Nuus Archives - Page 1154 of 1583

Koerantwese in Nederland steeds in owerheidsvisier

‘n Vorige Belgiese premier, Yves Leterne, het by geleentheid die vrye pers die vierde, maar nie-amptelike, been van die demokrasie genoem.

Dat koerante te midde van die ekonomiese klimaat, maar ook ander veranderende omstandighede, noustrop trek, het dus by verskeie Wes-Europese lande die bewindhebbers aan die dink gesit.

Dit was veral om opnuut ‘n leeskultuur, en spesifiek ‘n koerantleeskultuur, by jonges te herstel wat die kopkrappery aan die gang gesit het.

Kort na mekaar het die Nederlandse en Franse staatshoofde die gedagte geopper om reëlings in te stel wat daarop sou neerkom dat jong mense vir ‘n bepaalde tyd gratis ‘n koerant van hulle keuse sou ontvang. So is gehoop, sou die leeskultuur reeds gevestig wees, en die jong mense darem minstens weet wat aangaan.

(In Suid-Afrikaanse terme, sou ‘n mens in die versoeking wees, sou die kiesers darem weet wat in die werklike wêreld buite die sepie-wêreld aangaan).

Die jongste inisiatief van die Nederlandse minister van Mediasake, mnr. Plasterk, is om koerante ‘n subsidie te betaal om jong joernaliste “aan te neem.” Jong joernaliste kry moeilik werk, en is ook gou om die trekpas te kry as afleggings plaasvind.

Sy planne pla ander sterk en hy kry die wind van alle oorde behalwe Groen-Links.

Die vrese is dat gevestigde en gesoute joernaliste in die slag kan bly om plek te maak vir staatsgesubsidieerde jonges.

cluedo online

Oprah hou op klets…

Slegte nuus vir verveelde kykers wat die vermoë verloor het om vir hulleself te dink: Die kletskoningin en mediamagnaat, Oprah Winfrey kondig vandag aan dat sy haar wêreldberoemde kekkelprogram gaan staak. Die laaste aflewering sal op 9 September 2011, na 25 jaar opgeneem word.

Winfrey, ‘n swartvrou van Chicago, het haar eie kletsprogramstyl met sappige stories, goeie navorsing en ‘n uitspattige, affektiewe, soms histeriese manier van aanbieding ontwikkel. Sy het hierdie sukses gebruik om haar eie produksiemaatskappy, Harpo, op te rig. Deesdae word sy as een van die magtigste persone in die uitsaaiwese beskou, ‘n status wat gebaseer is op ‘n lojale kykerspubliek wat haar onbeskaamde selfpromovering verslind.

Kykers het toenemend haar produkaanbevelings slaafs nagevolg. Enige toestel met die Oprah-endossement van goedkeuring, was oombliklik ‘n groot sukses. Selfs groot, ikoniese maatskappye was by tye dankbaar vir haar ondersteuning. Apple, byvoorbeeld, was ekstaties toe Winfrey ‘n onmiddellike topverkoper van die I-pod gemaak het met die aankondiging dat sy haar musiek daarop luister. Dit word die Oprah-effek genoem.

Tog is daar aanduidings dat Winfrey se ster aan die verskiet is, veral na sy die onkonvensionele stap geneem het om haar objektiwiteit te versaak en haar volle steun aan Barack Obama as president toe te sê. Obama se presidentskap is besig om in ‘n verleentheid te ontaard en Winfrey se kwynende kykersgetalle is die bewys daarvan.

Volgens ‘n woordvoerder van haar maatskappy gaan sy voortaan op die ontwikkeling van haar eie kabeltelevisiekanaal, OWN, die Oprah Winfrey Netwerk, konsentreer. Sy doen dit in samewerking met Discovery Communications.

Winfrey se gewildheid het , na ‘n hoogtepunt in die laat negentigerjare, skerp gedaal in Suid-Afrika, veral na ‘n debakel waarin sy die sogenaamde “Engel van Soweto” met groot vertoon ondersteun het. Die “Engel” is later ontmasker as ‘n swendelaar wat voorgegee het om na weeskinders om te sien. Sy het ook die Oprah Winfrey Meisiesakademie in Gauteng begin, ‘n peperduur privaatskool vir hoofsaaklik swart meisies wat die een verleentheid na die ander opgelewer het.

In konserwatiewe kringe word gevra of die kwyning van Oprah Winfrey se gewildheid ‘n kentering in die houvas van liberales op die openbare media aandui.

спб

Skenkers waarsku oor hulp aan korrupte Tanzanië

Skenkers het Tanzanië, wat van internasionale skenkings afhanklik is, gister gewaarsku dat stygende korrupsie en swak verantwoording volgende jaar se skenkings aan die land in die gedrang bring.

