Nuus – Bladsy 1105 – praag.co.za

Verbaster, s? Naspers-ghoeroe

[…]

Enersyds die pool van “verbastering” of “vermenging” waarin Afrika-waardes versmelt raak met Westerse waardes. Andersyds die pool van pan-Afrikanisme wat die instandhouding van tradisionele waardes en inheemse kultuur voorstaan.

[…]

Dié spanning illustreer baie Afrikane se moderne bestaanskrisis en word gekenmerk deur drie mededingende politiek-kulturele posisionerings.

Eerstens dié wat só ingenome met die Westerse kultuur is dat hulle Afrika-waardes en die tradisionele kultuur verwerp en minag.

Tweedens dié wat die Westerse kultuur verwerp en die tradisionele kultuur romanties en onkrities verheerlik. Alles moet meedoënloos “verafrikaniseer” word en die Westerse kultuur word vir alle lewensellendes geblameer.

Sommige waarnemers glo dié posisionering is belangrik omdat dit by Afrikane ’n nuwe selfwaarde skep; help om ’n verlore en waardige swart identiteit te herwin; en materiële voordele inhou. Maar dié soort verwerping van die Westerse kultuur is op die duur onrealisties en word naderhand ’n geval van blote lippediens aan die inheemse kultuur.

[…]

Die romanskrywer Es’kia Mphahlele verwoord dié verbastering só: “Dit is twee vorme van leef – waar Afrika-waardes ’n soliede grondslag binne-in my bly én verenig word met ’n Westerse kultuurerfenis. Iewers in my is daar ’n middelpunt waar ek die verskeidenheid kan versoen.”

En die musikant en “wit Zoeloe” Johnny Clegg sê: “My lewe het baie te doen met beweging tussen verskillende kulture. Ek glo die hele wêreld beweeg in dié rigting. Die idee van ’n enkele identiteit is uitgedien. Ek het ’n sterk Engelse kern, ek is Joods en my sin vir manlikheid het ’n Zoeloe-oorsprong. Al dié dinge leef binne-in my.”

Daarmee die vraag: Is verbastering nie straks ’n uitdaging én ’n krag vir alle Suid-Afrikaanse gemeenskappe nie – die stoffasie vir die baie nodige maatskaplike kohesie wat die “ons-hulle”-verdeellyne kan ophef? Op ’n praktiese lewensvlak gebeur dit al.

Só word “Afrika-wysheid” oor wye raadpleging al meer omskep in doeltreffende sakeprogramme waaraan wit en swart mense deelneem, en ubuntu al meer suksesvol aangepas in multinasionale ondernemings. In die wêreld van die kunste word ou politiek-kulturele verdelingslyne al hoe gemakliker oorgesteek.

Wanneer verbastering ’n leefwyse word – gestroop van die geklikheid van ’n obsessiewe identiteitsug en politiekery oor ongeveer alles – sal ons dalk die krag van Suid-Afrika se eiesoortige menseverskeidenheid beleef en ontgin.

Gesels, Afrika se tydverdryf

Nommer asseblief!

Armoede is blykbaar nie ‘n rede om nie ‘n selfoon te besit nie. Die selfoonmark in Afrika is ‘n snelgroeiende bedryf. Die groei is trouens dubbel so hoog soos die gemiddeld elders in die wêreld en vier keer so hoog soos in Wes-Europa. Van die 900 miljoen Afrikane het ten minste 200 miljoen ‘n selfoon aan die oor. Net verlede jaar is 60 nuwe selfoonkontrakte gesluit. In vergelyking daarmee is daar slegs 27 miljoen vaste telefoonverbindings op die kontinent.

Selfs in die oorlogsgeteisterde Darfoer word nuwe maste deur tegnici vir ‘n vale opgerig. Saam met Siemens en ABB beweeg die Suid-Afrikaanse MTN en Kuwaitse MTC in om die mark te bedien. Reeds drie digbevokte lande, naamlik Nigerië, Egipte en Suid-Afrika, word tans as mededingende selfoonafsetgbiede gereken en daarom word alle hoop op lande soos Soedan en die DRK toegespits om die belowende groei voort te sit.

