Kategorie: Nuus

Politieke risiko is terug met mening nadat die eerste kosrevolusies van ons Malthusiaanse era dié twee lande geskud het. Albei was blootgestel aan die swak greep van ‘n outoritêre regime en die VSA se evangelie van demokrasie, ‘n nuttige instrument om die arm man te dien.

As jy dus belangstel in ontluikende markte op hierdie stadium, vermy lande met ‘n versnellende gaping tussen ryk en arm.

‘n Tunisiese vrugteverkoper wat homself aan die brand gesteek het ses weke gelede, het ook sodoende die lont aangesteek vir die onrus in Egipte wat dreig om die politieke orde van die Magreb, Jemen, en Sirië ook in puin te laat.

Die oproer in die kulturele en politieke hoofstad van die Arabiese wêreld, Kaïro, kan vinnig onheilspellend raak vir arm, digbevolkte dele van die planeet.

En dit is niks soos die val van die Berlynse Muur nie. Die uiteindelike triomf van die sekulêre demokrasie was skaars te betwyfel in Sentraal-Europa.

Voedselskaarste, daarenteen, ondersteun egter dié groepe wat in die leksikon as “voorhoede” Leninistiese partye bekendstaan.

In Egipte beteken dit die Moslem-broederskap, met die Nobelpryswenner Mohammed El Baradei as marionet. Die Broederskap is natuurlik allesbehalwe demokraties op die Westerse manier. Soos die Turkse premier Erdogan een keer laat glip het, is demokrasie ‘n trem “wat jy ry tot jy by jou bestemming kom, en dan kan jy uitklim.”

Dit neem nie ‘n koorsige verbeelding om te raai wat die Broederskap se opgang kan beteken vir Israel nie, laat staan vir strategiese stabiliteit in die Midde-Ooste. Asië het net so veel om te verloor as dinge verkeerd loop as die Weste. China se energie-intensiteit per eenheid van die BBP is dubbel VSA-vlakke, en drie keer dié van die Verenigde Koninkryk.

Die toename in internasionale voedselpryse is nie die onderliggende oorsaak van die Arabiese opstand nie, in elk geval nie meer as slegte oeste in 1788 die oorsaak van die Franse Rewolusie was nie.

Tog is dit die sneller. Kwesbare regerings is besig om voorrade van graan op te gaar terwyl hulle kan. Algerië het 800.000 ton koring verlede week aangekoop, en Indonesië het 800.000 ton rys, albei baie meer as hulle normale tempo van dié aankope. Saoedi-Arabië, Libië, en Bangladesj probeer ook ekstra graanvoorrade te bekom.

Die VN se Voedsel-en Landbou-organisasie (FAO) het gesê sy wêreldwye voedsel-indeks staan op die hoogste ooit. Hulle het regeringspaniek afgeraai om te verhoed dat “die situasie vererger”.

Die onmiddellike oorsaak van hierdie kosskaarste was die ergste droogte in Rusland en die Swart See-streek in 130 jaar en duur reeds lank genoeg om skade aan winterplante sowel as die someroes aan te rig. Dit is vererger deur laat reëns in Kanada, Nina-onderbrekings in Argentinië, en ‘n reeks van oppervlakte afgraderings in die VSA. Die wêreld se voorraad-om-te-gebruik-verhouding vir mielies is byna op ‘n 30-jaar laagtepunt van 12.8, volgens Rabobank.

Die diepere oorsake is ook bekend: ‘n jaarlikse styging in die globale bevolking, die “uitputting” van die Groen Rewolusie as die winste in oesopbrengste vervaag, en om die Wêreldbank aan te haal: “Dieetverskuiwings in Asië” soos die opkomende middelklas oorskakel na ‘n diere-proteïen dieet, wat 3-5 kilo’s graanvoer vir elke kilo vleis geproduseer insluk, asook die biobrandstofaanplantings wat ‘n derde van die Amerikaanse koringoes in ethanol vir motors omskakel.

Voeg die verlies van landbougrond in Asië se stedelike uitbreiding in, en die uitputting van die nie-hernubare waterbronne vir die besproeiing van Noord-China se vlaktes, en die geopolitiek van wêreldwye voedselvoorsiening begin na ‘n terminale kwaal te lyk.

Kan die wêreld met massahongersnood voortgaan soos altyd? Dalk, maar dis baie gevra. Gebiede van die voormalige Sowjet-Unie kan dalk benut word, Brasilië of Afrika. Laasgenoemde kan dmv toegang tot lenings en titelaktes ‘n werklike groot sprong vorentoe neem.

Die beleggings wat nodig is sal egter nie gou genoeg inskop om ‘n dreigende verskuiwing tussen die stedelike armes se aansprake op grond en die huidige grondeienaars te vermy nie. In Suid-Afrika is die politieke wil om voedselprodusente te beskerm, vir alle doeleindes byna afwesig danksy dekades se verdagmakery.

Ons is op ‘n dunner marge van voedselsekuriteit, soos Noord-Afrika nou ontdek, en China maar al te goed begryp. Landboukundiges in Europa en Amerika glimlag reeds breed…

детскии игрушкиДанильченко Юрий Брониславович компромат

“Die weermag moet kies tussen Egipte en Mubarak,” lees een van die vaandels op Kaïro se Tahrir-plein, waar betogers kos met soldate gedeel het wat gestuur is om die orde te herstel ná gewelddadige betogings teen Mubarak se 30-jaar bewind die land tot in sy kern geskud het.