In die fiskale jaar tot Junie 2010, word 11,4 persent van Tanzanië se begroting, of $831-miljoen regstreeks deur ‘n poel van 14 donateurs bygedra. Dit is onder die hoogste per capita bydra wat deur Afrika-lande ontvang word.

Maar toenemende kommer oor die regering se swak bestuur, ekonomiese beleid en versuim om by ooreenkomste te bly het skenkers daartoe gelei om die afgelope paar jaar minder by te dra as wat hulle onderneem het.

“Swak openbare finansiële bestuur, sowel as korrupsie gaan voort om ekonomiese en sosiale vooruitgang te knelter,” het Pieter Dorst, medevoorsitter van die Ontwikkelingsvennotegroep, tydens ‘n jaarlikse beleidsvergadering met ministers, skenkers en gemeenskapsleiers gesê.

Nederland weerhou tans 30-miljoen euros in algemene begrotingsondersteuning tydens hierdie finansiële jaar.

“My minister het vertroue in die regering van Tanzanië se implementering van beleid verloor,” het hy gesê.

Die toerismeafhanklike land se ekonomie het met ‘n jaarlikse gemiddeld van sewe persent gegroei in die jare van 2001 tot 2008 en tog het armoedvlakke in die land van 40-miljoen skaars gedaal, sê Dorst.

детский сайты

VSA diep bekommerd oor Suid-Afrikaanse opleiding in Guinee

Die Verenigde State is “diep bekommerd” oor verslae dat Suid-Afrikaanse militêre instrukteurs milisie wat deur die regerende junta gesteun word in Guinee oplei, het ‘n Amerikaanse amptenaar gister gesê.

“Die Verenigde State het verslae ontvang van 40 of 50 Suid-Afrikaanse militêre instrukteurs wat milisielede in Guinee, sommiges onder 18, oplei.” het die Staatsdepartementsamptenaar, wat verkies om anoniem te bly, gesê.

Getuies in Guinee sê dat Suid-Afrikaanse asook Israeli weermaginstrukteurs wat deur die junta gehuur is, besig is om rekrute in ‘n kamp in Forecariah, 100 kilometers suid van die hoofstad Conakry, op te lei.

Die Staatsdepartementsamptenaar het gesê: “Ons is diep bekommerd.”Hy het nie die Israeli’s genoem nie.

“Ons beskou hierdie aktiwiteit as ‘n direkte belediging vir die demokratiese aspirasies van die Guinese mense en loodreg teen die pogings van die internasionale gemeenskap om ‘n vreedsame ontknoping van die huidige krisis te bereik en dat dit ‘n berekende skuif van die regerende junta is om mag deur gewapende magte en etniese verdeling te behou,” sê die amptenaar.

Suid-Afrika se Departement van Buitelandse Sake het gister gesê hulle ondersoek verslae dat mense wat as Suid-Afrikaanse huursoldate beskryf word, pro-junta rekrute in Guinee oplei.

Ooggetuies het gesê die nuwe soldate wat deur die junta, wat die mag verlede jaar in Guinee oorgeneem het, gewerf is, in ‘n kamp wat voorheen gebruik is om vlugtelinge van Sierra Leone in Forecariah te huisves, op te lei.

Omtrent 40 militêre instrukteurs was besig om soldate ”wat op grond van hulle etnisiteit gewerf is”op te lei. Hulle behoort aan dieselfde groep as die juntaleier, Kaptein Moussa Dadis Camara, het getuies gesê.

Waarnemers beskuldig die junta, wat onder toenemende internasionale druk verskyn na ‘n uitdelging van 150 opposisielede tydens ‘n byeenkoms in September, daarvan dat hulle jongmanne uit Camara se tuisstreek na aan Liberië en Sierra Leone werf.

Obama antwoord vrae van voorste Kubaanse blogger

Die Amerikaanse president, Barack Obama, het vrae wat deur ‘n bekende Kubaanse blogger ingedien is, beantwoord en gesê hy stel nie daarin belang om met Raul Castro te “praat ter wille van praat nie,” en dat hy nie die eiland sal besoek voordat die kommunistiese regering koers verander het nie.

In ‘n buitengewone geskrewe reaksie op Yoani Sanchez wat internasionaal roem verwerf het omdat sy dit durf waag om haar regering aanlyn te kritiseer, het Obama gesê dit hang van Kuba af of hulle normale verhoudinge met Washington wil hê, en het ook gesê dat ‘n werklike entente van die amper 50-jaar-oue vyandighede “reaksie sal verg van die Kubaanse regering.”