Khaled Muhtadi, van MTC-filiaal Mobitel, verwag binne die volgende drie tot vyf jaar besondere sterk groei in Soedan. "Ons het skaars ‘n mas in ‘n nuwe gebied opgerig, of dit word oorlaai,"sê hy. Op die oomblik spog byna 12% van Soedanese met ‘n selfoon. Die olierykdom in die land skep die stygende aanvraag. Die BBP het van 3% na 6% toegeneem vanaf 2000.

Hoë insetkostes het tot onlangs nog verhoed dat die kontinent se vaste telefoonverbindings uitgebrei word. Omdat apparate en verbindingsmoontlikhede aansienlik goedkoper geword het, is dit baie aantreklik. Veral voorafbetaalde kontrakte is gewild omdat dit klein bedrae behels. ‘n Hele paar spelers is in die Soedanese mark aanwesig waaronder Sudatel en NOW.

Afrika se bevolking is meer bereidwillig as Europeërs om inkomste aan gesels af te staan. In Rwanda spandeer ‘n klant gemiddeld 35% van sy besteebare inkomste om bereikbaar te bly. Die deursnit-Afrikaan spandeer dus soveel op ‘n selfoon soos ‘n Europeër op ‘n huis, terwyl ‘n Europeër slegs 1,5% op ‘n selfoon sal uitgee.

Фильчаков Харьков

PRAAG-Internetverbindings vanaf slegs R69 per maand!

Betaal u te duur vir internet? PRAAG verskaf ‘n basiese ADSL-internetverbinding vanaf slegs R69 per maand vir 1 Gigagreep en R85 per maand vir ‘n basiese inbeldiens. Ons pryse is die laagste in Suid-Afrika en boonop ontvang u diens in Afrikaans!

‘n Totale pakket met Telkom-ADSL-diens plus 1 Gigagreep PRAAG-bandwydte is beskikbaar teen R198 per maand, die goedkoopste manier in die land om permanent aanlyn te wees. Stuur ‘n epos aan inlig@praag.org met u telefoonnommer indien u verdere inligting verlang.

wedding combs for

‘n Boek het ‘n reuk

Alle boekwurms weet een ding seker: ‘n Boek het beslis ‘n reuk. En dit is natuurlik die een kwaliteit wat ‘n mens nie elektronies kan ervaar nie. Daarom het die webwerf CafeScribe.com op 22 Augustus bekend gemaak dat hulle "die eerste geparfumeerde elektroniese boek ter wêreld" gaan produseer.

Vanaf September 2007 gaan alle kopers by hul aankope ‘n plakkertjie ontvang wat na "ou boek" ruik. "Indien dit op die rekenaarskerm geplak word, sal dit aan die elektroniese boek dieselfde verouderde geur aan die kliënt verskaf wat hy of sy so aan regte gedrukte boeke waardeer, sonder die reste van DNS wat aan die bladsye van boeke kleef wat baie gebruik is," het die baas van CafeScribe, Bryce Johnson, gesê.

Volgens ‘n meningspeiling wat tussen 15 en 21 Augustus onderneem is het 43% van die 600 studente wat ondervra is, gedink dat die reuk van ‘n teks of ‘n objek ‘n essensiële element daarvan verteenwoordig. Ses uit tien verkies om tweedehandse boeke te koop eerder as nuwes. Alhoewel elektroniese boeke ‘n derde goedkoper is, bly die tweedehanse item bobaas.

Данильченко

Immigrante uit die water gevis…

Die Spaanse seekuswag het aan die einde van verlede week weer 10 lyke van voornemende immigrante vanuit Afrika uit die see gevis. Dit kom nadat 13 swartes op 20 Augustus verdrink het toe hulle gepoog het om die Kanariese eilande per houtskuit, oftewel patera, te bereik.

Duikers van die Kanariese burgerwag het die 10 liggame uit water gehaal en volgens ‘n woordvoerder is dit al wat hulle gekry het. Die skuitjie het ‘n paar honderd meter van die kus omgeslaan waar die seestrome tussen rotsuitstolpings geweldig sterk is. Die ongeluk het net voor dagbreek gebeur. Dit is nie bekend hoeveel mense aan boord was nie.

