Joodse kinders by Franse skool geskiet

Vier mense is dood nadat ‘n gewapende man voor ‘n Joodse skool in ‘n stad in die suidweste van Frankryk op hulle losgebrand het, het ‘n staatsaanklaer in Toulouse Maandag gesê.

Ooggetuies en ouers van die leerlinge het vroeër gesê ‘n onderwyser en drie kinders is onder die slagoffers. Dit is die derde skietvoorval van sy soort in ‘n week.

Die drie kinders, van 3, 6 en 8 en ‘n onderwyser is Maandagoggend by die skool Ozar Hatorah in Toulouse doodgeskiet, het Michel Valet gesê.

Yossi Gal, Israel se ambassadeur in Frankryk het hom na Toulouse gehaas om die gesinne by te staan. Die Franse president, Nicolas Sarkozy was ook vanoggend op die toneel.

Die president het Dinsdag vir ‘n minuut stilte gevra. Nog mense is gewond in die voorval, waarvan twee ernstig.

Die skieter het op ‘n wit bromponie weggejaag, het ‘n polisiebeampte wat graag anoniem wou bly, in Parys gesê.

‘n Oogetuie en onderwyser, Franck Califa, het gesê hy het nie trane nie want hy is te geskok. Twee wapens is in die aanval gebruik; ‘n 9mm sowel as ‘n outomatiese 11.43-kaliber.

Die polisie het die privaatskool in die noordooste van Toulouse afgesper en die kinders was twee uur ná die skietvoorval steeds in die skool vasgekeer. Die voorval het 08:10 plaasgevind. Polisiehelikopters is oor die stad ontplooi.

Die skietery het in dieselfde omgewing gebeur waar ‘n gewapende man Donderdag op ‘n motorfiets op drie valskermsoldate by ‘n bank in Montauban losgebrand het. Twee soldate is in die voorval dood en die ander een is gewond.

Vier dae vroeër het ‘n gewapende man op ‘n motorfiets ‘n ander valskermsoldaat in Toulouse doodgeskiet.

Owerhede het intussen gesê dieselfde wapen is in die voorvalle in Montauban en Toulouse gebruik.

Dit is nog nie bekend of die drie voorvalle met mekaar verband hou nie. Die president asook opposisiepartye het aangekondig dat die verkiesingveldtog vir eers tot stilstand sal kom.

Фильчаков прокурор отзывы

Kindersoldate? Waar?

Die verskynsel van kindersoldate, soos volksmoord, slawerny en marteling, lyk soos een van daardie gruwelike misdade wat geen land enigsins kan verdedig nie, behalwe blykbaar… die Obama-administrasie.

Die kwessie van kindersoldate, soos in Oeganda, is weereens in die spervuur nadat die Kony 2012-video en die vervaardigers daarvan hoofnuusopskrifte gehaal het om die bevelvoerder van kindersoldate, Joseph Kony, te stuit.

Die VSA het vroeër reeds menseregtegroepe verstom deur ‘n verbintenis te systap om lande te help om die militêre uitbuiting van kinders te bekamp.

President Obama het ‘n presidensiële memorandum wat kwytskeldings toestaan onder die Wet op die Voorkoming van Kindersoldate in vier lande geteken: Tsjad, die Demokratiese Republiek van die Kongo, Soedan en Jemen. Die memo-opdrag aan Hilary Clinton was dat dit in die VSA se “nasionale belang” is om militêre hulp aan daardie lande te bly verskaf, ten spyte van hul versuim om te voldoen aan die reëls wat die Kongres gestem het en deur George W. Bush in 2008 onderteken is.

‘n Dawerende “ja” vir kindersoldate uit die pen van President Obama? ‘n Withuiswoordvoerder het verduidelik dat dit ‘n strategiese besluit was om die druk van die 2008-wet te verlig. Die rasionaal is dat dit lande geleidelik van die praktyk sal speen, eerder as om hulle te isoleer.

