Kategorie: Nuus

Seewrowerery langs die kus van Somalië sal uitbrei na ander dele van die kontinent, tensy dringende ingrypings gemaak word om dit te stop, het Justisieminister Jeff Radebe Dinsdag gewaarsku. 
  
“As ons toelaat dat so ‘n onwettige aktiwiteit posvat in ‘n deel van Afrika, stuur ons ‘n ope uitnodiging uit om dit te versprei na ander dele van Afrika,” het hy by ‘n Afrika Renaissance-konferensie in Durban gesê. 
  
Die konferensie is bygewoon deur afgevaardigdes van verskeie Afrika-lande.
  
Radebe het gesê dat Suid-Afrika homself nie kan verbly in die feit dat die lang roete om Kaapstad as ‘n lewensvatbare alternatief oorweeg word vir die Somaliese kusroete nie, wat geteister word deur die seekapers.
  
Die inkomste en status vir Suid-Afrika moet verwelkom word, maar dit kom teen ‘n verlies vir ‘n ander Afrika-land.
  
Radebe het gesê dat daar ‘n dringende behoefte bestaan om regstegniese medewerking met die Afrika-Unie se lidlande uit te brei. 
  
“Diegene van ons wie se regspraak meer gevorderd is, moet bereid wees om raad te gee oor hoe ander hulle s’n moet verbeter binne die raamwerk van Afrika-regspraak,” het hy gesê. 
  
Die konferensie is ook bygewoon deur die Minister van Binnelandse Sake Nkosazana Dlamini-Zuma, minister van Vervoer, Sibusiso Ndebele en KwaZulu-Natal premier dr. Zweli Mkhize.

Dlamini-Zuma het gesê dat daar ‘n behoefte bestaan onder swartes om mekaar soos broers te behandel.
  
Daar moes ‘n einde gemaak word aan die mentaliteit onder Suid-Afrikaners dat swartes probleme beteken.
  
“Apartheid het die situasie waar swartes uitgehou is en ander soos die Europeërs en wit Amerikaners as positief gesien is, geskep,” het sy gesê.
  
Dlamini-Zuma het gesê sy sou graag paaie en spoorlyne wil sien tussen alle Afrika-lande om die ekonomie en toerisme te stimuleer.

‘n Treinrit, plus ‘n busrit sal R22.50 van Sandton na Marlboro kos, van Sandton sal dit R27 na Rhodesfield wees en R24.50 van Marlboro tot Rhodesfield, sê die Gautrein-bestuursagentskap en Bombela konsessiemaatskappy in ‘n gesamentlike verklaring. 
  
Sonder die busreis sal die kaartjie goedkoper wees met R6. Reise na die lughawe van enige van hierdie stasies sal ook R100 beloop.
  
Hierdie roetes open almal op 8 Junie.
  
Parkering by ‘n stasie kos R9.50 vir die eerste 24 uur of deel daarvan so lank as wat die trein ook gebruik word. Iemand wat slegs vir die gebruik van die parkering inry, sal “wesenlik” meer moet opdok.
  
Die trein- en busdiens loop van Maandag tot Sondag 5:30-20:30, elke 12 minute gedurende spitstye (5.30 om 08:30 en 4 tot 19:00) en elke 20 minute buite spitstye.
  
Pendelaars sal toegang tot hierdie dienste hê met ‘n “Contact smart card”. Dit R10 kos en krediet soos nodig kan daarop gelaai word.
  
“Hierdie tariefbeleid is daarop gemik om die Gautrein aantreklik en bekostigbaar te maak vir groot dele van die bevolking sonder om met bestaande vorms van openbare vervoer mee te ding.” 
  
Gautrein-tariewe “is tipies laer” as ‘n private voertuig vir dieselfde reis, maar duurder as die gebruik van bestaande minibus taxi’s, Metrobus of Metrorail.

Die ANC-jeugliga (ANCYL) se nasionale kantoor het beweringe ontken dat hulle Dullah Omar-tak beplan om Kaapstad te vandaliseer. 

“Noem jy jouself ‘n joernalis?” het Floyd Shivambu, ANCYL-woordvoerder, aan ‘n Sapa-verslaggewer gevra. “Hoe kan jy sulke leuens versprei?”

Die jeugliga se Dullah Omar-tak het vroeër ‘n beroep op sy jong lede in die Wes-Kaap gedoen om Kaapstad te vandaliseer omdat hulle ontevrede is oor swak dienslewering. 

“Ons gaan alles verwoes en die stad onregeerbaar maak,” het Loyiso Nkohle, die Dullah Omar-tak se sekretaris, gesê.

