Nuus Archives - Page 1179 of 1583

Johannesburg sonder water

Verskeie gebiede in Johannesburg sal dié week sonder water wees as gevolg van werk om waterinfrastruktuur te verbeter, het Johannesburg Water Maandag gesê.

Die gebiede wat geraak word is Northcliff, Parkmore, Gallo Manor en Randburg.

Die watertoevoer na Northcliff se Lucky- en Joseph-laan sal op Dinsdag tussen 09:00 en 15:00 afgesny word. Dieselfde sal Woensdag in Salero- en Beyers Naude-rylaan gebeur.

Parkmore word op 20 Oktober geraak en strate wat tussen 09:00 en 16:00 wateronderbrekings sal ondervind is, 14de-, Olympia-, Virginia- en 15de-straat.

Gallo Manor se Crussullallaan is op 21 Oktober sonder water.

Gebiede wat watertekorte op 28 Oktober tussen 08:00 en 16:00 gaan ondervind is, Northgate, Banbury, Northwold, die Sharonlea-winkelsentrum, Sundowner, Olivedale, Bushhill, Bellair, Boschkop, Olivenhoutspoort, Kya Sands, Boschkruin, Golden Harvest, Noorhang, Honeydew en Bloubosrand.

Johannesburg Water het verskoning aangebied aan inwoners en sê watertenke sal in dié gebiede ontplooi word.

Meer inligting is beskikbaar op Johannesburg Water se webwerf; of skakel die maatskappy se 24-uur-hulplyn by (011) 688 1500.

лестницу из Фильчаков

Nog diensleweringsgeweld

Ses mense is in Palm Ridge naby Katlehong in hegtenis geneem tydens ‘n protesaksie oor swak dienslewering in dié gebied.

Volgens sersant Obakeng Tsomane van die Suid-Afrikaanse polisiediens het inwoners net ná middernag begin betoog teen die gebrek aan elektrisiteit, toilette en water.

Hulle het klippe en brandende bande gebruik om paaie te versper.

Tsomane sê niemand is gedurende die optog beseer nie, en die skare is uitmekaar sonder dat rubberkoeëls gebruik is.

‘n Groep betogers het Maandagoggend na die Ekurhuleni-metro se hoofkantore in Germiston gestap nadat hulle motorbande aan die brand gesteek het en verskeie paaie afgesper het.

“Die betogers is ongelukkig oor dienslewering in die area en dring daarop aan dat die koppe van sommige raadslede moet rol,” het Khobedi Mokheseng, woordvoerder van die metropolisie, gesê.

Die betogers het vanaf 04:00 die oggend reeds Osborne-, Nitrogen-, Kalk- en Alkalinestraat versper.

каркасные бани фото Лобановский

Koerant onthul rede vir sluiting van VSA-kantore

Die Sunday Tribune het onthul dat die sluiting van Amerikaanse regeringskantore in Suid-Afrika te wyte was aan dreigemente van ‘n groep Somaliese terroriste.

Die VSA het selfoongesprekke afgeluister waarin gedetailleerde aanvalsplanne teen Amerikaanse belange bespreek is.

Dit is nie duidelik of ‘n besoek van president Barack Obama vir die amptelike opening van die Wêreldbekersokkertoernooi ook geteiken is nie.

Volgens twee bronne het intelligensiepersoneel ‘n oproep wat in Khayelitsha, Kaapstad, gemaak is na ‘n groep in Somalië onderskep. Die gesprek het die plan om Amerikaanse belange in Suid-Afrika op te blaas, bevestig.

‘n Bron het bekendgemaak dat Amerikaanse agente, NIA-personeel en SAPD-misdaadintelligensieoperateurs ‘n meeluisteroperasie van stapel gestuur het om kritieke inligting in te samel voordat die aanslag gefnuik is.

Woordvoerder vir die NIA, Lorna Daniels, het geweier om vrae te beantwoord oor die aangeleentheid en met regsstappe gedreig.

Die ambassades en konsulate is ‘n dag voor Erfenisdag gesluit. Nasionale polisiekommissasris Bheki Cele het daarna op TV aangekondig dat die land se intelligensiemense die situasie onder beheer het.

Dit het glo aanleiding gegee daartoe dat die die terreurgroep van die SIM-kaarte en telefone wat hulle gebruik het, ontslae geraak het.

турецкий хамам

SA se tronke kan ‘ineenstort’

Oorbevolkte Suid-Afrikaanse tronke is by die punt dat die “hele infrastruktuur so oorlaai is dat dit inmekaar kan stort”.

Die land se tronke is ontwerp om net 114 000 gevangenes te hou, maar moet tans 160 000 hou, met 500 000 mense wat boonop jaarliks deur die tronkstelsel beweeg.

