid Suid-Afrika, Busa, het aanstellings in die nuwe kabinet verwelkom. Die organisasie het veral die aanstelling van Cyril Ramaphosa as adjunkpresident geprys.
Busa het ‘n beroep op Ramaphosa gedoen om implementering van die Nasionale Ontwikkelingsplan te lei.
Busa is nietemin teleurgesteld oor die verskuiwing van Pravin Gordan maar meen sy aanstelling as minister van Samewerkende Regering is noodsaaklik vir die bestuur van munisipaliteite waar dienslewering sukkel.
Die Sake-eenheid het die aanstelling van Nhlanhla Nene as minister van Finansies verwelkom en gesê hy het homself reeds as bekwaam bewys.
Die organisasie het ook hul kommer oor die skeiding van Ekonomiese Ontwikkeling en Handel en Nywerheid uitgespreek, en sê die twee ministeries kan tot verdere gebrekkige koördinering lei.
Daar was gemengde reaksie by opposisieleiers oor president Zuma se nuwe kabinet. Volgens die DA leier, Helen Zille, is die nuwe kabinet te groot en lomp om goeie regering te waarborg.
Die EFF-leier Julius Malema het die samestelling van die nuwe kabinet as die begin van ‘n ramp vir die volgende vyf jaar bestempel.
Malema sê die president beloon steeds lojaliteit, selfs al het sy ondersteuners nie die vermoë om die werk te doen nie.
Terwyl ‘n paar nuwe gesigte bygekom het, is ander ministers ook uitgelaat.
Pieter Mulder, leier van die VF+, is sy pos as adjunk-minister van landbou in die nuwe kabinet kwyt. Hy het die ANC gekritiseer oor die aanstelling van SAKP-lede in die kabinet.
Zuma het van sy groot ondersteuners beloon. Fikile Mbalula, Aaron Motsoaledi, Ebrahim Patel, Thulas Nxesi, Angie Motshekga en Blade Nzimande is van die ministers wat hulle portefeuljes behou het.
Die president het nogtans gepoog om die publiek se vertroue in sy leierskap te herstel deur omstrede ministers te verwyder. Paul Mashatile en Lulu Xingwana is uitgelaat.
Die voormalige minister van Polisie, Nathi Mthethwa is geskuif na die ministerie van Kuns en Kultuur. Mthethwa is omstrede weens die geweld by Marikana en die veiligheidsopgraderings by die president se privaatwoning op Nkandla.
Die leier van die UDM, Bantu Holomisa, het Zuma geloof vir die veranderinge wat hy aan die Veiligheidsgroepering in die Kabinet gemaak het, en dat hy kontinuïteit behou het in die ministerie van Verdediging. Hy het egter gesê dat die kabinet steeds te groot is.
Die Franse Nasionale Front (FN) het oor die naweek ‘n geskiedkundige oorwinning behaal.
Van die begin van die Europese verkiesingsveldtog weke gelede het Marine Le Pen voortdurend voorspel dat die FN Sondagaand uiteindelik Frankryk se nommer een party sal word.
Verkiesingkenners het haar voorspelling geminag, maar die meningspeilings het dit bevestig.
Sondagaand het die Franse volkslied, La Marseillaise hard uit die FN-hoofkwartier in die Paryse voorstad Nanterre weerklink.
Die FN het ‘n historiese 25% van die stemme in die Europese verkiesing behaal en is nou Frankryk se top party op die Europese toneel.
“Die volk het gepraat. Ons mense dring aan op ‘n sekere soort politiek. Hulle wil Franse politiek vir Franse sien, deur Franse, met Franse. Hulle wil nie meer van buite gelei word nie, en ondergeskik aan wette [van buite] wees nie,” het ‘n jubelende Le Pen aan ondersteuners gesê.
“Soewereine mense het hard en duidelik gepraat… hulle wil hul eie lot in hul eie hande terugneem.
“Ons moet ‘n ander Europa bou, ‘n Europa van vrye en soewereine volke wat vryelik besluit op samewerking. Vanaand is ‘n massiewe verwerping van die Europese Unie.
“As Duitsland die ekonomiese hart van Europa word, deur die onbevoegdheid en swakheid van ons leiers, dan is Frankryk die politieke hart van Europa. Wat gebeur het in Frankryk is die voorloper van wat sal gebeur in elke ander Europese land: Die herlewing van volke.
“Aan al die Franse wat vir ons gestem het, sê ek dat die stryd vir die grootsheid van Frankryk ons moet verenig in die herontdekking van die liefde vir ons land.”
