Nuus Archives - Page 1095 of 1583

‘Ons is bruin, nie wit nie’

Vraag nommer 9 op die jongste Amerikaanse sensusvorm het Latyns-Amerikaanse burgers aan die kopkrap.

Jessica Valenzuela, ‘n onderwyseres van Avondale, is maar een geval. “Ek weet nie wat om te antwoord nie,” sê sy.

Die vraag is aan watter ras die invullers van die huishouding behoort. Die keuses is wit, swart, Indiaans, Alaskaboorling, verskeie Asiese groepe, Hawaii-boorling, Suid-See eilander asook “‘n ander soort ras”.

Valenzuela, soos baie mense, weet nie mooi waar sy inpas nie.

“Heel duidelik is ek nie wit nie,” sê Valenzuela, 37. “Ek is Latyns-Amerikaans of Meksikaans, maar vir seker nie wit nie.”

Die sensus tel wel Latynse Amerikaners. In vraag 8 moet invullers aantoon of hulle “Latyns, Meksikaans of Spaans van oorsprong” is. Federale amptenare beskou glo Meksikaans as ‘n etniese kategorie eerder as ‘n ras.

Maar diegene wat “ja” antwoord in vraag 8, weet nie hoe om vraag 9 te benader nie.

Sensusraadgewer en sosiologie leerkrag aan die Universiteit van Californië-Riverside, Prof. Swanson sê die kwessie is al lank reeds ‘n probleem.

“In 1930 se sensus het Meksikane hulleself as ‘n afsonderlike ras beskou,” sê Swanson. In die 2000-sensus het 48% van Meksikane hulleself as wit verklaar terwyl 42% gedink het hulle behoort aan “‘n ander soort ras”

Latynse en Meksikaanse inwoners beskou hulleself toenemend egter as slegs Latyns-Amerikaans. ‘n Uitsondering is diegene wat as “Chicano’s” wil bekendstaan.

Dikwels neem Latynse Amerikaners die Sensuskantoor kwalik omdat hulle nie tussen bruin en wit onderskei nie. Hulle wil baie gevalle liewer bruin wees en identifiseer nie met wit nie.

прокурор Фильчаков

Plaasaanvalle en moorde woed onverpoos voort

Vyf mense is oor die naweek wreed in hulle woning in Jagersfontein in die Vrystaat aangeval met messe en grawe.

Boet (80) en Francina (77), broers Marius (44) en Marthinus (35), en broerskind Juan (13)Van Vuuren is in hul huis in Harringtonstraat deur ses swart mans wat die huis binnegedring het, verwoed geskop en geslaan.

Mev Van Vuuren is tans in ‘n koma in die hoësorgeenheid van die Pelonomi-hospitaal.

Boet en Marius wat albei in rolstoele is, is ewe erg aangerand.

Die huis was ‘n bloedbad toe hulp uiteindelik opdaag.

‘n Boer is ook verlede week in sy bed in sy huis op sy plaas naby Potchefstroom doodgeskiet. Paramedici sê die man (46) is noodlottig gewond toe skote deur sy kamervenster gevuur is.

“Hy het menigte skietwond aan die linkerkant van sy rug opgedoen. Sy beserings was noodlottig,” het Vanessa Jackson, woordevoerder vir ER24, Sondag gesê.

Die man se pa, wat ook in die huis was tydens die voorval, is nie beseer nie.

Polisie in die Noordwes wou nie kommentaar lewer nie.

Die lyk van ‘n boer wat reeds besig was om te ontbind is ook die naweek in Thabong gevind, het polisie in die Vrystaat Maandag gesê.

Die man het geen sigbare beserings gehad nie en dit was onbekend hoe lank sy lyk op Memoranda Plaas gelê het, het insp. Malebo Khosana gesê.

Sy identiteit was ook nog nie bekend nie.

‘n Nadoodse ondersoek sal uitgevoer word.

Cope en ANC raak slaags

Twee hutte is die naweek in Clermont in Durban afgebrand tydens betogings deur ANC-ondersteuners, het polisie van KwaZulu-Natal Maandag gesê.