Twee oorlewendes is na ‘n hospitaal gebring. Volgens hulle was daar ses wat die ongeluk oorleef het, maar twee ander is ook gekry terwyl ‘n paar het gevlug om nie in die hande van die owerhede te beland nie. Die woordvoerder sê die skuitjie het die ligtoring van Arinaga gebruik om te navigeer omdat die voornemende immigrante in die nag vertrek.

Die opgeskerpte patrollies wat die EU mbv Frontex onderneem, veroorsaak dat swartes in die daglig minder suksevol blyk te wees om die Eldorado van Europa te betree. Alhoewel die aantal immigrante afgeneem het, was Augustus ‘n besonder bedrywige maand met 1006 nuwe aankomelinge. Vir September staan die getal reeds op 249 mense.

Dit is nie bekend hoeveel mense al die lewe gelaat het in hul poging om die EU te bereik nie. Geen betroubare syfers bestaan op die oomblik nie en geen studie is nog onderneem om die presiese aantal vas te stel nie.

силком topcargo отзыв

‘Die heel grootste parlement ooit’

Reg vir groot dinge

"Die heel grootste parlement ooit" in Afrika word tans in Yamoussoukro, die hoofstad van die Ivoorkus, gebou. Dié gebou sal 500 afgevaardigdes in twee halfsirkels kan huisves. ‘n Woordvoerder van Laurent Gbagbo wat die president vergesel het op sy besoek aan die bouwerk, het met die media gesels.

"Dis nie net ‘n gebou nie," het die Frans-Libanese argitek Pierre Fakhoury, bygevoeg. Die oppervlak van die parlement sal 80 000 m2 van grasvlakte in oppervlak vervang en sal meer as 150 miljard rand kos om op te rig. Mnr. Fakhoury was ook die argitek vir die replika van die reusagtige St. Petrus-basilika nie te vêr van die huidige konstruksie nie.

Die bouprojek het in 2006 afgeskop en is byna halfpad. Dit sal na verwagting in 2010 afgehandel wees. ‘n Duisend werkers is tans bedrywig maar binne enkele maande sal die aantal verdubbel. Die finansiering word deur die staatkas van die Ivoorkus verskaf.

"Dis absoluut iets nuuts wat ons hier doen," het Gbagbo in sy skik teenoor die pers verklaar. "Deurkruis maar die kontinent, en indien u twee, drie of vier soortgelyke voorbeelde kry, kom sien my." Die president het niks oor die geraamde koste van sy unieke idee laat val nie.

Yamoussoukro is in 1983 as hoofstad van die Ivoorkus aangewys in die plek van Abidjan. Die groot uittog na die nuwe hoofstad sou in die negentigs plaasvind maar in wese het niks sedert die aankondiging gebeur nie. Die Chinese het egter die "Huis van Afgevaardigdes" help betaal wat in Mei ingehuldig is om aan Yamoussoukro ‘n hoofstad se status te probeer verleen.

Kennelik hoop die regering dat die nuwe parlement net die regte trekpleister sal word. Beijing het ook gehelp om die president de nuwe woning in Yamassoukro op te rig.

Ekstreemregses steek Duitse SPD verby

NPD-optog in Dresden

In die Duitse deelstaat Sakse het die sogenaamde ekstreemregse party, die NPD, die sosialistiese SPD van eertydse Kanselier Gerhard Schroeder verbygesteek in ‘n meningspeiling. Dié peiling het 1130 burgers tussen 20 Augustus en 4 September 2007 gevra vir wie hulle sou stem indien ‘n deelstaatverkiesing komende Sondag sou plaasvind.

Die NPD sal dan 9% van stemme trek terwyl die SPD net 8% kon behaal. Die NPD (Nationaldemokratische Partei Deutschlands) is ‘n nasionalistiese party en word dikwels in die media as "Nazi’s" beskryf. In twee van die nuwe deelstate, Sakse en Mekelenborg-Voorpommere, het die NPD reeds ‘n indruk by die stembus gelaat. In nasionale verkiesings sou die NPD egter net 5% van die stemme verkry.

