EU sny hulp aan SA, China, Indië

Die wêreld se grootste skenker, die Europese Unie het Donderdag besluit om steun vir opkomende magte soos China, Indië en Suid-Afrika in te kort en om te fokus op die wêreld se armste lande.

Die Europese Kommissie het ingrypende veranderinge aan die verspreiding van die EU-hulp onthul, en die kommer van internasionale liefdadigheidsgroepe gaande gemaak dat die besluit ten koste van die behoeftigste mense sal kom.

Die hervorming is dan ook daarop gemik om te fokus op sleutel-groeisektore soos landbou en energie, maar nie-regeringsorganisasies soos Oxfam en ActionAid het gesê die EU-maatskappye sal voordeel trek, terwyl dit ‘n “twyfelagtige impak” vir die armes inhou.

“Ons probeer tred te hou met die veranderende realiteite in die wêreld en die manier waarop ons veg teen armoede daarvolgens aan te pas,” sê EU-ontwikkelingskommissaris Andris Piebalgs gesê.

“Dis hoekom ek vandag voorstel dat ons ons hulpprioriteite herfokus om te verseker dat die lande op die regte spoor bly ter bereiking van volhoubare en inklusiewe groei, Ek wil seker maak dat elke euro dié wat dit die nodigste het, bereik,” het hy gesê.

Die 27-state van die EU is die wêreld se grootste skenker, wat vir 50 persent van die wêreld steun met 53,8 miljard euro verlede jaar ingestaan het. Die Europese Kommissie, die EU se uitvoerende arm, bestuur 20 persent van die steun, of 11 miljard euro.

Die kommissie het in ‘n beleidsverklaring gesê dat hulle die “volume en deel van die EU-hulp aan die lande skenk wat die meeste nood ervaar en waar die EU ‘n werklike impak, insluitende op swak state, kan hê.”

Dit sal beteken dat steun aan die wêreld se opkomende magte verminder sal word. Tussen 2007-2013, is sowat 980 miljoen euro geoormerk aan Suid-Afrika, 470 miljoen euro vir Indië, 170 miljoen euro vir China en 61 miljoen euro vir Brasilië.

Ander middel-inkomste lande soos Argentinië sal ook ‘n daling in steun sien, het Piebalgs gesê, en bygevoeg dat ‘n volledige lys teen die einde van die jaar vrygestel sal word.

Die kommissie wil sy aktiwiteite beperk tot landbou en energie, asook goeie bestuur, sosiale beskerming, gesondheid en onderwys.

депутат лобановский

Oeganda verlam deur onluste

Die westelike dele van Kampala, Oeganda, is Maandag verlam deur onluste teen die bewind van president Yoweri Museveni.

Aksie vir verandering, ‘n politieke beweging wat teen Museveni se heerskappy gekant is, en wat die dryfveer agter die oproer is, beweer hulle wil die president ontsetel omdat hy versuim het om die staat behoorlik te bestuur.

“Ons is in oproer omdat brandstof-en voedselpryse baie hoog is. Oegandese sterf in armoede. Ons wil verandering sien,” het Daniel Kasolo, een van die oproeriges gesê.

Betogers het landswye onluste beplan, maar ‘n swaar polisieteenwoordigheid is regoor die land ontplooi om skares van sulke byeenkomste af te skrik.

Museveni, het Sondagnag Oegandese ook gewaarsku teen oproer.

Maandag se onluste was hoofsaaklik gesentreer op Kiseka Mark, waar daar verskeie motorswerkswinkels is.

“Hulle het om 08:00 begin betoog,” het ‘n Oegandese polisiewoordvoerder, Judith Nabakooba gesê.

“Hulle het ander mense gekeer om te gaan werk en die paaie met voorwerpe versper. Die polisie het baie vinnig ingetree en hulle verwilder.”

Die polisie het traangas gebruik om die oproeriges uiteen te jaag. Klippe is na ‘n paar motors gegooi, maar die polisie sê dat die situasie na normaal teruggekeer het kort daarna.