“Niemand is beseer nie en ons weet nie aan wie die hutte behoort het nie,” het supt. Vincent Mdunge gesê te midde van gerugte dat dit aan lede van Cope behoort het.

Die polisie kon Sondag nog nie die voorval bevestig nie.

Polisielede het met rubberkoeëls op ANC-betogers losgetrek nadat hulle onwettig byeengekom het. Die skare het daarna die polisie met klippe bestook.

“Sowat 600 ANC-lede het slagspreuke geskree in Clermont en Cope-lede het dit as ‘n soort bedreiging ervaar en die polisie genader om in te tree,” het Mdunge gesê.

“Dit was ‘n onwettige betoging en daar is gepoog om die massa mense uiteen te jaag, maar daar was geen samewerking nie.”

Die openbare orde-polisiëringseenheid is ingeroep en daar is herhaaldelik probeer om die groep te verdeel, maar betogers het die polisie geïgnoreer.

“Rubberkoeëls is gebruik en gevolglik het hulle begin om die polisie met klippe te gooi. Hulle het mettertyd begin uiteengaan en geen beserings is aangemeld nie.”

Cope het in ‘n verklaring gesê dat betogers huise en winkels wat aan hulle lede behoort aan die brand gesteek het.

Daar word verneem dat die probleem ontstaan het nadat Cope beplan het om ‘n tak in die gebied oop te maak.

Volgens Mdunge was die omgewing Maandag stil voor ‘n vergadering tussen die ANC, Cope, die gemeenskap-polisieforum en plaaslike polisie.

Menseregtedag gevier met ‘Skiet die boere’ en nasionalisering

Julius Malema, ANC-Jeugleier meen dat ‘wit boer’ joernaliste ‘n sameswering teen hom voer, het 702 eyewitness news Maandag berig.

Malema het jeugdiges tydens Menseregtedag in Mafikeng toegespreek, en ‘wit boer’ joernaliste gekritiseer en beweer dat hulle ‘n persoonlike vendetta teen hom koester.

Die radiostasie berig dat Malema aan toeskouers gesê het dat wit joernaliste niks van die vryheidstryd af weet nie.

Hy het ook gesê dat swart joernaliste word onderdruk.

Malema het gesê dat die Sharpeville-voorval van 1960, waar die polisie altesaam 69 mense doodgeskiet het omdat hulle teen paswette betoog het, is deur die ANC georganiseer maar later deur die PAC gekaap.

Volgens Malema moet burgers die regte geskiedenis van die land leer.

Hy het sy oproep onder luide toejuiging herhaal dat die myne genasionaliseer behoort te word en gesê dat inwoners van Mafikeng die minerale van hul streek behoort te besit.

Malema het sy toespraak voor sowat 2 000 mense singend afgeskop met “Skiet die Boere”. Hy het die strydlied beskryf as een van die vryheidsliedere van die Sharpville-era en daarom gepas.

Hy het wit Afrikaanse joernaliste daarvan beskuldig dat hulle nie die ANC of hul vryheidstryd ken nie, nie skryf nie wat die Jeugliga sê nie en ook nie luister nie.

Swart joernaliste skryf glo weer nie hul eie berigte nie, en hul name word skynbaar deur redakteurs gebruik om inligting wat nie van die swart joernaliste self afkomstig is nie, te publiseer.

‘Malema se lewe in gevaar’

Jackson Mthembu, die ANC se nasionale woordvoerder, het Vrydag gesê die VF+ se “Vervolg Malema”-veldtog stel Julius Malema se lewe in gevaar en kan tot sy “teregstelling” kan lei.

Die regerende party meen regses word deur die Mulders opgesweep om plaasmoorde te wreek deur die jeugligaleier te teiken.

Die ANC gaan die VF+ na die gelykheidshof neem nadat die party sy veldtog van stapel gestuur het.