Volgens die Christian Science Monitor, sê die woordvoerder “hierdie lande het die regte beleid in plek … maar sukkel om dit reg te implementeer.” The New York Times berig dat administrasiewoordvoerders ook aangehaal word wat meen dat dié betrokke lande ‘n belangrike rol in die wêreld se teen-terrorisme pogings speel.

Wat globale menseregte betref, het die VSA in gebreke gebly om dit oral konsekwent te ondersteun, en het talle vergrype eenvoudig geïgnoreer, ook talle menseregte protokolle.

Die Konvensie oor die Regte van die Kind is een so ‘n dokument. Human Rights Watch wys daarop dat “slegs die Verenigde State en Somalië – wat geen funksionerende nasionale regering het nie – in gebreke gebly het om die verdrag te bekragtig.” Die VSA het wel twee opsionele protokolle bekragtig in 2002, ivm kindersoldate en ander vorme van uitbuiting.

In 2006 het die Internasionale Komitee van die Rooi Kruis 59 kinders in aanhouding tydens die 16 besoeke aan vyf plekke van aanhoudings-of interneringskampe in Irak deur die VSA en die VK geregistreer.

Amerikaanse militêre arrestasies van die kinders daar het van ‘n gemiddeld van 25 per maand in 2006 gestyg tot ‘n gemiddeld van 100 per maand uiteindelik.

In Augustus 2007 het die VSA by Dar al-Hikmah, ‘n nie-residensiële fasiliteit wat bedoel was om onderwys te verskaf vir 600 gevangenes tussen die ouderdomme 11-17, ‘n geskatte 100 kinders selfs uitgesluit van deelname in die program, blykbaar op die gronde dat hulle “ekstremiste” en “onredbaar” was.

Олександр Васильович Фільчаков

Spioenasie getransformeer sê CIA-direkteur

Wanneer mense ‘n film aflaai of inskakel op die webradio, kan hulle afgeloer word en die afloerders sal presies weet wat hulle doen en waar hulle is.

Spioene sal nie meer afluisterapparaat in jou huis hoef te plant nie. Die opkoms van “aanlyn-beheer” deur apps sal beteken dat mense self hul eie huise bedraad vir spioenasie, sê CIA-direkteur, David Petraeus.

Die CIA beweer dat hulle in staat is om vanaf hierdie toestelle via die internet te weet wat aangaan en dalk selfs via radiogolwe van buite die huis.

Generaal David Petraeus, voormalige hoof van die geallieerde magte in Afghanistan, is ingesweer as die nuwe direkteur van die CIA op 6 September 2011.

Alles van afstandbeheerders tot radiowekkers kan nou beheer word via apps, en die elekroniese skyfievervaardiger ARM het onlangs hul goedkoper mikroskyfies wat in alles van yskaste en stowe tot deurklokkies gebruik word, onthul.

Aanlynbeheertegnologie sal die CIA in staat stel om mense te lees soos ‘n boek, sê CIA-direkteur David Petraeus, volgens ‘n onlangse verslag deur Wired se “Danger Room”-blog.

Petraeus sê aanlynbeheertegnologie het die kuns van spioenasie “getransformeer”, sodat spioene mense outomaties kan monitor sonder om tegnologie te installeer, in te breek en die risiko van betreding te loop. Selfs nie die aantrek van ‘n tuxedo om ‘n partytjie te infiltreer, is meer nodig nie.

“‘Transformasie’ is ‘n woord wat baie gebruik word, maar ek glo dat dit baie van toepassing is op hierdie tegnologie,” het Petraeus gesê.

“Veral die uitwerking daarvan op klandestiene inligtingsversameling. Items van belang sal ondersoek word, geïdentifiseer word, gemonitor, en afstandbeheer word deur middel van tegnologie soos radiofrekwensie-identifikasie, sensornetwerke, klein ingeboude bedieners, en energiestropers gedoen. Dit alles is moontlik danksy die volgende generasie internet met behulp van ‘n oorvloed lae-koste en hoë-energie rekenaars. “

Petraeus het gepraat by ‘n waagkapitaalmaatskappy oor die nuwe tegnologie wat daarop gemik is om verwerkers en webverbindings in “dom” huishoudelike toestelle soos yskaste, oonde en beligting te gebruik.