Soortgelyke onluste het in verskeie dele van die land in April uitgebreek na die presidensiële en algemene verkiesings, waar lede van die opposisie beweer dat verkiesings gekook is.

Menseregte-organisasies beskuldig die regering van die gebruik van geweld, wat gelei het tot sewe mense se dood.

Oegandese owerhede sê die opposisie Aksie gebruik oproer oor hoë brandstof-en voedselpryse, maar hul werklike oogmerk is om die regering omver te werp.

Aksie vir Verandering se koördineerder, Mathius Mpuuga ontken die bewerings.

“Ons wil die regering moet werk aan die dringende probleme van die Oegandese,” het hy gesê.

Олександр Васильович Фільчаков

Meer as duisend Palestyne vir 1 Israeli geruil

Israel het in die finale beplanningfase bereik waarin 477 Palestynse politieke gevangenes vir die Israeliese soldaat Gilad Shalit uitgeruil sal word.

Volgens die ooreenkoms gaan Israel ‘n totaal van 1 027 gevangenes vir die vryheid van die soldaat aan die Palestynse magte oorhandig.

Behalwe vir die 447 politieke gevangenes sal honderde Palestyne wat lewenslange moordvonnisse sou uitdien, Dinsdag vrygelaat word. Dié Palestyne is gevonnis vir moorde op Israeli’s.

Palestynse beamptes in Gasa sê die Israeliese soldaat Gilad Shalit is van die Gasa-strook na Egipte geneem.

Die beamptes sê Shalit is reeds vroeg Dinsdagoggend oor die grens geneem. Hulle sê busse wat die Palestynse gevangenes vervoer, is tans in Egipte op pad na Gasa.

Dit is die hoogste prys wat die Joodse staat nog ooit bereid was om te betaal vir die vryheid van een persoon.

Indien alles glad verloop, sal dit die eerste keer in 26 jaar wees dat ‘n Israeliese gevangene van die Palestynse magte lewendig aan die Joodse staat terugbesorg word.

Israel het in spanning gewag om uiteindelik beeldmateriaal van die 25-jarige soldaat te sien.

Sedert hy in 2006 gevangene geneem is, het hy geen kontak met die buitewêreld gehad nie.

 

Фильчаков прокурор

Superkiem klits nege

Nege pasiënte in privaathospitale het die “superkiem” NDM-1 (New Delhi metallo-lactamase 1) opgedoen, het The Star berig.

Twee mense wat die NDM-1 opgedoen het, is reeds dood, maar mediese kenners sê dít is nie vanweë die infeksie nie.

Die superkiem is ‘n paar weke gelede by die Life Glynnwood-hospitaal in Benoni opgemerk, het die koerant berig.

Die NDM-1-geen word veral in E.coli- en salmonella-bakterieë gevind en leef in die gastro-intestinale kanaal en pasiënte se longe en urienweg word aangetas.

Volgens die berig het die kiem ‘n impak op die liggaam se vermoë om homself gesond te maak.

Die kiem kan tussen verskillende bakterieë uitgeruil word en verander die genetika van enige bakterie om dit weerstandig teen selfs penisillien te maak, het Die Burger vroeër berig.

Александр Фильчаков

Nie net krieket korrup nie, sokker ook

Die Minister van Sport, Fikile Mbalula, sal na verwagting vandag sy stem dik maak oor die bestuursliggame van krieket en sokker wanneer hy sy jaarverslag aan die Parlement se Portefeuljekomitee oor Sport in Kaapstad voorlê.

Sy woordvoerder sê die twee kwessies sal deel wees van die verslag. Mbalula het oor die naweek uitgevaar teen Krieket Suid-Afrika nadat sy raad sy president, Mtutuzeli Nyoka, afgedank het wat hom oor beweerde korrupsie uitgelaat het.

Hy het ook die Suid-Afrikaanse Sokkervereniging bygekom oor die onlangse debakel oor reëls wat daartoe gelei het dat die nasionale sokkerspan nie vir die Afrikabeker Nasiestoernooi gekwalifiseer het nie.