Dr. Pieter Mulder, adjunkminister van lanbou en leier van die VF+, het Vrydag aan Die Burger gesê hy is stomgeslaan oor die ANC se reaksie

“Ons wil Malema nie dood hê nie, anders as die lied wat hý sing dat ‘Boere doodgeskiet’ moet word.”

Mthembu hou egter vol dat die VF+ ’n persoonlike wrok teen Malema hou en dat hy “beswadder” en “geïsoleer” word. Die ANC sê die VF+ skep ’n gunstige omgewing vir “waansinnige verregses” om Malema aan te val.

“Ons sal hulle verantwoordelik hou,” het Mthembu gewaarsku. “Hulle verbind hom met plaasmoorde. Dis belaglik. Wie weet watter verregses wag om wraak te neem?”

Mthembu het benadruk dat geen hof die “Kill the Boer”-lied onwettig verklaar nie.

no download no

Duisende betoog teen oorlog in Washington

Duisende betogers het na Washington opgeruk en daarop aangedring dat die regering Amerikaanse troepe in Irak en Afganistan onttrek.

Die betogers se woede was meestal op Pres. Barack Obama gerig.

Ten minste agt mense is na die afloop van die betoging in hegtenis geneem.

“Arresteer die krimineel!”, het Cindy Sheehan, ‘n aktivis wat deelgeneem het aan die betoging, geskree.

Sy is een van die agt mense wat in hegtenis geneem is.

Sheehan het tydens ‘n saamtrek voor die optog aan die skare gevra of die “wittebrood nou verby is vir die oorlogmisdadiger in die Withuis”.

Haar uitlating het matige applous uitgelok.

Ander betogers was effens meer goedgesind teenoor die president.

“Ons is lief vir jou Obama, maar jy kry bloed op jou hande”, was op een betoger se plakaat geskryf.

Ralph Nader, ook ‘n aktivis, het aan die skare gesê dat Obama in werklikheid ‘n voortsetting van die Bush-administrasie is en dat enige ander siening onnosel is.

Obama se gewildheid is die laagste wat dit nog ooit was sedert hy die Withuis betree het.

online betting games лобановский депутат

‘Hoekom geld menseregte nie vir almal nie?’

“Hoekom geld menseregte nie vir almal nie?” is die vraag wat die VF Plus-jeug vandag tydens ‘n stil-protesaksie buite die Appèlhof in Bloemfontein aan die ANC-regering gestel het.

Die VF Plus-jeug het aangedui dat dit die eerste van ‘n reeks beplande aksies is. ‘n Groep VF Plus-jeuglede het vandag buite die Appèlhof met hul hande vasgemaak deur kettings en hul monde toegeplak, gestaan. “Dit simboliseer die feit dat die Afrikanerjeug uit die land gedryf word deur kwotastelsels en regstellende aksie en dat ons regte oral ingeperk word,” het Jan van Niekerk, Nasionale Jeugleier van die VF Plus gesê.

“Die jeug is moeg daarvoor om steeds soveel jare na die afskaffing van apartheid, ‘n prys daarvoor te moet betaal,” het Van Niekerk gesê. Van Niekerk het verduidelik dat die VF Plus-jeug genoodsaak is om teen die regering te protesteer. “Dit is onaanvaarbaar dat die ANC nou die rassistiese haatspraak van Julius Malema regverdig. Die ANC en die regering moet besef dat apartheid verby is en dat hulle nou moet ophou om te diskrimineer en te onderdruk,” het Van Niekerk bygevoeg.

Meer as 70 000 gegradueerde Afrikaners verlaat die land elke jaar, meestal as gevolg van die regering se rassistiese wetgewing en beleide; van die ongeveer 2500 enkelmedium Afrikaanse skole in 1994, is daar minder as 300 oor en sowat 352 per 100 000 boere word jaarliks wreedaardig op plase vermoor. Die VF Plus-jeug glo dat daar nie oor menseregte gepraat kan word, wanneer groep-, taal- en kultuurregte geïgnoreer word nie.

Die VF Plus-jeug eis dat die regering nou daadwerklik begin om regstellende aksie en kwotas af te skaf. Van Niekerk sê dat Suid-Afrika nooit vooruitgang sal sien so lank as wat daar slegs op die verlede gefokus word en die probleme van die hede geïgnoreer word nie.