Elke gevangene kos die staat R72 000 per jaar.

Dié feite het aan die lig gekom tydens ‘n bespreking van ‘n boek oor die toestand van menseregte in Suid-Afrikaanse tronke. Die boek getiteld Human Rights in African Prisons, is deur Jeremy Sarkin, rapporteur van die VN se werkgroep oor gedwonge of vrywillige verdwynings, saamgestel.

‘n Woordvoerder van die Geregtelike Inspektoraat vir Tronke sê die goeie nuus is dat Suid-Afrikaanse tronke nie die ergste in die wêreld is nie, alhoewel die situasie ernstig is.

Hy het gesê die rede vir die oorbevolking is omdat die strawwe wat deesdae uitgedeel word, langer is.

игри девочкам

Nog ‘n Suid-Afrikaner vra asiel

Nog ‘n wit Suid-Afrikaner sê haar lewe sal in gevaar wees danksy rassediskriminasie indien sy na Suid-Afrika teruggestuur word.

Dianne Louise Jefferson (22), wat by Boston Scientific in Galway, waar sy woon, werksaam is, het in Dublin se hoërhof aansoek gedoen om in Ierland te mag bly.

Regter Elizabeth Dunne het ‘n interimmaatreël waarvolgens Jefferson nie gearresteer, aangehou of oorgeplaas mag word nie, toegestaan.

Jefferson het in haar aansoek gesê sy voel “as ‘n wit Suid-Afrikaner dat daar ‘n werklike moontlikheid bestaan van rassediskriminasie teen haar en dat sy vrees vir haar welstand en uiteindelik haar lewe indien sy gedeporteer word”.

Sy het Suid-Afrika op 1 Junie 2002 verlaat na die dood van haar ouma en na ierland verhuis om by haar pa te wees.

In die sewe jaar wat Jefferson in Ierland gewoon het, het sy haar skolloopbaan voltooi, gestudeer, in die huwelik getree en as ‘n projekbouer in 2006 by Boston Scientific aangesluit.

Op 16 September hierdie jaar het die Ierse Naturalisasie en Immigrasiediens haar verwittig dat haar verblyfkaart geweier is en dat sy vanaf 20 September ‘n onwettige inwoner sou wees.

Sy is aangeraai om huistoe te gaan.

Sy is deur haar regsverteenwoordiger aangeraai om vir Ierse burgerskap aansoek te doen. Sy is in 2005, op die ouderdom van 18, met Kevin Curran getroud, maar Curran woon tans in Nederland vir werksdoeleindes alhoewel hy gereeld in Ierland by sy vrou kuier.

Madagaskar wys nuwe premier aan

Madagaskar se regering het ‘n nuwe eerste minister ingehuldig en die feit dat die voormalige eerste minister geweier het om uit te tree, geïgnoreer.

Lede van die oorgangsregering het laat Saterdag ontmoet om Eugene Mangalaza te bevestig.

Hy is Dinsdag aangestel deur bemiddelaars wat op ‘n magsdelingsooreenkoms besluit het ná ‘n staatsgreep daar.

Uitgaande eerste minister Monja Roindefo weier om uit te tree en sê nie alle partye het ‘n sê in hierdie besluit gehad nie.

Afgesette voormalige president Marc Ravalomanana het ook kapsie gemaak teen die bemiddelaars se besluit om staatsgreepleier Andry Rajoelina as president te hou tot die verkiesings in 2010.

Rajoelina, burgemeester van Antananarivo, het Ravalomanana tot ‘n val laat kom ná weke se betogings wat tot honderde mense se dood gelei het.

site

Bank in Middelburg beroof

Rowers het by ‘n Absa-bank in Middelbrug ingebreek en met ‘n onbekende bedrag geld gevlug, het die polisie Sondag gesê.

Volgens kaptein Leonard Hlathi, polisiewoordvoerder, het die rowers Saterdag omstreeks middernag toegang tot die perseel verkry deur die agterste hekke.

Hulle het glo die sekuriteitsdeure afgebreek en die bank ingegaan.

Daar is by twee van die kluise ingebreek.

“Ons vermoed dit was ‘n interne rooftog. Hierdie verdagtes het geweet wat om waar te doen,” het Hlathi gesê.

Die rowers het die alarm ontkoppel en sekuriteitskameras verwyder.

topcargo

SAPD gaan in paramilitêre mag getransformeer word

Die Suid-Afrikaanse metropolisie gaan saamsmelt met die SAPD om een “super polisiemag” te vorm, het ‘n polisiewoordvoerder Saterdag bekendgemaak.