Sy opmerkings het gister op Sanchez se blog, “Generacion Y,” wat soos meeste kritiese webwerwe teenoor die Kubaanse regering geblokkeer is, verskyn.

Sanchez gebruik snydende, dikwels satiriese stukke om ‘n blik op die interne werkinge van die kommunistiese staat te gee, en skryf oor sulke daaglikse ontberinge soos voedseltekorte en spanning wat deur ‘n gebrek aan vryheid van spraak en assosiasie veroorsaak word.

Obama het Sanchez verseker dat die VSA “geen bedoeling het om Kuba binne te val nie,” ‘n Koue-Oorlogkonsep wat invloedryke Kubaanse amptenare steeds benadruk as ‘n moontlikheid.

Obama het sewe vrae van Sanchez beantwoord met meer as ‘n duisend woorde. Sanchez sê hy het in Engels geantwoord maar sy kantoor het ‘n Spaanse vertaling verskaf wat sy ook geplaas het.

Die nuustydskrif, Time Magazine, het Sanchez – wie se woernaal omtrent ‘n miljoen trefslae elke maand kry- as een van die wêreld se 100 mees invloedryke mense aangewys.

pearl hair comb

Manyi dreig strenger SEB-maatreëls

Die direkteur-generaal van die departement van arbeid, Jimmy Manyi, dreig dat die regering strenger sal optree teen maatskappye wat nie voldoen aan regstellende aksie- en breëbasis swart ekonomiese bemagtiging-maatreëls nie. Hy het gister ‘n takvergadering van die ANC-jeugliga in Sandton toegespreek en gesê sy departement is van plan om ‘n klousule in die SEB-wet in te voeg wat die regering sal toelaat om kontrakte van maatskappy wat nie aan die wet voldoen nie te termineer of te weier. Die wet sal teen volgende jaar Junie van krag word.“As jy die wet breek, moet iets gebeur,” het hy gesê. “Nie net besprekings soos ons dit nou het nie, en om hulle te vra om te voldoen nie. Hierdie mooi-mooi houding moet einde kry.”

Many sê maatskappye wat nie voldoen aan die wet nie moet uitgesonder word en “genoem en verdoem” word.

Hy sê dit is sy werk as DG van arbeid om toe te sien dat dit gebeur.

“Ek voer hierdie deel met hartstog uit, so as jou maatskappy nie voldoen nie, moet iets met jou gebeur,” het hy gesê.

Hy was versigtig om te verduidelik dat indiensnemingekwiteit en regstellende aksie nie ‘n “anti-blanke” beleid was nie.

“Blankes mag miskien die groep wees wat die meeste voordeel daaruit trek,” het hy gesê sonder om te verduidelik hoe hy by dié gevolgtrekking uitkom.

Regstellende aksie en Swart Ekonomiese Bemagtiging word deur kenners as die hoofoorsaak van die uittog van blanke kundigheid uit die land uit gesien.

Vlaming eerste president van EU

Die Belgiese premier, Herman van Rompuy, word die eerste president van die Europese Unie. Die 27 EU-leiers het gisteraand op ’n werkdinee in Brussel baie gou eens geword oor sy benoeming.

Van Rompuy (62), ’n ietwat siniese intellektueel en die skrywer van haikoes (’n soort Japanse gedig in bepaalde versvorm), het in Desember verlede jaar Belgiese premier geword nadat Yves Leterme bedank het as gevolg van ’n bankskandaal wat verband gehou het met die destydse finansiële krisis. Van Rompuy, ’n Christendemokraat, is ’n Vlaming wat in Brussel gebore is. Hy is getroud en het vier kinders.

Die vernaamste struikelblok vir sy benoeming was die verset van die Britse premier, Gordon Brown, wat Tony Blair in die nuwe baan wou hê. Die Britte het hul teenkanting laat vaar toe Catherine Ashton, Euro-kommissaris vir handel, benoem is tot “hoë verteenwoordiger vir die buitelandse sake van die EU”, ’n soort Europese minister van buitelandse sake.

Van Rompuy, wat as Belg vloeiend Frans kan praat, is gesteun deur Duitsland en Frankryk. Daar word blykbaar ook gevoel dat iemand wat die ingewikkelde België aanmekaar kan hou, ook goed kan vaar in die nog meer ingewikkelde Europa.

Die naam van die Nederlandse premier, Jan-Peter Balkenende, is ook dikwels as moontlike president genoem. Maar wat teen hom getel het, was dat hy premier is van ’n land wat die Europese grondwet in ’n referendum verwerp het, en wat bowendien die oorlog in Irak gesteun het. Hy word beskou as pro-Amerikaans.

