Nuus Archives - Page 1148 of 1583

Swapo se greep dalk verslap

Namibië se regerende party gaan moontlik sy greep op die land verslap sien met die uitdaging van ‘n wegbreekparty wat ook aan die verkiesing deelneem.

Pres. Hifikepunye Pohamba was Vrydag van die eerste stemgeregdigdes wat sy kruisie getrek het.

Pohamba se SWAPO-party het die nuwe opposisie verwerp en gesê die verkiesing sal ‘n oortuigende oorwinning vir dié land se voormalige guerrilla-beweging beteken.

Altesaam veertien partye sal meeding vir stemme van die ongeveer 1,2 miljoen geregistreerde kiesers uit ‘n bevolking van byna 2 miljoen.

Namibië se voormalige minister van buitelandse sake, Hidipo Hamutenya, hoop om SWAPO se absolute meerderheid met sy Rally for Democracy and Progress (RDP) party, wat in 2007 gestig is, ‘n knou toe te dien.

Pohamba is persoonlik deur dié land se eerste demokraties verkose president, Sam Nujoma, as sy opvolger gekies.

Lojaliteite teenoor Nujoma en sy party is steeds sterk en die regering word geprys vir die daarstelling van ‘n vreedsame en stabiele demokrasie, maar daar heers toenemende kommer oor SWAPO se houvas op die land.

Stemmery het volgens berigte glad verloop tot dusver, alhoewel ‘n paar logistieke probleme op plekke aangemeld is.

Die verkiesingskommissie van Namibië moes ook die getal geregistreerde kiesers laat hersien, nadat opposisie partye dié syfer van 1,36 miljoen kiesers, uit ‘n bevolking van 2 miljoen, bevraagteken het aangesien 50% van die bevolking onder die ouderdom van 16 jaar is.

Stemme sal nou ook vir die eerste keer by die stemlokale self getel word om knoeiery deur partye hok te slaan.

Die stembriewe is ook in Suid-Afrika herdruk na dit aan die lig gekom het, dat ‘n maatskappy wat deur SWAPO besit word, die stembriewe gedruk het.

Daar is altesaam 987 stemlokale en 580 mobiele-stembusse wat voorsiening maak vir die land se bevolking wat wyd oor ‘n ongenaakbare landskap versprei woon.

Die uitslae sal vanaf Maandag bekend gemaak word.

Zim-vliegtuig verongeluk in China

‘n Zimbabwiese vragvliegtuig wat op ‘n Chinese lughawe verongeluk het, het drie bemanningslede se lewens geëis.

Volgens die Xinhua-nuusagentskap het Sjanghai se munisipale inligtingskantoor die drie ongevalle bevestig. Die kantoor het ook gesê een ander bemanningslid is ernstig beseer. ‘n Verdere drie het ligte beserings opgedoen.

Die vliegtuig se stert het die grond getref terwyl dit besig was om op te styg vanaf Sjanghai se internasionale lughawe.

Die vliegtuig het van die aanloopbaan afgegly en in vlamme opgegaan.

‘n Pakhuis op die lughaweterrein het ook tydens die voorval aan die brand geslaan.

Die ongeluk Saterdagoggend het plaasgevind terwyl die vliegtuig op pad was na Bishkek, die hoofstad van Kirgistan.

Die vliegtuig het aan die Zimbabwiese maatskappy Avient Aviation behoort, maar die onderskeie nasionaliteite van die bemanning is nie bekend nie.

Die Zimbabwiese ambassade in Beijing was nie Saterdag beskikbaar vir kommentaar nie.

для бани topcargo

Petrolprys styg

Motoriste het Vrydag slegte nuus gekry wat hul vakansieplanne kan bederf.

Die departement van minerale en energie het bekend gemaak dat die petrolprys volgende week met 27c per liter gaan styg.

Die kleinhandelprys van diesel met ‘n swaelinhoud van 0,05% gaan met 25c per liter styg. Die prys van diesel met ‘n swaelinhoud van 0,005% gaan met 26c per liter verhoog word.

Die groothandelprys van paraffien gaan met 29c per liter styg.

excalibur прокурор Фильчаков

Doebai-krisis ontketen wêreldwye geldvrese

Vrese oor ‘n gevaarlike nuwe fase in die ekonomiese krisis het gister om die wêreld geswiep soos wat handelaars gereageer het oor die skokaankondiging dat ‘n skulddeurtrokke Doebai staatskorporasie nie in staat was om sy renterekening te vereffen nie.

Aandele het getuimel, swak geldeenhede is gekasty en meer as $14-miljard is van die waarde van Britse banke uitgewis as gevolg van vrese dat hulle gekwes gelaat sal wees deur nuwe verliese.

Senuweeagtige handelaars het die fokus van hulle angs oorgedra van die risiko van maatskappye wat vou na die risiko van nasiestate wat in verstek bly om hulle skuld te betaal. Beleggers wat geld geskuld word deur Meksiko, Rusland en Griekeland het agtergekom wat die prys is om hulleself teen die verstekvuurpyl te verseker.