Die VF Plus-jeug is die enigste stem wat die Afrikanerjeug verteenwoordig, aangesien die VF Plus die enigste politieke party is wat daadwerklik teen kwotas en regstellende aksie gekant is.

Wat maak die ANC by Sishen?

Die VF Plus neem met afkeur kennis van die ANC regering se onophoudelike magsmisbruik om op omstrede wyse by vryemarkondernemings betrokke te raak, so sê mnr Jaco Mulder VF Plus hoofwoordvoerder vir Handel en Nywerheid.

Dit volg na die aankondiging deur die Minister van Minerale Sake dat Imperial Crown Trading 289 die derde party geword het wat prospekteerregte verkry het vir ystererts by Kumba Yster se myn te Sishen.

Mnr Andrew Hendricks, die eggenoot van die voormalige minister van Mineraal- en Energiesake, Minister Lindiwe Hendricks is ingesluit op die raad van Imperial Crown. Ander direkteure sluit in Monica Ripepi, wie se besigheid dit is om rak maatskappye op te stel en te verhandel, Mabelindile Luhlabo en Prudence Zerah Mtshali.

Mtshali het voorheen ‘n administratiewe pos beklee by Luthuli Huis en dien ook op direksies van ‘n aantal privaat maatskappye. Sy was ook in 2009 in die nuus na ‘n beweerde romantiese verbintenis met Adjunk President Kgalema Motlanthe wat deur hom ontken is.

Die departement het die mynregte aan die vorige houer van die reg ArcelorMittal SA toegeken, wie versuim het om te voldoen aan die vereiste aansoek om die reg van ‘n ou orde reg na ‘n nuwe orde mynreg in te dien, soos vereis deur die Wet op die Ontwikkeling van Mineraal- en Petroleum bronne. In terme van dié wet, het die reg toe die staat as voog van Suid-Afrikaanse mineraleregte toegeval.

ArcelorMittal SA het R2.8 miljard betaal vir 21.4 persent aandeel in die Sishen myn. Die Sishen ystererts maatskappy het as mynkontrak-maatskappy vir ArcelorMittal SA opgetree terwyl Kumba die oorblywende 78.6 persent van die maatskappy besit.

In hierdie proses word die Suid-Afrikaanse vryemarklandskap, de facto in ‘n kommunistiese ekonomiese stelsel verander, waar oneffektiewe en onkundige sentrale besluitneming, mededingendheid laat taan. Dit kan Suid-Afrika gevolglik in ‘n mislukte staat laat opeindig waar die reële inkomste, naamlik dit wat jy met jou geld kan koop, minder gaan wees as voor 1937, net soos in Rusland.

Net soos ANC betrokkenheid by Chancellor House en Eskom sedert 2004, pryse van elektrisiteit met oor die 200% opgejaag het, en die land sonder voldoende krag gelaat het vir die volgende 15 jaar, asook ‘n land sonder ‘n enkele effektief-funksionerende munisipaliteit, gaan die ANC se inmenging in Sishen uiteindelik ook die doodsteek van die betrokke nywerheid in Suid-Afrika beteken het Mulder gesê.

Die betrokkenheid van die ANC in ‘n bestuurshoedanigheid by enige vorm van onderneming in Suid-Afrika lei tot uiters nadelige gevolge vir beleggers, dienslewering, die publiek, en die uiteindelike nie-lewering van goedere en dienste.

Volgens Mulder poog die ANC om die kommunistiese eksperiment van Rusland te herhaal wat op skouspelagtige wyse oor ‘n tydperk van 70 jaar sedert 1917 misluk het en Rusland vandag armer gelaat het as voor 1937. Die ANC het bloot nie die bestuurskundigheid om hulself as individue te bestuur nie, en ook nie kleiner ondernemings soos munisipaliteite nie.

ANC betrokkenheid by die vryemark is gedoem uit die staanspoor, aangesien die ANC nie oor die vermoë beskik om winsbejag en doelmatige bestuur van ondernemings te laat slaag nie.