VSA waarsku dat lospryse seerowers aanmoedig

Amerika het by ‘n vergadering van die VN vir ‘n groter poging gevra om seerowery te beveg en teen die betaling van loskoopgeld gewaarsku.

Rosemary DiCarlo, die adjunk-ambassadeur van Amerika het haar bekommernis uitgespreek oor die feit dat die betaling van loskoopgeld ‘n toename in aanvalle op skepe veroorsaak het.

Amerika moedig alle lande aan om ‘n beleid van “geen toegewings” te handhaaf as dit by onderhandelinge met seerowers kom, het DiCarlo gesê.

DiCarlo het gepraat tydens ‘n vergadering waar ‘n nuwe verslag oor die stryd teen seerowery, deur Ban Ki-moon, die VN se sekretaris-generaal, bespreek is.

Volgens Ban se verslag dwing versterkte pogings om seerowery aan die kus van Somalië te beveg, die seerowers nou meer na die Indiese Oseaan.

Ahmedou Ould Abdallah, ‘n afgevaardigde van Somalië het by die vergadering gesê dat die betaal van ‘n loskoopprys, soos wat Spanje vroeër vandeesweek gedoen het, die seerowers net van meer hulpmiddels voorsien om met hul onwettige aktiwiteite voort te gaan.

Intussen het die kaptein van ‘n Virgin-Islands chemiese treiler, vroeër hierdie week aan sy skietwonde beswyk wat hy gedurende ‘n kaping opgedoen het, het ‘n Somaliese seerower Woensdag gesê.

“Die kaptein van die chemiese treiler het gisteraand gesterf weens die skietwonde wat hy gedurende die kaping opgedoen het. Die boot is met die dooie kaptein oppad na Haradheere,” het seerower Mohamed gesê.

Seerowers van Somalië het beslag gelê op dié chemiese tenkskip naby Seychelle, die mees onlangse aanval in die area tussen Tanzanië en die Maledive, het ‘n bron Dinsdag gesê.

Die skip is Maandag noordwes van Aldabra aangeval. Dit is ‘n eiland wat deel uitmaak van die Seychelle eilandsee, maar lê sowat 700 myl van die hoofeiland Mahé en is dus nader aan Tanzanië en Madagaskar.

casino free Данильченко Харьков

Onstuimige weer eis 2 lewens

Twee mense is Donderdag in twee verskillende weerverwante ongelukke in Port Shepstone dood, het SAUK-nuus berig.

‘n 17-jarige skoolkind is dood nadat sy probeer het om ‘n rivier oor te steek op pad skool toe by Kwandlelu.

In ‘n ander voorval is ‘n man dood nadat sy motor in ‘n rivier ingegly het as gevolg van die reën, het ‘n woordvoerder vir vervoer in KwaZulu-Natal gesê.

Die ongeluk het op die P200 pad gebeur, het woordvoerder Bheki Mncube gesê.

“Sy lyk is op P620 naby St Michaelsstrandmeer gevind, nie te ver van waar die voertuig ingegly het nie,” het Mncube gesê.

online casino прокурор Фильчаков

Krygkorhoof geskors

Krygkor het sy uitvoerende hoof, Sipho Thomo, geskors.

Popo Molefe, Krygkorvoorsitter, het Donderdag aangekondig Thomo is geskors ná hy en die raad nie tot ‘n vergelyk kon kom oor die beëindiging van Thomo se tien jaar lange dienstydperk by die maatskappy nie.

“Daar is ernstige aantygings teen hom [Thomo], en geen ooreenkoms kon bereik word om sy diens te beëindig nie. Daarom het die raad besluit om hom te skors,” het Molefe gesê.

Thomo sal steeds sy salaris en maatskappyvoordele ontvang.

Molefe het gesê die skorsing sal voortduur terwyl die maatskappy op dissiplinêre stappe besluit.

Die stappe kom nadat Molefe verlede week aan LP’s gesê het Thomo is deur die direksie gevra om te bedank.

Volgens inligting is daar reeds ’n geruime tyd grootskaalse ongelukkigheid by Krygkor oor die uitvoerende hoof se onverbiddelike bestuurstyl.

Thomo het egter vasgeskop teen ’n vrywillige ontruiming van sy kantoor omdat hy geen waarborge oor ’n skeidingspakket of goue handdruk het nie.

Sipho Mkwanazi, Krygkor se algemene aankopebestuurder, sal as uitvoerende hoof waarneem totdat die geskil met Thomo opgelos is.

Мордвинов Фильчаков прокурор