Die vernedering van die opposisie UMP, wat net meer as 20% van die stemme kon kry, was nog kleiner as dié van die regerende Sosialiste wat derde gekom het met net 13,9%.
Manuel Valls, die Sosialistiese premier, se somber uitdrukking het by sy begrafnisstem gepas.
“Die uitslag is meer as ‘n waarskuwing, dit is ‘n skok, ‘n aardbewing,” het hy gesê.
Die FN het belowe om Frankryk se grense te sluit om die vrye beweging van die Roma misdadigers te stuit asook goedkoop buitelandse arbeid, die euro te los en terug te keer na die frank.
Hulle het ook onderneem om alle vrye handelsooreenkomste met Amerika dadelik te beëindig, en onder alle omstandighede Franse waardes, identiteit, tradisies en manier van lewe te verdedig.
Die Franse dagblad Le Monde skryf: “Marine Le Pen het haar belofte nagekom: die FN is die belangrikste wenner in die Europese verkiesings” .
Die koerant het bygevoeg: “Die oorwinning is geen groot verrassing nie, die meningspeilings het dit vir die laaste paar weke voorspel, maar die skaal daarvan is verbysterend.”
Die Johannesburgse Nooddienste is bekommerd oor ‘n vlaag brande in die Johannesburgse middestad, het RSG berig.
‘n Woordvoerder van die Nooddienste, Robert Mulaudzi sê die oorsaak van die brand Saterdagaand by ‘n gebou op die hoek van Rissik en Loveday straat is nog nie bekend nie.
Hy sê een persoon is dood in die brand, en twee mense is behandel vir rookinaseming en geringe brandwonde.
Volgens Mulaudzi het brandbestryders die afgelope week minstens vier brande in die middestad geblus.
Hy sê hulle het ook gistermiddag ‘n brand geblus by Ubuntu Kraal in Soweto.
‘n Afvaardiging van die Suider Afrikaanse Ontwikkelingsgemeenskap is in Lesotho om met die regering, die polisiekommissaris en die bevelvoerder van die weermag te vergader.
Die Suid-Afrikaanse Nasionale Weermag ( SANW) is na berig word gereed om die Lesotho Weermag ( LDF ) te ondersteun.
Volgens inligting van bronne by Interpol in Lesotho, was die SANW reeds in Februarie naby die land se grens by Wepener ontplooi om “enige verdagte Lesotho militêre verwikkelinge te monitor”.
Die SANW-ontplooiing volg nadat ‘n skynbaar beplande onrus georkestreer is deur elemente in die Lesotho weermag.
Die Suid-Afrikaanse weermag het intussen intelligensie ingesamel.
‘n Opstand binne Lesotho se weermag sal “verpletter word omdat die plaaslike blok SAOG ( Suider-Afrikaanse Ontwikkelingsgemeenskap ) nie enige omverwerping van ‘n vreedsame verkose regering sal duld nie” het bronne gesê.
Die Lesotho Mounted Police Service het bevestig dat swaar gewapende Lesotho militêre lede langs die land se grense ontplooi is.
Dit volg na spanning tussen die weermag en polisie.
Die afvaardiging bestaan uit die ministers van Buitelandse Sake van Namibië en Tanzanië en die uitvoerende sekrekraris van die SAOG, Dr Stergomena Lawrence Tax.
Die SAOG sal ook met Koning Letsie III, die eerste minister Tom Thabane, koalisie-partyleiers, die hoofregter en godsdiensleiers vergader.
President Jacob Zuma het reeds onderafdelings van die Wet op Nasionale Gesondheid onderteken wat kan verhoed dat dokters en ander gesondheidswerkers private praktyke open waar hulle wil.
Alle gesondheidswerkers – soos tandartse, dieetkundiges en fisioterapeute – wat ‘n private praktyk wil oopmaak, sal moet aansoek doen by die Departement van Gesondheid om hulle toestemming te kry vir ‘n sertifikaat van behoefte.
Die sertifikaat sal verpligtend wees vanaf April 2016 .
Artikels 36 tot 40 van die Wet op Nasionale Gesondheid bestaan reeds 10 jaar, maar is nie in die wet onderteken tot die einde van verlede jaar nie.
Dit sal in April in werking tree, maar gesondheidswerkers het twee jaar om die sertifikaat van behoefte te bekom .
Die doel van die sertifikaat is om ‘n “billike verspreiding” van dokters en ander gesondheidswerkers regoor die land te verseker.
Gesondheidswerkers kan tot vyf jaar tronkstraf of ‘n boete ontvang as hulle ‘n private praktyk bedryf sonder ‘n sertifikaat na April 2016.