Фильчаков прокуратура харьков

Amerikaanse spesialiseenheid land in Oeganda

Die Amerikaanse weermag gaan 100 spesialislede van sy elite-eenheid, die Green Berets, na die noorde van Oeganda ontplooi. Dié spesialissoldate sal ‘n militêre veldtog van stapel stuur om Joseph Kony, en sy Lord’s Resistance Army (LRA) te elimineer.

Kony word gesoek sedert ‘n lasbrief vir sy inhegtenisname deur die Internasionale Strafhof in 2008 uitgereik is.

Die regering van Oeganda het glo die versoek aan die VSA gerig om teen Kony op te tree. Die Afrika-Unie is ook ingelig oor die besluit.

Die mislukte Amerikaanse aanval op Somaliese rebelle in Mogadisjoe in 1993 was die laaste keer dat Amerikaanse troepe amptelik op Afrika-bodem ontplooi is.

Kony se magte is glo in beheer van groot dele van die noorde van Oeganda, Suid-Soedan, die Demokratiese Republiek van die Kongo en die Sentraal-Afrikaanse Republiek. Hy word deur Soedan befonds.

Die voorhoede van die Amerikaanse gevegseenheid het Maandag in Oeganda geland en staan onder bevel van die VSA se Afrika-kommandement bekend as Africom.

Africom word uit Stuttgart, Duitsland, beheer.

Pres. Zuma het hom voorheen uitgespreek teen buitelandse betrokkenheid op die kontinent in konflikte en gesê oorlog striem ontwikkeling op die vasteland.

Yoweri Museveni, die Oegandese president, het gesê dat Amerikaanse “personeel” na sy land gestuur word om te help in die stryd teen die rebelle-groep, The Lord’s Resistance Army (LRA), en nie aan gevegte gaan deelneem nie.

Museveni het Sondag gesê dat dit verkeerd is om te sê dat Amerika troepe stuur om teen die LRA en sy leier, Joseph Kony, te kom veg.

“Dit is beter om hulle Amerikaanse personeel te noem in plaas van troepe,” het hy gesê.

Die Amerikaners sal help om inligting in te samel, het hy gesê.

“Wanneer hulle troepe genoem word, klink dit of hulle namens ons kom veg.”

“Ons sal dit nooit toelaat dat troepe namens ons kom veg nie. Ek sal nooit aanvaar dat buitelandse troepe vir ons kom veg nie. Ons het die kapasiteit om ons eie gevegte te veg,” het Museveni gesê.

Александр Фильчаков прокурор

Edele barbare smul glo aan Duitse toeris

Kannibale het ‘n Duitse seiljagvaarder na bewering geëet tydens sy besoek aan ‘n Suid-See-eiland.

Die oorblyfsels in die kole van ‘n kampvuur kan blykbaar dié van 40-jarige Duitse maatskappyadviseur Stefan Ramin wees, sê ondersoekers.

Hy het glo gereël om ‘n tradisionele bokkejag in die bos by Nuku HIVA in Frans-Polinesië mee te maak.

Sy vriendin Heike Dorsch, 37, sê dat sy hom met ‘n plaaslike gids gesien gaan, bekend as Henri Haiti. Slegs die gids het teruggekeer, sê sy.

Voordat sy haar eggenoot kon gaan soek, is sy deur Haiti vasgeketting aan ‘n boom en seksueel misbruik.

Sy het ure later daarin geslaag om te ontsnap om owerhede te waarsku, en hulle het ‘n sewe-dag-soektog na Ramin van stapel gestuur.

Verlede week, is die as van ‘n kampvuur in ‘n vallei gevind deur ‘n groep van 22 polisiebeamptes. Onder die kole is bene van ‘n kakebeen, tande en gesmelte metaal – glo stopsels – gevind.

Ondersoekers glo ‘n “menslike liggaam is in stukkies gekap en verbrand”.

Die oorskot is na ‘n hospitaal in Papeete, die hoofstad van die Frans-Polinesië, en van daar na Parys vir DNS-analise gebring.

Dit was in 2008 dat Ramin, van Haselau Schleswig-Holstein, Noord-Duitsland, sy vaart om die wêreld in ‘n katamaran met Dorsch begin het.

