Die Vryheidsfront Plus het vandag sy stem gevoeg by die van die nyweraar, mnr. Johan Rupert, om ‘n stokkie te steek voor die gaseksplorasie-plan van die Nederlandse oliereus, Shell in die Karoo.
Die VF Plus se hoofwoordvoerder oor water en omgewingsake, mnr. Jaco Mulder, het gesê dat indien Shell toegelaat word om voort te gaan met sy bedrywighede, ‘n soortgelyke situasie as die by Sishen kan ontstaan waar die water in die omgewing letterlik opgebruik is en onherstelbare skade aan die omgewing en landbou-aktiwiteite aangerig is.
Die VF Plus is nie gekant teen ontginning en ontwikkeling nie, maar is van mening dat te veel eksplorasie-lisensies tot dusver onoordeelkundig deur die regering toegestaan is en dat ‘n meer omvattende impakstudie gedoen moet word.
Mulder het ‘n beroep op die publiek en gemeenskappe in die onmiddellike omgewing gedoen om mede-verantwoordelikheid te neem vir die omgewing deur hierdie tipe aksies te stuit.
Leave a Reply
You must be logged in to post a comment.