Hoewel die omvang van Doebai se skuld relatief beskeie is teen $80-miljard, het die onsekerheid die markte op hol gejaag, met niemand wat seker is wie die krediteure is nie. Verskeie banke het hulle gehaas om verklarings uit te reik om beleggers te verseker dat hulle blootstelling gering is.

Die FTSE 100 het met 171 punte tot 5,194 getuimel – die grootste val in een dag die afgelope agt maande, tydens een van die bewerigste dae in die geldmarkte sedert die dieptes van die bankkrisis.

Die Tesourie, die Bank van Engeland en die Finansiële Dienste Gesag hou gebeure fyn dop en dring op syfers van Britse banke oor hulle leningsblootstelling aan Doebai aan.

Volgens ‘n senior regeringsamptenaar word Dubai se krisis as beskeie en hanteerbaar vir Brittanje beskou, maar daar is toenemende vrese dat Abu Dhabi, die olieryk naburige emiraat wat in die verlede reddingslenings toegestaan het, Dubai aan sy lot sal oorlaat.

Dubai World, die korporasie wat deur die staat besit word, het die paniek Woensdag ontketen deur op ‘n pasmarkering van hulle rentebetalings aan te dring, en het die luim laat versleg toe hulle ‘n telekonferensie met hulle verbandhouers gekanselleer het, met die verskoning dat die telefoonlyne oorlaai is.

blackjack strategy

Atoomenergiehoof erken dat Iran-ondersoek op dooiepunt is

Die uittredende hoof van die Internasionale Atoomenergie-agentskap het gister gesê dat sy ondersoek na Iran se kernprogram op ‘n doodloopstraat uitgeloop het en dat vertroue in Teheran se geloofbaarheid krimp na die Iraniërs se uiteindelike erkenning dat hulle ‘n kernfasiliteit in die geheim bou.

Mohamed El Baradei se prontuit kritiek van die Islamitiese Republiek – vier dae voor hy die amp ontruim – was opvallend daarin dat dit grootliks saamvloei met die mening in Washington, wat vir jare krities was jeens die IAEA-hoof vir wat hulle gesien het as sy sagtheid teenoor Iran.

Iran moes ook afkeur uit ‘n ander oord tydens die openingsessie van die IAEA se 35-volke raad verduur, met die voorstel van ‘n resolusie wat Teheran aanspreek oor ‘n breë reeks kwessies wat verband hou met internasionale kommer dat dié land beplan om kernwapens te vervaardig.

Vir strategiese en ekonomiese redes het Moskou en Beijing hulleself in die verlede by Teheran geskaar. Hulle het verskeie Westerse pogings om sanksies op Teheran oor dié se houding oor kernsake te implementeer, verhoed, of die strengheid daarvan afgewater.

Hulle het nie die vorige IAEA-resolusie wat krities jeens Iran was in 2006 bekragtig nie. Hulle ondersteuning vir die dokument tydens die byeenkoms in Wene reflekteer dus die breë internasionale ontgogeling met Teheran.

Dit wil voorkom asof dit ‘n sein vir moontlike ondersteuning van enige nuwe Westerse druk vir ‘n vierde stel Veiligheidsraadsanksies is, indien Teheran sou voortgaan om internasionale toenadering, wat veronderstel is om ooreenkomste te bereik om kommer oor die land se kernprogramme te verminder, te vermy.

Eskom kry hulp van Afrika-ontwikkelingsbank

Die Afrika-ontwikkelingsbank, AfDB, het Donderdag ’n lening ter waarde van €1.86 biljoen, oftewel R21 miljard, aan Eskom toegestaan om ’n kragprojek te finansier wat Suid-Afrika en die streek se energievoorsieningskapasiteit ’n aansienlike hupstoot sal gee.

“Suid-Afrika se kragkrisis was tot dusver ‘n groot struikelblok vir Afrika se ekonomie,” het Donald Kaberuka, die president van AfDB Donderdag in‘n verklaring gesê.

“Die bank is bly om by die projek betrokke te wees.”

“Die stap moet gesien word as deel van die bank se volgehoue pogings om Afrika te help om die gaping in die infrastruktuur van die land te oorbrug,” het hy gesê.

Die Medupikragtasie in Limpopo, sal na verwagting teen 2012 begin krag lewer.

Behalwe Medupi, is Eskom besig met talle ander herwinbare energieprogramme.

In totaal beloop die koste van die projek sowat R 126 miljard.

Dit sal grootliks deur ekwiteitskapitaal van 53% gedra word en nagenoeg 47% sal deur lenings gefinansier word.

печи для

Bruce Fordyce skel op ‘n ‘coconut’

Beeld berig dat ’n niggie van die voormalige hoof van die Ekurhuleni-metropolisie, Robert McBride, haar tot die menseregtekommissie, MRK, gewend het nadat die bekende Comrades-kampioen Bruce Fordyce, haar glo ’n “coconut” genoem het.