Behalwe dat die NPD teen immigrasie gekant is, wil die party ook nie sien dat Turkye tot die EU toegelaat word nie. Hulle kla verder dat Duitsland se bydraes aan die EU te hoog is en afgeskaal behoort te word. Hoë werkloosheid en ‘n ongunstige demografiese profiel in die ooste word algemeen vir die opkoms van die party verkwalik.

Die sterkste party is die CSU met 39%. Linkse partye sou 27% van die kiesers oortuig en die Groen-party 5%. ‘n Televisiekanaal het die peiling aangevra. Deelstate in die ooste van Duitsland was onlangs weer in die nuus nadat immigrante deur Duitsers aangerand is. Dit het gister aan die lig gekom dat ‘n Indiër in Mügeln ‘n Duitser met ‘n gebreekte bottel verwond het tydens die rasse-onluste daar.

Markt

Parlement ontaard in klug

Speaker Baleka Mbete het Mike Waters van die DA se gedrag in die parlement as "buitensporig, sonder respek en heeltemal onbeskof" beskryf. Waters sal vir ‘n tydperk van vyf werksdae geskors word.

In ‘n klugtige atmosfeer wat Woensdag in die parlement geheers het, het die Britsgebore Waters en die Speaker in ‘n oor-en-weer relletjie oor die kwessie van die omstrede minister van gesondheid se verlede, op mekaar begin gil.

Mbete het geëis dat Waters die huis en parlementêre kompleks dadelik verlaat. Dit kom nadat Waters Woensdag skriftelik gevra het of Manto Tshabalala-Msimang in 1976 wel van diefstal beskuldig is en gevra is om die hospitaal in Botswana waar sy gewerk het, te verlaat.

Maar die Speaker het geweier dat die vraag behandel word. Mbete se reëling het Waters laat opvlam: "Hierdie is ‘n grap, ‘n absolute grap … u probeer ‘n dief beskerm, Madame Speaker." Mbete het Donderdag herhaal dat die kwessie nie oop is vir bespreking nie. Volgens die Speaker was Waters nie bereid om die gebou te verlaat nie en het hy haar gesag openlik uitgedaag.

Sy het verder gemeen dat Waters se teregwysing nie gepas genoeg is nie en dat hy swaarder gestraf behoort te word. Die meeste DA-lede het ná die onderonsie Woensdag die saal verlaat om "demokrasie te verdedig". Sandra Botha, die DA se parlementêre leier, het gesê dat demokrasie "ondermyn" word.

мебель для

Moetiemoord in Noordwes

Die geskende liggaam van ’n 17-jare seun is gister naby Pellastat in Madikwe gevind, het die Noordwespolisie gesê.

Superintendent Louis Jacobs het verklaar dat die seun se lyk langs die pad deur ’n verbyganger vroeg Donderdagoggend ontdek is.

Sy tong en skaamdele is verwyder. Dit wil voorkom asof die seun elders aangeval, geskend en vermoor is en sy lyk langs die pad gelos is, het Jacobs gesê.

Hy is Woensdagoggend laas lewendig gesien en het saam met sy twee broers in die omgewing gewoon.

Die polisie poog tans om met sy ouers in aanraking te kom om hulle van die voorval in kennis te stel.

Intussen verkeer ’n 13-jarige seun wat op 5 Augustus in ’n geskende toestand naby sy stat buite Rustenburg gevind steeds in ’n ernstige toestand, het Jacobs gesê.

Die polisie is besig om albei insidente te ondersoek. Jacobs wou nie spekuleer oor die motiewe toe hy gevra is of dit rituele aanvalle was nie.

дитячи машини

Rwanda wil nie meer SAOG-lid wees

Rwanda se president, Paul Kagame, het Woensdag gesê dat sy land nie langer belangstel om deel te word van die Suider-Afrikaanse Ontwikkelingsgemeenskap (SAOG) nie. Hy wou nie dat Rwanda te veel "oorvleuelende" rolle met ander blokke speel nie.