Die projek wat deur die adjunkminister van polisie, Fikile Mbalula, gedryf word, wil die SAPD in ‘n paramilitêre mag transformeer met militêre range en dissipline het woordvoerder Paena Galane aan Sapa gesê.

“Ons het een enkele sterk polisiemag nodig, met al die polisie se middele verenig vir dieselfde doel.”

Hy het gesê dit is ‘n vermorsing van staatshulpbronne om metropolisie te hê wat mense arresteer net om hulle aan die SAPD te oorhandig vir ondersoek en hofprosedures.

“Die metropolisie het enorme hulpbronne maar hanteer nie sake nie. Hulle getuig nie in howe nie. Nou probeer ons al die polisiemagte gebruik om op ‘n beter gekoördineerde wyse misdaad te beveg,” het Galane gesê.

Om metropolisiedepartemente in elke dorp te hê in die land lei tot onnodige onsekerheid by die publiek, het hy gesê.

Die skuif is ook in lyn met die ANC se besluite in Polokwane om ‘n enkele polisiediens te skep.

Galane sê die inisitief word tans intern bespreek.

“Die departement sal die staat se regsadviseurs ontmoet om beleid oor die aangeleentheid te bespreek.”

Mbalula het intussen aangedui dat die opleiding van polisielede moet verander om die “diens” in ‘n “mag” te verander.

Hy het die huidige polisierange as te burgerlik beskryf en gesê die polisie moet nie met ‘n ander nie-regeringsorganisasie verwar word nie.

Malema sien ‘rassisme’ in Selebi-saak

Julius Malema, die ANC-jeugligaleier, het Vrydag uitgevaar teen die rassitiese staatsaanklaer in die Selebi-saak omdat daar aan Glenn Agliotti en Billy Rautenbach vrywaring gegee is. Hy het gesê Jackie Selebi word geteiken omdat hy swart is.

Malema het lede van die Black Management Forum by hulle jaarlikse byeenkoms in Midrand teogespreek.

Malema het gesê al drie mans behoort in die beskuldigde bank te staan vir hulle kriminele aktiwiteite.

Hy het gesê die fokus op Selebi, soos in die geval van Zuma, was omdat “iemand” wou bewys dat swartes nie vertrou kan word nie.

“Ons moet onsself vra wie het ‘n ooreenkoms met die twee mans (Agliotti en Rautenbach) bereik? Wat was die agenda? Die agenda is baie eenvoudig. Moenie vir Selebi lag nie, kyk na hom en sê hy gaan onder.”

“Moenie dit vier nie, veral nie as jy swart is nie, veral nie as jy ‘n Afrikaan is nie, want in Jackie Selebi wil hulle bewys wat hulle nie met Zuma kon regkry nie: Dat ons (swartes) korrup is, ons hou van maklike geld, ons hou van alkohol, ons hou van vroue en ons het geen vaardighede nie.”

“Jackie was ‘n internasionale leier. Hy het Interpol gelei en hulle wil die wêreld wys dat jy hierdie mense (swartes) nooit met verantwoordelikheid kan vertrou nie,” het Malema gesê.

Malema het gesê hy kan nie glo dat die aanklagte teen Rautenbach en Agliotti laat vaar is om getuienis in te win om Selebi, wat net drie kriminele klagtes teen hom het, te “vernietig” nie.

Hy het gesê die Nasionale Vervolgingsgesag is “desperaat” om Selebi vas te kry omdat hulle gevaarlike kriminele teen hom gebruik terwyl Selebi nie eens vir moord aangekla word nie.

“Jy laat vaar 33 klagtes om net drie te bewys.”

“Ek sê nie Jackie Selebi moet nie aangekla word nie… maar ek sê al drie van hulle verdien om aangekla te word.” Malema se stelling het ‘n uitbundige geskater en applous van die gehoor ontlok.

пневмогайковерт

Stille Oseaan bewe weer

‘n Matige aardbewing van 5.9 op die Richterskaal het die Stille Oseaan naby Tonga geskud, luidens ‘n verklaring wat uitgereik is deur die Amerikaanse Geologiese Opname (USGS).

Die aardbewing het Sondagoggend omstreeks 08:14 plaasgevind, het die USGS gesê.

Die aardbewing het sowat 65 km oos-noordoos vanaf Tonga gebeur.

Die skudding het slegs sowat 260km vanaf Samoa, wat op 29 September deur ‘n verwoestende aardbewing en tsoenami getref is, plaasgevind.

Die Stille Oseaan-waarskuwingsentrum op Hawaii het geen waarskuwing van ‘n moontlike tsoenami na dié aardbewing uitgereik nie.

in arabian nights