Hierdie week, het een van die wêreld se grootste mikroskyfiemaatskappye, ARM, ‘n nuwe verwerker bekendgestel, gebou om in wit goedere te werk.

Die ARM-skyfies is kleiner, laer-aangedrewe en baie goedkoper as die vorige verwerkers. Hulle is ontwerp om die internet toegang te gee tot byna elke soort elektriese toestel .

Dit blyk dat die gevaar van rekenaars nie hulle kunsmatige intelligensie is nie, maar wel die inligting wat hulle oor ons “lek”.

Futuriste maan dat aanlyntoestelle die internet sal vertel waar jy is en wat jy doen ten alle tye. Dit sal gekarteer word deur rekenaars mbv Google Maps.

Groepe wat privaatheid monitor soos die Electronic Frontier Foundation het reeds gewaarsku dat ligginggewingsdata misbruik kan word.

Александр Фильчаков

Vloot gaan ‘hulpbronne’ bewaak

Die SA Vloot gaan die land se kuslyn patrolleer om mariene hulpbronne te beskerm, volgens ‘n berig Maandag.

Minister van landbou, bosbou en visserye, Tina Joemat-Pettersson, het hierdie moontlikheid bespreek met haar verdedigingseweknie Lindiwe Sisulu, volgens die Cape Times.

Met ‘n ooreenkoms wat in beginsel bereik is, sal die saak verder geneem word deur die landbou-direkteur-generaal Langa Zita en vise-admiraal Refiloe Johannes Mudimu.

Smit Amandla Marine sou die kuslyn patrolleer het tot aan die einde van die maand, wanneer sy kontrak verstryk.

Joemat-Pettersson het in November aangekondig dat Sekunjalo Investments Bpk se kontrak van R800 miljoen toegeken is om mariene patrollievaartuie in staatsbesit in stand te hou. Die kontrak is later teruggetrek en word tans ondersoek deur die Openbare Beskermer Thuli Madonsela.

Die landbou-departement se woordvoerder Selby Bokaba het aan die koerant gesê dat die bedrywighede egter sal voortgaan vanaf 1 April.

“Die enigste verskil is dat die vaartuie wat besit word deur die departement, nie beman sal word deur Smit Amandla Marine nie. Daar sal nie ‘n vakuum wees nie.”

Suid-Afrika is die enigste land in die gebied wat oor die nodige middele beskik om die seerower-gevaar in die Indiese Oseaan die hoof te kan bied.

Vise-adm. Johannes Mudimu, hoof van die Suid-Afrikaanse vloot, het vroeër gesê Suider-Afrikaanse vennote “het net nie die bates om hiermee te kan help nie”.

Suid-Afrika is deel van ‘n streektaakspan, wat Mosambiek en Tanzanië insluit, wat seerowery langs die kus bekamp.

Seerowery hetverder suid van Somalië uitgebrei soos internasionale taakspanne hul slaankrag om dié land verhoog het.

 

Фильчаков прокуратура харьков

Rassistiese twieter vasgevat

Die Britte, wat voorheen ‘n spierwit epaaier bestuur het waar selfs Afrikaners nie “wit” genoeg geag is nie, wil die wêreld evangeliseer oor rassegelykheid.

‘n Man is in hegtenis geneem omdat hy glo ‘n rassistiese twiet oor ‘n swart sokkerspeler wat by ‘n wedstryd inmekaargesak het, uitgestuur het.

Bolton Wanderers se Fabrice Muamba het tydens hul FA Cup kwart-finaal by die White Hart Lane in London op 17 Maart 2012 in duie gestort.