Ná ses dae van onrus wat gelei het tot die dood van 100 mense, het die twee kante ‘n dooiepunt bereik. Betogers weier om te gaan, terwyl die weermag hulle ook nie beweeg nie.

Mubarak se beloftes om ekonomiese hervorming aan te spreek om openbare woede oor stygende pryse, werkloosheid en ‘n groot gaping tussen ryk en arm op te los, het nie gekeer dat breër oproepe opgaan om Mubarak en sy ondersteuners uit die kussings te lig nie.

Betogers pleit vir ‘n algemene staking Maandag wat die einde van die militêre bewind wat sedert ‘n post-koloniale Egipte in die 1950’s heers, kan beteken.

Die Verenigde State, ‘n bondgenoot wat reeds miljarde dollars se steun in Egipte ingepomp het sedert Mubarak aan bewind gekom het, het net kort van openlik gesê dat hulle hom wil uit hê. Amptenare, insluitend president Barack Obama en sekretaris van buitelandse sake, Hillary Clinton, het reeds verwys na “‘n ordelike oorgang”.

‘n Senior Amerikaanse amptenaar, het gesê die gevoel onder Obama se nasionale veiligheid-volgelinge was dat Mubarak se tyd verby is, maar dit moet aan Egiptenare oorgelaat word om te bepaal wat volgende gebeur.

Mubarak, ‘n voormalige lugmaghoof, is Sondag deur sy militêre bevelvoerders bygestaan. Sy toekoms is tans in hulle hande. Egipte se minister van verdediging het Sondag per telefoon met die VS se verdedigingsekretaris Robert Gates in verbinding getree.

Beleggers bly nietemin senuweeagtig. Die krisis in Egipte volg  na ‘n opstand wat die leier van Tunisië twee weke gelede onttroon het asook ‘n golf van woede in ander lande in Noord-Afrika en die Midde-Ooste ontketen het.

Finansiële markte regoor die wêreld was Maandag gespanne oor die impak van die naweek se gebeure in Egipte. Brent-olie is op na ‘n 28-maande-hoogtepunt, net pennies onder $100 per vat. Die dollar het in Asië gestyg nadat beleggers gesoek het na ‘n veilige hawe.

“Die groter vrees is dat die onrus kan versprei na ander Midde-Oosterse lande, insluitend selfs Saoedi-Arabië. As dit gebeur, dan is oliepryse ‘n raaisel,” het ANZ Bank ekonoom Sharon Zöllner in ‘n nota aan kliënte gesê.

‘n Egiptiese opposisiekoalisie wat ook die yslike Islamitiese beweging, die Moslem-broederskap insluit, het Mohamed ElBaradei, voormalige hoof van die IAEA, genader om ‘n regering van nasionale eenheid te vorm en kontak te maak met die militêre leierskap.

ElBaradei het versoek dat Obama ‘n tydige beroep op Mubarak doen om uit te tree.

“Dit is beter vir President Obama nie te lyk asof hy die laaste een is om aan president Mubarak te sê: ‘Dit is tyd vir jou om te gaan’ nie, ” het hy gesê tydens ‘n CNN-onderhoud.

ElBaradei spandeer baie van sy tyd in die buiteland nadat hy verlede jaar ‘n veldtog van stapel gestuur het vir politieke hervorming in Egipte tot die opposisie se teleurstelling, maar verleen nogtans die gewig van sy internasionale reputasie aan ‘n beweging waarvan ‘n leier ontbreek.

Terwyl die leër wetteloosheid stopgesit het, was daar geen teken hulle bereid is om die betogers van die strate af te kry nie.

“In die volgende paar dae sal veiligheid en stabiliteit terugkeer,” het Brigadier Atef Said in Suez gesê, oos van Kaïro, die toneel van ‘n paar van die ergste gewelddadige voorvalle tussen die polisie en protesteerders.

“Ons sal protes toelaat in die komende dae. Elkeen het die reg om hulle mening te lug.. Ons luister en probeer alle partye help. Ons is nie hier om iemand te stop nie. Dit is ons mense,” het hy gesê.

автоматической насоснойпрокурор харьковской области

Die handjievol maatskappye wat Internet in Egipte voorsien is byna almal in die duister gelaat.

Regeringsteenstanders maak gereed vir vars betogings, in ‘n oproep om president Hosni Mubarak se byna 30 jaar van leierskap te beëindig, het ontleders gesê.

Egipte het klaarblyklik gedoen wat baie tegnoloë as ondenkbaar vir ‘n land met ‘n Internet-ekonomie beskou het – hulle het hulself geheel en al van die Internet losgemaak om die oplaaiende teenstand teen die regering te probeer wegsteek.

Volgens kenners is dit onwaarskynlik dat dít wat in Egipte gebeur het in die VSA kan gebeur, aangesien dié land verskeie Internet-verskaffers en maniere het om aan die Internet te verbind.

справка для выезжающих за границутопкарго отзывы