“Ons doen ‘n beroep op die jeug om dit te doen, veral daardie wat in die plakkerkampe woon.” 

Nkohle se adjunk, Chumile Sali, het gesê hulle sal dit doen om te wys waar die Demokratiese Alliansie (DA) misluk het met dienslewering.

“Die inwoners van Makhaza en Khayelitsha kan maklik die N2-hoofweg sluit en die stad vandaliseer,” het hy gesê.

‘n Polisieman en ‘n klerk is in hegtenis geneem nadat hulle glo ‘n aandeel in die verdwyning van sowat 98 vuurwapens by die Nanda-polisiestasie in KwaZulu-Natal gehad het, het die polisie Dinsdag gesê. 

“Die adjudant-offisier en die klerk is Maandagaand in Nanda in hegtenis geneem,” het brig. Phindile Radebe, polisiewoordvoerder, gesê.

Die polisie het ondersoek ingestel nadat hulle inligting ontvang het dat die twee verdagtes vermoedelik betrokke was by die verdwyning van die vuurwapens.

Verskeie ander verdagtes sal na verwagting ook in hegtenis geneem word.

Die twee verdagtes sal Woensdag in die Verulam-landdroshof verskyn.

Twee mans wat ‘n skoolbussie gekaap het deur hulself voor te doen as polisiebeamptes is in Atteridgeville vasdgetrek, het die polisie Dinsdag gesê. 

Die mans het glo in ‘n Volkswagen Golf rondgery wat soos ‘n polisievoertuig gelyk het, toe hulle Maandag die skoolbussie in Akasia voorgekeer het. 

Volgens ao. Daniel Mavimbela, polisiewoordvoerder, het die bestuurder reeds die skoolkinders afgelaai toe die mans hom gestop het. 

Die polisie het die voertuig in Atteridgeville opgespoor. Twee verdagtes, onderskeidelik 22 en 40 jaar oud, is in hegtenis geneem.

Die polisie hoop om binnekort nog verdagtes vas te trek.

Die woord “uhuru” versier tans ’n koppie reg langs die N8-hoofroete buite Bloemfontein. Die slagspreuk is met klippe wat wit geverf is deur swart soldate, uitgepak.

Uhuru beteken vryheid in Swahili, en word algemeen gebruik om swart vryheid van wit oorheersing te beskryf. Dit is ontleen aan die guerillastryd wat die Mau-Mau in Kenia in vanaf 1952 teen wit koloniste gevoer het.

Wit boere en Britse regeringskantore is destyds deurlopend deur die Mau-Mau aangeval. Ten spyte van die Britte se pogings om selfs swart bendes op te lei om teen die Mau-Mau op te tree en nagenoeg ‘n miljoen simpatiseerders in kampe aan te hou, het Kenia nietemin in 1963 onafhanklik geword.

Soldate van 14SA Infanteriebataljon van Umtata het Vrydag die klippe teen die koppie uitgepak en is met weermagvoertuie en verf aangery vir die doel. 

Die eenheid gaan binnekort in die Demokratiese Republiek van die Kongo (DRK) ontplooi word as vredesoldate.

Boere en verbygangers in die omgewing van De Brug is ontstoke oor die woord wat teen die skuinste pryk en sê in die lig van toenemende plaasaanvalle en misdadigheid, is die woord ‘n uiters ongelukkige anti-wit gebaar deur die Suid-Afrikaanse weermag.  

Volgens Siphiwe Dlamini, hoofwoordvoerder van die departement van verdediging, is ene Nkululeko Hlatisi, tans in polisie-aanhouding nadat hy homself ses maande lank as ‘n sersant voorgedoen het in die Suid-Afrikaanse lugmag, berig Beeld.

Hy was onder ’n alias in diens van die lugmag. Hy het in sy hoedanigheid as sersant vryelik toegang tot die opera­sionele sentrum gehad, waar alle reisplanne van die staatshoof, sy gades en personeel en hooggeplaaste buitelanders hanteer word.

Dit is nie bekend wie aan hom ’n toegangspermit uitgereik het nie. Hlatisi het onder die naam sers. Xolane Zwane gewerk.

Dlamini het gesê ’n interne ondersoek is tans aan die gang om vas te stel hoe Hlatisi aan sy pos gekom het.

Intussen is ook uit ander bronne verneem dat veiligheidsmaatreëls by militêre lughawens veel te wense oorlaat.

‘n Span buitelanders het onlangs ‘n nagtelike besoek aan só ‘n lughawe gebring, hulself van toerusting bedien en selfs van die militêre toerusting aangeskakel.

Hulle het die lughawe weer verlaat sonder dat hulle teenwoordigheid glo opgemerk is.