Die wedstryd is laat vaar nadat Muamba in die stryd teen Tottenham Hotspurs ineengesak het.

Terwyl Muamba veg om sy lewe in die hospitaal na ‘n hartstilstand, het die Suid-Wallis-polisie gesê ‘n man wat na bewering ras-aanstootlike opmerkings gemaak het, word in Swansea-Sentraal aangehou.

Die polisie sê ‘n 21-jarige man van Suid-Wallis is vroeër Sondag vasgetrek.

Voormalige sokkerspeler Stan Collymore het volgelinge Saterdag op TV versoek nie rassistiese kommentaar oor Muamba of enige swarte te twiet nie en sulke twiete dadelik aan die polisie te rapporteer.

данильченко юрій броніславович компромат

Malema kap ‘magsdronk’ ANC

Julius Malema, leier van die ANC-Jeugliga, het Sondag “magsdronk” ANC-leiers wat hul kiesers minag, gekritiseer.

Malema het gesê sommige leiers het arrogant geraak weens die mag wat die massas aan hulle gee. Hy het gewaarsku teen nog ‘n Polokwane-verkiesingskonferensie, wat gelei het daartoe dar Thabo Mbeki moes uittree as president.

“Moet nooit die massas een voor wees nie,” het Malema aan ‘n jubelende skare jeugdiges in Kimberley gesê. Baie van hulle was uitgedos in die nuwe drag vir ekonomiese vryheidsvegters, naamlik ‘n swart beret.

Voordat Malema die skare toegespreek het, het Shadrack Tlhaole, voorsitter van die ANCYL in die Noord-Kaap, Kgalema Motlanthe as leier en Fikile Mbalula as sekretaris-generaal van die ANC gesalueer.

Tlhaole het Jacob Zuma, ANC-president, gevra om nie in die openbaar kommentaar te lewer oor die dissiplinêre prosesse van Malema en ander Jeugliga-leiers nie.

Die provinsiale voorsitter van die ANC, John Block, is ook by die “saamtrek vir ekonomiese vryheid” verwelkom. Block is, ten spyte van sy wit naam, ‘n swartman.

Block het gesê die ANCYL is ‘n wettige organisasie van die ANC en is nie verban nie.

“Die ANC moet nie weghardloop vir die ANC-Jeugliga nie.”

Malema het die ANC-strukture in die provinsie geprys vir hoe hulle die beleërde Block ondersteun. Block word ondersoek vir bedrog.

“Die dae is nou donker en die vriende is min,” het Malema gesê. “Julle stuur ‘n sterk boodskap van vertroue aan die res uit deur nie weg te hardloop van Block af nie.”

Malema het Block en die provinsiale ANC-leierskap ook geprys daarvoor dat hulle nie bang is vir “politieke melaatsheid” nie, deurdat hulle ondersteuning getoon het by Sondag se vergadering.

Malema het gesê die ANC is gevorm vir ekonomiese vryheid weens grondonteiening deur “setlaars”.

“Die res [stemreg] het na die tyd gekom, maar fundamenteel het dit gegaan oor ekonomiese vryheid en die eenheid van swartes.”

Met verwysing na die ANC se dissiplinêre optrede teen hom en ander Jeugliga-leiers het Malema gesê die ANC kan nie sy kinders straf omdat hulle aktief is nie.

Hy het gesê wanneer ‘n kind “deurmekaar” is, moet die ouer hom of haar help.

“Ons kritiseer die ANC, ons kritiseer onsself en niemand moet dit persoonlik opneem nie.”

Oor werkloosheid het Malema gesê die jeug het ‘n verantwoordelikheid om die ANC weer in lyn met die Vryheidsmanifes te bring.

Hy het gesê die jeug moet veg vir die nasionalisering van myne en die onteiening van grond sonder vergoeding.

“Alle revolusionêre liedjies praat oor grond, nie oor blou ligte nie.”