"As ‘n land moet ons ons lidmaatskap rasionaliseer," het hy aan joernaliste verduidelik aan die einde van sy driedaagse amptelike besoek aan Malawi. Rwanda het twee jaar gelede aansoek gedoen om deel te word van SAOG. Tans is daar 14 state wat deel is van die Ontwikkelingsgemeenskap.

Kagame meen dat lidmaatskap aan SAOG dalk nie so ekonomies voordelig sal wees as wat oorspronklik gemeen is nie. Hy het aangedui dat Rwanda wel binne die Oos- en Suid-Afrikaanse gemeenskap sal aanbly. Kagame was in Malawi om handels- en landboubetrekkinge uit te brei.

Kagame hoop om sy land in die Dubai van Suider-Afrika te omskep. Microsoft se Bill Gates, Riley Bechtel van Bechtel, Steve Forbes en topbestuurders van Google, Merrill Lynch, Starbucks, Columbia Sportswear, Morgan Stanley, en General Electric was al gaste van die president.

Die eertydse guerillaleier het ‘n diploma in sakestudies gedoen dmv korrespondensie toe hy as staatshoof ingetree het. Hy het sy eksamen onder toesig van die Britse ambassadeur afgelê. Die president hoop dat Amerikaanse sakevernuf sy land beter sal kan dien as hulporganisasies.

‘n Franse regter Jean-Louis Bruguière, het Kagame en 10 van sy militêre personeellede verlede jaar gelas om in Frankryk voor die gereg te verskyn omdat hulle klaarblyklik die noodlottige missiel op Hoetoe-president Juvenal Habyarimana se vliegtuig afgevuur het. Dié insident het die begin van ‘n volkskaalse volksmoord in Rwanda tot gevolg gehad.

Rwanda se buurlande, die DRK en Tanzanië, is albei SAOG-lede. Rwanda en Malawi het ook onderneem om hul kulturele bande te versterk.

Лобановский Харьков

Gevegte hervat in DRK

‘n Woordvoerder van die VN-missie in die DRK het haar groot kommer uitgespreek oor gevegte wat in die Ngungu-sone van die die land uitgebreek het tussen die weermag en renegaattroepe. Nadat dit stil was oor die naweek het skermutselinge 30km van Goma weer Maandag hervat.

‘n Honderd mense het reeds verlede week in verskillende gevegte omgekom. Generaal Laurent Nkunda, magtige plaaslike leier en oud-sielkunde student, is verantwoordelik vir die rebelle. Alhoewel daar geen nuus van die toestand beskikbaar is nie, reken die VN dat 650 000 mense reeds uit hul huise padgegee het uit Noord-Kiwu uit vrees dat hulle ook slagoffers kan word van die konflik.

Die DRK-weermag, wat bang was vir Nkunda se invloed in die streek, het hom aangestel om reste van Rwandese Hoetoe-rebelle wat bedrywig was in die Kiwu-provinsie, vas te trek. Die generaal het in 2004 egter sy amp verlaat en skuiling gevind in die Masisi-woude.

Massas soldate het daarna oorgeloop na Nkunda. Hy was verantwoordelik vir die besetting van Bukawu. Alhoewel ‘n internasionale lasbrief vir sy inhegtenisname uitgereik is vanwëe klaarblyklike oorlogsmisdade, het die VN-mag geweier om hom in hegtenis te neem.

Die situasie in Noord-Kiwu en Suid-Kiwu bly gespanne en ‘n kopseer vir Kinshasa asook die VN-vredesmag in die land. Die onlangse demokratiese verkiesings kon nog geen blywende oplossing bied vir die streek nie.

Weermagbevelvoerders het verlede week bekend gemaak dat nuwe brigades Nkunda se gemengde eenhede sal vervang om Hoetoe-rebelle te jag. Nkundu en die Demokratiese Magte vir die Bevryding van Rwanda het egter gewaarsku dat enige eskalasie na groter konflik sal lei.

Oud-president se vrou gearresteer

Lang vingers

Die eggenote van die eertydse Zambiese president Frederick Chiluba is Maandag in hegtenis geneem nadat sy probeer het om van haar man se gesteelde bates te verkoop. ‘n Paar dae tevore het ‘n hof bevind dat daar nie genoeg getuienis teen Regina Chiluba is om haar van korrupsie aan te kla nie.