Die egpaar het ‘n aanlynblog gebruik om hul vordering te rapporteer aan vriende en familie.

Verlede maand het hulle anker gegooi in Nuku HIVA, grootste van die Marquesas-eilande wat oor die eeue heen in baie verslae van kannibalisme opgeteken is.

Die Duitse koerant Bild het gesê Haiti was “vermoedelik ‘n kannibaal”.

Kannibalisme is feitlik ongehoord in die moderne wêreld. Die Korowai van Papoea-Nieu-Guinee is een van die laaste oorlewende stamme wat mense eet as ‘n kulturele praktyk.

Sowat 3 000 van hulle leef in ‘n gebied so afgesonder dat hulle onbewus van die bestaan ​​van enigeen buiten hulself tot 1970 was.

Die Korowai eet glo die brein onmiddellik, terwyl dit nog warm is.

лобановский александр фото

Zuma onthul moordkomplot

President Jacob Zuma het in Zoeloe vertel dat daar ‘n komplot was om hom vermoor toe hy adjunk-president was.

Maar, volgens Die Burger, het Zuma gesê die komplot is gefnuik te danke aan die lojaliteit van sy lyfwagte wat geweier het om die plan uit te voer.

Die Burger het berig dat Zuma Saterdag na die moordkomplot verwys het by die begrafnis van Patrick Maphumulo. Hy het gesê Maphumulo was een van diegene wat geweier het om in die plan in te koop.

Maphumulo, 39, is verlede Sondag in Durban oorlede. Volgens verslae het Maphumulo glo malaria opgedoen op ‘n reis na Khartoem vir die inhuldiging van die president van die nuutgestigte staat van Suid-Soedan.

Maphumulo is deel van die beskermingseenheid van Zuma sedert sy termyn as adjunk-president.

Zuma het gesê toe hy die adjunk-president was, het hy moeilike tye in die gesig gestaar toe alles en elke betroubare persoon teen hom gedraai het.

“Mashimane (Maphumulo se stamnaam) was deel van die BBP-wagte van die adjunk-president.

“In die tyd wou die troueloses inligting oor met wie ek praat of assosieer bekom. Hy en ‘n ​​paar in die lyfwagte van die span het diep kennis van die politiek.

“Hulle het geweier om inligting te gee wanneer hulle meerderes wou weet oor my bewegings,” het Zuma gesê.

“Vir dié weiering is hulle verstoot deur hul seniors en moes sekere voorregte verbeur het, maar hulle het nie geswig nie.”

Zuma het glo in Zoeloe gesê het dat die mense agter die komplot probeer het om uit te vind hoeveel vuurwapens sy wagte het, met die oog daarop om hom dood te maak.

Volgens The Witness, het Zuma se woordvoerder, Zanele Mngadi gesê sy het nie met die president gepraat sodat hy kon verduidelik wie hom wou vermoor en wat die rede daaragter was nie.

Фильчаков Александр Васильевич

Vermeende misdadiger opgelei as sensusbeampte

Melumzi Hina (32), wat beskuldig word van roof met verswarende omstandighede, kon nie sy verhoor bywoon nie, want hy was vir opleiding om een van Suid-Afrika se sensusamptenare te word lui ‘n berig in The Herald.

Port Elizabeth se streekhoflanddros Kenny Cooney was geskok toe Hini se prokureur met ‘n dokument by die hof opdaag wat aandui dat Hina ‘n kursus bywoon om opgelei te word as sensusbeampte.

Cooney het sy ontsteltenis uitgespreek oor die feit dat ‘n persoon wat belas is met so ‘n ernstige oortreding, in diens geneem kan word deur die staat om huise te besoek ten einde burgers se persoonlike inligting te verkry.

Hy het ook sy kommer uitgespreek oor die siftingsproses wat betrokke is in die aanstelling van die sensusamptenare en opgemerk: “Ek persoonlik sal huiwerig wees om toe te laat dat amptenare toegang tot my huis verkry.”

Die saak is uitgestel tot 21 Februarie.

topcargo отзыв