Shadrack Tlhaole, voorsitter van die ANC-jeugliga in die Noord-Kaap, het vroeër met burgeroorlog en moord gedreig as iemand aan Malema raak.

Tlhaole is lid van die jeugliga se nasionale uitvoerende komitee en dien in die Noord-Kaapse uitvoerende komitee van die ANC.

Tlhaole het die umKhonto weSizwe-veteranevereniging (MKVA) in KwaZulu-Natal gekap omdat hulle Woensdag gesê het Malema sou voor ‘n vuurpeloton gesterf het in die struggle-dae.

Tlhaole het met burgeroorlog in antwoord daarop gedreig. “As dít gebeur, sal die hele Suid-Afrika daarvoor vergelding vra. Hulle soek ‘n burgeroorlog.”

Tlhaole sê die jeugliga in die hele Suid-Afrika steun Malema. Hy het pres. Jacob Zuma se uitlatings verlede week dat die jeugliga ‘n nuwe leier moet kies wanneer Malema se appèlproses afgehandel is, verwerp.

депутат лобановский

Pasop vir internetswendelaars!

Internet-gebruikers moet op die uitkyk wees vir ‘n internasionale telefoonbedrogspul wat toelaat dat volle toegang tot hul rekenaars verkry word.

Die Weekend Argus berig dat slagoffers ‘n oproep op hul landlyn kry van iemand wat beweer om ‘n Microsoft-werknemer te wees, en hulle vertel van ‘n rekenaarprobleem.

Die swendelaars beweer dan dat die slagoffer se rekenaar foutboodskappe stuur en korrupte lêers wat dit kan beskadig bevat.

Volgens die verslag, word die gebruiker gelei na ‘n program met die naam Microsoft Event Viewer, wat foutboodskappe vertoon. Hulle word dan vertel om na ‘n webwerf te gaan en sagteware af te laai om die probleem op te los.

Sommige Suid-Afrikaners was reeds slagoffers van die bedrogspul, wat volle beheer van die rekenaar aan die swendelaars verskaf, teen ‘n £185 sterling-fooi nog op die koop toe.

Microsoft is bewus van die bedrogspul, en sê dit is nie beleid om sulke oproepe aan sy kliënte te maak nie.

прокурор харьковской области

N2 gesluit weens oproer

Die N2 tussen Grabouw en Somerset-Wes in die Wes-Kaap is vir verkeer gesluit nadat inwoners van die Slangparklokasie oproerig begin raak het.

Dit volg op verlede week se onrus in die Wes-Kaap wat ook hoofroetes geraak het.

Die skare het twee klaskamers by Groenberg High School in die dorp aan die brand gesteek, vensters gebreek en ‘n stoorkamer geplunder, het polisiewoordvoerder kaptein Frederick van Wyk gesê.

“Die situasie is baie gespanne,” het hy gesê.

Van Wyk het gesê die polisie het probeer om vasstel wat tot die onrus gelei het wat oorgespoel het op die snelweg in die nag en die padsluiting tot gevolg gehad het.

Die polisie is steeds op die toneel.

Volgens die RSG-verslaggewer gooi hulle klippe en is motorbande aan die brand gesteek. Hulle is glo ontevrede omdat die departement van Onderwys die skool gesluit het.

Die inwoners het twee weke gelede na die skool opgeruk en geëis dat die departement optree omdat die skool oorvol is. Die departement het nog nie met die gemeenskap vergader nie.

Alle verkeer in die rigting van die Suid-Kaap word via Gansbaai herlei.

topcargo кидалы

Kony 2012 se vervaardiger haak uit

Die vervaardiger van Kony 2012 en stigterslid van Invisible Children is Donderdag in hegtenis geneem vir masturbasie en dronkenskap in die openbaar, volgens die San Diego Police Department.

Jason Russell, 33, is opgemerk waar hy in die openbaar masturbeer, motors vandaliseer en moontlik onder die invloed van ‘n dwelm verkeer, volgens die SDPD. Hy is in hegtenis geneem by ‘n besige kruising in die stad.