Sy is vanaf haar woning in Lusaka deur gewapende polisielede na die polisiestasie geneem. Nadat haar advokate tussenbeide getree het, is sy op borgtog vrygelaat. Die oud-president en ‘n tiental aanhangers het sy vrou na die stasie vergesel.

Die polsie wou nie kommentaar lewer nie en het bloot gesê dat ‘n spesiale ondersoek wat onderneem is om die Chiluba-regering (1991-2001) se korrupsie te ondersoek en dat daar mettertyd ‘n verklaring daaroor uitgereik sal word.

‘n Woordvoerder van die oud-staatshoof het gesê dat Chiluba sy vrou "in die sel gaan besoek het met sy lyfwagte". Regina Chiluba was glo briesend en het geweier om met die gereg saam te werk omdat hulle volgens haar haar onskuld misken.

Haar man word daarvan verdink dat hy $500 000 in sy sak getseek het. Die Zambiese hof sal in Februarie uitspraak lewer. Chiluba is deur ‘n Britse hof skuldig bevind aan die misbruik van openbare fondse ter waarde van miljoene en sy bates in Brittanje is bevries.

для насосов лобановский обыск

Britte verlaat Basra

Union Jack in Basra gestryk

LONDEN – Britse soldate het Sondag begin om hul laaste basis in die suidelike Irakese stad Basra te verlaat, waarmee die weg voorberei is vir verdere troepeverminderings. Kommer oor die veiligheid van die land se tweede grootste stad en die omliggende streek het egter ook toegeneem.

V.S. en Irakese owerhede het hul kommer uitgespreek dat ’n breër Britse terugtrekking die streek se ryk oliebronne, asook die voorradelinie van Koewait na Bagdad en verder, in gevaar kon stel. Sommige ontleders vrees ook dat die Britse onttrekking ’n gewelddadige stryd tussen mededingende Sjiïtiese groepe in die sekte se suidelike hinterland kan vererger.

Ongeveer 550 soldate is besig om die Basrapaleis in die middestad, een van afgesette president Saddam Hoessein se voormalige vestings, te verlaat, om aan te sluit by 5 000 ander personeellede by ’n lugmagbasis 11 kilometer vanaf die buitewyke van die stad. Verdedigingsamptenare sê die onttrekking verloop glad maar kan etlike dae neem om te voltooi.

Die Irakese leër het honderde versterkings na die stad gestuur om Sjiïtiese milisies en misdaadbendes te verhoed om hul invloed uit te brei as die Britte eers weg is.

Die voormalige Britse eerste minister, Tony Blair, het die aantal Britse troepe in Irak van 7 000 tot 5 500 verminder in Februarie en het die keuse oopgelaat om nog 500 te onttrek sodra Basrapaleis aan die Irakiërs terugbesorg sou word.

Die huidige eerste minister, Gordon Brown, is veronderstel om toekomstige strategie vir die Britse operasies in Irak aanstaande maand in ’n toespraak aan die parlement uit te stippel.

Die Britse verdedigingsministerie het gesê dat magte wat vanaf Basra-lugmagbasis opereer “veiligheidsverantwoordelikheid vir Basra sal behou totdat ons dit aan die provinsiale Irakese beheer oorhandig, wat waarskynlik in die herfs sal plaasvind”.

Basrapaleis het Britse soldate en diplomatieke personeel gehuisves ná die V.S.-geleide inval in 2003 en verkeer oor die afgelope maande onder daaglikse mortier- en vuurpylaanvalle.

“Dis ’n besonder verstandige militêre besluit,” het ’n verteenwoordiger van die Konserwatiewe opposisie, Patrick Mercer, gesê. “Dit sal ons toelaat om meer troepe van Irak in die herfs te onttrek, op dieselfde tydstip as wat Brittanje haar hoeveelheid troepe in Afghanistan vermeerder.”

In Basra het majoor Mike Shearer, Brittanje se militêre skakelbeampte, aan verslaggewers gesê: “Ek kan bevestig dat ’n operasie tans plaasvind, maar gaan geen verdere besonderhede verskaf nie.”