Roberta McBride beweer die geskel en beledigings het tydens ’n partytjie in Parktown-Noord plaasgevind.

Fordyce het, terwyl hy nog deelgeneem het, met die dra van ‘n swart rouband tydens ‘n Comradeswedloop ter ondersteuning van die ANC in 1981, vir groot omstredenheid gesorg.

Lees die berig hier.

Фильчаков

Massaselfmoordgroep op Facebook ondersoek

Die polisie in Hong Kong soek na ‘n internetgebruiker wat glo tieners aangemoedig het om massa-selfmoord te pleeg.

Die stap volg nadat ‘n 15-jarige lid van dié groep probeer het om homself dood te maak.

Nagenoeg 190 mense het reeds by die groep, ‘Ek moet selfmoord beoefen’, aangesluit, wat tieners aanmoedig om hul eie lewens op 21 Desember te neem.

Die groep se onbekende skepper het egter boodskappe op die sosiale netwerk Facebook geplaas en gesê dat die groep net ‘n grap was.

Lede van die groep was veronderstel om te gesels oor maniere om dood te gaan, het hy geskryf.

“Ek moedig hulle nie aan om selfmoord te pleeg nie.”

Die groep is intussen van Facebook verwyder, nadat die plaaslike media daaroor berig het.

Polisie het hul ondersoek begin nadat klasmaats ‘n tienerseun gekeer het om homself van die skool se dak af te gooi. Die seun het ook aan die groep behoort.

free money топкарго

Bus bars in vlamme uit, 10 dood

Minstens tien mense het gesterf en 24 passasiers is ernstig beseer nadat ’n bus in vlamme uitgebars het.

Die bus het begin brand nadat dit in ‘n kettingbotsing met verskeie ander voertuie in Molotoweg, Pretoria, betrokke was, volgens paramedici.

Sover vasgestel kon word, is nege passasiers in die bus doodgebrand.

“Daar is tot dusver 24 passasiers wat tydens die voorval beseer is, sommige van hulle ernstig,” het Chris Botha van Netcare 911 gesê.

“Paramedici, talle brandbestryders en die polisie is tans op die toneel besig om die situasie te beheer.

Molotoweg is tans vir verkeer gesluit.

справки купить

Uitvoerende amptenare met miljarde beloon vir bankineenstortings

Die uitvoerende hoofde van Bear Stearns en Lehman Brothers, die twee beleggingsbanke wat verlede jaar tydens die finansiële ineenstorting gevou het, het met honderde miljoene dollars in kompensasie weggestap selfs terwyl die maatskappy se aandeelhouers alles verloor het, sê ‘n nuwe verslag van die Harvard Law School.

Die boonste vyf uitvoerende amptenare by Bear Stearns het ‘n totaal van omtrent R10-miljard uit bonusse en effekteverkope tussen 2000 en 2008 gemaak, terwyl die boonste vyf uitvoerende amptenare by Lehman Brother ongeveer R7-miljard in dieselfde tydperk gemaak het – die tydperk waartydens die maatskappy swak beleggings gemaak het wat hulle in 2008 sou laat in duie stort, volgens “The Wages of Failure” ‘n verslag van die Harvard Law School se Program oor Korporatiewe Bestuur.

“Die mense wat in hierdie maatskappye belê het, behoort verraai te voel,” het Nell Minnow, ‘n kompensasiedeskundige by die Korporatiewe Biblioteek, aan NBC se Lisa Myers gesê. “Die hele idee van kapitalisme is dat die mense die kapitaal sal voorsien en dat die uitvoerende amptenare daarna sal kyk vir ons. In hierdie geval het mense die kapitaal verskaf en die amptenare het dit geneem.”

Bear Stearns se uitvoerende hoof, James Cayne, het persoonlik amper R2,8-miljard in die tydperk wat die bank se ineenstorting voorafgegaan het, gemaak, terwyl Lehman Brothers se uitvoerende hoof Richard Fould omtrent R3,7-miljard gemaak het. Bloomberg nuusdiens merk op dat “aandeelhouers wat hulle aandele dwarsdeur hierdie tydperk wat in die verslag onder die loep geneem word, gehou het, het meeste van hulle aanvanklike beleggings verloor.”

NBC se Myers het uitgewys dat beide Cayne en Fuld deur aandeelhouers gedagvaar is.

CNBC se sake-aanbieder, Jim Cramer, het aan NBC se Matt Lauer gesê dat die korporatiewe kultuur wat tot die ontsaglike bonusse en finansiële intuimeling gelei het, nie sommer net gaan weggaan nie. “Wat gebeur met hierdie mense? Niks,” sê Cramer. “Hulle het die geld gekry, hulle het padgegee… Hulle het daarmee weggekom, so hoekom sal die volgende ou dit nie probeer nie?”

для шиномонтажа