‘n Video-opname van Russell, naak, waar hy vreemd optree versprei tans soos ‘n veldbrand. ‘n SDPD-woordvoerder het bevestig dat Russell baie eienaardig opgetree het.

Daar word bespiegel dat Russell dalk onder die invloed van ‘n aantal dwelms kon gewees het wat hy met sy nuutgevonde rykdom kon bekostig.

Lt Andra Brown het gesê: “Tydens die evaluering het ons besef dat dit waarskynlik nodig is om hom na ‘n mediese fasiliteit te neem as gevolg van die toestand waarin hy was.”

Polisie het gesê hulle het Donderdag verskeie oproepe ontvang om 11:30 van ‘n kaal man wat deur verkeer hardloop en skree.

Russell is ná die voorval na ‘n mediese sentrum geneem.

Invisible Children se uitvoerende hoof Ben Keesey het in ‘n verklaring ná 01:40 Vrydag gesê:

“Jason Russell is ongelukkig in die hospitaal en ly aan uitputting, dehidrasie, en wanvoeding. Hy ontvang mediese sorg en is gefokus op beterskap. Die afgelope twee weke het ‘n ernstige emosionele tol op ons almal, Jason, veral, geëis en gemanifesteer in ‘n ongelukkige voorval gister.”

Sy vrou het gesê dat Kony 2012 ongekende aandag geniet en dat Russell oorweldig is.

Intussen is ‘n foto ook vrygestel wat die veldtog se vermeende pasifisme onder verdenking plaas, aangesien die Invisible Children-organiseerders met aanvalswapens in Suid-Soedan tesame met soldate poseer. Oegandese amptenare het Russell se stellings voorts veroordeel en gesê Kony is al jare lank nie meer in die land nie.

Russell het voorheen aan NBC-SanDiego verduidelik hoe die beweging by die organisasie se hoofkwartier in San Diego ontplof.

“Daar is honderde en duisende propagandastukke vervaardig – plakkate, plakkers, knope, t-hemde, en ons is besig om dit te verpak en oor die hele wêreld te stuur,” het Russell in ‘n onderhoud op 8 Maart gesê.

Nadat miljoene dollar binne enkele dae ingestroom het, ter ondersteuning van die veldtog, vrees die organiseerders dat die goue gans nou nek omgedraai is.

 

данильченко юрій броніславович

Geboukaper wag al vier jaar op verhoor

Die beweerde baasbrein agter ‘n Johannesburgse sindikaat wat geboue in die stad se middestad kaap, gaan in April vir bedrog verhoor word, bykans vier jaar nadat hy gearresteer is.

Sinethemba Mkhumbuzi word beskuldig van bedrog wat verband hou met die verkoop van Angus Mansions in Jeppestraat in Johannesburg se middestad, het die Saturday Star berig.

Angus Mansions was ‘n deeltitel-eiendom wat deur Philani-Ma Afrika besit word. Dit is ‘n gesubsidieerde skema wat deur die Gautengse regering bedryf word om minderbevoorregte mense te help om as kollektief die besit van die gebou oor te neem.

Mkhumbuzi en sy mede-beskuldigdes prokureur Kenneth Ntila word beskuldig daarvan dat hulle Angus Mansions onregmatig verkoop het en byna R3.5 miljoen uit die onwettige transaksie gemaak het.

Die twee sal na verwagting in die Johannesburgse landdroshof op 10 en 11 April verskyn.

Mkhumbuzi is in hegtenis geneem in 2009 by sy Bassonia-huis wat na raming R2.8 miljoen werd is. Hy is sedertdien in aanhouding by die Johannesburgse gevangenis, volgens die koerant.

Hy word verdink van die kaping van meer as 10 geboue in die Johannesburgse middestad, insluitend ‘n ander hoë gebou, Dolphin Square in Joubert Park.

Данильченко Харьков