Amerikaanse amptenare het kwellinge uitgespreek oor die gedagte van Britse troepe wat die stad verlaat en dit aan die invloed van Sjiïtiese godsdienspartye en gewapende groepe sou oorlaat, waarvan sommige bande met Iran handhaaf, ná die verkiesing in Januarie 2005 wat eerste minister Noeri al-Maliki aan die mag gestel het.

Die polisiemag is swaar geïnfiltreer deur die gewapende groepe. Politieke mededingers, drankhandelaars, DVD-winkeleienaars en enigeen wat verskillende groepe se interpretasies van Islam oortree, is onderhewig aan sluipmoorde deur moordbendes.

Die afgetrede V.S.-generaal Jack Keane, wat stafhoof was toe die Irakoorlog begin het, het verlede week in ’n onderhoud gesê dat Brittanje nooit genoeg troepe ontplooi het om die streek te stabiliseer nie en ’n slegte veiligheidsituasie laat vererger het.

“Dit was nog altyd ons voorneme om troepe in Basra te verminder soos wat die Irakese weermag en polisie se gereed raak om veiligheidspligte oor te neem,” het ’n segsman vir Brown se Downingstraatkantoor gesê, op voorwaarde dat hy anoniem bly.

Die International Crisis Group, ’n dinkskrum wat in Brussel gesetel is, het in hul Junieverslag gesê dat onbeheerde gewapende groepe besig was om Basra te destabiliseer en dat die plaaslike bevolking glo dat Britse magte verdryf is.

“Onophoudelike aanvalle op Britse magte het hulle trouens van die strate af en na toenemend afgeleë vestings verdryf,” lui die verslag. “Die inwoners van Basra en lede van gewapende groepe sien dit nie as ’n geordende onttrekking nie, maar as ’n oneerbare neerlaag.”

Met bykomende Irakese soldate in die strate, sê inwoners dat toestande oor die afgelope weke stiller geraak het.

Maar verlede week het die hoof van die Basra-stadsraad se veiligheidskomitee, Hakim al-Mijahi, “’n mate van wanorde” ná die Britse onttrekking van die stad voorspel omdat hy vrees dat Irakese magte nie in staat is om wet en orde te handhaaf nie.

games casino Фильчаков прокурор

Zimbabwe is ‘landbouleier’

Obiang

Teodoro Obiang Nguema Mbasogo het Vrydag gesê dat Zimbabwe se ervaring en landboukennis oorgedra behoort te word na die mense van Ekwatoriaal-Guinee. Hy het Robert Mugabe geprys omdat Zimbabwe se landbousektor die "mees gevorderde in Afrika" is en ‘n "leier" op dié gebied. Obiang, die neef van eertydse president Francisco Macías Nguema, was die internasionale gas by die landbouskou in Harare.

Obiang se voorloper word daavan verdink dat hy ‘n derde van sy bevolking binne 11 jaar uitgewis het. Hy is deur sy neef, die huidige staatshoof, in 1979 laat vermoor tydens ‘n militêre oorname. Human Rights Watch beskou Obiang nietemin as een van die ergste menseregtevergrypers en in 1995 het die VSA besluit om hul ambassade te sluit in dié land.

Meer as 70% van landbougrond in Zimbabwe was voorheen in die hande van wit boere, maar in 2000 het Mugabe se plan om van kommersiële boere ontslae te raak in werking getree en het sogenaamde "oorlogsveterane" plase beset. Die inflasiekoers staan tans op 7 600% danksy die ekonomiese ineenstorting wat gevolg het op die grondhervormingsbeleid.

Die olieryke Ekwatoriaal-Guinee verskaf tans olie aan energiegestremde Zimbabwe. In 2004 het 70 huursoldate ‘n staatsgreep beplan om van Obiang ontslae te raak. Die eertydse Britse premier se seun, Mark Thatcher, en Simon Mann, ‘n spesialissoldaat, het die plan bedink wat ter elfder ure op die rotse geloop het nadat sy span Suid-Afrikaanse helpers in Harare aangekeer is.

стоит построить