Die VF Plus voorspel die einde van nog ‘n groot Suid Afrikaanse industrie vanweë die tipe inmenging van die ANC in die vryemarkstelsel.

Beleggers behoort hul investering in die industrie te heroorweeg.

DA probeer opposisiepartye insluk

“Indien die naweek se poging in Kaapstad om ‘n verenigde opposisie-front teen die ANC daar te stel opreg is, sal dit nie beperk word tot ‘n eksklusiewe groep van slegs vier partye nie. Dan sou dit werklik inklusief wees, tensy daar ‘n verskuilde agenda is ingevolge waarvan net sekere partye wat die DA hoop om in te sluk betrek word. Die voorgestelde resep is duidelik ‘n verkeerde resep,” het dr. Corné Mulder, VF Plus-hoofsweep gesê.

Dr. Mulder se reaksie volg op die besluit van die OD, DA, COPE en UDM om hierdie naweek ‘n nasionale konferensie wat deur die OD byeengeroep is in die Kaapstadse Internasionale Konferensiesentrum (Kiks) te hou om oor nouer samewerking te beraadslaag.

“Daar moet verder kennis geneem word dat die breë Afrikaanse en Christelike gemeenskappe nie welkom is in die voorgestelde nuwe front wat die DA hoop om met COPE, die ID en die UDM te vorm nie. Dit is belangrik om daarop te let dat die DA by monde van sy provinsiale leier, mnr. Theuns Botha, daarop aandring dat die VF Plus nie hierby betrek mag word nie omdat die VF Plus se pro-Afrikaanse en Christelike benadering vir die DA onaanvaarbaar is. Netso word die ACDP wat ‘n Christelike party is ook deur die DA die deur gewys,” het dr. Mulder bygevoeg.

Die naweek se poging om ‘n verenigde front van opposisiepartye teen die ANC daar te stel, is te eksklusief en uitsluitend om werklik ‘n verskil te maak. Die verskuilde agenda van die DA om sekere opposisiepartye in die proses in te sluk, sal kiesers nie net weer frustreer nie, maar dit sal ook onsuksesvol wees.

“Daar is geen rede hoekom die proses nie inklusief kan wees nie. Die proporsionele kiesstelsel maak dit juis moontlik. Dit is duidelik dat die DA hier met ‘n poging besig is om die ID, die UDM en COPE te probeer insluk in ‘n vergrote DA,” het dr. Mulder bygevoeg.

feathered frenzy

FIFA boelie Kulula

Fifa het die lugredery Kulula beveel om ‘n advertensie wat sê dat hulle die “nie-amptelike lugredery vir die jy-weet-wat” is terug te trek, het The Star Vrydag berig.

Die lugredery het op Twitter gesê: “O gats, ‘n brief van Fifa se prokureurs sê dat ons hulle handelsmerk met die gebruik van ‘Suid-Afrika’ verbreek het en hulle dink ons nie-WB advertensie was oor sokker…

“Selfs die gebruik van ons nasionale vlag was ‘n kwessie. Dit is absoluut verregaande. Ons het ons land, sy simbole en ons ekonomie aan Sepp Blatter afgeteken.”

Amptelik het die lugredery gesê dat hulle “verras” was om ‘n brief van die sokker-beheerliggaam te ontvang wat daarop aandring dat hulle die advertensies terugtrek.

“Hulle het gesê ons kan nie die Kaapstad-stadion gebruik nie, ons mag nie sokkerballe of ‘Suid-Afrika’ gebruik nie. Die gebruik van die nasionale vlag word ook nie toegelaat nie,” het Nadine Damen, Kulula se bemarkingsbestuurder, gesê.

“Ons kan geen verwysing maak na die Wêreldbeker-sokkertoernooi nie. Hulle het ook vir ons gesê dat ons nie die vuvuzela, wat uit ons oogpunt ‘n verteenwoordiging van die mense van Suid-Afrika is, gebruik nie. “

мультики игрушки